Name: Namijin Goro
Author: Aisha Ahmed Machika

&nbsp;&nbsp;&nbsp;🌱 *56* 🌱Wani iri yaji ajikinsa, da k'arfi Maijiddah ta turasa ta fara k'ok'arin bud'e k'ofa yace mata,"Hey wats d meaning of ds? I'm only trying 2 help"Ta juyo ta daka masa harara sannan ta bud'e k'ofar ta fice, a daidai hanyar da zata sadata da parlour suka had'e da Khalil shi kuma zeje d'akinsa, yaga sai huci take ga abinci dagaje-dagaje a rigarta duk yab'aci yayi sauri ya dakatar da ita "hey hey hey Madam easy, meya faru ne? Garin yaya kika b'ata jikinki? Nama ga sai huci kike menene?"Kallonsa kawai tayi gami da turo baki ta wuce, inda sabo Khalil ya saba da wannan iskokan nata, sai kawai shima ya wuce.Yana tura k'ofar d'akinsa yaga abinci a k'asa, alamar data nuna cewa Maijiddah daganan take kenan, ya kalli Jamil yaga babu riga jikinsa kuma yasan da riga ajikinsa lokacin daya fita, take k'irjinsa ya hau bugun d'ari-d'ari (kunsan fa wanzami bayason jarfa 😁)."Meke faruwa ne anan?""Meya faru dai?" Jamil ya amsa.Khalil yace "eh hakan""Wannan budurwar taka ce, wai lafiyanta k'alau kuwa?""Kamar ya?" Khalil ya tambaya cikin k'osawa."Shigowa tayi ta kawo abinci bansan ya akai ba sai tayi b'ari, nikuma na k'arasa wurinta don naji tayi k'ara na tambayeta lafiya ko taji ciwo? Sai kawai ta tureni tahau hararata""Kamar ya ta tureka? Tab'ata kayi ne?""Yh kawai na dafa kafad'arta ne wt care i didn't do it wt any bad intention fa shine ta fita fuuuu kamar wadda akama laifi, ko laifi kayi mata ne zata huce kaina?"Khalil ya zaro ido ya sake kallon yadda k'aton Allah ta'alan nan yake sintir ba riga yace "wai tsaya a haka babu riga kazo ka tab'a ta?""Yh" Jamil ya amsa babu ko d'ar."Ehh to lallai kaci sa'a da bata wanke ka da mari ba, kutttt dole muzo mubar gidannan yanzu don na lura yaron nan za'ayi d'an iskan duniya, koda yake dama turawa ina suka ga ta ido (kunya), muma muna fitsara bare su masu lasisi" abunda Khalil ya fad'a kenan a zuciyarsa, a fili ko sai yace "wai zafi kakeji ne naga ka cire riga?""Nah, kawai dai kayan ya dameni ne" ya amsa babu ko damuwa atare dashi.Khalil ya masa wani irin kallo yace "i c"****Maijiddah taje ta sake zuba masu abincin ta kira Fu'adah ta mik'a masu, ita kuma ta shiga d'akinta nada wato d'akin Laraba ayanzu domin gyara jikinta inda abinci ya zubar mata, dak'yar take iya lumfashi a toilet d'innan, shi kansa d'akin wani irin hamami yake kamar d'akin gardi, ba shiri tayi sauri ta gama ta fito.***Da sallamarta ta shiga d'akin, ya amsa fuskarsa cike da irin murmushin daya saba yi mata, gefen gadonsa yake zaune ya jawo table ya d'ora abinci akai da ruwa a gabansa yana ci, ta nema bakin couch d'in d'akinsa ta zauna."Meya samu rigarki naga duk a jike?" Kamal ya tambaya."Babu komai, abinci ne yad'an zubarmin a rigar shine na wanke"Ta cigaba da cewa,"Yaya Kamal ya ka k'are game da maganar da mukayi dakai? Kako fad'a masu?"Ya ajiye cokali ya maido hankalinsa gareta yace "no ban fad'a masu ba, amma zan fad'a ma Hajiya da Yaya anjima insha Allah idan kowa ya natsu kokuma gobe idan gidan ya rage kowa ya tafi, dukda dai gaskiya banmasan ta yaya zan fara ba amma ta bakin naki gara na fad'a masu gaskiya kawai ayita ta k'are, ni d'azu ma Grace ke fad'amin Anna bata lafiya hankalina ya koma wurinta amma dai tace da sauk'i""Allah sarki Allah ya bata lafiya""Amin.Maijiddah ta sake cewa "Yaya Kamal nayi nazari nakuma yi tinani kamar yadda ka bani dama nayi, na duba na hanga banga kowa acikin zuciyata ba sai kai don haka inai maka albishir da cewa na amince zan aureka a haka dukda nasan kanada d'iya, wallahi inasonka Yaya Kamal, zuciyata dakai kad'ai ta saba"Shikam wannan magana yaji dad'inta amma kuma beji dad'inta ba, domin yafa riga ya yanke ma kansa hukunci ta hanyar rabuwa da ita, yakuma barma k'aninsa Khalil har fad'a masa yayi."Maijiddah haryanzu baki fahimceni ba, wallahi Maijiddah ban dace dake ba, kiyi hak'uri kiso Khalil, Khalil yana sonki so irin wanda baya misaltuwa, wai meye banbancina dashi ne? Meyasa bakya sonsa ne?""Saboda ko a suna kun banbanta haka a komai ma" ta amsa."Maijiddah idan ta kama na durk'usa miki, ni me iya durk'usa miki ne na rok'eki, don Allah kiso Khalil""Ka koyamin yadda zuciya ke cire son wani tasa wani, ka koyamin yadda zan dena sonka na d'auko son Khalil nasa a zuciyata Yayanah"Kamal ya lumfasa sannan yace "a iya guntun ilimina a Soyayya bana tinanin mutun na iya dena son abunda yakeso da gaskiya saidai yakan iya ajiyesa ko rabuwa dashi bisa wasu dalilai, ganina da tinanina kesa kike ganin bakya son Khalil ko bazaki iya sonsa ba amma a zahirin gaskiya Maijiddah kina sonsa"Maijiddah ta mik'e tsaye tayi hanyar fita, har takai k'ofa sai ta tsaya batare data juyo ba tace "zan d'auka cewa bamu tab'a soyayya ba, zan d'auka cewa ban tab'a saninka ba, kasani cewa na zauna akan dama can baka tab'a sona ba, domin a iskarnan dake kad'awa na nemi sona acikin k'wayar idanuwanka na rasa"Jinsa tayi a bayanta, lumfashinsa na sauka kan wuyanta, ya d'ora hannuwansa kan nata, ya jingina k'irjinsa a bayanta, wani irin abu taji yana mata yawo tun daga tsakiyar kanta har tafin k'afarta babu shiri ta rufe ido, cikin rad'a yace da ita "wannan shine burina a duk lokacin da kike kusa dani kai koda baki kusa dani, burina ki zama mallakina na nuna miki zumar so wadda tafi wannan, niba dutse bane Maijiddah inajin rad'ad'in sonki kamar zan mutu don haka zancen ban tab'a sonki ba be taso ba domin ina jinsa har gobe bama yau ba kad'ai"Yana gama fad'a mata haka ya janye jikinsa gami da cewa "i'm sorry"Maijiddah ta bud'e idanuwanta taga dagaske a duniya take, duniyarma d'akin Kamal, taga ashe ba mafarki take ba, ai kasa juyawa tayi ta kallesa, sai kawai ta fice daga d'akin, jikinta yahau kyarma, bata zame ko ina ba sai kitchen saboda can ne kad'ai inda taga babu kowa, taje ta dafa sink tana fitar da lumfashi asukwane.******"Yaya kafin Mahaifinku ya rasu munyi wata magana dashi" inji Yawale.Yaya ya gyara zama yace "eh" alamar yana saurare."Munyi magana game da yarannan Kamal da Maijiddah, dukda cewa dai daman Kamal d'in shi ya fara samuna da maganar ita Maijiddah, ya nema izinin fara nemanta nakuma bashi dama, to shine nake ganin idan har ba damuwa meze hana a fara maganar aurensu? Domin itadai Maijiddah babu abunda take kuma inada tabbacin shima haka""Kaiiiii Alhmdlh abu yayi kyau, gaskiya naji dad'i sosai Baba Yawale, to ai wannan shi ake cema tuwona maina, wannan ba wani abu bane, zamuyi maganar dashi Kamal d'in sannan sai a sanar ma su kawu dadai duk wanda ya kamata, ai baza'a b'ata lokaci ba, tunda me ake jira ta bakin naka, gaskiya naji dad'i Alhmdlh"*******Bayan an idar da sallar Magrib Khalil ya shiga d'akin Hajiya Uwa domin yi mata sallama zasu koma, Hajiya Uwa tace "kai wai me kake nufi ne? Yanzu k'ara tafiya zakayi Auta? Sai yaushe zaka gane irin cutamin da kake, sai yaushe zaka natsune wai?""Sai lokacin da kika koyi son Jiddah, saboda ni bazan iya rayuwa babu ita ba Uwa, ke kuma bakya sonta bakya son abunda nake so, kin kasa gane rashinta babbar barazana ce ga rayuwata"Itakam Hajiya Uwa abu ya had'e mata goma da ashirin, don cikin rabon gadon nan ko arzik'in gida bata samu ba, tadai samu mota da sauran abunda baza'a rasa ba sai y'an kud'ad'e, Yawale madai da beda gadon Maigidan nata ya fita kaso nesa ba kusa ba.****Su Khalil suka fito zasu tafi, Yaya yayi k'ok'arin hanasu yace su bari saida safe amma inaaaa shifa Khalil duk be yadda da gidannan ba, itama dama Maijiddah ta k'osa ta tafi, suka shiga mota sukayi sallama da kowa, Rabilu ya bud'e masu gate suka kama hanya."Ni daman hakanan dai kuka taho dani Baba gashinan ko keken d'inkin ban siyo ba""To ai Maijiddah hidimomine suka hana, kuma ma nida keda arzik'in gida anan, ai dole yanzu na canza lissafi nima na shigo birnin nan, mu dawo gabaki d'aya, kinga sai ki siya keken d'inkinki ki rik'ayi anan birni ko?"Maijiddah tayi wani irin juyin dad'i cikin mota, Khalil cikin wasa yace "Malama karki yagamin rigar kujerar mota mana" amma shima cikin ransa yaji dad'in hakan, don gara su dawo birni ta yadda ze samu ya fara aiki shima, kuma gata a kusa dashi dayaso ganinta ze ganta.Suka cigaba da tafiya suna fira.......&nbsp;*ayi hak'uri da wannan sai kun sake jina kuma😎**NAMIJIN GORO**Na Aysha Sada Machika*&nbsp;&nbsp;&nbsp;&nbsp;&nbsp;&nbsp;&nbsp;&nbsp;🌱 *57* 🌱*Rimin Gado*Lokacin dasu Yawale suka isa gida ya nuna ma Yabi abun arzik'in da aka masa, gabaki d'aya gidan suka yita jin dad'i, yaran suka yita tsalle suna cewa zasu koma birni, daren yaukam Alhaji Abdullahi yasha addu'a har saida suka gaji da amsa ameen, haka acikin darennan yaje ya nuna ma Iyatu, nan itama tayita kwararo tata addu'ar.***************Kano*Tun bayan da Jamil ya koma ya kwanta da niyar bacci tinanin Maijiddah yayi masa sallama, ya kasa bacci saidai juyi, kyakkyawar fuskar Maijiddah ta rik'a yi masa gizo, idan ya rufe ido ita yake gani haka ma koda a bud'e ita d'in dai yake gani, yana tinano yadda take yi idan ta gansa kamar taga wani aljani, yana kuma tina yadda ta hankad'asa baya lokacin daya rik'eta bayan wani irin munafukin kallo da tayi masa da kyawawan idanuwanta wanda suke farare tas kamar audiga (kad'a)."Meyasa tinanin kowa bezoman ba sai tinanin wannan yarinyar?&nbsp;Ina ruwana da ita? Amma Yarinyar bata da tsoro ko kad'an inason mutun irin haka, inaso naga macen da tasan ra'ayin kanta dakuma y'ancinta wanda shine abunda yayi wuyar samu anan k'asarmu bama kamar mu hausawa"*(Tabbas maganar Jamil haka take, al'adar bahaushe ta d'auki y'ancin mata tayi watsi dashi wanda ko a addininmu ma munada y'ancinmu muna, amma mun kasance abun wulak'antawa, abun k'ask'antawa, bama kamar a zamantakewa ta aure, tabbas mace na k'asan mijinta amma sukan manta da cewa kamar yadda sukeda hak'k'ok'i akanmu haka muma addininmu ya gindaya masu namu hak'k'ok'in akansu, zakaga wasu mazan dasu siyama matarsu sutura ko su wadata ta da ingantaccen abinci gara su dunk'ula su kaima wata can waje kud'in taje ta huta, babban burin malam bahaushe ba kamar ma a karkara shidai ya k'aro aure, wai ta ciki ma bata wadata ba ake shirin kawo wata, don Allah maza ku rik'a kiyaye hak'k'inmu dake kanku sannan duk abunda zakuyi sai ya biyo baya, wasu lokutan k'arancin kulawarku ke kaimu ga halaka, muyi biyu babu, wallahi sirrin duk wani cigaba da nasara arayuwa shine kyautata ma mahaifa da Iyali sannan sai mak'ota, y'anuwa da marasa shi)*Haka Jamil yayita juyi har bacci b'arawo yayi awon gaba dashi.****Da momy ta samu y'ar uwarta tayi bacci sai ta salallab'a ta tashi ta fita, taci sa'ar ganin Kamal a parlour, suka sake gaisawa sannan tace masa don Allah Hajiya takeson gani, Kamal yaje ya fad'ama Hajiya, sai hajiya tace dashi yace ta shigo d'akin, Kamal ya dawo yace ma Momy tace ta shiga d'akin, Momy ta tambaya inane d'akin, yaje ya nuna mata sannan ya dawo parlour ya zauna ya cigaba da abunda yake.Da sallamarta ta shiga d'akin, Hajiya Uwa tayi mata nuni da gefen gado tace ta zauna, Momy ta zauna babu k'wari domin ko fuskar Hajiya Uwa babu annuri ko kad'an."Nasan abubuwan da suka faru yau duk sunyi miki wani iri sannan nasan a halin yanzu zuciyarki ta kasa amincewa da wannan qaddarar, amma inaso ki sani wallahi ban tab'a jinki a matsayin kishiya ba, ko rashin fad'a miki aurenmu da marigayi yayi saida nayi masa magana nace daya fad'a ni sam babu matsala ta daga b'angarena"Wani irin mugun kallo Hajiya Uwa ta mata sannan tace "to daman kishi ai bana wadda zata shigo bane, kishi na wadda ke ciki ne, ta yaya ma kike tsammanin kanki da samun matsala bayan kayan wata kika ara ba naki aka ara ba?""To koma dai menene Hajiya ina rok'onki da kiyi hak'uri komai ya wuce, mudai yanzu ba yara bane kuma zumunci ne dai Allah ya riga ya had'a&nbsp;kada mu gujema hakan, naji nakuma yadda abunda akayi miki ba'a kyauta ba amma kiyi hak'uri, wallahi karki tona zuciyata kiji irin dad'in danaji d'azu da naga Jamil cikin y'an uwansa, Hajiya kiyi hak'uri""Keba Alhaji Abdullahi bace, ke Hajiya Abu ce, wanda yayimun laifi marigayi ne bake ba, kinko ga idan har wanda ya mutu yana dawowa to tabbas amincewa daku baze yiman wuya ba, bari kiji Abu wallahi ko ganinki banason yi, saboda inai miki kallon wadda ta k'wace duk wani farinciki dana cancanta arayuwa""Haba Hajiya meyasa zakice haka? Ki fad'aman meye abunda kika nema kika rasa a iya zamanki da marigayi? Wane farinciki ya tab'a k'auracema muhallinki yayin da kuke tare? nina tabbata badon haka ta faru ba, nasan baki tab'a tinanin mijinki nada wata mata ba, kuma da ace wani ne yazo maki da labarin sam bazaki tab'a yadda ba domin nasan marigayi be rageki da komai ba saidai kawai wannan laifin d'aya daya b'oye miki labarina, na zata ko ji kikayi marigayi ya kashe miki wani naki bayan rasuwarsa ke me iya yafe masa ne cikin gaggawa kodon ya samu haske da rahama a k'abarinsa albarkacin kyautata miki da yayi bare kuma wannan laifin dabe kai girman da kike bashi ba, haba Hajiya kefa da Alhaji kun riga kun zama damkar Uwa d'aya Uba d'aya saboda kunyi aure tun baku da wayo, duk duniya babu wanda ze kaiki sanin Marigayi, nidai ina k'ara rok'onki da kiyi hak'uri wanda kike fushin domin shi shima baya doron duniyar muma haka watarana zamu zam babu""Hmmm naji Allah ya yafe mana" amsar da Hajiya Uwa ta bata kenan, amma kai daga ji kasan bata kai zuci ba.Momy dai tace "Nagode da kika fahimceni kuma Allah ya k'ara had'a kawunan mu""Amin" Hajiya Uwa ta sake amsawa atak'aice.Momy tayi mata sallama tace zataje ta kwanta, Hajiya Uwa tace "Allah ya tashe mu lafiya" bayan data fita daga d'akin, Hajiya Uwa ta wani turo baki (zund'e) alamar "kanki ake ji"(🤣 shegiya duniya, Momy kefa abunda baki gane ba wanda ni nagane shine "dakin d'auka wani abu acikin dukiyarki kin samma Uwa da komai ya wuce, don Uwa aminiyar duniya ce, da dukiyarki take kishi bada mijin ba, koko me kuka ce readers?).****Yaya shine mutun na k'arshe daya shigo gida, don haka yana shigowa cikin gida ya maida k'ofa ya rufe, isowar dazeyi parlour sai ya tarar da Kamal zaune yana danna waya," Kamal bakayi bacci ba kenan?" Ya tambaya yana mai zagayowa cikin parlourn, ya nema wuri ya zauna."Aiko ban kwanta ba tukun" Kamal ya amsa.Yaya yace "nako ji dad'in ganinka don dama inason muyi wata magana""To Allah yasa lafiya" inji Kamal yana mai tattaro hankalinsa zuwa garesa."D'azu munyi maganarka nida Baba Yawale, ko nace maganarku kaida Maijiddah y'arsa, ya fad'amin komai, yadda kukayi dakuma yadda sukayi da Baba kafin ya rasu, yace yana ganin tunda dai kun daidai kanku babu abunda ake jira kenan, shine nace zamuyi maganar dakai kafin muje can k'auye akai maganar""Eh hakane amma nima dama inada magana daku kaida Uwa, ina jira ne bak'i su tafi, don haka ina ganin meze hana mubar maganar zuwa gobe idan Allah yakaimu?" Cewar Kamal.Yaya yace "to ba damuwa yau da gobe duk d'aya ne wurin Allah, Allah ya bamu aron ran, nima inaga jibi zamu wuce tare da yara""Ok to Allah ya kaimu"Yaya ya amsa da "Amin"Yayi masa saida safe ya wuce d'akinsa.***************Washe gari.Da safe Kamal yaje yayima Laraba tsaye don yasan halinta tana iyayin shirmen data saba, har ta kammala kayan breakfast, ta kaima kowa, Jamil da Kamal suka k'ara zazzantawa har suka karb'i number juna yakuma bashi ta Khalil.Sune basu bar gidanba sai bayan Azahar, bayan wani zama da Yaya ya k'ara tarasu akayi na fahimtar juna.Gida yayi shiru kowa ya kama gabansa.D'akin Hajiya Uwa Kamal da Yaya suka shiga domin tattaunawa, kowa ya nema wuri ya zauna."Lafiya naganku haka?""Lafiya lau wata magana nakeson na fad'a maku ne" cewar Kamal, ai sai Hajiya Uwa ta gyara zama don itafa y'an maganganun nan sun fara isarta."Yaya tabbas ni naje na sami Baba Yawale kan cewa ina son y'arsa kuma ban taba sonta da wasa ba, amma kai nasan bakasan abubuwan dake faruwa a gidannan ba, bani kad'ai keson Maijiddah ba itama Uwa ta sani, Khalil na matuk'ar son Maijiddah kuma wallahi akanta ze iyayin komai kaidai san halinsa sarai, and'an samu sab'ani tsakanin Uwa dasu Baba Yawale wanda shine ma ya kawo sanadiyar barinsu gidan, tun lokacin Khalil ya had'a yanasa yanasa yabi su Baba Yawale kan cewa baze iya rayuwa cikin gidannan babu Maijiddah ba, yakuma k'udiri niyyar aikata komai saboda ita, kuma maganar gaskiya Uwa batason Maijiddah ta tsaneta, sanin kanka ne dama bawai tana ganin mutuncin shi kansa Baban Maijiddar bane, to hakama y'arsa babu irin kyautatawar da batayi mana ba cikin gidannan amma Uwa bata gani, ya kamata ka bata shawara don kaine babba k'ila ta fuskance ka, to duba da irin son da Khalil ke mata yasa na janye na bar masa ita, nakuma sanar masa nabar masa Maijiddah zankuma goya masa baya ya aureta, don dama bana tinanin na dace da ita""Kamar ya?" Yaya ya tambaya."Saboda ni me laifi ne, ina rok'onku da ku yafeman sannan ku fahimci dalilina na aikata hakan, wallahi niba d'an iska bane"Yaya ya zaro ido gami da gyara zama yace "a'a Kamal dama wayace kai d'an iska ne? Ai kowa yana shedarka a gidannan meyasa zaka ce haka?"Nandai Kamal ya kwashe komai ya fad'a masu, muryarsa na rawa.Wani gumi Yaya yaji yana keto masa, ya fara fifita jikinsa da hannuwansa."Innalillahi na shiga Uku ni d'iyar Iro me nake ji haka, na bani na lalace Kamal yarinya fa kace? Yarinya fa kace har takai shekara hud'u kuma da arniya, innalillahi wa inna ilaihirraji'un, Kamal baka kyautamin ba baka kyauta ma kanka ba, yanzu Auta da nake ganin shine yafita zakka a y'ay'ana be kawomin d'an shege ba sai kaine zaka kawo, garjejiyar d'iya har takai shekara hud'u, ohni y'asu ina zansa kaina" aiko ta fara kuka tana sallallami."Uwa dama bana saran ki yafeman ayanzu, bakamar ma yau da abubuwa sukayi miki yawa amma nasan zaki yafeman, wallahi niba d'an iska bane Uwa, burina ya cika yau saboda na sauke nauyin da yaketa addabata tsawon kusan shekaru biyar kenan, don Allah kuyi hak'uri, inason y'ata"Kuka kawai Hajiya Uwa keyi, Yaya ya mik'e yaja Kamal suka fita, shi namiji ne yakuma fahimcesa.Yayi masa magana irin ta masu hankali, a k'arshe Kamal ya yanke shawarar komawa china yad'anyi nisa da gida yasan Uwa zata yafe masa sannan yakuma je ya kusanci y'arsa har su dawo gida Nigeria, sai kuma Yaya ya bashi shawarar idan har yanajin ze iya zama da ita maman yarinyar to yayi mata tayin aure idan ta amince ya aureta kawai, Kamal yaji dad'in yadda yaya ya fahimcesa.***************Rimin gado*Yawale yafi k'arfin awa d'aya suna waya da Yaya, suna magana ne game da Maijiddah.Bayan da suka gama sai ya kira Yabi d'akinsa, ya karanta mata tiryan-tiryan yadda abun yake, Yabi kam dad'i taji domin acewarta Khalil da Kamal ai duk d'aya ne sannan dama ai tana lura da alak'ar dake tsakanin Maijiddah da Khalil sun shak'u da junansu sosai, Yawale yace ta samu Maijiddah ta tambayeta idan ta amince.******Da yamma bayan Maijiddah ta dawo daga gidansu k'awarta asabe Yabi tasata d'aki, ta tunkareta da maganar, Maijiddah tace ita sam Allah ya kasheta batason Khalil,"Ke kike ganin haka Maijiddah, yau duniyarnan babu babbar riba irin ka auri maisonka fiye da yadda kai kake sonsa, ni Mahaifiyarki ce wallahi bazan tab'a baki shawarar da zata cutar dake ba, ki daure kinji Maijiddah, ki daure ki auri Khalil domin ko yana matuk'ar sonki, son da yake miki ko a musulunce yayi yawa, domin an koyar damu cewa idan zamuso kar muso da yawa haka idan zamu k'i kar mu k'i da yawa"Maganganun Yabi ya ratsa duk wani sassa na jikin Maijiddah har saida tayi kuka, a k'arshe ta samu dai ta amince, Yabi tayita sa mata albarka.***********Bayan sati biyu dayin hakan, aka sa ranar bikin Maijiddah da Khalil wata d'aya tal, waka tara yaga murna wurin gogana, itakam Maijiddah babu yabo babu fallasa.Lokacin da aka sanar ma Hajiya Uwa ansa bikin Khalil da Maijiddah, tace sam bata yadda ba kuma baza'a tab'a yin bikin ba, Allah ya kiyaye d'anta ya auri wannan d'iyar, wato ita bamata da k'imar da za'a nemi izininta kenan.****************Yau saura sati biyu bikin su Khalil, Kamal jirginsu ya tashi na zuwa k'asar china.............

Namijin Goro

Synopsis

About the author

Sample · 57

Table of contents

57

58

59

60

Continue in the ArewaPen app