76

🐾 BARRISTER SUHAIL 🐾

Mallakar

KHADIJA WRITES

YOUNG TALENTED WRITERS ASSOCIATION

(YOTA)

⸻

💖 Dedicated To My Mom 💖

⸻

بِسْمِ اللهِ الرَّحْمٰنِ الرَّحِيْمِ

🅿️-----76 

Suhail bai sake matsa mata ba

Ya san idan ya ƙara magana a wannan lokacin, wataƙila zai ƙara dagula mata zuciya ne kawai

Motar ta ci gaba da tafiya cikin nutsuwa

Sai ƙarar tayoyin motar da kuma sautin AC ne kaɗai suke tashi

Lokaci zuwa lokaci Suhail kan sace kallonta

Har yanzu kanta na sunkuye

Hawayen da take sharewa a ɓoye ba su daina zuba ba

Bayan kusan awa guda suka shiga cikin garin Abuja

Kai tsaye gida ya nufa

motar na tsaya a harabar gidan, Iman ba ta jira ya buɗe mata ƙofa ba

Da kanta ta buɗe

Ta fito

Ta nufi cikin gidan ba tare da ta waiwayi inda yake ba

Suhail ya fito daga motar ya zaro trolley ɗinta daga boot

A hankali ya bi bayanta

ko da ta shiga falon babu kowa dakin yayi shiru

ta nufi nata dakin da shigar ta ,ta maido kofar ta saka key 

koda ya karaso kofar dakin da mamaki yaji kofar a bude 

hannunsa ya dora kan handle 

"Iman"

jin shiru ya sake kira amman 

taƙi ta amsa

"Iman na san kina fushi,na san na miki laifi amman hukuncin ya isa haka bana so ki fara hukunta kanki sabo dani"

koda taji Muryar sa wasu sabbin hawayen suka soma zuba

ganin bazata buɗe ba ya juyo ya ajiye trolley din ya tafi

ya soma jin haushin Abinda take masa 

saida ta tabbatar da ya tafi ta buɗe kofar 

ta dauko trolley din ta 

ko kallon ledar Abincin batayi ta koma gado ta kwanta

bayan kwana biyu

tunda Ranar idanun Suhail dana iman basu kara haduwa ba 

ya zama tsakanin sa da ita sai wasan ɓuya 

bata fitowa daga daki sai ta tabbatar daya tafi wajen aiki 

haka da zarar ya dawo take shiga daki ta kulle kanta 

sossai abu ke damun Suhail shi kansa cikin kwanakin har wata rama yayi 

yau ma kamar kullum Suhail ya tafi office iman ta fito daga dakin ta nufi Kitchen dan sama wa kanta abinda zata ci 

tea ta haɗa ta soya kwai guda biyu ta doro akan plate ta fito

tun daga nesa ta hangi zeenah zaune kan kujera tana bare ledar cingum da cin sa har ya zame mata dabi'a

tun daga nesa take kare ma iman kallo wanda ba komai a cikinsa face raini 

har tazo taza wuce zeenah ta ce"Hmmm,haka dai aka iya kullum ci Wallahi da nice ke da tuni na jima da barin gidan nan tunda na ƙasa ba mijina Abinda yake so miji baya ta taka amman ka nace ko dan ba laifin ki bane ki na tsoron komawa cikin tuwo da miyar kuka da aka baro"

iman ta yi gaba ba tare da ta kula ta 

"juya kawai"

kamar Daga sama iman taji zeenah ta kirata da juya duk har ranta taji zafin Maganar amman ta shanye 

Karo na farko idanunta suka sauka cikin na Zeenah

murmushi tayi mai ciwo ta ce"ni bazan kula mutun marar tarbiya irin ki ba zeenah"

dandan nan fauskar zeenah ta chanza

iman ta nuna kanta ta ce"Ni Allah bai bani haihu Amman ya bani tarbiyya"

ta nuna zeenah ta ce"ke kuma sai ya baki cikin da kike taƙama dashi kuma ya hanaki tarbiyya iya zama da mutane"

a fusace zeenah ta ce"mi kike nufi"

Iman ta ce"Mutum mai tarbiyya ba ya shiga gidan wani yana neman ya raba shi da matarsa"

“Mutum mai tarbiyya ba ya yiwa mutane  gori da abin da ba ita ta halitta kanta da shi ba"

“Mutum mai tarbiyya ya san cewa haihuwa Allah ke bayarwa"

Ta ɗan yi shiru

Sannan ta ce cikin ƙarfi murya ta ce"tarbiyya iyayen ke badawa amman saida kash banga Alamar sun baki ba,ko da sun baki batayi aiki akan ki"

zeenah ta zaro idanun 

"Ke yar talaka ce, ko za'a hada Ku duka danginku ba za ku kai matsayin iyayena ba, Mutun cin mahaifina yafi kam matsiyata irinku kina da bakin magana"

"Arziki daga Allah yake, tarbiyya kuma daga iyaye Na fi alfahari da tarbiyyata fiye da dukiyar da zasu mallaka"

iman ta ce"niko nake da bakin magana Saboda kin tsallake iyaka"

"ki jini kuma ki sani ba tsoranki nake ji ba"

"duk abinda,kike min a baya ina shanyewa bana kulaki saboda kwanciyar hankali mijin mu,amman ki sani tura ta kai bango anzo gaɓar da bazan iya jura rashin hankalin ki ba"

"Ba kuma zan ƙara bari ki raina ni ba"

“Idan kina son zaman lafiya, ki bar ni da mutuncina"

“Idan kuma kina son tashin hankali…”

Ta kalli Zeenah ido cikin ido

“To ki sani ni ba yarinyar da za ki ci zarafinta ba ce ta kyaleki tunda naga alamar duk kara da nake miki baki gani ba shasha kawai wanda har yanzu hankali bai gama ratsa ki ba"

Zeenah ta ɗaga hannu cikin fushi zata mare ta 

dai-dai lokacin Suhail na shigo wa

"zeenah" ya kira sunan ta da karfi

iman ta kama hannun ta da karfi ta wurga 

ta nuna ta da yatsa"wannan shine babban kuskuren da zaki aikata duk Ranar da wannan kazamin hannun naki yayi ƙoƙarin rabar jikina a Ranar zaki ga real color din na"

"Ki gyara halayenki kafin ki zo kina raina mutane"

ko ta kan tea da egg din bata bi ba ta koma daki 

“Suhail ya tsaya cak Karon farko tun da ya auri Iman, ya ga wannan ɓangaren nata Ba iya  fushin ya ba shi mamaki ba… sai yadda ta kare mutuncinta cikin ƙarfin hali "

Suhail ya nuna zeenah da yatsa ya ce"kinga Abinda kika jawa kanki ko,tun Yarinyar tana baki girman ki har ta daina"

zeenah ta ce"haka ma zaka ce"

Suhail ya ce"ai iya gaskiyar kenan"

kwafa tayi ta shige daki 

Mutanen iman fa anyi baki🥺🤪 

da alama fa kamar aikin malan na soro ya fara karyewa wallahi da kyar nake muku typing🥱😭

dan Allah ku kara komawa wajen wani

Comment ɗinku zai nuna min ko Iman ta yi daidai ko kuma ta yi tsauri😂❤️”

share 

like 

and comment