Page 7/8/9

MISHAL

By BLACK QUEEN 🤏🏿

***

MAI SAN A TALLATA MASA KAYANSA YAYI MUN MAGANA TA WANNAN NUMBER ***

Book 1 

         page 7/page 8 / page 9 

Da sauri ya ri’kota , ganin da gaske suman tayi. 

Daga inda yake a bayanta ya kwantar da ita akan kujera , kafin ya d’an ran’kwafo kad’an dai dai saitin fuskanta . 

Bayan ya tabbatar da suman da tayi, ya nufi wajan dinning , akwai  jug a samansa , akwai ruwa da yankakken slice lemon a ciki . 

Dai dai rabin cup ya zuba ,sannan ya nufi inda take a kwance . 

Da hannunsa d’aya ya d’an d’agota , sannan ya d’an ibi ruwan kad’an ya yayyafa mata a fuskarta . 

A karan farko Mimi bata motsa ba , sai da ya d’an ‘kara yayyafa mata ruwan tukunna taja dogon ajiyar zuciya me d’an ’karfi tana saukewa. 

‘Kirjinta sai faman sama da ‘kasa yake sabida yadda zuciyarta take faman bugawa da sauri sauri. 

A hankali Mimi ta bud’e idanuwanta , karaf suka sauka akan na Uncle Moh da yake kallanta . 

Cikin d’an sauri ta kulle idanuwan , zata ‘kara ‘kwalla ihu , yayi mata ‘karamar tsawa dai dai kanta .

“ Ki shiga tai tayin ki , karki cika mun kunne .”

Ba shiri ta sauke ajiyar zuciya tana gyara zamanta sosai, sannan ta bud’e idanuwan akansa da ya buga mata wani kallo . 

Ba shiri ta d’auke kanta a kansa tana d’an turo baki cikin ‘kun’kuni. 

“ Uncle Moh ina kwana .” Ta gaishe sa , cikin muryarta da ya nuna sam bata da gaskiya , gashi tama ‘ki kallansa bayan d’auke fuska da take . 

Bai ma bi takanta ba ya bar wajan da cup . A dai dai dinning table ya ajje, shi kuma ya wuce upstairs bayan ya d’auko macijin da take wa ihu . 

Tana ganin ya bar wajan , ta d’an harari hanyar da yabi , cikin ‘kasa ‘kasa da murya ta furta “ Mutum sai shegen fad’in rai , mugu kawai da nasan kana nan da babu abunda zai hana na shigo part d’in nan ai , sai wani faman harhad’e rai kake kamar tarwad’a.” Ta d’auki cup d’inta da wayarta ta bar part d’in ga baki d’aya dan tasan idan ya dawo ya tarar da ita a falon ba ‘karamin fad’a za suyi ba . 

Tana fita part d’in su Zara ta nufa . Babu kowa a falo sai Momyn Zara da kuma wata sister d’inta Aunty Saudat . 

“ Momy ina wuni.” Cewar Mimi. 

Cikin d’an zaro ido Momyn Zara ta furta “ Manya manya , daman ana ganin ku? Yau Mimi na cike file kawai kice tunda na ganki a part d’in nan .” 

“ Haba Momy ko jiya na shigo fa , kin dai manta ne .”

“ Babu wani mantawa da nayi Indai kece Mimi zanga lokacin da zaki canza hali, kullum dai kina d’aki abinki, idan ba da Zara ko Amira ba , ba’a ganin ki a cikin gidan nan.” 

“ Kai Momy …” Mimi ta d’anyi murmushin rashin gaskiya kafin ta kalli Aunty Saudat . 

“ Aunty Saudat ina wuni, ya gida .” 

“ Lafiya Kalau Mimi , ya gida , nazu ai na gaisa da Mamy tace kina d’aki , itama bata ganki ba .”

“ Allah sarki ina ji shi yasa bamu had’u ba .” Sai ta mayar da kallanta kan Momyn Zara.

“Momy bari naje wajan Zara.”

“ Toh Mimi.” Da haka ta wuce d’akin Zara. 

“ Assalamu Alaikum .”

“ Wa’aikumussaalam mara mutunci sai yanzu zaki zo? Har d’akin ki fa na shiga ban ganki ba .”

“ Kefa matsalata dake bakin ki ya fiya sauri wallahi , daga shigowata kin wani soma cacaca da surutu ki bari na zauna ma tukunna , kafin ki soma ‘kananan maganar taki.”

“ Daman Mimi ai dole kice mun ina ‘kananan magana mana , Abeg ina kika je kika zauna na duba banganki a d’aki ba , ko dai part d’in Uncle Moh kika je ?”.

Shiru Mimi tayi mata , ta ‘karasa ta zauna akan stool d’in da yake gaban mirror d’in d’akin.

“ Ya akai naji ki shiru haka ? Meya faru?”

“Me kika gani?” Itama Mimin ta tanbaye ta.

“ No naga kawai kinyi shiru ne not like you , ko wani abu ne yake damun ki?”.

“ Nope babu abunda yake damu na , yanzu ma daga part d’in Uncle  Moh nake , nayi tunanin baya ciki ma na zauna bacci …. Aushe yana nan shiyasa na samu na gudo tunda naga ya hau sama , kafin ya dawo yaci zalina , mugu .”

“ Ke uban me ya kai ki part d’insa , bayan sarai kinsan halin kayansa .”

“ Hmm kema kinsan idan su Aunty Shukura sunanan ba zasu ta’ba ‘kyale ni na huta ba , ga su Uncle Saleem duk zuwa za suyi su dameni. 

Part d’in Uncle Moh ne kawai nake safe , shima kuma da nasan bai fita ba Allah bazan je ba .”

“ Kuma bai miki komai ba ?”

“ Hmm bar mugu maciji ya saka mun, kinga ni dena yi mun ma maganarsa, karki sa zuciyata ta dinga tafarfasa , su Ameerah basu dawo ba ?”. 

“ Anya ba’a can zata kwana ba ? Dan nidai har yanzu batai mun maganar zuwa ba…”

‘Dan d’aga kafad’a Zara tayi daga inda take , kafin ta cigaba “ Wallahi Ameerah idan ta samu comfort a wani waje toh mantawa take da gida , kinsan halinta .” 

‘Dan sauke ajiyar zuciya Mimi tayi a hankali tana fad’in “ Hmmm …” kafin ta d’an jiyo da stool d’in sosai .

“ Hmm kinga ajje maganar Ameerah a gefe , yanzu tashi muje muyi wani abu muci , yunwa nake ji , ko kinci abinci already?”.

“No banci ba wallahi yanzu nake shirin kiran wayanki fa …. Amma kafin nan wallahi you look so off yau , ko wani abune ?”

“yunwa ce fa kawai Zarah. Dan Allah taso muje muci abinci , kafin nayi collapsed….”

“ Okay dear ….” Cewar Zara . 

Ga baki d’aya suka fito daga falon  , suka wuce kitchen . 

Ba wani special abu sukai ba , pancake ne akai masa decoration da fruit da zuma , sai Omelette da toasted bread da sukai , sai drinks da sukai kala biyu , d’aya fruit smoothie d’ayan kuma blueberry drink , sannan suka sake wucewa dashi d’akin Zara. 

“ Sisi me yaki ke gani , anjima muje saloon mana , kwana biyu ba mu fita ba , or mu fita muje musha fresh air mana , ice cream , junks kingane ai … ko ya kika ce ?” Cewar Zara

‘Dan shiru Mimi tayi kamar me tunani kafin daga bisani ta furta “ Wajan ‘karfe nawa kenan zamu ? Kinsan halin su Uncle Abba yanzu sai suce kar mu dad’e.”

“ Mimi ki ‘kyale su Uncle Abba d’in nan suma ai kullum fita suke , a kwanakin nan baki ga basa dawowa da wuri ba .

Nikam na gaji da kullen nan da ake mana , kawai mu cewa su Mamy zamuje saloon , daga nan sai mu wuce mu d’anyi shopping , atleast before 7 sai mu dawo gida, lokaci su Uncle Moh ai duk basu dawo gida ba .”

“ Uhm Uhm fa Zarah.”

“ Ke dan Allah Mimi , yau dai rana d’ayan ko ba zaki ba nayi tafiya na ? Kinga sabida halin nan naki ne bama fita yawo sosai most of the time in ba saloon ba ko kuma wani fita mai mahimmanci . 

Just once in a while let’s enjoyed our self Baby…” 

“ Okay let’s enjoyyyyyyyyyyyyyyyy.” Mimi ta fad’a da ‘karfi bayan ta dun’kule hannunta ta saka dai dai saitin bakinta kamar lasifika . 

Suna hira suna jin abincin su , basu san lokaci ya ja sosai ba sai da wayar Zarah ta soma kiran sallah , a nan ne Zarah taga biyu har yayi , ita kuma Mimi ta mi’ke zata tafi part d’in su tasan Mamy na nemanta yanzu . 

“ ‘Yan mata kinga tafiya na nasan yanzu Mamy tana can tana nemana tun da safe bata sake sakani a cikin idanunta ba .”

“ Toh ‘yar Mamy ai da yake ba Mamyn ki bace ke d’aya .”

“ Na yaushe kuma ? Ke wallahi idan na tsaya biye miki , har la’asar tayi ina nan , kinga tafiya na bye bye . See you …” da haka Mimi ta fice daga d’akin, lokacin da ta sauko ‘kasa har lokacin Momy da Aunty Saudat suna nan a inda suke . 

“ ‘Yar Mamy har angaji damu?” Momy tayi maganar cikin tsokana . 

‘Dan murmushi kawai Mimi kafin ta bata amsa “ Aa Momy …”

“ Okay Dear a gaishe mun da Mamy…”

Da “ Toh” kawai Mimi ta amsa kafin ta wuce part d’in su d’in. 

Tana shiga , d’akin Mamy ta wuce direct . 

A hankali ta ‘kwan’kwasa kofar d’akin sau biyu, kafin ta murd’a handle d’in tana d’an turo ‘kofar kad’an , sannan ta d’an le’ko da kanta ciki kad’an kamar wata Baby. 

Cikin siririyar muryarta ta furta “ Assalamu Alaikum.” 

“ Wa’alaikumus Salam …” daga cikin d’akin Mamy ta amsa mata , kafin ta ‘kara da “ Mimi…” 

A hankali Mimi ta amsa mata “ Naam Mamy .”

“ Shigo ciki mana , kika tsaya daga waje.”

Ba musu Mimi ta ‘karasa bud’e ’kofar , kafin ta shigo ga ba d’aya .

Mamy tana zaune akan gadonta tana duba waya, shigowar Mimi yasa ta dakata da abunda take yi , sannan ta nuna mata gefen gadon da hannu alamar tazo ta zauna .

Da sauri Mimi ta ‘karasa gefen gadon, amaimakon ta zauna sai ta kwanta , sannan ta d’ora kanta , akan cinyar Mamy d’in . 

“ Mamy sannu da gida .” 

“ Yawwa ‘Yar Mamy , sai yanzu kika tuna dani kenan?”.

“ A’a wallahi Mamy , bacci nake so nayi d’azu kuma kinsan indai su Aunty Shukura sunanan ba zasu ta’ba bari na nayi bacci ba , a part d’in Uncle Moh kawai zan iya bacci na hankali kwance .”

“ Tsaurin idanki ya miki yawa ai , na rasa wa kika d’auko , ga tsoro ga kuma neman rigima , kinsan sarai yana nan amma kika wuce part d’insa , idan ya sakaki kuka kuma Kızo ki ta’bata rai .”

“ Wallahi Mamy bansan yana cikin gidan ba shiyasa naje , kema kinsan inda na sani babu abunda zai kaini can d’in…”

“ Yanzu ai daga can d’in kike ko?”.

Girgiza mata kai Mimi tayi “ No Mamy daga part d’in su Zarah nake , yanzu ma ke nazo dubawa sannan nayi sallah ..”

“ Kinci  abinci toh ?”

“ Eh Mamy naci…” 

“ Oya tashi kije kiyi sallah toh .” Mamy ta d’aga ta daga cikinta , shiyasa Mimi ta d’anyi dariya “

yanzu zan tafi Mamy ba sai kin kore ni ba .

Amma zuwa anjima zamuje saloon nida Zarah, kinji Mamy?.”

“ Ku kuma haka tunanin ku ya baku kuje saloon da yamma, of whole day sai da yamma zakuje saloon?”. 

“ Kai Mamy akwai rana garin ne fa shiyasa muka ce zamuje da yamma .”

“ Okay yaushe zaku dawo?”

“ Kafin Magrib insha Allah Mamy sabida ana gama mana zamu dawo.”

“ ah toh dan babu ruwana idan kuka dawo late , zaku had’u da uncles d’in ku ..” 

Cikin sauri Mimi tayi hugging d’inta “ Shiyasa nake sanki Mamy na .” Kafin ta tashi da sauri tana dariya sabida yadda Mamy d’in take faman tureta a jikinta itama tana dariyar .

Babu ‘bata lokaci Mimi ta wuce d’akinta dan tayi sallah . 

Sai da ta soma jingina bayanta da jikin door d’in , sannan ta sauke nannauyar ajiyar zuciya . 

Agogon d’akin ta kalla ganin 2 har da 15 , tayi saurin wucewa toilet . 

 Bata jima sosai ba sabida alwala kawai tayi ta tayar da sallahr azhar d’inta . Tana idarwa kuma tayi azkar da d’an addu’o’i kafin ta kwanta a kan daddumar, tana lumshe idanuwa kamar me bacci . 

Tsawan mintuna biyar tana nan a haka , kafin ta soma jin hannu a kanta alamar ana shafa mata shi. 

A hankali ta bud’e idanuwanta da suka soma lumshewa , ta d’ora su akan Joy da take gefenta. 

Cikin gyaran murya Mimi ta furta “ Joy sai yanzu zan ganki? Ina kika je haka ?”.

“ Na tsaya yin wani abu ne Mimi shiyasa ma kika ganni shiru , yanzu ma na gama abunda nake shiyasa na taho wajan ki .” Joy ta ‘karasa tana tsirawa Mimi idanu. 

Itama Mimi da take kallanta ta d’an d’aga mata gira guda d’aya “ Mene ne kike kallo na haka kuma Joy?”. 

“ Mimi kinje part d’in Moh ko?”.

“ Eh naje … kema kinsan halin su Aunty Shukura zasu takurawa rayuwata ne .”

“ Haka ne kuma . Ina zaku je ke da Zarah?”

“ Saloon…” Mimi ta bata amsa tana mi’kewa zaune .

“Saloon da ina kuma?” Joy ta sake jefa mata tanbayar , idanuwanta har yanzu akan Mimi .

“ Saloon ne kawai , sai may be ice cream da zamu tsaya mu siya , amma shima sai mun soma tabbatar da time tukunna kar muyi dare .”

“ Sai kuma ina da ina zakuje?”.

“ That’s all Joy… me yasa yau tanbayarki tafi ta ko da yaushe yawa ? Daga wannan tanbayar sai wannan.”

“ Wa zai kai ku Saloon d’in?” Joy ta share tanbayar Mimi , ta hanyar sake jefa mata tata tanbayar . 

“ Driver ne .” 

“ Toh kar ku d’auki Driver , Zarah ta kai ku.”

“ Amma ba lalle Mamy ta bari sabida yamma , and if yes ta bari , idan d’aya daga cikin su Uncle suna na ba zasu bari mu fita mu d’aya ba , kin san da hakan.”

“ Na sani amma kuyi tafiyarku ku kad’ai , sannan karki manta da maganata , ba kowa ne zai miki magana ki amsa ba , kar ki kula kowa a waje kinji?”.

“ Kullum sai kinyi wannan maganar kamar ina kula wasu idan na fitan ….”

“ Har yanzu Yarinya ce ke Mimi, wasu abun gwanda ki bar su a rufe , wata ‘kila yau rana ta d’anyi miki zafi , amma daga baya zaki ji sanninta…. 

Kuma kiyi ha’kuri da Moh tunda shi d’in Uncle d’in ki ne , baki da kowa kamar shi duk duniyar nan .”

“ Kullum maganar ki kenan Joy , kin manta yadda baya ‘kaunata yanzu …” 

“ Duk da hakan baki da kamar shi , kamar yadda shi d’in ma bashi da kamar ki duk duniya ….”

“ Shi mugun ko?”

“ Koma me zaki ce kice , kuma ki ri’ke maganata guda d’aya , a duk lokacin da matsala ta tun kare ki, ya zamo mutum na farko da zaki soma neman taimako a wajansa , koda kuwa me zai faru , ko na kuwa zai kashe ki ne , ya zama number na d’aya ..”

Yanzu kam ta’be baki Mimi tayi , dan in ana haddace magana toh ta dad’e da hadda ce wannan maganar tsawan shekaru …

“ Toh shikenan naji maganar ki Joy .”

“ Bawai iya ji zakiyi ba har da d’auka zakiyi … akwai abunda zanyi yanzu shiyasa bazan biku ba , amma ki kula , ki kula Mimi… ki kulaaaa sosai …” yanzu harda d’an ta’ba kafad’unta Joy tayi da d’an ‘karfi , bata bari Mimi tayi magana ba ta ‘bace ga baki d’aya daga d’akin. 

Ita kuma Mimi jingina tayi da jikin gado a inda take , tana ta maimaita maganar Joy … 

A duk fitar duniya idan har ba tare da Moh zata fita ba , toh tabbas sai Joy ta fad’a mata wad’an nan maganar , ba wai wannan ne karo na farko ba.  

Tun daga tsawan shekarun da ta san Joy , har zuwa yanzu a duk fitanta wannan shine abu na farko da Joy take sake tunatar da ita , har yanzu kuma batasan dalilin hakan ba .

Moh kuma? Shine number 1 controller a rayuwarta , duk fad’an sa shine kuma number safe zone d’inta , kasancewar he was once a father to her …

Tunanin hakan yasa ta d’an sauke ajiyar zuciya , bayan ta kuma tuno abunda ya had’a su d’azu sai ta d’an turo bakinta waje kad’an tana fad’in “ Mugu kawai …”. a fili . 

Sannan ta d’auki wayarta ta shiga instagram tana d’an duba abunda yake faruwa, sannan ta shiga game . 

Tana cikin game d’in ne number Zarah da tayi saving da Besty ya shigo wayarta alamar shigowar message. 

Bata tsaya ‘bata lokaci ba ta shiga cikin message d’in. 

“ Mimi please karki yi late fa , ana idar da sallah ki fito , tun yanzu kiyi wanka , kar kiyi delayed a hana mu fita kinji? Habibtty😍”. 

Kafin tayi reply wani message d’in nata ya sake shigowa “ And Ameerah ma tace zata bimu are you okay with that?”. 

Kafin tayi reply wani message d’in ma ya sake shigowa .. 

“ Tace daman tana shirin zuwa kuma wata friend d’inta da suke waya d’azu itama zata je sai mu tafi duka tare … kinji ?”..

The fourth message “ Please say something..”

Mimi tana gama karanta messages d’in ta dafe kanta kad’an kamar me tunani , kafin tayi mata reply .

“ Am okay with Ameerah amma mene ne had’in mu da zuwan friend d’inta ? Nikam am out gaskiya …”

 Tana tura message d’in ko 1 minute ba’a cike ba Zarah tayi mata reply .

“ Haba mana Mimi , kar Ameerah taji ba dad’i , dan dai zuwa saloon is not a big deal mana , please… This once for my sake ! Please..”

“ Nidai am out , mu ha’kura next time sai muje ..” tana turawa sai ga kiran Zarah . 

Zarah bata bari tayi magana ba ma ta soma ro’kanta “ Please please please Mimi… already na fad’awa Momy da Abba dan Allah mana , kar kısa Ameerah taji so offended mana . 

Mene ne a ciki tunda ba dad’ewa zamuyi ba ? Please…”

Numfashi Mimi ta sauke kad’an kafin ta furta “ Okay it’s fine..”

Daga cikin wayan tana jiyo ihun Zarah , kafin tayi mata reply “ Ko kefa Mimi , that’s why I love you … bye bye karki manta ki shirya da wuri please nima zanyi abu ne sai na shirya kinji?.”

“ Okay ..” Mimi ta bata amsa tana kashe call d’in. 

Daga nan kuma book d’inta na jiya ta d’auka ta soma karantawa, har ta soma mantawa ma da fitan sabida yadda labarin da take karantawa ya shiga kanta sosai . 

Sai da aka soma kiran sallar la’asar tukunna ta ajje book d’in. 

Wanka ta somayi tukunna tayo alwala , just doguwar riga ta saka a jikinta , sannan tayi sallah . 

Tana idarwa kuma ta soma cin karo da message d’in Zarah . 

Bata tsaya bi ta kansu ba , ta soma shiryawa …

Lotion d’in, daily skin care d’inta , da little bit lipstick da ta saka , sai d’an giranta da ta taje kad’an .. 

Sai a lokacin ta soma tunanin kayan da zata saka , kafin daga bisani ta bud’e side d’in materials d’inta .

Wani pink material ta d’auko , jikinsa akwai ado , ga kuma rawa da santsi da yake dashi . 

Yana da dogon hannu, daga ‘karshe akwai d’an roga a jikinsa sai kuma d’an kad’an d’in material da ya d’an rufe mata fingers d’inta amma ba duka ba . 

Ba’a wani adon d’inki a jikin saba sabida irin free gown d’in nan tayi. 

Sai dai kayan sunyi mata kyau sosai , gashi babu ko hoda a fuskarta , sai zallan natural beauty d’inta . 

Mayafin da tayi anfani dashi baby pink ne kamar kayan , sai zobe guda d’aya da ta saka a finger d’inta.

Takalmin ‘kafarta white ne , tare da mini fashion bag d’inta shima white . 

Mimi tayi kyau , to the extend that , duk wanda ya kalleta sai ya sake kallanta , ba daga maza ba har daga matan idan sun kyalleta sai sun sake , ga idanuwanta da suka fito sosai Masha Allah . 

Indai ana maganar kyau toh Mimi sai dai tace Alhamdulillah dan Allah ya gama yi mata komai . 

Perfumes d’inta from different brands ta feffesa, shima kad’an ba sosai ba yadda zai hau . 

Sannan tayi selfie kamar guda hud’u haka a cikin wayarta . 

Before ta d’auki wayanta , Zarah tayi mata kira na kusan uku kenan … 

A last kira d’in yanzu ne ta d’auka tana fad’in “ Ganinan sakkowa ! Give me one minutes My lady …”

Daga cikin wayar Zarah ta furta “ Kin tabbata kin shirya ko tsokanata kike? Ina kika ajje wayar ki ma , tun d’azu nake kiran ki , da baki d’auki wannan call d’in ba da kin ganni cikin bedroom d’in ki.”

“ Yeap naga kiran ki, idan na tsaya d’aukan call d’inki zaki dakatar dani daga shiryawa , so yanzu da na gama ai gashi na d’aga . 

Yanzu zaki ganni na fito , zan yiwa Mamy a little Bye ne …. See you in a minutes …”

“ That’s my girl ! Nima yanzu zanyi wa Momy magana , till we caught up … yaaa bye …”

Ita ma Mimi tace mata “bye” kafin ta kashe call d’in .

‘Dakin Mamy ta nufa sai dai kash , lokacin da ta shiga Mamy bata cikin d’akin, ta dai ji motsin ruwa kamar tana toilet , shiyasa kawai ta ‘kyaleta tunda already ta fad’a mata d’azu , amma kuma ta mata dropping text through her phone . 

Tasan zuwa yanzu idan bata fito ba Zarah zatai ta daminta da call

Shiyasa kawai ta fito compound d’in .. saura kad’an siyi kici’bis da Zarah da take nufo part d’in nasu itama…

Kayan jikinta riga da wando ne , wandan plazo , sai red top d’insa .. da kuma white veil , tayi simple makeup, ga kuma nude d’in janbaki da ta saka , tayi kyau sosai sai dai ba kamar Mimi ba ..

“ Woowww ! Mimi kinga kyaun da kikai kuwa ? You look so gorgeous…wallahi …”

“ please karki soma ! Kema kinyi kyau d’in , idan kuma kika tsaya complement su Yaya Sadiq suka shigo , ni babu ruwana , I will just go back …. Simple …”

“ Okay fine ! Let’s go daman key d’in Yaya Sadiq na d’auko . Muyi muyi mu dawo tun kafin ya cinye ni d’anye na , kuma babu mai ‘kwata na .”

“ Okay but Ina Ameerah .”

“ Oh zamu d’auke su a hanya ne , kafin mu ‘karasa salon d’in ..”

“ Okay” Kawai Mimi tace , kafin su nufi wata ba’kar Benz da take gefen compound d’in, ba’ka tass tasha wanki babu ‘kura akanta . 

Zarah tana driving seat Mimi kuma tana gefenta , kamar wata innocent girl haka Zarah ta fita daga cikin gida cikin low speed , sai da ta tabbatar ta fita daga cikin duka gate d’in gidan tukunna taja motar a high speed . 

Basuyi long tafiya ba Ameerah takira wayar Zarah ta fad’a musu inda zasu d’auke su. 

Duka daga inda suke 5 minutes ne ya kai su , Ameerah tasha matsatsan ‘kananan kaya , tayi d’aura mayafinta , tayi gyaran gashi kad’an daga waje wanda ya nuna kwantaccen gashin kanta , amma tayi kyau itama ba lefi , ga tauna da take yi d’ai d’ai abunta . 

Kusa da ita kuma akwai wata chubby girl , fara kalar Zabiya , itama ‘kananan kaya ne a jikinta , but babu d’an kwali sai attachment d’in kanta da ta tufke waje d’aya , bayan heavy makeup da yake fuskar su , har da ba’kin sun glass suka saka . 

Mimi da Zarah sai da suka kalli juna lokacin da suka ga su Ameerah cos basuyi tunanin kalar friend d’in da zasu fita saloon da ita kenan ba .

Zarah ce ma ta d’anyi mata ya’ken murmushi tana cewa “ Hii” sabida itama “ Hi” da ta ce mata . 

Mimi tun daga “ Hi “ da tace musu bata kuma musu magana ba , gwanda d’ayan friend d’in da take d’an yiwa Mimin magana , da taga she’s not interested kuma sai ta dena mata magana. 

Daman Ameerah data shigo cikin motan bata ma yiwa Mimi magana ba sai Zarah . 

Ita kuma Zarah ji tayi motar tayi mata wani iri ba kamar yadda suka fito ba , that makes her to put a little song , da ya canza mood d’in motar , harta Mimi da ta soma vibe d’in wa’kar tare da Zarah , ita kuma Ameerah ta soma da friend d’inta , dan har an fijin muryar su a cikin motar . 

20 minutes ya kai su saloon d’in da suke san zuwa . 

Yana da matu’kar girma , kana ganinsa ba irin simple saloon d’in da zaka je ka bada ‘kananan kud’i bane .

Wannan daga yanayin tsaruwarsa kad’ai ya tabbatar da sai wad’an da suka isa ne tukunna zasu iya shiga cikin wajan. 

A cikin compound d’in wajan Zarah tayi parking motar , duk suka fito . 

Tun daga bakin wajan ake ve musu welcome Ma’am har suka shiga ciki. 

Basu tsaya a dai dai receiption ba suka hau sama , nan ma sai da aka bud’e musu VIP . 

Wajan an ‘kawata sa da kujeru sai kace falo , masu kyau , gashi sai faman tashin ‘kamshi yake . 

Anan aka tar’besu, aka kawo musu drinks masu sanyi da snacks .. 

Already akwai list of services da ake a wajan , kowa ya za’ba wanda yake so . 

Kusan a lokaci d’aya za’ayi musu sabida şuna da ma’aikata komai kuma cikin tsari ake yi harta ‘kawar Ameerah sai da ta cire wig d’inta , nan gashinta ya fito aushe ba wani gashi bane da ita . 

Tunda Mimi ta cire veil d’in kanta ta kasa d’auke idanuwanta akan gashin ta , sabida mamakin yawan gashin da take , mamakinta kuma ya kasa rufuwa har akan fuskarta , dan sai da Ameerah ta d’an harareta tukunna ta waske ..

An musu gyaran gashi sosai da sosai , yadda wajan yake da kyau haka ‘bangaran service d’in su yake da kyau shima . 

Sai wajan 5:40pm aka kammala musu kowa ya mayar da veil d’insa , sukai payment sannan suka fito .

Da aka shigo mota ne Zarah ta kalli Mimi .

“ Let’s get some drinks mana …”

Jinjina mata kai Mimi tayi alamar toh , kafin Zarah ta kunna motar su fice daga cikin saloon d’in. 

“ Okay ladies ! Ina zamu je yanzu ?” 

“ Just mu samu kusa kusa mu siya drinks d’in sai mu wuce gida kinga kar magrib tayi mana a gida , it won’t be nice for all of us ..”

“ Yeah I know Mimi but atleast apart from drinks , mu siya ice creams ko junks ne mu tafi dashi gida , me drinks zai yi mana shi kad’ai ko?.”

“ Zarah leave her ! Itama na gulma ne , tanasan zuwa but kamar she’s innocent take so ta nuna ….” Cewar Ameerah .

‘Dan juyowa Mimi tayi ta kalleta daga inda take from head to toe, kafin ta furta “ Excuse me …?”

“ Excuse you for what.?.” Itama Ameerah ta bata amsa tana yatsına fuska .

Mimi za tayi magana Zarah tayi saurin rigata “ Please Ameerah it’s okay tunda har ba tayi miki magana ba , just ki fad’i ra’ayin ki itama ki bari ta fad’i nata …”.

“ Wai mene ne abun fad’a anan..” cewar Kawar Ameerah , tayi maganar cikin iyayi ta wani sha’ke muryarta kamar wacce akayi wa dole sai tayi magana . 

Kafin ta juyar da muryarta zuwa turanci tana kallan Ameerah “ Please Dear is okay ! Kowa fa opinion d’insa ya fad’a and beside , it’s not a bad thing …. Ko ya kika ce ?”.

“ Okay is fine Cynthia … don’t mind me…” cewar Ameerah , hakan yasa , Cynthia ta kalli Mimi daga bayan da take , tana sakar mata wani killer smile , da turanci ta furta “ Please kema kiyi hakuri , okay?” .

Kamar wacce tayi magana da gawa , haka Mimi ta mayar da ita , ita bata amsa bata ba , kuma bata nuna mata alamar tasan me take yi bama , a haka tafiyar motar yanzu ma ta kasance babu surutu sosai a tsakanin su .

30 minutes ne ya kai su Frosty Pops … 

   Ameerah da Cynthia ne suka soma sauka cikin motar dan basu ma jira su Zarah ba suka shiga . 

İta kuma Zarah tana ‘ko’karin fita ta kalli Mimi ganin har time d’in Mimi bata yun’kura ba . 

“ Mimi ya kika zauna ? Ki taso mu shiga mana ..”

“ No zan zauna anan … kuje ku dawo..”

“ Badai abunda Ameerah tayi bane ya ‘bata miki rai ? Common Mimi , we’re here to enjoy please, kin riga kinsan halin Ameerah … 

Dan Allah taso mu shiga kar dare yayi , idan kika zauna ke kad’ai ba zanji dad’i ba .”

“ Kema kinsan bata isa ta ‘bata mun rai ba , kawai I don’t feel like going shiyasa ma kawai nace kuje .”

“ Okay fine nima na fasa zuwa , idan sun fito sai mu koma gida.” Cewar Zarah tana komawa seat d’inta. 

“ Common Zarah.. mene ne haka kike ?”.

“ Ke mene ne haka kike? Tunda ba za’a fad’a miki magana ba kowa yayi abunda ya fi mishi , kince ba zaki shiga ciki ba good for you , nima nace ba zan shiga ba it’s also fine for me …”

Kallanta Mimi ta tsaya yi kafin ta d’anyi murmushi tana dukan kafad’anta da wasa “ Shikenan , let’s go, amma bazamu zauna ba ,  nasan a ko wana time yanzu Mamy zata iya kiran mu wallahi.”

“ Na yadda ! Let’s go.”

Kanta Mimi ta jinjina mata , suka fito daga motan so loving , kana ganin su kasan akwai sha’kuwa sosai ta musamman a tsakanin su , sun ri’ke hannun juna suna tafiya , like mostly besties…. 

Lokaci da suka shiga su Ameerah already sunyi placing order d’in abunda suke so , har sun samu waje sun zauna ma . 

Cynthia ce ta fara ganinsu , sai ta d’aga hannu tana musu alamar su ‘karaso . 

Babu musu kuwa duk suka nufi table d’in, sai dai basu zauna ba hakan yasa Cynthia ta nuna musu kujerar da hannu tana fad’in “ Guys ! Come and join us.”

Zarah za tayi magana Mimi ta rigata “ No thank you ! Tunda ba wani dad’ewa za muyi ba , we have to rush back …”

“ Me haka Mimi , daga cewa ku zauna , ko dan ba friend d’inki bace ? I don’t think she sound offended uhmp?”.

“ Hey please…. Hold it …. Hold it back .” Cewar Mimi.

“ Hey it’s fine …. Ameerah you don’t have to talk back ….its my fault. Let’s just place da order and go back …”

Ameerah za tayi magana Zarah ta matso kusa da Mimin “ it’s fine Dear … me kike so na amso miki ?”

“ Ice cream or Boba tea … Wanda dai zai fi sauri …”

“ I gat you….” Cewar Zarah , sannan sukai placing order d’in abunda suke bu’kata . 

Har lokacin kuma basu zauna ba ita da Zarah , Cynthia kuma an kawo musu abunda sukai order , Ameerah na danna waya , Cynthia kuma tana taking little pictures of what they order . 

Few minutes back aka kawo order d’in su Mimi , already daman sunyi payment , kar’ba kawai sukai suka fito .

Kowa fuskarsa da yanayinta sai dai yanayin Mimi ya canza sosai daga yadda take , which ko ita ne aka tanbayeta meke damunta ba lallai ta fad’a ba . 

Wana irin damuwa kawai ta tsinci kanta a ciki ba tare da tasan dalilin damuwar ba . 

Kallan time d’in wayarta tayi 6 har da minti 30 . 

‘Dan lumshe idanuwanta tayi tana sakin nunfashi kad’an , a dai dai lokacin da kiran Mamy ya shigo wayarta . 

Babu wani ‘bata lokaci ta d’aga call d’in bayan ta sake rintse idanuwanta kad’an tana bud’e su .

“ Hello Mamy..” shine abunda ta soma fad’i lokacin da tayi picking  call d’in. 

Daga cikin call d’in Mamy ta furta “ Saloon d’in kenan Mimi ? Sai yaushe zaku dawo ko har yanzu ba’a gama saloon d’in bane ?”.

“ Sorry Mamy , already angama mana , yanzu zamu taho gida ma , mun d’an tsaya a Frosty Pops ne , mu amsa ice creams sai mu ‘karaso .”cewar Mimi kamar bata san yin magana . 

“ Frosty Pops kuma ? Shine zuwa saloon d’in naku ?”.

“ No Mamy …” Mimi ta sake bata amsa .

“ Then baku ga time ba ? Ko ice cream d’in ne babu a gida , ko kun kira Uncles d’in ku since bq zasu siya muku ba?.”

“ Mamy duk ba haka bane , kınsan yau akwai rana yanzu zamu taho Allah har mun fito daga wajan ma yanzu , gida zamu dawo direct …”

“ Kuyi sauri …” Mamy ta bata amsa kafin tayi cutting call d’in.

Kallanta Zarah tayi “ Me tace ?”.

“ Kema kinfi kowa sanin me zata ce , tace mu dawo gida .”

“ Ai shikenan let’s go …” cewar Zarah . 

Sai da suka nufi daf wajan Mota tukunna Zarah ta bud’e bag d’inta zata d’auki key . 

Sai dai babu key kwata kwata a ciki .

Sau biyu tana sake dubawa kafin ta d’anyi froze kad’an na d’an lokaci tana tunani..

“ Tunanin me kike ? Ki bud’e mana mota mu shiga .” Cewar Ameerah .

Itama kallanta Zarah tayi cikin tunanin ta furta “ Banga key d’in ba.”

“ Kamar ya baki ga key d’in ba ?”. Ameerah ta sake tanbaya .

“ Yes abunda nace kenan .”cewar Zarah .

“ It’s fine Zarah bari na shiga na duba inda muka tsaya probably ma a wajan ne key d’in ya fad’i.” Cewar Mimi ba tare da ta jira reply d’in kowa ba ta bar wajan zuwa cikin wajan. 

Tana shiga direct wajan da suka tsaya ta nufa , tana duba key d’in babu shi kwata kwata , har wad’an da sukayi placing order a wajan su suka tanbaya suma suka ce basu gani ba dan sai da suka duba matan suma . 

Haka ta ha’kura da  dubawar tayi ‘ko’karin fitowa .

Kamar ance ta kalli wani shara da yake gefen hanyar fita sai kawai idanuwanta ya sauka a kan key d’in. 

Cikin mamakin yadda akai ya zo wajan ta d’auko shi tana dubasa sabida ta tabbatar da ko shi d’in ne .

“ Yes key d’in ne ..” bata tsaya wani dogon tunani ba sabida tanasan komawa gida , kawai sai ta watsar da tunanin komai ta nufo su Zarahn tana d’aga mata key d’in. 

“ A ina kika gansa ?” Zarah ta tanbaya lokacin da take amsar key d’in.

“Ciki mana probably daman nace miki may be a ciki ya fad’i , now we’re good to go right ?”.

“Yesss Dear…” Zarah ta bata amsa , kafin ta kunna mota kowa ya shiga kamar d’azu Zarah da Mimi suna gaba , Ameerah da Cynthia suna baya . 

_______ Ana cikin tafiya a hanya text daga unknown number ya shigo kamar zata share sai kuma ta duba message d’in.

“ KI KULA DA KANKI …” shine kalma hud’u da akai mata . 

Sake maimaita kalmar tayi aranta, kafin tayi ‘ko’karin shiga taga wane ne ya turo mata message d’in . 

Babu number babu alamarta , duk yadda taso ‘ko’karin nemo

Number ta kasa ga baki d’aya abun kamar wani almara . 

Kallan Zarah tayi kamar zata fad’a mata , sai kuma ta share ganin ba su kad’ai bane a cikin motar , sai da ta mayar da kallanta zuwa window .

Yadda motoci suke faman tafiya abun su , har hankalinta ya kai kan wata mota ba’ka me ba’kin tinted da take bayan su . 

Zarah ba wani over speed gudu take ba ,  motoci da yawa suna wuce su , amma abunda zai ja hankali yadda itama motar bata gudu sai dai motoci da yawa da suke wucewa . 

Cikin za’kuwa Mimi ba tare da ta kalli Zarah ba ta furta “ Zarah d’an ’kara speed d’in motar nan , ki wuce atleast 2 cars or more .”

“ But why ?”. Zarah ta tanbaye ta .

“ It’s nothing , kedai kawai kiyi , just for chill …”

Babu musu Zarah tayi kamar yadda Mimi tace . 

İta kuma Mimi idanuwanta yana kan motar nan tana so taga ko zata ‘kara gudu ko zata tsaya a yadda take d’in. 

Sai gashi kuwa itama ta ‘kara gudu sosai , ta wuce cars d’in da Zarah ta wuce , ta sake dawowa bayan Zarah d’in kamar d’azu . 

“ Zarah d’an ‘karayı …” 

Kallanta Zarah tayi , ganin hankalinta na cikin mirror sai kawai ta sake yin yadda tace, itan ma tana d’an sakar mirror d’in, Wanda akan idanta ba’kar mota ta dawo bayanta . 

Sai suka kalli juna ita da Mimi . 

Da ido Zarah tayi mata magana , ita Mimi ta d’an mata alamar itama bata sani ba.

Duka wannan abun Ameerah da Cynthia basu san me yake faruwa ba . 

Cikin ganganci Zarah ta canza hanyar da suke bi , zuwa wani side d’in. 

At the same time motar da suka gani itama ta bi side d’in. 

Hankalin su ga baki d’aya ya tashi sabida basusan me hakan yake nufi ba , shiyasa Zarah ta ‘kara speed dan hanyar da suka bi yanzu sai ya d’an ja musu lokaci kafin su tafi gida tunda kamar baya suka sake dawowa a wani wajan . 

Cikin tsoro Zarah ta furta “ Wai wana mota ne haka Mimi?.”

“ I don’t know too ..” itama Mimi ta bata amsa .

“ Wana car kuke magana akai ?” Cewar Ameerah .

Zarah da ta soma dibibi cewa ta furta “ I don’t know Ameerah , amma kamar akwai motar da take bin mu a baya ..”

Kusan lokaci d’aya Ameerah da Cynthia suka firta “ Whattttttt..”

Ba shiri ko wani second thought Ameerah ta d’auki wayanta tana danne danne , cikin sauri sauri. 

Mimi kamar tasan hakan zai faru ta jiyo ta kalleta “ Ameerah amma ba fad’a zakiyi a gida ba ko?”.

“ Kin riga kinsan amsar ai , zan zauna kawai mota na bin mu ban san ko wana mota bane , salan na rasa raina a banza .”

“ Amma ai bamu confirming motar mece ce ba ko?.”

“ To uwar bin diddigi ai sai kisa Zarah tayi parking motar sai ki fita ki tanbaye su ko su wane ne su .”

“ Kai kai kai Ameerah kina da matsala wallahi sometimes. 

Yanzu mene ne na bakar magana ke kwata kwata ba za’a fad’a miki magana kawai ki d’auka ba , sai kin dinga ya ‘bawa mutum yadda kika ga dama me haka ? Ku bari mu koma gida safe mana .” Zarah ta d’anyi maganar a ‘kufule … 

Cikin ‘karamar murya Cynthia ta kalli both Ameerah da Mimi “ Please kuyi ha’kuri mu koma gida safe , idan ya so daga baya sai kuyi magana …” 

Maganar Cynthia kuwa kamar ‘kara ziga Ameerah yayi , dan har d’agowa tayi sosai daga jin ginin da take tana fad’in “ Safe ? How can we be safe when someone is literally following us ?.”

“ Amma ba mu da tabbacin hakan, zargi ne kowa yake , we’re not that sure .” Cewar Zarah . 

“ Then stop the car and let’s confirm !”. 

“ You’re insane Ameerah ! Baki da hankali abi?.” Cewar Mimi .

“ Ina zanyi hankali tunda kece kike rabawa , ai baki bani nawa kasan ba shiyasa bani dashi .

The fact that kina gaban motan ma , atleast tun tuni ya kamata ki duba kiga in we’re safe , but your mind is somewhere else ….

Banzan kallo Mimi tayi mata yanzu sabida yadda ta gaji da halin Ameerah yau “ Am feed up with your nonsense now Ameerah . 

Do your worst please , wait me kike so ma nace miki? Ajje ni kikai da ko wana movement akai sai na kawo miki? Tunda job kika bani?”.

“ Nothing ! I’m just saying …” 

“ Ameerah please!” Zarah ta ka tseta daga abunda take ‘ko’karin cewan .

Amma ina sai da Ameerah tayi magana . 

“ Zarah baki ji abunda ta gama cewa ba yanzu , wallahi sometimes idan Mimi tayi abu har mamaki take bani , sai kace tafi kowa .” 

Sake jiyowa Mimi tayi ta kalleta kafin ta furta “ Excuse me ?”.

“ Yes kinji ni sarai ai abunda nace .”

“ Ameerah wai me kike so ne ? Tun d’azu neman abunda zaki jangwalo ni kike , what do you want please! Me nayi miki ?”

“ Ni ai bance kin mun wani abu ba , I can talk and i have the right to talk abi.”

“ Yes you can talk yadda kike so Ameerah , but for now please stop talking to me ..”

“ Ke zaki iya magana nice bazan yi ba sabida kin haife ni am under you ko ?”.

“ AMEERAH .” Zarah ta fad’a da ‘karfi . 

A wannan lokacin sai da motar ta d’anyi zig- zag sabida juyowar da Zarah tayi ta kalli Ameerah lokacin da ta ambaci sunanta . 

Cikin sanyi da tsoro Mimi ta furta “ Becareful Zarah .” 

Gyara hannunta sosai Zarah tayi , cikin calm voice tace wa Mimi “ Mimi dan Allah ki rabu da ita haka , hankali na yana ‘ko’karin rabuwa biyu kinga abunda ya faru yanzu .”

“ Fine ! Na bari .” Cewar Mimi tana mayar da kanta saitin Window . 

Sai da Ameerah ta sake magana , amma both Zarah da Mimi shareta sukai , kamar basu san tanayi ba , sai a time d’in Cynthia ta d’an ta’bata alamar tayi shiru , sannan ta nuna mata ‘karamun note message da tayi a wayanta .

Ameerah tana gama karantawa ta d’an ja ‘karamun tsaki , sannan ta koma ta zauna sosai akan kujera . 

“ Zarah I think mu shiga more crowded place , ko mu tsaya a police station tunda wajan nan babu cars sosai .” Cewar Cynthia .

“ Yeah kin kawo good idea .”

Cewar Zarah kafin ta ‘kara speed d’in motar har sai da Mimi ta furta “Zarah… please slow down a little.”

“Ba dai yanzu ba .”

“ Zarah” Mimi ta kuma ambatan sunanta .

“ Mene ne ?”. 

“ Kalli mirror .” 

Babu musu Zarah ta duba mirror su kuma su Ameerah suka juya bayan mota dan suga me yake faruwa . 

Motar yanzu guda biyu ce , bayan wadda take bin su , da kuma wata da ta fita girma , ba’ki da kuma duhu sosai .

Kafin d’aya daga cikin su yayi magana wata ‘bakar motar ta sake ‘billowa , suka zama su uku, amma sun saka motar da take bin su Mimi a tsakiya . 

Sai Zarah ta ‘kara speed d’in motar su , kafin ta tsakiya tayi over speeding , sai d’aya daga cikin motocin da sukazo tayi over speeding. 

Ya zamto motar su Mimi na gama , sai d’aya daga cikin SUV CAR sai ‘bakar motar da take bin su , sai kuma d’ayar SUV car d’in itama . 

Amma yanzu sunyi mugun rage speed d’in su , sabida motar gaba da take tafiya a hankali har ya zamto su Mimi sun basu ta zara da d’an yawa .

“ Wad’an nan motocin fa ?”. Cewar Ameerah .

Amma babu wanda ya bata amsa, hakan ya bawa Zarah damar ‘bulla titin da zai kai su gida , which they’re now safe , babu wanda motar motocin kwata kwata a tare dasu .

Lokaci d’aya duka suka furta “ Alhamdulillah …”

Sai a lokacin Mimi ta lumshe idanuwanta , message d’in d’azu da aka ce mata “ KI KULA DA KANKI…” da kuma maganar Joy da ya fad’o mata arai .

“A duk lokacin da matsala ta tunkaro ki, ya zama mutum na farko da zaki soma neman taimako a wajansa…”

Sai kuma ta furta “ UNCLE MOH..”

Zuciyarta ta buga da ‘karfi sabida wani tsoro da ya shiga zuciyarta . 

Tana duba time d’in waya sai taga missed call d’in Mamy kusan uku , ga na Yaya Sadiq , Yaya Abba da Uncle Saleem, aushe ta saka wayar a silent ita bata ma sani ba . 

Wani irin tashin hankali ne taji ya soma lullu’beta , sabida batasan mai zai faru ba yanzu idan sun lol gida , musamman idan aka san abunda ya faru yanzu …

“ Innalillahi wa inna ilaihi raji’un …” shine kalmar da take faman nanatawa , bawai ganin missed call d’in su Mamy bane tashin hankalinta , ganin babu kiran Uncle Moh shine abunda yafi komai d’aga mata hankali.

Da more suna kusanta hanyar gıda , da more hankalinta yana ‘kara tashi, ‘yan yatsun hannunta har rawa suke . 

Tana hango gate d’in gidan su kuma zuciyarta ta buga da mugun ‘karfi, tanaji kamar zata fito waje , ga baki d’aya komai ya dena yi mata dad’i , haka kuma motar tayi shiru har aka bud’e musu gate ….

Cikin wani low speed motar ta shiga cikin, kai tsaye a compound ta tsaya . 

Zarah tana kashe motar Ameerah da Cynthia suka fita daga cikin motar , basu tsaya yiwa Zarah ko

Mimi magana ba sai ice cream d’in su da ya riga yayi melting da kawai suka d’auka .

‘Dan binsu  da kallo su Zarah sukai ganin sun nufi part d’in su . 

Mimi kuwa har time d’in hannunta rawa yake shi kad’ai . 

“ Are you Okay Mimi?”. Zarah tayi mata tanbayar dan itama taga yadda hannunta yake rawan.

Mimi bata amsa mata ba sabida hankalinta kwata kwata baya kanta .

“ Mimi..” Zarah ta kuma kiran sunanta , tana d’an ta’bota .

Sai a lokacin Mimi ta furta “ Uhm?”

“ Are you okay ?”. Zarah ta kuma

jefa mata tanbayar .

“Yeah yeah am fine…” cewar Mimi tana ‘ka’kalo murmushin da ya kasa zama a kan fuskarta .

“ Am sorry Mimi ! Nasan Uncle Moh ku su Mamy zasu iya miki fad’a , but it’s not my intention da nasan hakan zai faru da bamu je yau ba, am sorry please .

Ko na biyo ku na fad’awa Mamy abunda ya faru .”

“No Zarah kinsan zaki ‘kara ‘bata abun ne idan kika fad’a musu .

Don’t mind I’m fine ! Let’s go nasan sun san mun shigo , kar su ji mu shiru …”

Da haka suka fito Zarah tana ri’ke da nasu ice cream d’in da yayi melting .

Shi ta d’an d’agowa Mimi kafin ta furta “ Zan sa mana a fridge yayi ‘kan’kara may be zuwa gobe sai musha tunda yayi melting yanzu…..” 

“ Okay …” Kawai Mimi tace kafin su soma tafiya , amma babu mai magana a cikin su , har su kazo hanyar da zasu rabu, Zarah tayi part d’in su . 

Itama kuma Mimi ta wuce nasu part d’in , zuciyarta yana dukan 100 100 bama 10 10 ba . 

Tana zuwa entrance d’in building d’in su taji muryar Mamy .

“Mimi..”

Cak Mimi ta tsaya , zuciyarta na sake bugayawa , bakinta har ya soma rawa , lokacin da take ‘ko’karin amsawa Mamy “ Naam Mamy..”

“ Ina kuka tsaya Mimi? Last call da mukai kika ce mun gida zaku tako , which zuwa time d’in yaci ace na manta ma da dawowan ku gida . 

Wani wajan kuka tsaya ko? Baki ga calls d’ina ba ? Baki ga Sadiq ko Saleem wani yana kiran ki ba? Ina kika ajje wayan ki Mimi?”.

“ Mamy …” Mimi tayi maganar kamar za tayi kuka sabida yadda ta dinga jin tanbayoyin Mamy babu tsayawa .

Ajiyar zuciya Mamy ta sauke , kafin ta ri’ko hannunta suka shiga cikin falon . 

Yaya Sadiq , Uncle Abba , da kuma Uncle Saleem suna ganinta suka mi’ke tsaye daga zaunen da suke , suna nufo inda take .

Uncle Abba ne ya ri’ko hannunta , har ya zauna da ita akan kujera , ganin yadda face d’inta tayi tsuru tsuru kamar bata gaskiya yasa ya sakar mata murmushi , sannan ya shafa ‘kirjinsa a hankali yana mata alama da ta kwantar da hankalinta . 

Sai da Mimi ta sauke numfashi mai ‘karfi tukunna Uncle Abba ya furta “ Is fine ! Everything is fine . Karki wani d’aga hankalin ki .

Amma ina kuka tsaya Mimi ? Mamy tace ta kira ki kuna hanya amma kuma ya akai kuka dade ? Ko kun sake tsayawa a wani waje ne ?” Kanta Mimi ta girgiza masa alamar a’a sai kuma tayi tunanin abu d’aya. 

Idan har ta ‘boye musu abunda ya faru toh tabbas za suji asalin maganar a bakın Uncle bashir ko Ameerah dan bazata ta’ba ‘boye asalin abunda ya faru ba . 

Idan kuma basu ji daga bakinta yanzu ba , ba zasu ji dadi ba nan gaba shiyasa Mimi bata ‘boye musu komai ba ta labarta musu abunda ya faru har zuwa ‘karshe . 

Abu d’aya kawai ta ‘boye musu shine text message da aka turo mata. 

Sai da suka gama sauraranta ga baki d’aya amma kuma babu wanda ya samu ‘karfin gwiwar cewa komai na tsawan lokaci . 

Kafin daga bisani Mamy ta furta “ Tashi kije kiyi sallah , lokaci yana ta tafiya , daga baya mayi tafiya .”

Wannan kalma ta Mamy shi ya ‘kara d’aga mata hankali , ko ba komai tana so Mamy tace wani abu ko su Uncle Abba d’in amma babu wanda yayi magana . 

Jiki babu ‘kwari ta wuce d’aki. 

Wayanta kawai ta ajje akan gado ta fashe da kuka , dan batasan ya zata ‘kare da Uncle Moh ba idan ya dawo cikin gidan nan .

A inda take a nan ta dur’kushe tana janyo pillow d’in da yake kusa da ita . 

A hankali take kukan mara sauri, sai ruwan hawaye da yake saukowa babu ‘ka’k’kautawa .

“ Ya Allah ! Na shiga uku ..” ta furta a hankali, tana goge fuskarta da tafin hannunta .

“ Wata kaddara ce ta fad’o mun yau ?.” 

Tanasan ta nutsu ta kwantar da hankalinta ko ta samu courage d’in yin sallah amma ta kasa , zuciyarta ga baki d’aya ta’ki tsayawa waje d’aya , tunani ne kala kala yake faman shige da fice a cikin ranta . 

Hannunta ta kai kan wayarta da ta ajje aka gado . 

Message d’in nan dai na d’azu ta sake bud’e wa . 

Yanzu ma sai da ta sake dubawa ko zata ga suna da number waya , but still yana nan an unknown d’insa . 

“ Waye kai ?” Ta furta a hankali kamar mutumin yana ga banta . 

“ Me yasa kace na kula da kai na ?” Still babu mai bata amsar tanbayar da tayi .

Sai ga hawaye sun sakko mata daga both idanuwanta . 

Contact list d’inta ta shiga , direct kan sunansa ta tsaya “ UNCLE MOH …” 

Cikin chart d’in su ta shiga wanda sun dare ko shekara ma sosai . 

Last magananta dashi kuma 6 month , kuma duka short message ne daga wajansa , dan reply d’inta yafi yawa da voice ba kamar shi da yake dropping 3 to

4 single words ba . 

Shi kuma d’ayan biyu is either warning ko kuma umarni baya wuce haka messages d’insa .

Lumshe idanuwanta tayi tana sha’kar iska , maganar Joy kuma har yanzu yana sake mata yawa a kunne. .

Shiyasa ta samu courage d’in ta kirasa da kanta ta fad’a masa komai kafin yayi confronting d’inta ko taji sau’ki sau’kin abunda yake ran nata .

Tana danna voice call , kafin wayar ta soma ringing tayi saurin katse wa .

“ Me zan ce masa ?”  Ta tanbayi kanta . 

“ Uncle Moh na fita ban fad’a maka ba , wasu motoci sun biyo mu har mukai late bamu dawo gida da wuri ba ?”. Sai ta girgiza kai alamar bai yi ba . 

Ko kuma “ Uncle Moh an turo mun message ance na kula da kai na ?” Ta ja wani numfashi tana sauke ajiyar zuciya “ Bazan iya ba .”

Kafin ta samu damar sake yin wani tunani, taji an ‘kwan’kwasa ‘kofar d’akin. 

Hawayen fuskarta ta goge da sauri tana fad’in “ wane ne ?”.

Taji shiru ba’a bata amsa ba sai sake ‘Kwan’kwasa ‘kofar da kai “ Knock knock” 

Babu musu yanzu taje ta bud’e ’kofar a hankali .

Mamy ce ..

Tana ganinta kuma ta kawar da kanta gefe 

“ Kinyi sallar da na saki?”

“ A’a Mamy .”

“ Toh me kike jira ? Ko alwala kike so nayi miki ?”.

“ No Mamy …”

Da hannu Mamy ta nuna mata toilet “ Oya maza tashi kije kiyi sallah my friend , ko so kike lokacin sallah ya wuce kina zaune ?”.

Sim sim sim Mimi ta wuce toilet , bata wani jima sosai na ta fito da alwalar ta . 

Mamy tana tsaye a d’akin har ta tayar da sallah . 

Sai da ta isar tayi addua tukunna Mamy ta samu waje ta zauna , bayan kamar mintuna biyar ta ambaci sunanta “ Mimi.”

“ Naam Mamy.”

“ Zo ki zauna a kusa dani .” 

Babu musu Mimi ta nufi inda take ta zauna , tana d’ora kanta a kan cinyar Mamyn . Ita kuma Mamy ta soma shafa kanta , moment d’in ya dawo na uwa da ‘ya . 

“ Kin zauna sai faman kuka kike akan abunda kinsan ba zaki kujewa ba . 

Salan kanki yayi ciwo ko ?”

“ Amma Mamy bansan me zai mun ba in yazo .”

“ Shiyasa kika shigo gidan kamar wacce aka kashewa mutum? .

Ki nutsu wannan kukan da kike duk ya tsaya haka , banaso , koma dai mene ne ai ba zai cinye ki d’anye ba .”

“ Mamy toh Dan Allah kiyi masa magana da kanki kinji?”.

Girgiza mata kai Mamy tayi “ ko Baffan ki ba zai saurara ba balantana ma ni Mimi . 

Kinga wannan Uncle d’in naki ? Zuciyarsa a ta fashe yake , in kinga yayi rangwami akan abu toh tabbas bakya ciki .

Amma idan har kina ciki , ni kaina bansan yadda zuciyarsa take juyawa ba lokaci zuwa lokaci . 

Ki duba kiga a cikin yaran gidan nan , babu wanda maganar mintuna take had’a shi dasu bayan gaisuwa amma ke yana miki magana , kuma har access d’in part d’insa kike dashi wanda duk cikin gidan nan babu mutum d’aya da yake da wannan access d’in.”

“ MAMYYYYY….” Mimi taja sunan a shagwa’be….

“ Zan sa a kawo miki abinci yanzu , amma karki kwanta bakiyi sallar isha’i ba . Kinji ni dai ko?”

“ Naji ki Mamy ….”

“ God bless you….” Mamy ta d’anyi mata kiss a goshi tana fita daga d’akin. 

A inda take a zaune , tananan a wajan har d’aya daga cikin maid d’in su ta kawo mata abinci .

Bata da wani appetite sosai, amma kuma tana jin yunwa sosai , shiyasa ta d’an tsa’kuri abunda zata tsa’kura ta ajje ragowar a gefe .

Lokacin sallahr isha’i nayi ta tashi tayi sallah , zuwa lokacin hankalinta ya soma kwanciya duk da kaso mafi yawa na damuwar yana dan’kare a zuciyarta .

***** Tara nayi ta duba agogo , 10 ! 11 duk idanuwanta biyu ga bacci na janta gashi kuma tana tsoran tayi bacci Moh ya dawo cikin gidan.

An tafi 12 , 1 , 2 ……. 2:30am aka bud’e gate d’in cikin gidan lokacin bacci ya riga yaci ‘karfin Mimi bata san ya dawo cikin gidan ba .

Black Mercedes Benz ce ta shigo cikin gidan da d’an speed d’inta , kai tsaye a wajan part d’insa yayi parking ya fito. 

Jikinsa sanye da wasu ba’ka’ken kaya, harta da p-cap da take kansa ba’ka ce , bayan colour skin d’in jikinsa babu wani abu me haske a jikinsa . 

Gashi daga sautin ‘yan yatsunsa yayi rapping hannun da wani ba’kin ‘kyalle . 

A haka ya shiga cikin part d’in, yana zuwa sama ya wuce direct , bayan kamar mintuna 30 ya sakko , kayan da suke jikinsa sune dai a jikinsa bai canza su ba kuma bai cire p- cap d’in kansa ba ya fito ya wuce part d’in Mamy . 

Har an kashe wasu daga cikin fitilun sashen sabida dare yayi sosai ya wuce sama . 

Direct kuma d’akin Mimi ya nufa , baiyi Knocking ba , baiyi komai ba ya bud’e ’kofar d’akin ya shiga . 

Fitilan d’akin a kunne take shiyasa ya hangota a ‘karshen gadon d’akin, ta lullu’be jikinta sosai sabida Ac da yake a kunne . 

Sai da ya tsaya yayi mata kallo kamar na mintuna 5 sannan ya nufi gadon , ya  yaye bedsheet .

Zum’bur Mimi da take bacci ta tashi sabida ta riga ta sawa ranta zai shigo d’akin a ko wana lokaci.

Suna had’a ido dashi jikinta ya soma rawa , kuma shima yaga yadda jikin nata yake rawa , amma kuma babu d’igon hawaye ko d’aya a fuskarta dan neman hawayen tayi ta rasa a wannan time d’in . 

Bata ganin cikin idanuwansa sosai shiyasa ta rasa a wana stage yake a yanzu .

Hannunsa d’aya ya mi’ka mata , babu musu ta mi’ka masa natan, ya janyota ta mi’ke da ‘kafafuwanta.

Da fingers d’insa ya nuna mata ta saka d’an kwali , nan ma babu musu ya ja mayafin da yake bed ta yafa , har time d’in kuma bai saki hannunta ba , ya jata suka bar d’akin. 

Mimi sai waige waige take , tanaso taga ko akwai wanda zai kwace ta , amma babu , ga kuka ya’ki zuwan mata sabida yadda ta shiga tsakanin tashin hankali, haka Moh ya fita da ita daga cikin d’akin nan ba tare da yace da ita komai ba, ya wuce da ita part d’insa …..

⸻

To be continued… 🔥

BLACK QUEEN 🤏🏿

***