SUN KASHE TA

Sample · CHAPTER 1 TSINTACCIYAR GAWA

🦯🩸SUN KASHE TA🩸🦯©️HASSANA ABDULLAHI HUNKUYI GARGADISUNAYE DA GARURUWAN DA NAYI AMFANI DASU, BAN YI DON WANI KO WATA BA KO KUMA DON CIN ZARAFI DA MUTUNCI BA.BABI NA ƊAYAGEFEN TITIJama'a ne suka yi kasuwar ƙuda suna ƙus-ƙus a junan su. A tsakiyarsu wata mata matashiya ce kwance, kusan tsirara ruf da ciki. Hannuwanta a miƙe samɓal, siraran yatsunta maƙale da zobban na zinare. Hatta a tsintsinyar ƙafarta, sarƙar zinare ce a ɗaure. A yatsun ƙafarta akwai zoben zinare. Wasu suka yi ta, tambayan zukatansu, 'Shin, waye makashinta? Duk ma wanda ya aikata wannan ta'asar. To ba fatararre ba ne, ba Allah baku mu samu bane, domin da mabuƙacin dukiya ne ya yi kisan, babu yadda za a yi, ya zo ya ajeta ba tare da ya yi awon gaba da tsagwaron dukiyar dake damfare a cikinta ba. Duk yadda aka yi akwai lauje cikin naɗi.'A dai-dai wannan lokacin ne motar ‘yansanda ta yada zango a kusa da dandazon mutanen. Sajen Ali ya fito tare da abokan aikinsa uku. Suka kutsa cikin taron Jama'ar haɗi da korasu can nesa. "Ina mai ɗaukan hoton?" Sajen Ali ya tambayi ýansandan. Kofur Mai gari ya ce. "Yana bisa hanya Oga, lokacin da muke tafiya a hanya ya kira cewa zai taho a mashin ɗinsa." Sajen Ali ya fara dube-duben wurin yana faɗin, "Kada kowa ya taɓata, bari in zagaya wancan bolar idan mai hoton ya zo ya fara aikinsa."Sajen yana bada baya, mai hoton ya zo ya fara sana'arsa. Ya ɗauki gawar hotuna dabam dabam. Daya gama kofur mai Gari ya ce, "Oga ya ce kaje ka wanko hoton yanzun nan." Cikin haka sajen Ali ya dawo. "Yawwa ka gama ɗauka?" Mai hoto ya amsa, "An gama yallaɓai, insha Allahu nan da ƙarfe goma zasu wakana a hannunka."Bayan mai hoto ya tafi, Sajen ya ci gama da kallon wajen haɗi da ƙurama gawar ido, yana mamakin wanda ya kasheta da kuma son sanin abinda ya kasheta, saboda babu wani tabon jin ciwo ko ƙujewa balle ɗigon jini a jikinta. Ya waiga ya kallin sauran ýansandan ya ce. "Ba kuji wani abin kamawa daga bakin Jama'ar da muka tarar ba?" Kofur mai gari ya amsa, "Na ji wasu mutanen suna faɗin, "ƙila ýan mafiyane suka zuƙe ma ta jini suka yasar, wasu kuma, na ji suna cewa karuwa ce ta saɓa da maneminta shi ne ya bata guba ta ci ta mutu don ya ganta da wani. Amma wata mata tace, gawar 'Yar maɗig..."Bai ƙarasa faɗi ba saboda hararar da Sajen ya sakar masa, "Daɗina da kai kofur mai Gari dolanci, me ya sa ƙwaƙwalwarka ba ta da nisan zango ne? Ana ta kai waketa kaya, bana son shirmen banza. Nufi na cikin mutanen da muka tarar babu wanda ya nuna yasan gawar? Babu wani wanda ya ambaci suna ko gari kodai wani abu wanda zamu samu tudun dafawa da shi? A'a kai naka soki buroson dabam ne.""Sorry, oga." inji Kofur mai gari. Sajen ya girgiza kai yana harararsa yake faɗin, "Ku ɗauko (stretcher) gadon ɗaukan marasa lafiya ku sakata a mota. Amma kubi a sannu kada kuyi mata Ƙwarzane...

Continue reading free chapter