Chapter 1
***
๐ฅ๐ฟ๐ผ๐๐๐ผ๐ ๐๐๐๐ผ๐ฅ
๐๐
๐๐๐๐๐๐๐๐๐ ๐
๐๐ผ๐๐๐ผ๐ ๐๐๐ผ๐โญ
๐ช๐
๐ผ๐
๐๐๐๐ผ๐๐๐ ๐๐๐๐๐๐'๐จ ๐ผ๐๐๐๐พ๐๐ผ๐๐๐๐๐ช
๐๐๐๐๐ฉ๐๐ง๐ฌ๐
๐๐๐ฃ๐ฃ๐๐ฃ ๐ก๐๐ฉ๐ฉ๐๐๐๐ฃ ๐๐ช๐ ๐ ๐๐๐๐ฃ ๐๐ ๐ฎ๐ ๐ ๐ช๐ฃ๐จ๐ ๐ ๐๐ง๐ ๐๐ง๐ ๐ฃ๐, ๐๐๐ฃ๐ฎ๐ ๐จ๐๐ ๐๐๐ฃ ๐๐๐ฃ ๐ฏ๐๐ง๐๐๐ ๐ ๐ค ๐ข๐ช๐ฉ๐ช๐ฃ๐๐๐ฃ ๐ ๐ค๐ฌ๐ ๐๐ ๐ฃ๐ ๐ง๐ช๐๐ช๐ฉ๐ ๐จ๐๐ ๐ฃ๐ ๐๐ค๐ฃ ๐๐ก๐๐ข๐๐ฃ๐ฉ๐ช๐ฌ๐ ๐๐ ๐๐๐๐๐ ๐๐ฃ๐ฉ๐ช๐ฌ๐, ๐๐๐๐ฃ ๐ฌ๐๐ฃ๐ ๐๐๐ฃ๐๐๐ง๐ ๐ฎ๐๐ฎ๐ ๐ ๐๐ข๐ ๐๐ ๐ง๐๐ฎ๐ช๐ฌ๐๐ง ๐ง๐๐ฃ๐ ๐ฉ๐ค ๐๐ง๐๐จ๐๐ ๐ฃ๐ ๐๐ ๐ ๐จ๐๐ข๐ช.
๐๐ผ๐๐๐ผ๐ฟ๐
๐ฝ๐๐ฃ ๐๐ข๐๐ฃ๐๐ ๐ ๐ช๐ข๐ ๐๐๐ฃ ๐ก๐๐ข๐๐ฃ๐๐ ๐ ๐จ๐๐ง๐ง๐๐๐ ๐ข๐๐ฃ ๐ก๐๐ฉ๐ฉ๐๐๐ ๐ฉ๐๐ ๐ค ๐ฌ๐๐๐ ๐จ๐๐๐ ๐๐ ๐ฉ๐๐ง๐ ๐๐ ๐๐ฏ๐๐ฃ๐ ๐ฃ๐ ๐ฃ๐ ๐ข๐๐ง๐ช๐๐ช๐๐๐ฎ๐ ๐๐, ๐ฌ๐๐ฃ๐ฃ๐๐ฃ ๐ก๐๐ฉ๐ฉ๐๐๐๐ฃ ๐ข๐๐ก๐ก๐๐ ๐๐ฃ๐ ๐ฃ๐ ๐ฃ๐ ๐ ๐๐๐๐.
๐๐ผ๐๐ผ
๐ผ๐ก๐ก๐๐ ๐ฎ๐๐ฃ๐๐ ๐ฃ๐ ๐๐๐ง๐ ๐ก๐๐ฉ๐ฉ๐๐๐๐ฃ ๐ฃ๐๐ฃ ๐ ๐ ๐๐๐ฃ๐ ๐๐ ๐ค๐ฃ ๐๐๐ข๐ ๐จ๐๐ ๐ก๐๐๐๐ฎ๐ ๐๐ ๐ฉ๐๐ง๐ ๐๐ ๐ฃ๐ ๐ง๐ช๐๐ช๐ฉ๐ ๐ฌ๐๐ฃ๐ ๐๐๐ช ๐ฌ๐๐ฃ๐๐ ๐ฏ๐๐ ๐ฏ๐๐ข๐ ๐ข๐๐ฃ๐ ๐ ๐๐ก๐ช๐๐๐ก๐ ๐ ๐ค ๐ข๐๐ฉ๐จ๐๐ก๐ ๐๐๐คฒ.
๐ฟ๐ผ๐๐๐ผ๐ ๐๐๐๐ผ ๐ฅ
๐ฝ๐๐๐ ๐๐๐ ๐1
001
*******
(Manzon Allah S.A.W ya ce. "Ba ฦarfi bane jarunta lallai abin da ke jarunta shine mallakar zuciya a yayin fushi.")
*******
Shimfiษar labari.
Da gudu motar ke cin hanya, yayin da iska ke kaษa bishiyoyin da suka yiwa hanyar ฦawanya da matsanancin ฦarfi, ta yanda ganyayyaki ke kaษaษษowa musamman waษanda suka bushe zuwa ฦasa, ฦoฦarin matsa sitiyari ya ke da sauran ฦarfin daya rage ma shi, amma duk ฦoฦarin shi ya kasa, kwatsam motar ta sake cin karo da wata babbar bishiyar nan take motar ta soma jujjuyawa tana dukan bishiyoyin gaba da bayanta.
Bai sare ba ya sake ฦoฦarin taka burki a karo na babu adadi sai ina motar ta rigada ta zame saboda gudun da take yi tana kai karo ko ina.
Yayin da tayoyi suka yi ฦara tare da jan ฦasa me razanarwa motar na tafiya streight ta wata hanya me duhuwa saboda bishiyun da suka lulluษe.
Cikin rashin abin yi ya riฦe belt amma kuma lokaci ya riga da ya kure lokacin wanzuwar ฦaddara marar tsammani ya soma.
Cikin daฦiฦu kaษan motar ta yi mummunar karo da abin da ya zama na ฦarshe kuma maฦurar hanyar da take tafiya, Airbag ya buษe nan takr da ฦarfi glashin gana ya tarwatse, hayaฦi ya soma tashi daga ฦarฦashin bonet, ฦahon motar ya ci gaba da ฦara ba tare da tsayawaba.
Nan take sauran ฦwarin gwuiwar daya ke da shi ya idasa rushewa, rintse ido yayi da ฦarfi yana jiran wa'adin wanzuwar ฦaddara, ฦarar da motar ke yi na cike ฦofofin kunnuwan shi suna hana masa jin sautin komi.
A hankali ganin shi ya soma ษaukewa jin shi yayi nisa sosai ta yanda baya iya tantance abin da yake ji, duniyar shi ta yi shiru komi na shi ya tsaya cak ciki harda fitar numfashin shi.
Lokacin da wata ฦara da basu taษa jin irinta ba ta soma karaษe ilahin dajin, nan take zaratan matasan suka soma darewa cike da shirin ko ta kwana, suka shiga saita kwari da bakar su cikin ฦwarewa suna gurnan kamar zakuna, yayin da suka bubbuษe ฦofofin jin su suna son tantance ainahin inda sautin ke fitowa suna magana da junan ta hanyar jujjuya kawunansu.
Nan suka sake tarwatsewa wasu suka kalli gaba wasu baya wasu kuma gefe da gefe cikin salon iya tako na mutumin da ke rayuwa daga shi sai dabbobin daji.
Bata manta da kashedin da mahaifinta yayi mata ba, haka kuma bata tsorata da abin da ta gani ba, bata da tsoro ta sani ita jaruma ce sai de kuma mahaifinta baya bata damar nuna jarumtakarta a sarari, yana tausarta ne da sanyin shi wanda ta ke ganin yayi yawa kuma yana cutar da su da tsoron shi.
Yasar da ganyen maganin da ta ษata awanni tana rarrashi mahaifinta akan ya barta ta zo ษiba ta yi tare da yin shitin gudu cikin ฦwarewa bayan ta zaro wani abu me kama da wuฦa wanda aka sassaฦa da itaciya me ฦarfi, kamar biranya ta soma tiฦa gudu tana tsallake madaidaitan bishiyu bata damu da yanda ฦafarta ke taka ฦayoyi ba.
Cikin abin da bai gaza sakanni arba'in ba ta isa wajen da hayaฦi ya soma tunuฦewa, sam hayaฦin bai dameta ba ta matsa kusa da abin bata taษa gani ba tun da take a rayuwarta, bata yi tsammanin gani wani abu me rai ba amma kwatsam ta ji ฦafarta ta taka wani abu me laushi, tsugunawa ta yi tare da taษa abin wanda ta ga yayi kama da hannunta, bin dogon hannun ta yi da kallo sai ta ga wata halitta me kama da irin tata halittar kwance cikin abin amma kuma yayi sadda kai sama a ฦasa ฦasa a sama.
Dunฦule hannunta ta yi cike da jarumta ta kaiwa glashin bugu, nan take ya idasa rarratsewa, sai ta tsuguna tare da zira kanta ciki, da sauri ta fiddo jin wani ฦauri mara daษi, sam bata fahimci abin da ya faru ba sai ta tashi tsaye ta ษauki wuฦarta ta bishiya ta soke a kunkuminta da ta zagaye da fatar Biri, jin ฦarar na ฦaruwa ga kuma ฦauri daya cika wajen ya saka ta sake hallon hannun sai kuma ta juya cike da rashin damuwa tana shirin wucewa, nan ta hangi wani abu me kama da kibiyar da aka harbo da tsakananin ฦarfi na tunkarota, da wani irin sauri ta kauce tare da durฦushewa a wajen tana kaucewa harbin da ake yowa tun daga nesa cike da salon ฦwarewa.
Bata tsaya sanya ba ta soma jawo mutum da dukkan ฦarfinta da cikin tagar motar har ta yi nasarar janyo shi gaba ษaya, cike da jarumtaka ta duฦa tare da saษarshi a lokaci guda kuma tana kare harbin kibiyar da aka yo da hannunta, inda mashin kibiyar ya soke ta a hannu cike da azaba ta yi wani irin gurnani wanda amon shi ya karaษe ilahin dajin.
Jin sautin gurnanin da ta yi ya shelantawa mutanen da ke yo hardi lallai koma minene a wajen to ษan ฦabilarsu ne, hakan ya saka suka soma yin tsalle suna gudu kamar wasu bururruka, sai tsallake bishiyu suke yi cike da ฦwarewa.
Ta yi tako ษaya biyu, uku, huษu ana biyar ษinne wata ฦara ta ziyarce ta, a tattare da ฦarar kuma akwai wani huci me kama da zafin wuta.
Yana saษe a kafaษarta ta durฦusa akan gwuyagunta ta durฦusar da kanta tana maimaita wasu kalamai, a kuma daidai lokacinne waษannan maharban suma suka iso wajen, irin yanda ta yi suma suka yi cike da ฦasฦantar da kai suka soma furta irin kalaman da ta ke furtawa suna yi suma ษaga hayyanensu sama.
Bayan wani lokaci.
Tafe su ke tun daga nesa sun yo gungun suna dogara mangan itatuwa suna dukan ฦasa da tsananin ฦarfi, duk inda suka gifta sai ฦasar ta amsa da ฦarar buga itatuwan da suke yi, yayinda suka lanฦwasa harsunansu ta sama laษษansu na ฦasa suna fitar da wani sauti wanda ya maida hankalin ilahirin jama'ar da ke yanki.
A daidai wajen da al'ummar yankin suka tattaru manyansu da yara, a tsakiyarsu kuma wani baฦin mutum ne marar fasali da kyawun gani, kamar yanda sauran mutanen suke a jikunan su babu tufafi amma kuma sun zagaye ฦugunansu da fatocin dabbobi, matayensu kuma suna ษaure da fata a ฦugu da kuma saman ฦirjinsu inda sauran jikinsu ya ke a buษe, gasunan su sun ci ado da furanni yayinda wasunsu suka yi ado hannu da ฦafa da ฦananun jijiyoyin itaciya.
Mazan kuma kawunan wasunsu sanye da ฦahunna wasu na ragon daji wasu kuma na Giwaye, damatsansu ษaษษaure da wasu abubuwa dana gagara tantance ko minene.
Wata irin magana suke yi wa junansu cikin wani yare dana gagara gane kan shi.
Isowar mutanen wajen ษauke da wannan mutumin wanda suke yiwa kallon halitta ta daban a cikin su ya saka wajen yi tsit babu me magana.
Kai tsaye suka aje shi kamar wani kaya a gaban wani baฦi jibgegen wanda ke zaune akan wata iriyar kujera da aka yiwa ado da gwarangwal ษin kawunan Zakuna dana Damusoshi.
****
"Mtswwww aikin bamza ฦiba a kunne, ayi dai mu gani idan tusa zata hura wuta munafurcin banza da wofi kawai."
Cewar wata farar mata data ci ado na gani na faษa ta hakimce akan lafiyayyar kujera tana taunar chewingum.
Nan take sautin kukana ya tsaya, amma hawaye basu daina tseren gudu daga idanuwana suna bin kumatuna ba, yayinda maganar da ta yi ta sake soso raunin da ke zunda jini a zuciya ta, ban yi niyyar kulata ba amma kuma bana daga cikin mutane masu barin magana a ciki dan haka sai nima na ce da ita ina shesheฦar kuka.
"Malama ban kasa da ke ba banga dalilinki na ษauka ba, kiyi safgar gaban ki nima inyi tawa bana da lokacin ษatawa a kanki ciwon rashin mijina kaษai ya ishe ni ba sai kin ฦara min da naki ba."
Na faษa ina kallonta a hasale ina jin tsananin takaicin yanda sam bata nuna damuwa akan abin da ya faru da mu, hasalima sai nike gani kamar farinciki take da hakan.
Kallona ta yi a ษage tana karkaษa ฦafa sannan ta kuma cewa.
"Kyaji da shi yarinya dan za ki yi bayani yanzu babu jimawa bara dai su Hajja su ฦaraso dole za ki faษi ฦulla-ฦullar da kika yi kika sace min miji, yau za ki gane kuren ki a gidannan da ni kike zancen."
Kalamanta sun yi tasiri matuฦa wajen ฦara ta'azzara wutar tashin hankali haษe da tsoron da ke mamaye a ฦalbina, har wani jirin tashin hankali nike ji na ษibata daga zaune, yayinda zuciyata ta shiga hasaso min irin baฦin artabon da za'a tabka muddin su Hajja suka iske ni cikin gidanan, to amma kuma ai bani da wani zaษi dolene in tsaya ayita ta ฦare domin hakan shi ne masalaha a gare ni, to wai idan ma na fita na bar gidan ina zan je, bayan na gama tabbatar da yanzu duniya ta gama sanin abin da ke faruwa, bama wannan ba ฦarฦari in ce zan tafi gidanmu, gidanda shiga ta cikin shi a tsakiyar wannan lokaci yake daidai da kai ni kushewa, cikin rasa abin yi na ษora hannuna a kai na sake rushewa da wani sabon kukan.
"Hehehe kya yi kya gama yarinya, ni ce ajalinki wallahi a cikin gidannan da ni kike zancen wallahi sai na koya maki darasin da ko harafin farko na sunana kika ji an ambata sai kon saki fitsari a wando."
Juyawa na yi gaba ษaya na ina kallonta, cikin sautin kuka na soma faษin.
"Ki yi min rai, dan Allah ki yi min rai Yusra ki rufa min asiri ki barni inji da abin da ya dame ni, ba laifina bane, sam bani da laifi ko kaษan akan abubuwan da ke faruwa, ki taimake ni ki faษi gaskiya kar ki jaza min wani bala'in bayan wanda nike ciki dan Allah."
Na ฦarashe ina dafa ฦafafuwanta da ke sanye cikin takalmi plat me kyau wanda ya hau da suturar jikinta.
Sunkuyowa ta yi yana fuskanta ta yayinda ta maida fuskarta very serious sannan ta soma faษi tana kallon fuskata da hawaye da majina suka haษe min duna firgice.
"Zan taimake ke in kuma rufa maki asiri in cire laifinkina cikin case ษin ษatan Alhaji Ahmad amma kuma sai idan kin yi min alฦawarin za ki cika min dadaษen burina da kika riga da kika sani, mudun kika amince to zan tabbatarwa su Hajja sam babu hannunki a ciki, domin kuwa ni kaษai ce shaidar ki a yanzu, ni ce zan gaษi a yadda."
Da wani irn sauri naja da baya ina soma girgiza kaina, ษacin ran kalamanta da kuma damuwar da nike ciki suka taka rawar gani wajen cunkushe zuciyata, yayinda wani malolo yayi min tsayuwar wata a maฦoshina, ina zunda hawaye na soma faษin.
"Allah ya fiki Yusra tir da baฦar aniyarki, na yadda kiyi nasara a kaina a wannan karon amma ki sani ba zan taษa aikata abin da kike so ba har gaba da abada."
Saka hannunta ษaya ta yi ta janyo yuwan hijabina a ฦasฦance tana aika min da mummunan kallo ta ke faษin.
"Bazan taษa saurara ma ki ba har sai kin amince da buฦatata, zan ci gaba da dangana ki akan DANGAR WUTA ina gana maki nau'o'in azaba har sai ke da kan ki kin amince min akan abin da nike da muradi, mu zuna mu gani ni da ke shege ka fasa."
Ta hankaษa ni bayan ta gama faษin abin da ke ranta ta wuce har tana take hannuna ta barni nan a wulaฦance.
Sai da na ci kuka san raina har sai da idanuwana suka soma zafi haษi da ฦaiฦayi sannan na tsagaita, a nan wajen barci ya kwashe ni cike da mafarkai akan mijina da ya ษata yau kwana biyu.
Hangame ฦaton get ษin aka yi wasu arnan motoci guda biyu shigo gidan, me gadi ya maida get ษin ya rufe yana tahowa da ษan gudun shi ya nufi motocin, ta gaban ya soma buษewa murfi sannan ya koma ya buษe ta bayan kamar zai yi musu sujjuda tsabar sunkuyawa.
Wata farar Datijuwa ce ta fito fuskarta sanye da glashi fari ta haษe gabas da yamma, ko bi takan Me gadin da ke ta faman gaishe da ita bata yi ba ta huce tana tunkarar cikin makeken gidan gadan-gadan, sauran mutanen da suke tare na take mata baya.
Sauti ya ษauke shiru ya ratsa ko ina babu ฦara ko hayaniyar komi, da cikin wannan duhuwar me cike da ban tsoro ni ke iya ganin gasken ฦwayar idanuwansa da take jazur, kafin ya buษe waskeken hannunsa wani haske me shiga har can cikin kai ya bayyana tare da kore duhun, dubana na kai wajen da yake yi min nuni a zabure na miฦe tsaye da nufin in isa wajen sai de kash sarฦoฦin da aka ษaษษaure hannaye da ฦafafuwana basu bani damar koda yin taฦi ษaya ba, cikin rasa abin yi na saki wata iriyar ฦara me firgitarwa wacce ta karaษe ilahin filin da muke ciki, filinda sam bai yi min kama da duniyar mutane ba.
Shurin da aka kaimin a karo na barkatai a gefe cikina ya saka na farka a razane duk na haษa gumi sai sambatu nike irin na wanda yayi magarki me firgitarwa.
Na dawo nutsuwata ne sanda na ji dirar sautin muryar Hajja, nan take hantar cikina ta kaษa na soma ja da baya a firgice sam bana cikin nutsuwata.....โ๐ป
A nan zan ษisa aya ina fatan zaku kasance tare da ni domin lasar zumar daษin da labarinan ya ฦunsa, kudai ku biyo ni kawai dan jin yanda zata kaya.
Littafin Dangar wuta littafin kuษi ne, ki kasance tare da ni domin faษakantuwa gami da nishaษantuwa a cikin wannan zazzafan labarin me abin mamaki.
Ina fatan zaku taya ni yaษa wannan labarin a groups ษinku na whatsapp da facebook nagode sosai ni ce yaku har kullum.
MARYAM STAR ฦณAR BAIWA KUMA SARAUNIYAR JAJIRTATTU WRITER,S๐ชโ๐ป
0912636748