Free chapter · Read without an account
29&30
by Rabiatu bashir · BASMA
*🍏BASMA🍏*
BOOK 2📃
BY
UMMU MAHER(MISS GREEN🍀)
Wattpad user name
Rabiatu333
Arewabooks
rabiattu0444
---------
SIRRINKI👂🏻
Mu yawaita yin addu'ar fita daga gida da kuma ta shigowa saboda samun kariyar Allah da kuma ta mala'ikunsa.
------------------------------
29🟡30
. . .wani matsanancin faɗuwar gaba naji yadda Aliyu ya tafi cikin ɓacin rai ina addu'ar Allah dai ya kaishi gida lafiya ba tare da wani abu ya sameshi ba don a yadda yaja motar komai zai iya faruwa dashi.
Hafsat ta kalleshi sannan ta ce"haba bawan Allah yanzu meye amfanin biyomu har gida don Allah?".ɗan murmushi ya yi sannan ya ce"so ne ya janyo komai ba don so ba da babu abinda zai saka in biyo ku".
ni kam tsabar haushin korar min masoyin da ya yi yasa na yi shigewa ta cikin gidan ina jan kayan na mu daƙer,Allah ya taimakeni har na shiga cikin gidan babu wanda na gani a tsakar gida na yi hamdala sannan na ƙarasa shiga cikin farlon mama,tana kitchen ɗinta na farlo ta hangoni da sauri ta fito tana mana sannu da zuwa.
Da sauri na tashi na rungume mama kamar na yi shekara ban ganta ba,harda guntun hawaye na mama ta ce"ina Hafsat ɗin kuma ta tsaya"?.ko kafin in bata amsa sai ga ta ta shigo tana mita.
Mama ta ce"ke kuma me ya faru ki ke mita haka"?.sai da ta ajje kayan hannunta sannan ta ce"wallahi mama wani mutunne me shegen na cin tsiya ya biyomu mama tun a mota har gida sai da ya biyomu,wai shi son Basma ya ke kuma tunda naga Basma ta zungura ƙeya ta tafi cikin fushi wallahi nasan ba ta sonsa."
sai ta kalli inda na ke taga tuni ma har ma na shigewa ta ɗaki,mama ta ce"to ni dai wuce kitchen ki ɗakko abincinku a kula da faranti har kunun aya ma na yi muku yana cikin fridge".da sauri hafsat ta shige ta ɗakko abincin ta ajje a farlo sannan ta ɗakko kunun ayar ya yi sanyi sosai ta ajje mana a ɗaki,tuni ma har na shige wanka Hafsat ta ce"uwar tsoro kawai ai kema gashi nan jikinki ya gaya miki daga saukarmu a mota har kin shige wanka".ta faɗi hakan tana dariya taji ƙarar wayarta ta ɗauka munir ne ta yi ƴar dariya sai da ta cire kayanta ta ɗaura zani sannan ta ɗauka tana shirin katsewa ta ce"hello".wata ƴar dariya munir ɗin ya yi sannan ya ce"amarya ba ta laifi yau shan ƙamshinne ya motsa kome? Ya hanya ina fatan kun sauka lafiya"?.
nan dai suka cigaba da hirarsu ta masoya,ina fitowa daga wanka na ta da sallar isha'i sannan na yi addu'o'in da na sabayi na shafa na buɗe jarkar kunun ayar na zuba a gora na fara sha sanyin har raina.
Ina cikin sha Hafsat ta gama wayar sannan muka fara cin abincin lokacin Baba ya dawo muka gaisa ya zauna a farlo yana tambayarmu yaya muka barosu da yaranta da maigidan harma da abokiyar zamanta.
Duk muka amsa masa da suna nan lafiya sannan muka ɗakko masa tsarabarsa ta jallabiyya har guda biyu masu ƙyau da kuma hula guda biyu suma masu ƙyau,dariya ya yi sannan ya ce"ikon Allah harda wannan wahala kuma bayan duk wata sai ta aikomin da kuɗi kamar wani albashi? ina godiya Allah ya yi muku albarka ku dukanku.muka amsa da "amin".
mama kenan duk ƴaƴanta ta koya musu tausayin mahaifinsu tun suna ƙanana,bata koya musu rashin tausayin mahaifinsu ba iyaye da dama sai dai idan ƴaƴansu sun yi musu alheri su ƙullesa a bakin zaninsu suƙi su nunawa iyayen yaran baki san kanki ki ke cuta ba,ko kuma kaji uwa na ce wa kada ƴaƴanta su taimakawa mahaifinsu don wani dalili na ta,to wallahi kiji tsoron Allah domin shima mahaifi yana da nashi haƙƙin akan ƴaƴansa musamman idan ya manyanta.
*****
Har ya bar Abuja bai sameta ba ya duba duk inda zai ganta amman shiru don haka dole ya koma gida ba don yaso ba,saboda Fulani ta matsa masa sosai akan ya dawo.
Ranar da ya dawo kamar ko da yaushe ya idan zai dawo gidan kamar ana buki yana ana shiga ana fice komai dare kuwa don babu wanda ya isa ya yi bacci agidan idan shalelenta bai dawo ba.
Matansa ma kowaccensu tasha ƙwalliyarta gwanin sha'awa kowacce ganin ta take babu ya ita a ƙyau da kuma sarauta,sai da ya fara zuwa wajen mahaifiyarsa sannan ya wuce wajen fulani kishiyar mahaifiyarsa ya gaisheta suna gaisawar ta ce"yarima ni kuwa yaya naga duk ka rame haka?ko wani abinne ya ke damunka bamu sani ba?".
ɗan murmushi ya yi na jin daɗin kulawar matar akansa don ko mahaifiyarsa bata tambayesa abinda ya ke damunsa ba,ita dai burinta kawai ya dawo gida.
"Wallahi ammi ƙwata ƙwata bana jin daɗin rayuwata a yanzu,saboda wata yarinya da ta shigo rayuwata a ƙwana biyu kawai ta hargitsamin komai na cikin rayuwata,kuma abin takaicin ban san a inda take ba".?
ya faɗi hakan kamar zaiyi kuka,sosai fulani ta yi mamakin Abeed tun yana ƙarami bai taɓa saka abu aransa irin wannan yarinyar ba,shi ba ma mutunne mai saka damuwa aransa ba.
"Ina son mace wacce bata damu da rayuwa ba,wacce bata damu da mai kuɗi ko akasin haka ba,mai hankali nutsuwa rashin magana da sauransu,amman duk wannan yarinyar ta haɗa waɗannan abubuwan a ɗan zamanda na yi da ita."
sosai Fulani ta ƙwantar masa da hankali sannan ta yi masa alƙawarin za ta taya sa addu'ah da kuma taya sa nemanta.jiki babu ƙwari ya wuce ɓangarensa sai da ya yi wanka sannan ya wuce sashen matan na sa ɓangaren Abida ya fara zuwa tunda a musulunce ɓangarenta ya kamata ya fara zuwa tunda har ya tafi bai shiga sashenta ba.
Tana jin tafiyarsa da sauri ta wuce ta zauna akan faffaɗan gadonta tana gyara zaman haɗaɗɗiyar rigar baccinta wacce ta gaji da haɗuwa kusan rabin jikinta duk a bayyane ya ke.
Da sallamarsa ya shiga Abida ta tsura masa idanuwa kamar mayya tana hangota kawai a jikin abeed yaya za ta yi kuwa tsabar murna,bata iya ɓoye ƙwaɗayinta ba ta isa gareshi ta faɗa jikinsa tana masa sannu da zuwa,Abida kenan aƙwai kissa da kuma kisisina,ita kuwa Bilkisu babu abinda ya shafeta don bata ma iya yadda za ta janyo hankalin miji ba tafi gane tasha maganin mata kawai.wanda kuma rashin ganewa ne hakan a wajen mace wajibine ki iya waɗannan saboda ki zama star a gidan aurenki ba wai mace ta zauna da ƙazanta hammata duk jiki yana wari ba.
So ya yi ya biye mata amman sai ya basar da ita a daƙile ya ce"ki saka hijabinki ki biyoni sashen bilkisu yanzu".wani malulun baƙin ciki ne ya cika mata ciki jin an ambato sunan bilkisu don yadda Bilkisu take wani jijji da kai wai ita ƴar sarauta itama ƴar sarautar ce kuma babu abinda masarautarsu za ta nunawa ta su.
Babu yadda ta iya dolenta ta bishi ba don ranta ya so ba,tana tunanin abinda za ta yi don ta ƙular da Bilkisu.
Haɗasu ya yi dukkansu ya yi musu faɗa sannan kowaccensu ta tashi tana wani taƙama da kuma jijji da kai,ya.kallesu ya yi ƴar dariya sannan ya ce"duk zanyi maganin wannan ɗagawar ta ku don sai na koya muku menene zaman aure don yaga suna neman ilimi akan hakan.
Bayan sunyi sallah ne Sarauniya jidda ta aiko musu da farfesu da kuma kayan marmari,kamar ba amarya ba haka Abida ta buɗe cikinta taci ta ƙoshi ya kalleta da gefan idanu,azuciyarsa ya ce Allah ya ƙyauta sam shi a rayuwarsa bai son mace mara kunya kuma a hasashensa shine Abida buɗaɗɗan ido ne da ita sosai don ta fi Bilkisu ma.
Ko da ya ƙwanta har ta fara baccinsa mai daɗi ya fara mafarkin Basma,kawai sai yaji ana shafa ko ina na jikinsa,sam bai son yin wani abu a yanzu don baya son wahalar da jikinsa da kuma ita amman dole sai da taja ra'ayinsa sai dai fa yana ɗaukar hanya ta fara gane mutan garinsu.
*Miss green ce*