38

💕 NUFIN ALLAH 💕 

By

Anisa Muhammad yahaya 

 YOUNG TALENTED WRITERS ASSOCIATION YOTA

Page 3️⃣8️⃣

Kallon bedside drawer tayi taga abincin da ta ɗibo tun ɗazu bata ci ba tace

"Ki ci abincin ki kinji Babyn Ammahn ta, kuma ki bar kukan ko so kike Ammi taga idanuwan ki a suntume ta shiga damuwa"

Kai ta girgiza mata

"To share hawayen kinji bar kukan, indai ba alkhairi aciki zaki ga hakan be faru ba in akwai alkhairi ki sama ranki ruwan sanyi dan zaɓin Allah yafi son ran bawa kinji"

Hawayen ta share tace 

"In sha Allah Ammah na, Nagode in Sha Allah zanyi hakan dan faranta ran Ammi, dan nasan bazaku taɓa mun zaɓin da zai cutar da ni ba"

"Yauwa to ɗauka abincin ki kici har ya huce ma"

"Bana jin yunwa yanzu Bara dai inje in rufe"

Kafin Amma tayi magana mommy ta shigo daƙin, jin Amma shiru ne ya saka ta bin bayanta kuma taga itama Anisa yau taƙi zaman parlour tazo ta duba me take yi kuma ta ga inda Ammah take dan akwai abinda take son tambayar ta

"Au ashe kema kina nan, ahah me ya faru take kuka"

"Wallahi kam ina nan, shigowa nayi in duba ta dan naga har tagama girkin bata fito ba sai na same ta tana kukan ciwon kai, banda abin Anisa ma wai ciwo take ma kuka madadin ta nemi magani"

"Kayya ni dai wannan ƴa tawa Allah ya kyauta miki yanzu ciwon kai kike wa kuka to ai madadin ya rake miki sai dai ya ƙara miki wani ciwon"

Ita dai bata ce komai ba sai kanta da ta sunkuyar ƙasa dan da farko tayi tunanin Amma faɗawa Mommy zatayi jin tace kuka take

"To fito muje maybe ma ba kici abincin ba sai aukin kuka da kika zauna yi"

"Aiko kamar kin sani ba abinda taci ai shiyasa na tsaya ina mata faɗan"

"To nidai duk ku fito mu je, ban son zaman dakin nan da kuke"

"To Anty Babba" 

Faɗin Amma jin yanda take magana, dariya Mommy tayi tace

"Ai kin san dai na girme ki daidai kika faɗa"

"Koba kin girme ni ba"

"Nidai ku fito muje" ta buɗe kofar dakin tana musu nuni da hannu

Plate ɗin abincinta ta dauko tana riƙe hannun Amma dan har yanzu zuciyar ta da ɗan nauyi kuma haɗi da jin yanda mahaifiyarta ta rayu abaya, bata taɓa sanin haka Ammi ta wahala ba ta dai san idan rashin mutuncin Mamee Abida ya tashi 

 Sai tayi ta mata gorin taƙi aure ta zauna zaman kai, ko kuma ta ringa cewa itace silar war gajewar rayuwar farin cikinta, ta zama silar auren talaka da tayi, maganganu kala kala, Ita dai Ammi ba biye mata take ba, saidai idan kuma tayi a gaban Amma sai itama ta mayar mata

Ita kam daman Mama shahida tun sanda Ammi ta ba mijinta kuɗi ya nemi sana'a dan kudin shi ya kare a shegen shaye-shayen bin mata da caca da yake, a ganin sa yana da kuɗi dan haka lokacin fantamawar sa ne, gwara yaci duniyar sa da tsinke, 

daga baya kuwa da ya samu karayar arziki, ya daina samun na shan giyar ta shi daman bawai sigari yake sha ba, idan yayo cacar tasa idan ya faɗi ko bashi da kudi se yazo ya fanshe a jikin ta ta hanyar duka da cin mutunci, ya haɗa ta ita da Umma ya zage tass kuma bata da bakin magana 

Tun lokacin ya fara Ganin mutuncin Ammi ya rage dukan ta, daman ya ɗan rage shan giyar tashi, dan ma Allah yasa lokacin Amra da Amina ne dan lokacin ita saudat din bata da wani wayo, Allah ya taimake ta ya dena shan komai, amma ko a yanzu ka ganshi zaka san yana shaye shaye ko ya taɓa yi dan duk ya lalace 

Kuma Ammi harma da Amma suna yawan taimaka musu, suna ƙoƙarin ganin kan gidansu bai tarwatse ba duk da halin su barin ma Abida dan ita Shahida ta iya makirci da danne abu a rai ko bata so

Duk da abinda suke musu gani suke ai zasu iya musu abinda ya fi haka amma dan mugunta suke basu iya kaɗan, ga mugun tsana da hassada da suka cusa wa ransu da ƴaƴan su da ba shida amfani sai ma ƙuntatawa kan su da suke

Dan shi hassada ga me rabo taki ne, idan kana wa wani ɗan Adam hassada baza ka tashi ka nemi naka ba saidai kaga ka raba mutum da nashi ko kuma ya ci baya saidai kaga yayi gaba kai kuwa banda baya da lalacewa ba abinda zakayi

Shi yasa bawa ka ringa neman tsari da sharrin hassada dan mugun abune, Allah ya sa mu dace 

Parlourn suka fito, hanyar kitchen ta nufa da abincin Mommy tace

"Idan kin maida wannan ki ɗibo wani kizo kici dan baza dai kice zaki zauna da yunwa ba"

To tace ta wuce kitchen ɗin, tana tafiya kamar zata faɗi dan har ɗan harɗewa tayi jin yanda ido mai kaifi ke bin ta da kallo har ya shige

Kasa daina kallon ta yayi yana tunanin me yasa ka ta kuka gashi tana tafiyar ma kamar mara lafiya, ji yayi Mommy na cewa Ammi 

"Wai yanzu kin san kukan ciwon kai ƴar nan ta zauna yi madadin ta nemi magani ta sha sai ta zauna yin kuka"

"Ai wani kayan takaicin sai Anisa wani lokacin, abinda bema Kai ya kawo ba zata fara mai kuka kamar wata karamar yarinya, Allah dai ya kyauta" Ammi tayi maganar cikin takaici 

Hanyar cikin ɗin ya ƙara bi da kallo, ɗan murmushin gefen baki yayi dan wannan ma na daga cikin abinda yake kara sa yana jin sonta

Abincin ta zuba ta dawo parlourn dan ta ganshi a kan dining kamar ma baida niyyar barin wajen 

"Ina kuma zaki je"fadin Amma 

"Ɗaki zan koma"

"A'a kije dining ki ci ina ganin ki kafin ki ƙara barin abincin baki ci ba"

Faɗin Mommy 

"Hmm wannan yarinyar da abinci kuma karki wani wahalar da kanki dan ita da abinci ko kaɗan zata ci har ramuwa take"

Dariya sukayi jin maganar Ammi, ita kam kunya taji ta sunkuyar da kanta ƙasa

Mommy ce tace 

"Haba Ammi ramuwa dai, kamar wani azumi"

"Hmm idan fa bata ci da daddare ba ta kwanta da safe wai sai tace ai ta rama na daren da bata ci ba"

Shima kallon ta yayi duk cin abincin shi baya rama wani in be ci ba, gashi dai ba wai ƙiba ta keda shi ba, ko cikin ta ma shafe yake kamar wanda ze haɗe da bayan ta, kamar ma wata mara cin abinci, indai ba ka sani ba sai kace bai fi irin masu cin spoon uku ba dan kar a mutu 

Amman ace wai itace ke irin cin da Ammi ta faɗa, dan dariya ya ɗan yi me ɗan sauti yace

"Ci ba ƙiba" baisan a fili ya faɗa ba

Sai da yaga ta ɗago tana kallon shi tana cuno dan bakin nan nata agurin 

Suma su Amma kallon shi suka yi, ganin suna kallon shi ne ya maze ya cigaba da abinda yake kamar ma besan abinda ke faruwa ba balle kace shi ya faɗa

Ganin yanda yayi kicinkicin da fuska yasa Amma kama haɓa a ranta tace "jimin ɗa oh ni Juwaira sai yayi abu ya wani maze kamar besan me ake ba, ina ganin abinda ya fi ƙarfi na"

Itama ganin ya wani maze yasa ta ɗan taɓe baki a ranta tana fadin 

"Ai dama sai dai idan kuma bashi din bane, mutum yayi abu amman ya wani maze kamar ma baisan anyi ba ko kuma akwai iskar ku ma a wajen"

Please follow and like my account on arewapen ba dan halin wannan marubuciyar ba 🥹 🙏 🙏 🙏 

______________________

By

Anisa Muhammad yahaya 🌺 

007059822449