Free chapter · Read without an account

Page 33-34

by autararewa101 · ZAFIN KISHI


ZAFIN KISHI





BIMILLAHIR RAHMANIR* *RAHIM*




*DA SUNAN ALLAH MAI* *RAHAMA MAI JIN* *KAI* .




PAGE 3️⃣3️⃣➡️3️⃣4️⃣



📝Tun a cikin motar yake faman tunani hakan yasaka shi rage gudun motar,A hankali yake tafiya harya karaso kofar gidan Mama kafin ya fito dan jiyake yi wani sanyi Yana neman rufe jikin shi.yana shiga falon yaji shiru ba kowa, Anan bisa doguwar kujera ya konta Yana mayar da numfashi.



Can jikin baccin daya fara daukar shi yaji muryar Mama cikin kanshi,tana tayar da shi.Cikin alamun jin bacci ya fara kokarin bude idonshi Yana amsawa "Na'am Mama"Yana tashi zaune.



"Meye ya sameka baka jin dadi ne ka konta anan?" Cewar Mama da take tsaye kusa da shi.



Murza idonshi yayi Yana cewa "eh banjin dadin jikina ne,daga asibiti nake,idan akwai lemu mai sanyi ku bani nasha magani na"komawa yayi ya kontar da jikinshi Yana dafe kanshi.



Mama juyawa tayi tana jin tausayin dannata Yana tsarga jikinta.



Bayan ta kawo mai tashi yayi dakyar ya koma motar,Jim kadan ya dawo da ledar magungu nan ya zauna.


Dubawa yayi dan ganin yadda zai sha.bayan ya gama Shan maganin ya koma cikin dakin anan Kan gadon ya konta bacci mai nauyi ya dauke shi ba tare daya sani ba.


Ganin haka yasa Mama ta koma falo ta saka Asabe ta dafa mai abinci mai dadi kafin ya farka.




Zulaihat tunda ta shige daki ba abinda take yi banda aikin tunani,A karshe da abin yayi Mata yawa kawai ta saka kuka na babu gaira babu dalili.



Saida tayi mai isarta kafin tayi shiru tana faman ajiyar zuciya.Har wuraren karfe shabiyu da Yan mintina kafin ta wanke fuskarta ta fito falo.


Kitchen ta koma da waya a hannunta tana dannawa.



Dubawa tayi ganin Nafisa bata ciki yasa ta gane ta koma dakin su.



Girki ta fara kokarin dorawa saboda yaranta,tanayi tana Kara gyara wurin.saboda zulaihat ba baya ba wurin tsafta da kolliya,dukda yanzu kishi ya saka ta rage wasu abubuwan.




"Yauwa reza nagode ,Dan haka yanzu yadda za'ayi ki turoman nomber account dinki zan Kara maki wani abu saboda wannan albishir da kika yiman"cewar Ihsan da take tsaye jikin windown cikin falon su,tana leken bakin gate.


Juyowa tayi tana cigaba da cewa "Na dade Ina jiran jin wannan daddadan labarin ban samu ba sai yau,yanzu na tabbatar da cewa Zulaihat ba asiri ba ko tsafi zatayi akan Habib to ya gama tasiri,domin koba komai mun gama da su,Kuma mune mukayi nasara,na gano cewar ta sanadinta Habib ya fara neman Mata,Ni ce wadda tsautsayi ya fara ritsawa saboda sanadin mutuwar son da nake yimai yasa na bashi kaina,Amma daga baya ya gujeni ya tafi zai auri wata Yar kwailar yarinya saboda Yana tunanin na zama karuwa bani da sauran amfani a wurin shi,to wannan shi ne hukuncin duk Wanda yaci amanar mu"shiru tayi tana sauke ajiyar zuciya saboda wannan maganganun da tayi sun tuno Mata da ko ita wacece?,da irin rayuwar da tayi da Habib tun kafin ta karasa yin wayo kamar haka.ba tare data Kara furta Koda kallama daya ba ta katse wayar tana fadawa cikin kujera tare da fashewa da kuka,Dan koba komai har yanzu akwai sauran burbushin soyayyar Habib a zuciyarta,Amma abinda yayi Mata shi ne yake danne wannan son.




Ta Jima a haka tana kuka, kasancewar ba kowa a gidan duk sun fita,saida ta gaji dan kanta kafin ta koma toilet ta wanko fuskarta to konta zuciyarta cike da tunani.





A bangaren Habiba kuwa yauma haka Innajo ta tasata a gaba da aikin gida tunda taga Malam ya fita,ita ce wanke-wanke da shara ga aikin dambu ta ce sai tayi yau shi zasu ci.

Haka tayi ta fama har gabannin sallar azahar kafin ta karasa.wanka tayi ta shirya cikin doguwar rigar atamfa a cikin irin Wanda Habib ne ya dinko mata.



Dambun da Inna ta zuba Mata tasan bazai isheta ba saboda wata azababbiyar yunwa da take addabar ta,Dan tun koko da kosai na safe malam ya tisata a gaba ta sha kafin ya fita.kwanon ta dauka ta juya dakinta tana girgiza Kai.





Habib shi ne bai farka ba sai bayan karfe daya,shima Mama tayi ta faman tayar da shi kafin ya tashi,Dan ita Baccin ya bata mamaki.



Arwallah yayi kafin ya gabatar da sallar shi anan cikin falon,ya Kara shingidawa akan abin sallar.


Asabe ce ta shigo da sallama dauke a bakin ta.tray'n kayan abincin ta aje a gaban shi tana cewa "Yallaboi ga abincin nan"tana juyawa.




Bude idonshi yayi kafin ya kalli abincin cikin slow voice ya ce "nagode "




Zubawa yayi Yana c,Amma ji yake yi abincin baya yimai dadi,A haka dai yadan tsakura kafin ya mike Yana tattare maganin shi da wayoyin shi.



Lekawa yayi cikin dadin Yana cewa "Mama ni na wuce sai gobe mun biyo da Habiba ta gaishe ki"


"To Allah ya sauwake,sai kun zo kaci gaba da hakuri kaji ko,shi komai yayi farko zaiyi karshe"cewar Mama da take shan kankana.



Amsawa yayi da "Amin"kafin ya juya Yana barin cikin gidan.



A hankali yake tuka motar saboda wani mugun faduwar gaba da yaji Yana damun shi......!




By




AUTAR AREWA






✍️✍️✍️✍️✍️

Want the next chapter?

ui.create_a_free_arewapen_account_to_save_progress_unlock_paid_chapters_fol