84

🐾 BARRISTER SUHAIL 🐾

Mallakar

KHADIJA WRITES

YOUNG TALENTED WRITERS ASSOCIATION (YOTA)

⸻

💖 Dedicated To My Mom 💖

⸻

بِسْمِ اللهِ الرَّحْمٰنِ الرَّحِيْمِ

🅿️—84

Mami ta tattara kayanta ta bar gidan Suhail ba tare da sanin kowa ba

Tun daga wannan ranar

Gidan ya yi shiru

Shirun da ba ya ɗauke da kwanciyar hankali ga ko wanne mutun dake rayuwa a ciki

Sai dai shiru ne da ke cike da baƙin ciki

A gidan malan kuwa…

Rayuwa ta ci gaba da tafiya

Cikin iman na ƙara girma a hankali

Sai dai jikinta ba ya samun ƙarfi 

Kusan kullum cikin laulayi take 

Ba wani abinci take iya ci ba duk Abinda taci Sai ta amayar dashi

Ruwa kaɗai ke zama acikinta 

Ammi da Malam sun dami sossai kan rashin lafiyar ta

Ammi kullum sai ta dafa mata abincin da take ganin wataƙila zai kwanta mata

Amma duk da haka Ba ta iya cin 

ta rame fiye da ƙima

Sai dai abin mamaki

Fuskarta kullum cikin ƙara kyau take

Wani irin hasken ciki ya ƙawata fuskarta

Duk wanda ya ganta zai san tana dake da juna biyu

Iyayem ta suna kula da ita fiye da yadda suke kula da kansu hatta Hafsat bata barin ta ko tsinke ta kauda tare suke rainon cikin

Malam kullum bayan sallar Asuba sai ya mata rubuta wanda zai saukaka mata laulayin

A ɗaya ɓangaren kuma

Suhail

Tun bayan rabuwar tasu

Bai taɓa kiran Iman ba

Bai aika saƙo ba

Bai kuma je gidansu ba

Ba don ya manta da ita ba

Sai don yana tsoron kalaman mahaifiyarsa da tayi masa

“Idan ka bi bayanta ko ka dawo da ita gidan nan"

Allah Ya sa nonon da na shayar da kai haramun a gare ka

Waɗannan kalamai kullum suna yawo a cikin kansa.

Suna hana shi samun nutsuwa

Rayuwarsa ta sauya gaba ɗaya

Ya daina zuwa office ya daina fita ko ina baya magana da kowa

Sameer ya yi ta kiransa.

Amma bai ɗaga waya ba.

Wasu lokutan ma

Sai ya kashe wayarsa gaba ɗaya.

Kullum yana killace kansa a ɗaki

Ruwan tea kaɗai yake iya sha wanda yake hada ma kansa

Ko yunwa ba ya ji

Jennifer sau da yawa tana kai masa abinci

Sai dai idan ta dawo

Yadda ta kai shi haka take dawo da shi

baya ko kallon Abincin 

Har jikinsa ya soma nuna wa wata irin rama yayi

Gemunsa ya fara fitowa har yana ƙoƙarin cika masa fuskar

Idanunsa sun yi zuru-zuru

Mutumin da kullum yake cikin shiri mai kyau da daukar wanka da ƙamshi 

Ya zama tamkar wanda ya rasa Rayuwar sa

Hatta Zeenah

Ya daina ba ta haƙƙinta

Tun bayan rabuwar Iman

Bai sake kwana a ɗakinta ba

Kullum idan dare ya yi

Sai ya killace kansa cikin ɗakinsa

Zeenah ta fara lura da canjin da Suhail yayi

Da farko ta yi tunanin komai zai wuce

Amma da kwanaki suka zama makonni

Sai tsoro ya fara shiga zuciyarta

A karo na farko

Ta fara fahimtar cewa

Ko da Iman ta fita daga gidan 

bazata taɓa shiga zuciyar sa ba

Daren ranar

Suhail kuwa yana zaune a gefen gadonsa 

Hoton iman daya yake daukar Lokaci zuwa lokaci ya tusa a gaba yana kallo

Idanunsa sun yi jajur saboda rashin barci da baya samu a ƴan kwanakin nan 

Sai aka ji ana kwankwasa ƙofar ɗakin

Bai amsa ba

A karo na biyu aka sake bugawa

“Suhail ka buɗe"

Ya gane muryar Zeenah

A sanyaye ya ce

“a buɗe yake"

A hankali ta buɗe ƙofar

Kayan barci ne a jikinta iya gwiwa

Ta ƙaraso cikin ɗakin ta tsaya gabansa

“Suhail…”

Ya ɗaga kai ya kalleta

Ta sauke ajiyar zuciya

“Tun yaushe kake shiga haƙƙina haƙuri ya soma karewa akan hakan"

Ya haɗe gira.

“mi kike nufi"

“Tun bayan tafiyar Iman ka daina shigowa ɗakina"

“Ka daina kula da ni"

“Ni ma fa matarka ce"

“Ko saboda ta tafi sai ka ci gaba da hukunta ni akan laifin da bani na aikata ba"

Suhail ya yi shiru

Bai ce komai ba

Ta sake cewa

“Wallahi ba zan yarda da haka ba"

“Ko matarka ba ta nan… ai ni ina nan ni kake samu wajen iman din da Ni baka samu wajena"

Suhail ya ce"Abubuwa da yawa nake samu wanda ko rabin su bana samu a wajen ki kuma bari na faɗa maki iman ta tafida duk wani farin ciki na da walwala ta"

“Ka ba ni haƙƙina"

Suhail ya lumshe idanunsa

A hankali ya miƙe tsaye

Ya nuna mata ƙofar ɗakin

“Zeenah… ki fita.”

Ta zaro ido

“suhail ni ka ke kora"

“Na ce ki fita"

“Ba nason magaka da kowa"

“Don Allah ki bar ni ni kaɗai"

Ta ɗan yi dariyar takaici

“Saboda Iman?”

“Har yanzu ita ce ke cikin ranka ko to in sha Allah tayi tafiyar da babu dawowa"

Suhail ya ɗan ɗaga murya a karo na farko.

“Na ce ki fita.”

Ta tsaya tana kallonsa.

“basai ka kore ni ba zan fita ba a iya dakin ka ba gidan ka gaba daya zan bar maka"

“Ki bar ni da abin da ke cikin raina.”

Maganar ta tsaya mata a zuciya

Ta juya ta fita

ko da ta shiga ɗakinta

Fushi ya turnuƙe ta

“Saboda wata da aka riga aka sake? 

Ta buɗe wardrobe

Ta fara jefa kayanta cikin trolley

Hawaye da fushi suka gauraya a fuskarta

har ta ɗauki Khalil

Sai kuma ta tsaya

Ta kalle sa

A hankali ta mayar da shi kan gadon

Ta ce

“Ka zauna tare da mahaifinka.”

“Shi ya fi buƙatarka fiye da ni"

Ta ja trolley ɗinta.

Ba tare da ta yi sallama da kowa ba

Ta fita daga gidan

Kai tsaye ta shiga motar ta ta nufi Kaduna

A daren nan

Suhail bai ma san cewa Zeenah ta bar gidan ba

Yana nan a zaune cikin ɗakinsa…

Yana kallon hoton Iman

Hawayen da ya daɗe yana ɓoyewa suka sake gangaro masa cikin sauri ya soma goge wa

like 

share 

and comment

idan kuma comment da liking nafi jin dadin yi maku posting