Page 60

MARYAMA⚡ 

60 

"Umaimah ina za ki? baki ga halin da kike ciki bane?" Cewar Innarmu tana nuna tirtsetsen cikin dake gaban Umaimah haihuwa yau ko gobe. 

"Innarmu Maryama ce fa, Maryama ce dubeta da kyau itace wllh, Innarmu duba ki gani ta suma, ki bari in kamata kar ta kara tafiya ta barmu, Innarmu baki ga yadda ta zama ba? barni in kamata mana." 

Duk ta rikice sai sambatu take yi kamar mahaukaciya, Innarmu kuma bata cikata ba sai ma murmushi da tayi ta ce. 

"Umaimah a duniya duk wadda zai gane Maryama a duk yadda rayuwa ta juya da ita a bayana yake, nice zan fara gane ta ko da kuwa a ce acid ne aka watsa mata a fuska, koda ace fuskarta aka cire aka canza da wani tabbas zan ganeta, to bare kuma tana nan da cikakkiyar halittarta. sarai na ganeta, sai dai abun da ban gane ba shi ne, me ta dawo yi cikin rayuwarmu? Ta zo ta karasa mu mu da muka yi saura ne" 

"No Innarmu, ki daina fadar haka, komai ya zama tarihi yanzu, dan Allah Innarmu a yayyafa mata ruwa ta farka,". Cewar Umaimah tana rufe bakin Inna da hannunta dan kar ta cigaba da maganar da ta fara. 

"Hamma Jay plsss m..." sai dai wayam ta gani lokacin da ta juya da nufin rokarshi ya taimaka, babu shi baba alamarshi. 

"Mommy wacece ita? me ya sameta ta kwanta a kasa, kuma jikinta akwai datti mommy ita bata wanka ne?" Cewar Meerah tana kama hannun uwar tata. 

Hawaye Umaimah ta share ta ce, tana wanka Nameerah, kuma bata da lafiya ne shiyasa ta kwanta a kasa kice wa innarmu muje mu dauketa kinji?". 

Matsowa yarinyar tayi ta ce, "Granny muje mu dauketa," Innarmu bata cewa yarinyar komai ba sai shafa kanta da tayi ta saki Umaimah ta shige daki da sassarfa, da gudu Umaimah ta nufi Maryama dake kwance wanwar a kasa ko nauyin da jikinta ya yi bata duba ba, kanta ta daga tana kiran "Maryama, pretty, pretty" amma ko motsi ba tayi, a rikice ta sake kan nata ta fita waje tana kwala kiran sadisu direba, da hanzari direban ya karaso yana fadin, "gani hajiya, duk ya tsorata shima ganin yadda ta firgice, palon ta nuna masa ya shige ta ce, "sadi taimaka ka dauke ta mu wuce asibiti da sauri sauri".  

Ba bata lokaci ya kinkimi Maryama da tsabar rashin auki ko nauyi bata dashi, dankwalin kanta na doguwar riga da suka zame mata kaya yanzu dan wasu kayan basa shiganta tunda cikinta ya tsufa umaimah ta ware hadi da yafawa tabi bayan direba,  

"Mommy ina zaki tafi?" cewar Meerah da muryarta na yara,."my pretty gudu kije wajen daddy ki ce na tafi kai Anty pretty asibiti". 

Da gudu kuwa yarinyar ta juya ta haye sama Umaimah kuwa ta shige bayan motar inda direba ya kwantar da Maryama, bodyguard suka mara musu baya duk da Umaimah ta tsani hakan amma babu yadda ta iya, ka'ida ne ida zasu fita ko nan da nan sai da masu tsaro. 

Dube dube ta fara a hadadden palon dake sama,wanda in muka ce zamu tsaya fadar tsaruwanshi tabbas zamu cinye episode daya, mai karatu kayi hasashen irin palon da za'a samu a wannn gidan, iya kallonta bata ganshi ba hakan yasa ta bude bedroom nashi ta shiga. Yana kwance rigingine bisa couch irin mai cycle dinnan,(love chair).Ya yi filo da hannunshi kafafunshi suna zaune a kasa kamar dai a zaune yake amma kwance yake. Da dan gudunta ta zo ta haye ruwan cikinsa. 

"Daddyna, ta kira sunanshi tana dan bubbuga kirjinshi,"Daddy na Mommy tace sun kai anty pretty hospital za'a bata allura bata da lafiya. 

Daddy na itama sunanta pretty irin yadda mommy ke kirana?  

Daddy na sunanmu iri daya da ita, amma ita bata wanka jikinta is so dirty,Daddy na k..." 

Da hanzari ya kama ta hadi da manneta gam da kirjinsa yana jin tamkar kirjin zai fado kasa dan ciwon da yake masa, ya dade rabon da ya ji irin wannan ciwon and yasan surutun Nameerah idan ta fara bata tsayawa. 

"Prettyn Daddy, kan daddy yana ciwo ki barshi ya huta kinji?"cewarshi yana bata kiss a gefen fuska. 

"To Daddy na nima zanyi bacci anan" ta fada tana nuna faffadan kirjinsa wanda ya kara talewa sakamakon gymin machines kala kala da yake amfani dasu kullum da safe, daga tsohon karfen mota kuma ya zama tarihi. 

Kanta yake shafawa a hankali yana jin ciwon zuciyarshi yana hauhawa, lumshe idanu yayi a karo na ba adadi yana sauke numfashi da sauri da sauri, rumtse idanu ya kuma yi yana jiyo ihun Salima da Fati a kunnuwanshi, a hankali tunaninshi ya fara  yin rakiya wa kwakwalwarshi zuwa baya..... 

 ____________________________________ 

Tunda aka sallamoshi a asibiti bayan jinyar da yasha mai tsawo har an fara fidda rai dashi, Jabeer ya zama wani iri ya fita a hayyacinshi zai iya wuni ba tare da yace ko uffan ba. tun abun baya damun su Inna da Baffa har suma ya shiga jikinsu, gidan ya zama wani iri, kullum ka gansu kamar masu zaman makoki. ganin da suka yi abun yana kara gaba ne yasa baffa fara yiwa Jabeer tofi da rubutu yana sha. da taimakon addu'oin da suke yi cikin hukuncin ubangiji kuwa ya fara dawowa daidai sai dan abun da baza'a rasa ba. 

Kwanci tashi har ya fara warewa ya koma makaranta inda yake koyar da yara kana yana fita wajen aikinsu na da saidai yanzu baya iya aikin sai dai zama da abokai. duk yadda ka kai da rashin tausayi idan ka ga Jabeer dole ka tausaya masa, kullum Innarmu tana yi masa nasiha, amma sai dai ya gyada mata kai kawai, idan ta shiga daki haka zatai ta kuka dan itama pretending kawai take yi, (hawayen iyaye mussaman uwa, akan yaya babbar masifa ce). 

Dukkansu suna pretending kamar sun manta da Maryama, a cewar inna ai tasan inda suke, kuma ta tabbatar tana lafiya dan haka ita ya dace ta nemesu, tunda bata nemesu ba kuma, ya tabbata ta fi jin dadin duniyar da ta shiga fiye da su... 

Amma deep down dukkansu kewarta suke, kuma dukkansu suna kuka a bayan idanun juna suna zubar da hawaye sosai. Duk da inna ta hana amma Jabeer ya baza cigiyar ta gidan rediyo da dan salary dinshi da ya ke samu amma shiru kake ji kamar an shuka dusa, babu ita babu labarinta. 

Haka rayuwa take ta gurgurawa. tun damuwarsu baya bayyana har ya fara cin karfinsu, wata rana Jabeer ya fita makaranta sai dawowa aka yi dashi a hannu yana ta aman jini, ganin wannan tashin hankali ya sa Innarmu faduwa baffane mai karfin halin jurewa a cikinsu amma shima kallo daya zaka mishi ka fahimci damuwar da ya ke ciki, Salima da Fati kuwa gaba daya duniyar tai musu zafi hakama Umaimah gashi biyu take karba, ga na muguwar matar ubanta gana halin rashin maryama da halin da ahalinta ke a ciki. Kwasar su aka yi sai asibiti,inda likita ya tabbatar musu jinin Inna ya yi mugun hawa, matukar wani abun ya kuma daga mata hankali, anything can happen, dan zata iya rasa gefen jikinta (paralyse) Jabeer kuwa zuciyarshi na second to the last stage, matukar bai cire damuwa a ranshi ba, anytime zuciyar zata iya bugawa, and that's the end of him. 

Wannan ne ya kawo sassauci cikin rayuwarsu, likita ya daura su kan magani yayinda sukuma suke ta kokarin dawowa normal self nasu amma sun riga da sun samu gibi a rayuwar tasu. 

Rayuwa tana ta ja abubuwa dayawa sun faru sun shude, a wannan yanayi aka sanya bikin Umaimah da Yusuuf dinta, Umaimah ta yi kuka kamar zata makance yau ga aurenta amma babu Maryama. A bangaren Ummar su kuwa ita da kanwarta baseera sun sha alwashin Umaimah ba zata taba auren mutum mai rufin asiri kamar Yusuf ba, dan haka suke ta kulla yadda za'a watsar da bikin idan ya watse kuma bakin jini zasu sanya mata ta yadda ko kare bazai ganta ya ce ya naso ba balle har ta auru. Ana shirin aure sukuma suna shirin wargaza aure. 

An kawo lefe Masha Allah daidai talaka mai rufin asiri,aka cigaba da hidimar biki, sai dai me, ranar daurin aure har wajajen sha daya na rana babu ango babu danginshi ga mutane an cika yan uwa da abokan arzikin baban Umaimah dan karfe goma aka sanya akan katin gayyata,shiru shiru har sha daya da rabi hakan ya sa aka tashi dan aika zuwa gidansu ango don jin ba'asi, amma labarin da dan aika ya dawo dashi ya girgiza illahirin jama'ar dake can kuryar masallaci yan'uwa da abokan baban Umaimah ciki harda Baffanmu. 

Muryar wani maroki ne ya ratso jama'a har cikin masallacin ya doki kunnuwansu, "A hanzarta a hanzarta rana yana damun jama'a kowa zai koma kan kasuwancinsa, a hanzarta a daura"...Sosai baban Umaimah ya rikice, bai taba zaton hakan akan tilon yarsa ba. 

Baffa ne ya matso kusa gareshi ya rada masa magana a kunne. Zaro ido baban Umaimah ya yi yana kallon Baffa, kafin a hankali wani murmushin farin ciki ya kufce mishi bakinsa ya kasa rufuwa ya mikawa baffa hannu suka yi musabaha, take a wajen Aka daura auren Jabeer Alhussain, tare da Umaimah Mustapha akan sadaki mafi karanci kamar yadda Baffa ya roka, Baffa ne ya zama waliyin ango, kanin baban Umaimah kuma wakilin amarya.  

Sosai juyawar daurin auren ya zowa mutane da mamaki,Jabeer yana kwance a dakinshi tun na samartaka dan tun da aka rufe wancan gidan bai kara bi ta wajen ba, haka kawai ya samu kanshi da rashin karfin jiki wanda ya hana mishi fita daurin auren, sai dai yadda gabanshi ke faduwa akai akai yasa shi mikewa gami da fita waje ya fara daura alwala don yin sallar walaha. A dai dai lokacin ne kunnenshi ya jiyo mishi muryar maroki yana fadin "Alfaaaatiha an daura auren Jabeer Alhussain tare da Umaimah Mustapha akan sadaki....." 

Duk da yadda gabanshi ya yanke ya fadi da yadda zuciyarshi ta buga saida ya rike saitin wajen, hakan bai hanashi tabbatarwa kanshi cewa ba shi ake nufi ba, kawai suna ne ya zo daya, hakan yasa shi shigewa bayi ya kama ruwa, yana daura alwala ya jiyo hayaniya a gidan auren kamar ma harda doke doke ake yi bai gama tantancewa ba. Innarmu ta shigo fuskarta jajur kamar kuka tayi, hannunta damke da na Umaimah dake sharban hawaye duk jikinta ya parpashe alamar ta sha duka har goshinta yana digar jini, direct dakin Jabeer ta turata har ta janyo kofar, hakan kuwa ya yi dai dai da shigowar Ummar su da kanwarta Baseera da wasu daga cikin kawayenta da kallo daya zaka musu ka fahimci asalin yan tasha ne, sai zage zage suke yi. 

Daf da Innarmu Basira ta matso tana rawa da kirjinta tana jijjiga tace, "Ina take?ina Umaimah take na ce, dangin iya ko na baba kuka hada da ita da zaki kwasota ki aunota gidanki? fito da ita kafin mu nuna miki yadda ake rashin mutunci a gidan nan." 

Ko kallo bata ishi Inna ba bare ta san ran zata amsa mata, "Malama ki fitar mana da yarmu inba haka ba mu zazzage miki kwandon rashin mutunci matsiyata dangin tsiya, inace tsabar talaucin dan naku yar'uwarshi jini daya ma kinshi ta yi, ta murje idanunta tayi gaba har yau babu wanda ya kara jin duriyarta shine dan bakin walakanci mu za'a kakabawa yarmu shi, to billahillazi bazai yiwu ba, ki fitar mana da ya ko m**i..Kaza kazanku. Cewar basira tana cigaba da karkada jiki uwa kadangare. 

Tunda suka fara magana Innarmu bata ce komai ba, amma soko zancen Maryama a ciki ba karamin daga mata hankali ya yi ba, mikewa Jabeer ya yi daga inda yake tsugune bayan kammala alwalarsa ya matso garesu, "me yake faruwa kuke neman daga mana hankali haka?" ya tambaya. 

Caraf basira ta karbi zancen, "Yo dole ku ga tashin hankali ai tunda an kakaba ma yarmu wahala, dole ka sauta a yau din nan kuma yanzu yanzu nan, baza mu iya da jidali ba, bazamu saida akuya ta dawo tana cimana danga ba ehe,munji labarin ita yar'uwartaka ma tsabar rashin abinci a gidan ka neman ta akayi aka rasa, to wanda ya kasa rike yar'uwarshi ina zai iya rik.." maganarta ne ya katse sakamakon saukar wasu zafafan maruka da taji a gefe da gefen fuskarta ji kake tauuu, tauuu kamar an harba gurneti. 

Idanunshi kamar zasuyi aman wuta yake nuna musu hanya, "Ku fice daga gidan nan kafin kowa ta samu rabonta, na rantse da sarkin da raina ke hannunsa duk wacce ta kara minti biyar a nan saidai a fitar da ita dan tsaf zan ballawa mata kafa".. 

"Ni ka mara, ni ka sanya hannu ka mara? lallai sai kayi nadamar wannan mari da kamin, sai kasan ba'a taba zuriyarmu a zauna lafiya" daga hannu Jabeer ya yi ya fara lissafa daya, biyu, uk... 

"Kinga basira zomu tafi, zai san ya taba yar halak," cewar umma tana jan hannun basira suka fita gidan da sauran tawagarta dake take mata baya, wani irin tsalle kirjinshi ke yi yana suka cikin nutsuwa ya matso kusa da Inna yace, "Dan Allah inna kar abun da suka yi ya daga miki hankali, kin san dai condition naki, plsss kar ki tayar min hankalin ki. Idan na ra sa ki zan zama dani da banza duk daya, ke kadai gareni da nake kallo inji dadi yanzu a duniyar nan, dan Allah kar ki sanya damuwaa a ran ki, kin dai ji abun da likita ya fada........