Darasin cikin Nufin Allah

Wani lokaci, abin da muke ɗauka a matsayin ƙaddara mai wahala, shi ne hanyar da Allah ya zaɓa domin kai mu ga farin cikinmu.

Labarin Anisa ya koya mana cewa sadaukarwar uwa ba ta da iyaka. Ammi ta sha wahala, ta haƙura da abubuwa da dama domin ’yarta, har rayuwarta ta zama dalilin da ya sa Anisa ta yanke shawarar da ba ta taɓa tunanin za ta iya yankewa ba.

Haka kuma, NUFIN ALLAH ya nuna mana cewa soyayya ba koyaushe take farawa da gani na farko ba; wani lokaci tana tasowa ne a hankali, ta hanyar kulawa, haƙuri da fahimtar juna.

Kada mu manta da sadaukarwar iyayenmu, kada mu raina haƙurinsu, kuma kada mu yanke ƙauna daga rahamar Allah. Domin ba koyaushe muke fahimtar hikimar abin da ya same mu ba, amma Allah Ya san abin da ya fi dacewa da mu.

Wataƙila abin da ka ɗauka a matsayin ƙarshe, shi ne farkon kyakkyawar ƙaddararka.

Alhamdulillahi ala kulli hal. ❤️