Free chapter · Read without an account
Page 35-36
by autararewa101 · ZAFIN KISHI
ZAFIN KISHI
BISMILLAHIR RAHMANIR* *RAHIM*
*DA SUNAN ALLAH MAI* *RAHAMA MAI JIN* *KAI* .
PAGE 3️⃣5️⃣➡️3️⃣6️⃣
📝 Addu'a ya fara karantowa,haka yayi ta maimaitawa har saida ya ji zuciyar shi ta fara sanyi ,faduwar gaban ta ragu kafin ya karaso bakin gate din gidan.bayan mai gadi ya bude mai gate a hankali ya karasa Yana daidaita parking din motar.
Labulen jikin windown ta saki tana ajiyar zuciya,tunda ya shigo take kallon shi harya fito daga motar,sosai taga ya rame a fili ta furta "ko meye yake damun shi?maimakon yayi kiba sai aga ya rame?"dage kafadarta tayi alamun ko a jikinta kafin da sauri ta shige dakinta,saboda taji alamun zai shigo falon.tana shiga ta saka key saboda zuwa yanzu haushin shi take ji Yana karuwa a zuciyarta.shiyasa bata so su hadu dan komai Yana iya faruwa.
Shigowar shi ya ji gidan shiru kaman ba kowa,Dan haka shima ya shige dakin shi saboda baya jin yunwa cikinshi a cike yake.
A ranar ma haka Suka wayi gari ba tare da ya sakata a idon shi ba,shiko yayi alkawari bazai je dakinta ba hakkin shi da yake kanta ya hakura tunda haka ta zaba.
*WASHE GARI*
Haka washe gari ma baibi ta kan zulay ba ba yayi ficewar sa,ko break ba tsaya yiba.
Gidan su Habiba ya nufa,yayi sa'a kuwa Malam Yana nan bai fita ba kasuwa ba.
Har kasa ya duka Yana gaishe da sirikin nashi.bayan sun gaisa ya fara yimai bayani "Am daman inaso ka bani izini zamuje da Habiba ta gaishe da Mama,sai muje asibiti a yimana awo,kafin ranar sai a kawo results din".Yana dan sosa kanshi alamun jin kunya.
Malam nisawa yayi kafin ya ce "to Habibu ba matsala,nidai na baka amanar Habiba domin kuwa nasan ba zaka cutar da ita ba,Allah ya kiyaye ku gaishe da Maman taka"cikin gidan ta shige Yana cewa "Bari na turota sai ku wuce yanzu kafin rana tayi.
Jingina yayi da jikin motar Yana kokarin Kiran Doctor Hasan Kira dan sanar da shi gasunan zasu taho yanzu.
Harta katse bai yi picking ba,kawai saiya kyaleshi.
A cikin gidan kuwa dakyar Innajo ta bar Habiba ta fito a cewar ta ai bata gama yimata aikin cikin gida ba.saida malam ya bude Mata ido da fada kafin tayi lakwas tana mamakin yau ita malam yake yiwa fada haka.
Yana ganin ta fito ya shige mota,itama gidan gaba ta shiga da Sallamar ta,Amsawa yayi kafin ya tashi motar Suka fara tafiya.kasa ta Kara yi da kanta tana cewa "Ina kwana"tana wasa da dan zobenta na silver mai kyau.
A takaice ya ce "lafiya Lau"Yana duban gefen titi.
Zulaihat kuwa tana jin fitar Habi itama ta fita yau ko aikin komai bata yiba sai ruwan tea data sha kofi daya.Aikin gidan da girki Nafisa ta barwa .
Har suka karaso gidan Mama cikin su ba Wanda ya Kara furta komai.
Sauka yayi Yana cewa "fito muje"yayi gaba.
A hankali ta fito tana bin bayan shi har suka karaso cikin gidan.A bakin kofar ya tsaya yayi sallama kafin ya shiga.Haka tayi ta binshi a baya kaman wata jela.
Mama tana jiyo sallamar su ta nufo falo tana yimasu sannu da zuwa.
"Sannu ku da zuwa "cewar Mama tana zauma Kan kujera.
Shima zama yayi Yana cewa "mun karaso,ba dadewa zamuyi ba saboda Ina so muje asibiti kada rana tayi.
A kasan kafet din ta zauna.mama tayi saurin tarota tana cewa "Haba diyata ya zaki zauna a kasa,zo nan kusa da ni ,ki dauke ni kaman maman ki kinji"tana zaunar da ita a kusa da ita.
Ita dai Habiba sai faman sussunne Kai take yi dan duk jinta take yi a takure.
Cikin ladabi ta gaishe da ita.sosai Mama ta yaba da tarbiyar yarinyar,Dan bata manta bayanin da Habib yayi Mata akanta ba.
Sakawa tayi Asabe ta kawo Mata kayan motsa Baki,da ruwa.Amma Habiba kin cin komai tayi,har suka wuce asibiti.
sosai Ihsan take Shirin barin garin kaduna,Dan tayi alkawarin a ranar da za'a daura auren Habib,to ita a ranar zata bar garin.
Zulaihat tana fita ta samu dan sahu derect gidan su tace ya kaita dake a hayin rigasa.
Tun a cikin adaidaita ta bashi kudin yana tsayawa ta sauka,cikin sauri ta nufi cikin gidan.
Tun daga kofar falon ta fara rusa kuka da kurururuwa kaman wadda akace Babanta ko Mamanta sun rasu.
Da sauri mutanen gidan suka fara rige-rigen fitowa.ganin ita ce da sanyin safiyar nan yasa kowa yayi turus Yana kallon ikon Allah,Dan sunsan karshen zancen nata.Ummanta girgiza kanta tayi ta koma cikin daki.
Sai kanwarta ce Jamila ta rukota tana tambayar ta "Wai Aunty zulaihat lafiya kike wannan kukan?Haba wallahi harkin tsorata mu"ta zaunar da ita a akan kujera.
Haka tayi ta faman rarrashinta, Amma kememe zulaihat taki tsagaita kukan nan.
Suna haka sukaji an daka masu wata muguwar tsawa data saka Suka sauko daga Kan kujerar ba tare da sun saniba.
"Ashe zulaihat baki da hankali bansani ba?nidai nasan baki rasa ci ba,Baki rasa sha ba,sutura,abinci sai Wanda kike so zaki dafa keda yaranki,Amma da yake kin saka *ZAFIN KISHI* a ranki kin hana kanki sukuni,duk kinbi kin tsangwami kanki saboda Habibu zai Kara aure,to ki kawo min aya ko hadisin da ya ce kada namiji ya Kara aure,ko Kuma ance tunda ya aure ki bazai Kara aure ba saboda ya faranta maki rai?to wallahi tun kafin na fara bata maki rai ki tashi ki koma dakin ki"ya juya a fusace,Dan idan Yana ganinta to zai iya rufeta da shegen duka.
Cikin azama ta fice waje da gudu,saboda tasan hakin Abbansu yanzu Yana iya rufeta da duka.haka ta fita daga gidan tana kuka.
Umma kuwa takaici ne ya hanata fitowa,duk iya kokarinta na ganin ta nusar da Zulaihat akan ta rinka danne kishinta,Amma abin ya faskara.saita bata Mata rai.tasan zulaihat tana da *ZAFIN KISHI* tun tana Yar kankanuwar ta.
Daidai karfe goma da rabi Suka shiga asibitin.
Office din Doctor Hasan ya nufa tana biye da shi.
Bayan sunyi musabiha Yana ta tsokanar shi kafin aka yimata Habiba gwaje-gwaje.
Doctor Hasan fita yayi ya barsu a office din.ita dai Habiba shiru tayi,shiko sai Danna waya yake yi.dukda Yana jin ya fara jin yunwa,saboda baiyi break ba da zai fito.
Tunda Doctor Hasan ya shigo yake kallan abokin nashi,a zuciyar shi yake mamakin "ya akayi haka ta faru".cikin sanyi ya zauna Kan kujerar shi Yana Kara nazarin result din abokin nashi daya gani.
Nisawa yayi Yana cewa "Am please my friend,yauma result dinka bai kammala ba,saboda Basu karasa wasu gwaje-gwajen ba,Amma nayimaka alkawarin ranar daurin auren ni zan taho da su kafin mu fita gidan su amaryar,Dan nasan yanzu idan ka tafi hidimomi zasu Sha kanka ba lallai ne ka samu time din dawowa ba".Yana kallan fuskar abokin nashi.
Habib dage kafadar shi yayi,alamar ba damuwa kafin suka fito.Har bakin motar ya rako su kafin ya juya zuciyar shi cike da wasi-wasin abinda idon shi ya nuna mai,Amma zai gwada da kanshi dan ta tabbatar da gaskiyar al'amari.
Haka ya ja Motar suka bar harabar asibitin......!
By
AUTAR AREWA
✍️✍️✍️✍️✍️✍️