EYOON ƘALBI

Sample · EYOON ƘALBI page 1

*EYOON ƘALBI...*💕Page *1*  Dandazon matasa ne zaune a cikin wata kyakyawar rumfa dake kafe a ƙofar wani makeken gida wanda ya gaji da tsaruwa tamkar ana gama zanashi aka kafa a wajan. Zazzaune suke akan wani makeken carpet sunyi da'ira suna yin wasan lido, gefe gudu kuma wani kyakkyawan matashin saurayi ne zaune akan wata haɗaɗɗiyar kujera yana ta faman tada hayaƙi gurin duk ya turnuƙe amma hakan baya damun waɗanda ke zaune a wajan saboda yadda suke abunsu ko kallanshi ma basayi. Idanunshi ya kai kan wata kwana da ya hango wasu 'ƴan mata sun nufo hanyar dasuke, yayi saurin gyara zamansa tare da zare cigarette ɗin bakinshi yana wani ɗanbanzan murmushi irin na gefen bakin nan, ya kuma matso da kujerarshi can baki-bakin rumfar ta yadda zaifi ganin matasan ƴan matan su biyu dake tafiya suna hira abinsu cikin nishaɗi. Ƙurawa wadda ya ɗanawa ido tun farkon hangenshi akansu yayi, budurwa ce da bazata wuce shekaru goma shatara ba, baka ce sosai 'ƴar doguwa tana da manyan idanuwa tare da baki madai-daici ba wai ɗan mitsitsi ba, tana da diri saboda kuguntama a cike yake dam, kirjinta ma haka tubarakalla. Sanye take cikin doguwar riga baka wacce ɓakin rigar ya ƙara fito da ɓakin fuskarta sosai, tayi rolling da jan veil, takallimin ƙafarta plat wanda igiyarshi jah hannunta ɗauke da ƙaramar posse sai faman karkaɗata takeyi cikin tafiyar yanga. Ta gefenta ma tsarar tace sai dai ita chocolate color ce, sannan bata kai ɗayar cika ba amma dai ta fita iya ɗaukar gayu. Sai da suka zo dai-dai rumfarnan sannan wannan matashin dake kan kujera ya kwashe da wata irin dariya yana har yana riƙe ciki da hannusa tare da juyawa ya kalli friend's ɗin dake gefenshi yace,"Guy's ku kallesufa, gaskiya sun iya wanka..""Hahahaha kai lionMan, wannan ai tsagwaran muguntace kasan dai danku suka yi wannan kwalliyar amma sai kayi musu haka...?!"Cewar wani saurayi ya fad'a yana tashi dariyar muguntar, duk sai gurin ya ɗauki dariya sukabi 'ƴan matan da kallo, ba kamar na kan kujerar wanda shi ya fara yi musu wannan shakiyancin."Duk ke kikaja mana wannan cin fuskar Hajja da bakice dole sai mun biyo ta nan, da munbi ta ɗaya layin duk da hakan bata faru ba."Cewar chocolate ɗin mai suna Atika, gaba ɗaya duk ranta a 6ace take maganar. Wadda aka kira da Hajja kuma ta juya tana kallon bayanta, caraf suka haɗa idanuwa da matashin nan wanda har time ɗin bedena kallonsu yana dariya ba, tayi saurin maida kanta gaban hanya tare da cewa,"Hmmmm Atika kenan baki san yanzun ma ƙyasawa sukayi ba? kinaji dai lionman da kanshi ya ce mun iya wanka, kuma dama abinda muke buƙata kenan muji sunyi mana magana kinga kuwa ai munci riba ace kamar 'ƴan majalisar nan sun kulamu.""Mtwwww aikin banza kawai, ce miki aka yi kyasawa suka yi? hakan da suka yi mana fa cin fuska ne da wulakanci.." Atika ta faɗa r...

Continue reading free chapter