85

🐾 BARRISTER SUHAIL 🐾

Mallakar

KHADIJA WRITES

YOUNG TALENTED WRITERS ASSOCIATION (YOTA)

⸻

💖 Dedicated To My Mom 💖

⸻

بِسْمِ اللهِ الرَّحْمٰنِ الرَّحِيْمِ

🅿️—85

a daren nan Zeenah ta isa gidan Mahaifin janye da trolley din ta 

hajiya rabi na falo tana kallon wani series da mamaki 

ta ga zeenah na shigo da jaka

tun kafin ta zauna 

mummy ta ce"zeenah daga ina kike da kaya haka"

turo baƙi zeenah tayi ta ce"mummy Suhail ne ya ko reni"

mummy ta ce"ya koreki kamar yaya hala wani laifin kika yi masa ko"

"mummy ni ba Abinda na masa"

"ina kika baro shi khalil din"

zeenah ta kauda kai 

"ba barshi wajen mahaifinsa"

tsawa mummy ta daƙa mata 

"zeenah kina hauka ne yaro karami irin wannan zaki Bari a gida"

"zeenah anya kin san minene haihuwa,ke kuwa ce komai"

cikin fushi zeenah ta ce"mummy ba shine ya koreni ba, saboda mi zan taho da shi bayan ba dashi naje ba"

Mummy ta ce"kin tabbata marar imani zeenah,ke haka aka maki idan da haka na rene ki ai bazaki kai labari ba"

ƙasa tayi da kai 

Mummy faɗa take mata ta ida take shiga ba ta nan take fita ba 

daga karshe ta mummy ta tashi ta ce"gobe mahaifinki zai dawo sai ki shirya fada masa Abinda ya hadaki da Suhail har ya koro ki nasan ba ƙaramin abu kikayi masa har ya yanke Wannan hukunci a kanki"

a nan ta barta 

Zeenah ta zauna tana kuka.

A karo na farko

Ta fara jin nauyin abin da ta aikata

na baro Khalil da tayi 

a gidan Suhail babu wanda ya san da tafiyar zeenah 

sai mai gadi dalilin buɗe mata kofa da yayi 

jennifer ce zaune a falo tun shigowar take juyo sautin kukan khalil daya karaɗe ko ina 

jin kukan ya soma yawa,ta tashi da sauri ra nufi cikin dakin 

yana jikin gado ya sauko ƙafafuwan sa ƙasa kadan ya hana shi fadowa

cikin hanzari ta taro sa ta fara dube duben dakin bata ga zeenah ba ta daga bathroom nan ma babu kowa 

ga dakin duk a hargize

hakan yasa ta duba parking space ta window 

babu motar zeenah ,hakan ya tabbatar mata da bata gidan

ga Khalil sai kuka yake 

ta nufi dakin Suhail

knocking take ba ƙyaukyautawa 

jin haka yasa Suhail ya ƙasa daure wa sai da buɗe jennifer ce riƙe da Khalil

tsabar kukan da yake har ya soma fita daga hayyacin sa 

da sauri ya karbe sa daga hannun ta 

ya ce"ina zeenah din ta barshi yana kuka"

jennifer ta ce"sir bata nan"

Suhail ya ce"ina ta tafi"

nima ban sani ba ina zaune a falo na jiyo kukan Khalil ina shiga dakin naga yana dab da fado wa

koda na duba nata cikin dakin na duba parking space naga ba motan ta a wajen

Suhail ya sauke ajiyar zuciya

kenan zeenah data ce zata tafi sai da ta tafi kuma shine zata bar masa yaro

Suhail ya dubi jennifer ya ce"jeki hado masa madara ki kawo min na bashi"

ba tare da bata lokaci ta dawo masa da madarar ya amsa ya koma dakin ya fara bashi

sai da yasha Fiye da rabin feedar 

kan kace mi ya dauke sa Suhail ya kwantar dashi a gefen gadon ya bishi da kallo

wanda baya wuce na tausayin da da yake ji,gaba daya Alhakin ya dan ƙawa mami 

dan ita ce Ummul a basin duk wani abu daya faru a gidan

ya yanke shawarar gobe zaije ya dawo ta zeenah ta cigaba da kula sa khalil 

a haka shima baccin ya dauke sa 

bashi ya farka ba sai asuba cikin Sa'a ko Khalil bai masa rigima ba sai dai lokaci zuwa lokaci yakan tashi

data bashi ruwa sai ya koma ya kwanta

a gida yayi sallar Asuba bayan gari ya soma wayewa

ya dauki Khalil ya kaiwa jennifer tayi masa wanka ta shirya zasu fita 

shima ya daw dakin sa wanka yayi ya shirya cikin wani black egypian yard mai kyau da tsada

ya fito daidai lokacin jennifer ta gama shirya khalil cikin wasu kayan riga da wando brown color ya cika su dan Khalil irin yaran nan ne masu girman jiki

duk da baifi wata tara da haihuwa ba idan ka gansa zakayi tunanin yafi shekara guda

Suhail ya amshe sa zasu fita 

jennifer tace"sir na gama breakfast"

Suhail ya ce"thanks bana buƙata"

haka ta juya ta koma ciki

Suhail ya zaunar da khalil a front seat ya saka mashi seat bell

haka ya bashi hadin kai ya na kallon titi yana wasa abinda

Suhail bai tsaya ko ina ba sai kofar gidan aunty Zarah

horn yayi mai gadi ya buɗe masa 

ya fito ya dauki Khalil suka shiga ciki

aunty Zarah na bakin dining tana tattara kayan da sukayi breakfast fa 

Suhail ya shiga

Da sallama a bakin sa 

Aunty Zarah ta amsa tana juyowa

Da farko idanunta suka sauka kan Khalil.

Sai kuma kan Suhail.

Nan take ta haɗe gira

Tare da furta “Subhanallah… Suhail” 

A Wani irin yanayi ganin Suhail 

Ta ci gaba da kallonsa

ya yi Baƙi 

Ya rame

Gemunsa ya cika da gashi

Idanunsa sun kumbura tamkar wanda bai san barci ba tsawon kwanaki

ta matso kusa dashi 

"suhail miya same ka"

kai ya girgiza mata babu komai aunty 

kama shi tayi ta zaunar da shi kan kujera

ta amshi khalil daga hannun sa 

“A’a Wannan ba fuskar mutumin da babu komai ba ce ka fada min miyasa same ka"

Suhail ya runtse idanunsa

"ina iman"

bai iya amsawa ba

ta sake tambaya

"bata gidan" shine abinda ya faɗa

aunty zarah ta ce"tana ina"

ya hadiye yawu  da kyar

"mun rabu"

Aunty Zarah ta tsaya cak

Ta kafe shi da ido

Khalil ma da ke hannunta ta kusa zubewa saboda gigicewa

"innalillahi wa'inna illahir rajiu'un"*3

shi kadai ta iya furtawa

Ta zauna a kujera saboda tashin hankali

“Yaushe hakan ya faru Suhail"

“Kimanin wata ukku kenan"

Aunty Zarah ta ɗaga kai a hankali

Aunty Zarah ta ɗaga kai a hankali

“Wata ukku"

“Kana cikin wannan bala’in tsawon wata ukku… amma ka kasa sanar da ni?

“ko ka ga bai dace na sani ba?”

Suhail ya sunkuyar da kai

“Ki yi haƙuri Aunty…”

Ta katse shi

kaine abin ba haƙuri suhail ba ni ba

“Ka ci amanar Iyayen Iman"

“Ka ci amanar yarinyar da aka ba ka amana"

“Har ni ma ka ci amanata"

Idanun Suhail suka cika da hawaye

“Aunty…ki saurareni ba laifi na bane mami ce ta tilastamin sai na sake ta"

“Ka yi min shiru Suhail"

Ta nuna shi da yatsa

“Ku duka ku da Mami kun zama masu bin zuciya"

“ina tunanin za ka tsaya ka kare gaskiya"

“Ashe kai ma idan aka matsa ka, sai ka zubar da wanda bai ji bai gani ba"

Suhail ya girgiza kai

Wa ya riƙe hannunka?”

“Wa ya ce maka ka yi wa Allah tawaye saboda biyayya ga mutum?”

Ta matso gabansa

“Suhail… ina karatunka?”

“Ina iliminka?”

“Ina hujjojin da kake kare mutane da su a kotu?”

“Ko duka sun ƙare ne a ranar da aka zo kan rayuwarka?

Suhail ya kasa ɗaga kai

Hawaye suka gangaro masa

A hankali ya ce

“Mami ta ce idan na bi bayan Iman… ko na dawo da ita gida… Allah Ya sa nonon da ta shayar da ni haramun a gare ni"

Aunty Zarah ta ɗan yi shiru

Sai ta sauke ajiyar zuciya

Ta ce 

“Wa ya gaya maka fushin iyaye yana tattare da saɓawa Allah?”

“Idan iyaye suka umurci ɗansu da zalunci… addini bai ce ya aikata zaluncin ba"

“Biyayya tana cikin abin da Allah Ya halatta"

“Ba cikin danniya da zalunci ba"

Ta share hawayenta

“Ka san me ya fi bani ciwo?”

Kai ya girgiza

“Yarinyar nan ta yi wa Mami hidima fiye da yadda wasu ‘ya’ya suke yi wa iyayensu"

“Amma sakamakonta shi ne saki?”

“Saboda ba ta haihu ba?”

“Ko kuma saboda ta yi haƙuri fiye da kima?”

Shiru ya mamaye falon

Suhail yana kuka kamar ƙaramin yaro

A ƙarshe Aunty Zarah ta miƙe tsaye

Ta kalli Khalil

Ta sake kallon Suhail

Cikin sanyin murya mai cike da ɓacin rai ta ce"

“Tun wuri ka je ka nemi matarka"

“Ka je ka nemi gafararta"

“Idan har ba ta gama iddarta ba… ka dawo da ita cikin mutunci"

“Domin wallahi idan ka ci gaba da wannan shiru… wata rana za ka yi nadamar da ba za ta amfani kowa ba"

Ta juya zata tafi

Sai kuma ta tsaya

Ba tare da ta waiwayo ba ta ce,

“Daga yau… kada ka sake zuwa gidana"

“Har sai ranar da ka maido Iman gidanka"

“Saboda yau… ban ga Suhail a gaba na ba"

“Na ga wani mutum da ya bari tsoro ya rinjayi adalcin sa"

Da waɗannan kalaman

Ta shiga ɗakinta

Ta rufe ƙofa

Ta bar Suhail tsaye a tsakiyar falo

Tamkar an cire masa numfashi