87

🐾 BARRISTER SUHAIL 🐾

Mallakar

KHADIJA WRITES

YOUNG TALENTED WRITERS ASSOCIATION (YOTA)

⸻

💖 Dedicated To My Mom 💖

⸻

بِسْمِ اللهِ الرَّحْمٰنِ الرَّحِيْمِ

🅿️—87

Bayan Suhail ya bar gidan Aunty Zarah

Tun daga lokacin da ya fita Aunty Zarah ta kasa samun nutsuwa

Ta zauna a falo tana kuka

Kalaman Suhail da halin da ta gan shi suna ta dawo mata a rai 

Cikin ƙanƙanin lokaci, Sadeeq ya dawo daga kai Amatullah da Junaid makaranta

ko da ya shiga falon ya ga idanunta sun kumbura saboda kuka da take

Ya ƙarasa kusa da ita cikin damuwa

“Zarah… lafiya?”

Ta share hawaye

“Lafiya lau"

Ya girgiza kai

“Ba zan yarda ba Me ya faru? haka kawai bazaki zauna kina kukan da bashi da dalili ba"

Nan ta ba shi labarin komai

tun da yadda Suhail yazo

yadda ya rame…

Har yadda ya furta cewa ya saki Iman saboda matsin lambar Mami 

da kuma yadda ta koreshi daga gidan a fusace

Sadeeq ya daɗe yana shiru

Daga ƙarshe ya sauke ajiyar zuciya

“Innalillahi wa inna ilaihi raji’un"

“Babu shakka an yi babban kuskure"

"kuma kema kinyi kuskuren korar sa daki kayi"

Ya dubeta

Me kike son yi?”

Ta ce

“Ina son zuwa Kaduna.”

“In ga Iman"

“In tabbatar da halin da take ciki"

Sadeeq ya jinjina kai

“Ki je"

“Amma ki kwantar da hankalinki"

“Kar fushinki ya sa ki faɗi abin da zai ƙara dagula al’amura”

Ta ce

“Na yi maka alkawari.”

Sai dai a zuciyarta

Ta san ba za ta iya yin shiru ba idan ta ga an zalunci yarinyar da bata san hawa ba bare sauka

Nan take ta kira driver

Ba tare da ɓata lokaci ba ta shirya suka kama hanyar Kaduna

Bayan doguwar tafiya

tana bin kwantacen da suhail yayi mata kwanaki na gidan su iman

lokacin bikin Mubarak

duk da bata samu damar zuwa ba 

amman ta riƙe 

ko da suka shiga cikin layin da tambaya har suka karasa kofar gidan Malan

Aunty Zarah ta fito

duk da faduwar gaban da take ji a haka ta daure ta shiga

dauke da sallama a bakin ta 

iman da Hafsat na zaune ƙarƙashin inuwar suna cin dambun shinkafar da Ammi tayi

Da jin motsin ƙafa

Iman ta ɗago

Idanunsu suka haɗu

Nan take Iman ta miƙe tsaye cikin mamaki

“Aunty Zarah kece a gidan mu"

Zarah kuwa

Ta tsaya cak

Idanunta suka sauka kan cikin Iman

Cikin da ya riga ya fara bayyana

Jakar hannunta ta zame ta faɗi ƙasa

Bakinta ya kasa furta komai

Iman ma ta kasa matsowa gare ta

A wannan lokacin Ammi ta fito daga ɗaki

Da murmushi ta ce,

“sannu da zuwa"

iman ta bata Labarin yadda tayi Rayuwaa gidan Suhail da kuma yadda mami da Naima suka takura mata 

da yadda aunty Fauziya da aunty Zarah ke jiɓantar lamarin ta

hakan yasa koda Ammi taji sunan ta tare ta cikin mutunci

Amma Zarah ko kallonta ba ta yi ba

ta Duka ta dauki jakar ta ta fita 

koda ta fito

drivern ya ce"hajiya ko ba gidan bane"

cikin tsananin fushin ta ce"nan ne zamu tafi dutse"

cikin mamaki ya ce"Hajiya dutse kuma"

ta ce"eh,ko bazaka je bane"

kai ya Girgiza ya shiga motar suka kama hanya 

Bayan sun isa Dutse…

Kai tsaye Zarah ta ba driver kwatancen gidan Na’ima

Motar tana tsayawa a harabar gidan

Tun kafin driver ya buɗe mata ƙofa

Ta fito cikin hanzari

Security suka yi saurin tare ta

suna tambayar inda zata je dan gaba daya an sauya securities da suka san Matsayin ta a gidan

Ba ta saurare su ba

ta shige ciki 

cikin Sa'a kofar falon a buɗe take ta shiga

dakin yayi shiru

Sai wata mai aiki ce kaɗai tana goge babban TV

Da ta ga Zarah sai ta yi saurin miƙewa

"Aunty sannu da zuwa"

Zarah ba ta tsaya ba

Ta ce

“Ina Na’ima"

“tana sama bari na kira ta"

ba bata lokaci suka dawo tare da Naima

Cikin mamaki Na’ima ke saukowa daga saman bene

ganin Zarah ya sa ta tsaya cak

“Aunty Zarah kece a gida na"

Ta yi saurin saukowa

“Lafiya? Rabonki da gidan nan tun suna Ayla"

Zarah ta ce cikin fushi,

“Eh…

"Yau ba zumunci ya kawo ni ba"

Ta kalleta

“Ina Mami?”

Na’ima ta ɗan yi shiru kafin ta ce

“Tana guest room"

Zarah ta yi mamaki

“Guest room?”

A zuciyarta ta ce

“Ashe yanzu har ta kai matsayin zama a guest room a gidan yar lelen tata"

“Allah baya barin zalunci"

Ba ta ƙara cewa komai ba

Na’ima ta yi gaba

Suka nufi ɗakin

…

Mami na zaune kan kujera

Kafar roba ce a ƙafarta

Fuskarta ta rame

Idanunta sun nuna gajiya

koda Zarah ta shiga

ta yi murmushin da bai kai zuciya ba

“Sai yau kika tuna da uwarki?”

Zarah ta tsaya gabanta

Ta haɗe hannayenta

“Mami"

"ba wannan ya kawo ni ba"

Ta yi shiru na wasu daƙiƙu.

Sannan ta ce

“Na zo ne saboda Suhail"

Nan take murmushin Mami ya ɓace

“Me Suhail yayi kuma kuma?”

“yayi ko akayi masa"

Zarah ta fada

“Mami"

"kin sa ɗanki ya saki matarsa ba tare da wani laifi ba"

“Kin san halin da yake ciki yanzu"

“Kin san ko office baya zuwa?”

“Kin san baya cin abinci?”

“Kin san ya rame ya koma kamar mara lafiya?”

Mami ta yi ƙoƙarin magana

Amma Zarah ta dakatar da ita

"A’a Mami"

"ki bari na gama magana"

“Kullum kanki kika sani"

“Kullum abin da ranki yake so shine daidai"

“Ko da zai lalata rayuwar ‘ya’yanki"

Na’ima ta yi shiru

Tun farko ba ta taɓa ganin Zarah cikin irin wannan fushi ba

Zarah ta ci gaba

“Ki sani"

idan Suhail ya mutu saboda wannan damuwar

Wallahi alhakinsa yana wuyanki"

Nan take Mami ta girgiza kai

Ta matsa kusa da ita

“Mami"

idan ni ce ko Na’ima

"uwar mijinmu ta yi mana irin abin da kika yi wa Iman za ki ji daɗi?”

Mami ta yi shiru

Ba ta iya amsa ba

Zarah ta ci gaba

“Kin manta hadisin Manzon Allah ﷺ? Babu cikakken imani har sai mutum ya so wa ɗan’uwansa abin da yake so wa kansa"

“To…

me kika so wa Iman?”

“Wulakanci?”

“Kuka?”

“Saki?”

"gori"

Mami ta sunkuyar da kai

Karo na farko…

ta rasa abin faɗa

Sai Zarah ta sake cewa

“Kuma abin da baki sani ba…”

Ta ɗan dakata kafin ta ce

“Yarinyar nan da kike goranta saboda ba ta haihuwa"

“Allah Ya azurta da ciki kuma na danki"

Mami ta ɗago da sauri

Na’ima ma ta miƙe tsaye

“Me kika ce?”

Zarah ta ce

“Eh Iman na da ciki"

“Cikin Suhail"

Shiru kowa yayi

Wani irin shiru mai nauyi

Mami ta buɗe baki

Amma kalma ta ƙi fitowa

Na’ima kuwa

Hannunta ya rufe bakinta

“Innalillahi wa inna ilaihi raji’un…”

Hawaye suka cika idanunta.

“Ashe…

duk wannan abin da aka  yarinyar tana da ciki?”

Zarah ta ce

Mami ta fara rawa.

Numfashinta ya canza.'

Ta dafe ƙirji

“Na shiga uku…”

“Na lalace…”

Zarah ta ce

“Kuma ba nan abin ya tsaya ba"

“Daga nan zan wuce Kaduna"

“Na faɗawa Abba komai"

Nan take Mami ta fashe da kuka

“A’a Zarah"

“Don Allah"

“Kada ki gaya masa"

“Wallahi zai sake ni"

“Ba zan iya jurewa ba"

Na’ima ma ta durƙusa

Ta kama hannun Zarah

“Aunty don Allah"

“Ki yi haƙuri"

“Ni ma zan shiga matsala"

“Daddy ba zai bar wannan magana haka ba"

Zarah ta daɗe tana kallonsu.

Daga ƙarshe ta ce

“Zan yi haƙuri"

“Amma da sharadi"

Dukansu suka ɗago

“Mene?”

“Mami…”

“Za ki janye duk kalaman da kika yi wa Suhail"

“Za ki roƙe shi gafara"

“Kuma za ki umurce shi ya je ya dawo da matarsa"

Mami ta share hawayenta

Ba tare da wata gardama ba

Ta ce

“Na yarda"

“Wallahi na yarda"

“Na gane kuskurena"

“Allah Ya gafarta mini"

Nan take ta miƙa hannu

Na’ima ta kawo mata waya

Da hannunta na rawa

Ta kira Suhail

…

Suhaila na zaune a ɗakinsa 

Wayar sa ta yi ringing.

Da ya ga sunan Mami

Sai ya yi niyyar ƙin ɗagawa

Amma daga ƙarshe

Ya amsa

“Assalamu alaikum"

Muryar Mami ta fito cike da kuka

“Suhail…”

Ya yi shiru

“Suhail ka gafarta min"

Numfashinsa ya tsaya

Bai taɓa jin Mami cikin irin wannan yanayin ba

Ta ci gaba da kuka

“Na zalunce ka"

“Na zalunci Iman"

“Na yi babban kuskure"

“Don Allah ka yafe min"

“Ka je…”

“Ka dawo da matarka"

“Ka dawo da ita gida"

“Ni na janye duk maganganun da na faɗa a kanka"

“Allah Ya gafarta mini"

“Na zalunci jikana ma ban sani ba…”

Suhail ya dafe wayar da ƙarfi duk tunanin sa mami ta zauce ne

Idanunsa suka cika da hawaye

Bai iya magana ba

Sai kuka da ya ƙwace masa

A ɗayan ɓangaren wayar…

Mami ma kuka take yi

Karo na farko cikin shekaru masu yawa

Uwa da ɗa

"Dukansu suna kuka saboda kuskuren da ya raba iyali"