30

______👑 *JODA* 👑_____ 

Na  

*Sadi-sakhna* 

Ƴar mutan Jama'are 

THE TRIO OF TALES  

(3⃣ minds, 3⃣stories,1⃣Journey)  

@sadisakhna on Arewapen 

@SAKHNA03 On Wattpad 

*** on Whatsapp 

LITTAFI NA 1 

👑*Warƙa ta ƙarshe(30)*👑 

Fitowa ta daga banɗaki kenan Daga kasuwancinnawa wato fitsari naji ana maidamin saƙon cewar ana sallama dani. Jimm kaman banji ba,dan yanzu magana ma ba sosai nakeyi ba,duk na zama wata iri a kwanaki kaɗan. Jiya kuwa dana dawo bayan wannan abun yafaru ko bacci kasa runtsawa nayi,ina rufe idona saidai na kalli Ummata ana janta a bayan doki dakuma kallon da Hammar yake aikamin a wajen. 

Faɗawa ɗaki nayi ina shirin kwanciya akan tabarmata,don Allah yaga banason koma wanene naje na ganshi,kowa ma yafita takaina a yanzu. Babu abinda ke raina saita ta wacce hanya zanbi na kubutar da ummata,sannan kuma ya zanyi da ɗan talikin dake cikina wanda babu wanda yasan dashi dagani sai mahaliccin daya ajiyeshi a ciki. 

"Joda bakiji bane ance ana nemanki a waje,abinda yafaru tabbas bashida daɗin tuni,amma kullum inaso ki ƙara ganewa rayuwarmu fah haka take,naga alamar har yanzu baki buɗe idonki kinsan wacce rayuwa muke ciki ba,kada ki dunga mantawa baiwar da Allah yayi miki da kyar ta iya siyamiki matsayin dakike fata a wajensu,saima hankalin su dazai ƙara kawowa kanki wajen suga sun mallakeki,dan haka ki je kiga wanene. Duk da hakan kuma ki godewa Allah da matsayin dakike dashi ɗin,saboda kin kalla duk cikin jami'ar nan yanxu babu wata baiwa tamkarki,kowa fata yake ko makusancinki ya zama. Ki rage saka damuwa a ranki kar wani abu yasameki,duk mai nemanki da sharri Allah yafishi" 

Adda Rahilah ta ƙarisa maganar tana dafani cikin kulawa,daren jiyan na zayyanemusu duk abinda yake faruwa dani,domin nakai gabar da bazan iya rikewa ni kaɗai ba. Sun tayani kuka sosai,sannan sunyi mamaki danace musu mahaifiyata yakama a dole sai ya mallakeni. Babu abinda zasuyi min amma kukan da suka tayanin ba ƙaramin daɗi yayimin ba. Sannan ga shawarwari da suka bani masu ɗan sanyaya zuciya,shine na fawwalawa Allah lamarina domin dukkansu yafisu. 

Banason yimata musu,dan haka na zari mayafina na lulluba na fita. 

Musa nagani a tsaye can gefe da ƙofar sansanin namu,yana kallon fitowata ya taho da sauri, ɗauke kaina nayi har ya iso wajen,dan a yanzu duk wani abu daya shafi Hammar ɗin haushinsa nakeji. 

"Kiyi haƙuri Joda,haƙika abinda Yallabai yayi miki jiya bai kyauta ba,duk da cewar yana jin haushinki amma baici ya shareki ba,saidai kinsan Alaƙar ku ba abune bayyananne ba,kuma ya ganki ne tareda yerima kabeer shiyasa abin ya harzuƙashi,idan bazaki damu ba dan Allah kiyi haƙuri kizo wai inda kuka saba haɗuwa yana jiranki a wajen zakuyi magana domin gobene zamu ɗaga zuwa kasarmu tunda mun gama abinda yakawomu" 

"Hmmm sallama zaimin kenan tunda yagama abinda yakawoshi,ciki harda waina rayuwata dayayi,yanzu yagama abinda yakeso zai tafi kohhhh" 

Banaso yakalli hawayen daya taru a idona,dan haka wusheshi nayi nabi hanyar daya fito ɗin. Kai tsaye lambun damuke haɗuwa na nufa,zuwa lokacin yamma tayi liƙis rana ta fara haramar faɗuwa. 

Ko gabana bana gani saboda tafasar da zuciyata takeyi,badan zuciyata ta haddace bin hanyar ba daba lallai ƙafafuna su kaini ba. 

A zaune yake wannan karon akan darduma da kayan marmari a gabansa,tuffa ce a hannunsa yake gutsira hankalinsa kuma yana kallon ruwan dayake gabansa. 

Ko kaɗan bayyimin kama da hammar ɗina ba wanda na bawa darajata,rayuwata da kuma zuciyata,sai yamin tamkar basaraken daya fito shaƙatawa yin kilisa. A haka na ƙarisa inda yake tareda tsayawa a bayansa. 

"Uhmmm tarayya da ɗan sarki yasa yanxu kenan kin daina tsugunnawa idan kinyi laifi,saidai ki tsaya a bayana ko Joda?" 

Matsawa nayi nesa dashi kaɗan a gefe na durƙusa kaman yanda sauran bayi sukeyi na sunkuyar dakaina kana nace. 

"Kayi haƙuri ya shugabana ka gafarceni, idan na bata maka rai ka gafarceni." 

Nasan kallona yakeyi da mamakin abinda nayi,bai amsamin ba sai gani nayi ya ɗauki ayaba ya miƙomin. 

Ɗan matsawa nayi kaɗan tareda cewa. 

"Kayi haƙuri amma matsayina na baiwa ban cancanci nuna sanayya kokuma karbar abu daga gareka ba,aikina shine faranta maka,da shimfiɗa rayuwata a gabanka kabi takanta yadda kakeso. Gangar jikina da zuciyata sallamace gareka ranka ya daɗe" 

"Idan da gaske ne hakane matsayinki to na umarceki ki karba kici" 

Ɗagowa nayi na kalleshi,so nake na karanta saƙon fuskarsa amma yaƙi bani damar hakan,dan haka nima na tamke tawa fuskar na karbi ayabar. Barewa nayi nafaraci,ko gama taunawa banyi ba naji wani tashin zuciya da amai ya tasomin. Da sauri na jefar da ayabar hannuna na koma gefe nafara amai. Saida na zubar da duk abincin ranan danaci har yazaman ƙoƙodonne kawai nakeyi. Lokaci guda duk na galabaita na fita hayyacina. Bayan na gama ina maida haki nakalli ya miƙomin hannu,ashe tunda na fara aman yake tsaye a kaina. 

Ture hannunsa nayi tareda fashewa da wani kuka daya daɗe yana cin raina sai yau nasamu na zazzage shi. 

"Karka tabani babu ruwanka dani,dagani har abinda yake cikina babu ruwanka damu,meyasa ka shiga rayuwata,wato saboda kaga inada abin baka shine bari ka karba sannan ka bayyanamin matsayina koh?" 

Ɗagoni yayi daga tsugunnen yazamana muna kallon juna,har sannan sheshsheka nakeyi na kukan danayi. 

"Ya isa ki daina wannan maganganun wanda nasan ko nayi miki bayani bazaki fahimta ba, ki gasgatamin maganarki naji kince kina keda abinda yake cikinki,kenan kina ɗauke da juna biyu?" 

Yayi min maganar a sigar tambaya 

"Shine abinda nazo faɗamaka idan ba haka ba babu abinda zaisa na dunga tako ƙafata ina zuwa neman ka,har ka nemi cimin fuska a cikin mutane" 

"Wai ke kaɗai akayiwa laifine a lamarinnan,kin manta kamaki nayi ido huɗu kin sulale kintafi wajensa har bayan jami'ar nan,sannan idan na tambayeki kuma bazaki bani amsaba,ko kin manta sauyamin dakika farayi a kwanakinnan,sannan jiya dana ganki a tareda shi mai kikeso nace miki,mai yakaiki wajensa tun farko, kindai san keba baiwarsa bace bashida iko dake,amma mai yasa komai yace kiyi zaki dungayi. Ko kina tunanin banida labarin saƙonnin dayake aiko miki a kwanakinnan. Yanzu ma so nake na tambayeki shin cikin jikinki nasane ko nawa. Saboda idan banawa bane babu yanda za'a yi na tafi dake Kasarmu dashi a jikinki" 

Wani kallon mai yake faɗa nayi masa. 

"Hammar abin har yakai haka? Kai kanka kasan a yanda ka sameni,sannan banyi tunanin alaƙar dake tsakaninmu zaisa ka zargi haka ba,shin kodai dama kallon haka kakemin kai. Sannan wanne zuwa ƙasarku kake faɗa. Dama haka yarjejeniyarmu tace ,cewar zaka jani zuwa kasarku a matsayin baiwa nacigaba da biya maka buƙatarka?" 

"Ba haka nake nufi ba,amma tunda kinada ciki kam dolene ai na tafi dake kinsan da haka,sannan bazayyiwu na ƴan taki naje dake da ciki ba,idan ba haka ba sai wata matsalar ta bayyana,saboda matsayina ya wuce............" 

"Kaga bar maganarka basai ka ƙarisa ba hammar,naji iya wanda zanji kuma na fahimta. Wanne mai matsayine mai irinnaka a yanzu zai amshi ɗa daga baiwa,ko ya jata zuwa ƙasarsa ayi masa dariya idan aka ganshi da ita.....to na hutasarka,dama haƙƙinkane na sanar dakai amma bance ka amsa kaine ubansa ba,matsayinka yafi gaban haka. Nima bazan bika ba akwai abinda yake buƙatata wanda nawane,kuma inaso na tsaya tsayin daka wajen ganin na kareshi. Idona ya waye haka sakamakon dana karba a soyayya yasa na farka daga baccinta,dan haka bazan sake irin wannan rayuwar mafarkin ba kuma" 

Kama hanya nayi nafara tafiya zan bar cikin lambun,idona har wani dishi dishi yake gani saboda bacin rai. 

"Joda idan kika saka ƙafa kika fita daga cikin lambunnan,kuma har kike faɗa a fuskata zaki koma ga wancan mutumin to ina mai yimiki albishir da cewar zan hanaki yancin danayi miki alƙawarin samu kuma........ 

Waiwayowa nayi na kalli cikin idanuwansa... 

Wai mai yake nufi ne,shi ya halicceni komai. Yarabani da mafarkina,yarabani da budurcina,ya rabani da farincikina yanzu kuma so yake a sanadiyyar sake yi masa biyayya na rabu da mahaifiyata ma,inaaaaa hakan bazai taba yiwuwa ba,koda Gadar kifiyace kona garwashi inajin zan iya takawa domin na isa gareta. Kan mage ya waye haka,bacewa nace inason ƴan ci danna halaka ba,ina sonsa ne domin na rayu kuma na kare abinda yake nawa,bawai na sadaukar da komai dominsa ba. Yaje da ƴan cinsa na yafe,idan rayuwar bauta Allah yazabamin na karba hannu bibbiyu. 

Batareda na furta kalma ko ɗaya ba nake kallonsa da jajayen idanuwana ina wannan tunanin. Juyawa nayi cikin zafin zuciya dakuma dauriya na fara takawa ina barin wajen.  

Kowanne taku danakeyi ina jin zaren daya ɗaure zuciyoyinmu waje guda yana ɗashewa,zogi da raɗaɗin hakan yana ninkuwa a zuciyata,amma hukuncin dana riga na yanke bazai taba barina na waiwayaba. Da haka harna bacewa ganinsa batareda nasan wanne hali yake ciki ba. Wanda inada yaƙinin bazai taba kasancewa mai kyau ba. 

****    ****    **** 

Tana barin wajen ya riƙe ƙirjinsa wannan yake bugawa da ƙarfi kamar zai faso waje. Yunƙuri yayi kaman  zai bita Sai bakinsa ya feso da aman jini harda guda guda. Tun yana gani kaɗan kaɗan har duhu ya lullube ganinsa. 

*****     *****   

Washagari da safe saƙon yerima Kabeer ya iskeni na Keken doki na jirana ƙarfe shida na yamma a bakin Jami'ar, babu wanda na faɗawa cewar a yau zan tafi,domin banajin zuciyata ta shirya miƙa musu bankwana. 

Ɗakin ajiye litattafai na sulale na shiga,na ɗauki litattafai kusan guda biyar masu daraja a bangaren magani,nasan sata ce nayi musu amma ko wannan ɗin bai isa biyana abinda nayi musu ba. Suma dukka haushinsu nakeji. 

Dakin magani shima nashiga,babu wanda yahanani domin daman wajen shigatane. Duk wani magani danasan zayyimin amfani saida na ɗauka,suma na ajiyemusu duk wani bayani danake haɗawa na cirar magani da sarrafashi wanda nasan zai musu amfani sosai suma.  

Saida na bari yamma tayi sosai kafin na haɗa duk abubuwan danake buƙata,ban ɗauki kaya da yawa ba,sannan wasu kyautukan duk na barwa su addah rahila su. Ina kuka haɗeda share majina haka nagama haɗa kayan.  

Ɗauka nayi na nufi sansanin su hammar,a can zan jira har lokacin dazan bar jami'ar, idan da rabo nasan zan sake haɗuwa dasu,amma yanzu banason damun rayuwarsu da damuwar dani kaɗai tashafa, hakan yasa na zabi rubutamusu iya wasikar inda nake kawai na ajiye musu. 

Tura ƙofar ɗakin nayi nashiga,ko kaɗan na gagara tare hawayen dayake zubowa daga idona,abubuwa da dama suna tariyowa a cikin kaina. Tun ba'aje ko ina ba na fara nadamar irin rabuwar da mukayi da Hammar. Shafa cikina nayi inajin yanda zuciyata tayimin nauyi. 

Akan wata wasiƙa a naɗe da take kan gadonsa idona ya sauƙa. Gadon da komai ya faru akansa gadon da bazan taba mantawa ba, Kenan yasan zanzo shiyasa ya ajiyemin. 

Tsugunnawa nayi na ɗauka,amma a halin yanzu banida ƙarfin halin buɗeta ballantana na kalli mai ta ƙunsa,tunda nasan koma mai yake ciki to bazai taba dawowa da hannun agogo baya ba. 

Tattara duk wani guntun abun dayake nasa a cikin ɗakin nayi nasaka a kayana,irin su sauran takardu,alƙalami harma da wani mayafinsa. 

Ina nan durƙushe a ɗakin ina kuka har rana ta faɗi kafin na binne rayuwar danayi a cikin Jami'ar a ƙarƙashin zuciyata na kuma nufi hanyar fita. 

Kaman fita ta wancan karon yauma buɗemin kawai sukayi batareda sunce komai ba. Nima da ƙullin kayana aka na kama hanyar fita daga jami'ar. 

Kaman yanda ya faɗa da mai keken doki naci karo,ina zuwa na hau yakama hanyar masauratar dani a karo na biyu. 

Tafiya mukeyi da tunani kala kala a cikin raina. Kallon wasiƙar dake hannu na nayi,wanda na tamke ta kamar wani zai kwacemin. 

Banso budeta ba,amma saboda kawar da tunani yasa nafara wareta a hankali wani hatimine yafaɗo daga ciki irin wanda yake kan ƙirjinsa. An rubuta Keita Hammarou a jiki. Sunansa ne y  yankeshi zuwa Hammar.  

Ware wasiƙar nayi tareda fara karantawa. 

.......idan wasiƙar nan tasameki to lallai kin je masauƙinmu Joda bayan rabuwar da mukayi batareda bankwana ba. Bazan iya binne sonki ba,domin rayayyene dayake zaga dukkan zuciyata. 

Ina tunanin kin manta kalmar dana furtamiki a daren dana maidaki cikakkiyar mace.... 

("Ina Azabtuwa da kasancewar ki a taredani,amma nesantarki dani yafi komai Illata rayuwata. Kula wani dazakiyi a rayuwarki bayanni Alhali ina numfashi abune na bazan iya yafewa zuciyarki ba Joda,Ba so nakeyi miki ba abinda yafi So ruhina yakeyi miki.") 

To yanzu ki ƙara da nabaki umarnin karemin jinina dayake jikinki,ban yafe ba idan kika bari wani yazubawa ɗana dayake jikinki najasarsa,wannan hatimin dana baki alamace da ke mallakina ce ni kaɗai,babu wani daya isa a kaff faɗin duniyar nan yace ke mallakinsa ce sai idan na yarje masa. Nasan wancan Lusarinne yashiga tsakanina dake,ke kuma kika boyemin saboda wani dalili naki, bazan tilastaki ba,amma ko bayan raina ban amince miki dashi ba har abada. Kaman yanda zanyi ta tunaninki a kullum kema nasan dole kiyi hakan. Wannane hukuncinmu na hawa dokin zuciya dakuma fincike soyayyar da bata nuna ba daga jikin zuciyoyinmu. A kowacce dama idan na samu shine zanyi yanda zanyi ki dawo gareni. Kizama cikin shirin faruwar hakan JODA" 

Kuka na ƙwace dashi musamman dana kalli yanda wasiƙar tabaci da jini,na tabbata aman jini yakeyi lokacin daya rubuta,ko ya yake ji a lokacin. Rawa nima nawa jikin yakeyi,tun ba'a je ko ina ba nafara nadamar barinsa, anya kuwa ban tafka babban kuskure ba kuwa,in ban tsaya dan soyayyar mu ai na tsaya domin jininsa na jikina,gashi ko a wasiƙar yaƙi faɗamin koshi waye,kullum faɗi yake bazan taba fahimta ba. Ballantana na nausa cikin duniya nemansa. Lallai aiki jaaaa yakamani. 

......nace nima aiki ja yakamani na cigaba da rubutu,haka kuma masu karatu aiki jaaaa yakamaku na ku tsaya kuji yaya haɗuwar wannan masoyan zata kaya?  

.....shin wacce rayuwace take jiranta ? 

......shin tayi daidai kuwa data bar wanda suka tsayamata tamkar ahali a lokacin da batada kowa?. 

.....Ya labarin Hammar shi wanne irin zaren ƙaddarane mai ƙarfi dazai yi silar janta izuwa gareshi,bayan batasan a wacce ƙasa yake ba. 

........idan sun haɗu shin a wanne matsayi zasu tsinci kansu,da gaskene yafi ƙarfinta kuma ya manta da ita a rayuwarsa. Kokuma kaman yanda yafaɗa a wasiƙar yana dakon haɗuwa da ita. 

.......ina labarin baƙin asirin dayake jiransa shin zai illah tashi kaman yanda akace. 

.........Zaleekah zata bar Joda ta zauna lafiya bayan tasan itace wacce yerima kabeer yakeso. 

.......wacce hanya joda zatabi tayi maganin Yerima kabeer dama marasa mutuncin cikin masarautar..... 

.......Wacce gwagwarmaya ce zata auku a masarautar Mali yayin zabar sarauniya?  

.....miye makomar cikin jikinta da wanne ƙalubale zaizo...... 

Dukka dama wasu chakwakiyar a cikin littafin JODAH book 2 ..... 

Ku tutuntubeni ta wannan layin idan kun shirya ayi tafiyar daku....karku manta dukka kamun bakin zare akayi ba'a ma fara labarin ba tukunna.  

*** 

Zaku iya cigaba da bibiya a AREWAPEN 

1K A WHATSAPP 

700 A TELEGRAM  

SAINA JIKU