92

🐾 BARRISTER SUHAIL 🐾

Mallakar

KHADIJA WRITES

YOUNG TALENTED WRITERS ASSOCIATION (YOTA)

⸻

💖 Dedicated To My Mom 💖

⸻

بِسْمِ اللهِ الرَّحْمٰنِ الرَّحِيْمِ

🅿️—92

Bayan wasu sa’o’i

A hankali Iman ta fara buɗe idanunta

Har yanzu jikinta a sanyaye yake

Ta ji kamar ba nata ba ne

Cikinta na mata zafi mai tsanani saboda aikin tiyatar da aka yi mata

Da ƙyar ta juya kanta

Sai ta hango Ammi zaune gefen gadonta

Idanunsu suka haɗu

Ammi ta yi murmushi mai cike da hawaye

“Alhamdulillah… kin farka, Khadija"

Iman ta yi ƙoƙarin magana

Sai dai muryarta ta fito a raunane ta kira 

“Ammi"

Ammi ta kamo hannunta

“Komai ya wuce ko"

“Allah Ya baki lafiya Ke da jaririyarki"

Da jin kalmar jaririya, Iman ta lumshe idanunta

Hawaye suka cika mata ido

Ba ta san lokacin da murmushi ya bayyana a fuskarta ba

A hankali ta ce

“Baby tana lafiya?”

Ammi ta fada

“Kyakkyawa ce sosai"

A wannan lokacin Hafsat ta shigo ɗauke da jaririyar

An naɗe ta cikin farin blanket mai laushi

Fuskarta ƙarama ce

Fatarta fara sol kamar madara

Ƙaramin bakinta ja ne tamkar an shafa masa jan baki

Hancinta ƙarami ne irin na Suhail

Dogayen gashin idanunta sun kwanta bisa kumatunta

Ƙananun yatsunta kuwa suna buɗewa suna rufewa cikin natsuwa

Hafsat ta miƙa jaririyar kusa da Iman

Da Iman ta kalleta

Sabbin hawaye suka zubo mata

Ta shafa kumatunta da yatsa

“Alhamdulillah…”

“Allah Nagode maka"

Ammi ta ce

“Ki huta tukuna"

“Da zarar kin sami ƙarfi za ki riƙe ta sosai"

Hafsat kuwa ta kasa daina kallon jaririyar 

“Wallahi Baby Girl nan kamar doll take"

Ta zaro wayarta

“Ammi bari na ɗauke ta hoto"

Ammi ta yi murmushi

“Ki ɗauka"

Ta ɗaga wayar ta ɗauki hotuna masu kyau na jaririyar

Bayan ta gama

Sai wata dabara ta faɗo mata

Ta buɗe WhatsApp

Ta shiga chat ɗin Suhail

Ta tura masa hoton jaririyar

Sai ta rubuta

“It’s a baby girl for Iman amma don Allah kar ka ce ni na turo maka"

Ta danna Send

A wannan lokacin

Suhail yana kwance a ɗakin sa.

Wayarsa ta yi ƙarar saƙo

Bai damu ba da farko

Sai da ya ga sunan Hafsat

Nan take ya miƙe zaune

Da sauri ya buɗe saƙon

Hoton jaririyar ya bayyana a screen ɗin wayarsa

Ya tsaya yana kallonta na wasu daƙiƙu

Tamkar numfashinsa ya tsaya

“Subhanallah"

Ya furta a hankali

Idanunsa suka cika da hawaye

Ya ƙara matsowa da hotan kusa"

Yana kallon ƙaramin fuskarta

Yana kallon ƙananun hannayenta

Wani irin sanyi ya ratsa zuciyarsa

A hankali ya shafa screen ɗin wayar da yatsansa

Tamkar yana shafar fuskar jaririyar ne

Hawayen farin ciki suka gangaro masa

"my Daugther"

Ya faɗa cikin rawar murya

“Alhamdulillah"

“Allah Ya raya ki"

“Allah Ya sa ki zama abin alfahari ga iyayenki"

wayar daga ya sumbaci screen ɗin hoton

A karo na farko

Ya ji ainihin ma’anar zama uba

Sai dai farin cikin nasa yana tare da wani raɗaɗi mai ciwo

Domin ya san

Ba ya tare da matar da ta haifa masa kyakkyawar diyar sa

Ba ya kusa da jaririyarsa

Ba shi ne ya fara ɗaukarta a hannu ba

Kawai hoton yake kallo

Yana share hawaye cikin shiru

Kwana biyu Iman ta yi a asibiti

A hankali jikinta ya fara samun sauƙi

Ko da yake ciwon wajen aikin tiyata bai gama raguwa ba, amma tana ƙara samun ƙarfi a kullum

Jaririyar kuwa lafiya ƙalau

kullum bacci take

Ammi da Hafsat ne suke kula da komai

Ba sa barin Iman ta wahala

A rana ta uku

Likita ya sake duba Iman

Ya yi murmushi ya ce

“Alhamdulillah.”

“Komai yana tafiya"

“Za ku iya komawa gida"

Ammi ta yi godiya

Hafsat kuwa ta yi saurin haɗa kayan jaririyar

An saka ta cikin wani ƙaramin baby dress ruwan hoda mai laushi

Da ƙaramin hula da safa masu launin iri ɗaya

Ta yi matuƙar kyau

Kowa da ya ganta sai ya yi mata addu’a dan yarinyar Allah ya azurtata da kyau

A wannan lokacin

Suhail yana Abuja

Tun bayan da Hafsat ta turo masa hoton jaririyar

Kullum yana ɗaukar wayarsa na hannun sa yana kallon hoton

Yana ta jiran a kira shi a ce masa Iman ta haihu

Amma babu wanda ya kira

Sau da dama ya kan ɗauki mukullin motarsa

Ya yi tafiya zuwa Kaduna

Sai kuma ya tuna kalaman Hafsat

“Don Allah kar ka ce ni na turo maka"

Nan take sai ya ajiye mukullin

“Ba zan so na jefa ta cikin wata matsala ba"

Ya faɗa a hankali

Saboda haka

Ya ci gaba da haƙuri

Yana addu’a kawai

A ranar da aka sallamo Iman daga asibiti

Malam ya ɗauko wayarsa

Ya kira Suhail

Da sauri Suhail ya ɗaga

“Assalamu alaikum Malam"

“Wa alaikumus salam"

Malam ya ce cikin nutsuwa

“Khadija ta sauka an samu ɗiya mace”

“Sun dawo gida lafiya"

Suhail ya lumshe idanunsa

“Alhamdulillah…”

Ya sauke ajiyar zuciya

Sai ya ce

“Nagode malan Allah raya"

ko da ya katse 

Bai tsaya ɓata lokaci ba

Kai tsaye kasuwa ya nufa

Ya shiga shagunan kayan yara

Ya sayi kaya masu yawa

tunda kam Baby dresses,Blankets,Towels,Diapers

Har da wasu kayan wasa masu masu kyau wanda ma lalle suyi amfani dashi yanzu ba

Ya kuma sayi kayan ciye-ciye da kayan marmari domin Iman

Bayan ya gama

Ya loda komai cikin motarsa

Kai tsaye Kaduna ya nufa

Da ya isa gidan Malam…

Ya tarar da Malam zaune a kofar

Ya yi sallama

Malam ya amsa

Ba tare da wata magana mai yawa ba, Suhail ya sauke kayan daga mota

“Malam"

“Na kawo waɗannan ne'

Malam ya kalli tarin kayan.

Ya girgiza kai.'

“Ka shigo ciki"

Wannan ne karo na farko

Da Malam ya ce masa ya shiga cikin gida tun bayan rabuwarsa da Iman

Zuciyar Suhail ta fara bugawa da sauri

Ya bi Malam a baya cikin nutsuwa

Ba tare da sanin abin da zai gani a ciki ba

Suhail ya bi Malam cikin nutsuwa har suka shiga ɗakinsa

Bayan sun zaun

Malam ya miƙe tsaye

Ya nufi ɗakin da Iman take

Ya buga ƙofa a hankali

Ammi ce ta buɗe

Da ya shiga, ya kalli Iman

“Ki ba ni jaririyar Mahaifin ta yazo"

Ba tare da ta yi tambaya ba, ta miƙa masa ita

An saka ta cikin wani ƙaramin baby dress pink colour

An sa mata ƙaramin hula pink mai ɗauke da farin fur

Ƙafafunta na sanye cikin safa ƙanana masu taushi

Ƙananun hannayenta suna fitowa daga cikin rigar, suna motsi a hankali

Har yanzu tana cikin barci

Malam ya karɓe ta cikin kulawa

Ya juya ya fita da ita

Da ya shiga ɗakin

Kai tsaye ya miƙa jaririyar hannun Suhail

“Ga ta"

Hannun Suhail na rawa

Da ƙyar ya karɓe ta

Karo na farko kenan da ya ɗauki ’yarsa

Da ya ke sauke idanunsa a kanta

Sai zuciyarsa ta cika da wani irin tausayawa

Ta yi kyau matuƙa

Fuskarta ƙarama ce tamkar wata

Fatarta fara sol

Ƙaramin hancinta ya yi daidai da nasa

Dogayen gashin idanunta sun kwanta bisa kumatunta

Labbanta ƙanana jajaye ne

Ƙananun yatsunta sun naɗe a hankali, kamar suna neman su riƙe yatsansa

Sai ƙamshin jarirai mai daɗi yake tashi daga jikinta

Suhail ya kasa ɗauke idanunsa daga kanta

Hawaye suka cika masa ido

A hankali ya shafi goshinta da babban yatsansa

Ya sumbaci kanta

“Alhamdulillah…”

Shi kaɗai ya iya furtawa

Malam ya yi murmushi

Ya ce

“Ka raɗa mata suna.”

“A matsayinka na mahaifinta.”

Da jin wannan kalma

Mahaifinta

Sai zuciyar Suhail ta cika da farin ciki

Ya ji kamar an dawo masa da wani abu da ya daɗe yana nema

Ya kalli jaririyar

Ya yi murmushi

A hankali ya yi mata raɗa a kunnen dama

“Allahu Akbar"

Ya yi mata Adhan

Sannan ya juya zuwa kunnen hagu

Ya yi mata Iqamah

Bayan ya gama

Ya ɗaga kai

Ya ce

“Sunanta…”

“Ummulkhairi.”

Shiru ya ɗan ratsa ɗakin

Sai Malam ya yi murmushi

“Masha Allah"

“Suna ne mai albarka.”

“Allah Ya sanya ta ta zama kamar ma’anar sunanta"

“Ameen"

Suhail ya amsa cikin sanyin murya

Malam ya karɓi jaririyar daga hannunsa

Kafin ya fita

Ya juya ya dubi Suhail.

“Haba Suhail"

“Wannan siyyayar da kake ta kawowa ai ta isa haka"

“Ka riƙe kuɗin ka"

“Rayuwa tana da gaba"

Suhail ya yi murmushi

Ya girgiza kai

“Ba komai Malam"

“Duk abin da zan yi mata kaɗan ne"

“Allah ne Ya ba ni ita"

“Ni kuma ina son na yi abin da zan iya"

Malam ya dafa kafaɗarsa

“Allah Ya ƙara maka arziki

“Ameen"

Ya fita da jaririyar

Da ya mayar da Ummulkhairi ɗakin

Ammi ta karɓe ta

Ta miƙa wa Iman

koda iman ta rungume ta 

Sai ta ji wani ƙamshi sananne

Ƙamshin turaren Suhail

Nan take zuciyarta ta buga

Ta lumshe idanunta

Wani irin raɗaɗi ya ratsa zuciyarta

Ba tare da ta ce komai ba

Ta miƙa jaririyar ga Hafsat

“Hafsat"

“Ki canza mata kayan nan"

Hafsat ta yi mamaki

“Me ya faru?”

Iman ta kau da kai

“Don Allah kawai ki canza mata"

Hafsat ta karɓi jaririyar cikin mamaki

Bayan ɗan lokaci…

Malam ya shigo

Ya zauna."

Ya ce cikin natsuwa,

“Suhail ya rada mata suna.”

“Ya sa mata"

Ummulkhairi

Nan take fuskar Iman ta sauya

Ba ta ce komai ba

Sai dai zuciyarta ba ta ji daɗin hakan ba

Domin tun tana ɗauke da cikin…

Ta yi niyyar idan Allah Ya ba ta ’ya mace

Za ta sa mata sunan Ammi

Ta sauke ajiyar zuciya

Shiru ta yi

Hafsat kuwa ta lura da canjin fuskarta

Sai ta yi murmushi

Ta ce

“Ni dai zan riƙa kiranta…”

Khairiyya

Nan take walwala Ammi ta ragu

dan so tayi malan ya rada mata sunan

Duk da ba ta ce komai ba

Sai ta ji sunan ya kwanta mata a rai kuma