PART 1

[9/4, 12:15 PM] A.M.G GRAPHIC DESIGN.: *👹👹👹👹👹

 *RAINON ALJAN* 

* 

🌖🌖🌖🌖🌖🌖

   (Ɗaukar fansar *Fidal* )

👹👹👹👹👹👹

NA;-A.M GOZAKI.

_________________

ELEGANT ONLINE WRITER"S

  PAGE 1.

……………………………

 Hajiya Hasina ta kasance ƴar garin borno tare da iyayenta,sannan babanta attajirin mai kuɗine wanda yayi ƙaurin suna,bayan ta kai shekara 25 aduniya allah yayi ma mahaifan nata rasuwa a wani hatsarin jirgi daya afku dasu,haka ta cigaba da rayuwa ita kaɗai a cikin gidan sai ƴan aiki dake tare da ita.

 A cikin abokan baban ta na wajen kasuwanci,akwai wani attajiri mai suna alhaji tukur mai shadda,alhaji tukur amintacce ne ga mahaifin Hajiya hasina,inda yake taimakonta wajen gudanar da hurɗoɗin kasuwancin ta,tun da yanzu duk ɗumbun dukiyar ta zama tata.

A hankali a hankali har ya yanke hukuncin ya tuntuɓeta yaji idan zata aureshi,domin yana son ta kasance kusa dashi kodan saboda ƙarancin shekarunta ga kuma dukiya mai yawa da take juyawa a gida ita kaɗai.

 Daga ƙarshe hajiya hasina ta amince ta aureshi,ansha bikin su cikin kwanciyar hankali da lumana.

Daga gidan alhaji tukur kuwa,yanada mata biyu Aliya da jamila,wadda kowaccen su tana da ƴaƴa biyu,Aliya tana da Mahmud da mansur,sai jamila tana da munawwara da mannir,kuma dukkanin ƴaƴan sun haura shekara ashirin da biyar a duniya,gashi dukkanin su babu na kirki daga su har iyayen nasu mata,haka alhaji tukur yake ta haƙuri dasu.

A haka hajiya hasina tazo gidan babu mai son ta,dukkanin ƴaƴan gani suke taya dad ɗinsu zai auro sa'ar su a matsayin abokiyar zaman iyayen su,haka hajiya hasina ta cigaba da rayuwa a gidan babu mai ƙaunar ta sai mijin ta,shiyasa ko falo bata iya fitowa koda yaushe tana cikin bedroom ɗinta.

  *BAYAN WATA TAKWAS.*

  Hajiya hasina ce ta tashi misalin karfe biyu na dare domin ta shiga toilet,tasowa tayi daga kan bed cike da magagin bacci tana hamma,wuqil taga kamar wani ya wuce ta gaban windown dakinta,dayake babban falo dayane a gidan sai bed rooms da akayi na kowace mace a gidan da ma ya'yan, a ɗan tsorace ta tsayar da hammar da takeyi tayi duba izuwa windon amma bataga kowa ba,ɗan ɗaga kafaɗa tayi haɗi da ɗan taɓe baki sannan ta ƙarasa room toilet ɗinta,ta ɗauki kamar minti goma haka sannan ta fito dauke da alwala domin yin nafilar dare kamar yadda ta saba,ta kabbarra sallah kenan taji kamar ana ƙus ƙus daga waje,amma hakanan ta share tamkar bataji ba har saida ta gama sallar,addu'a takeyi idon ta a duƙe na tsawon lokaci,dagowar da zatayi ta ƙara ganin wani ya ƙara gittawa ta wajen window ɗin ta, daga nan ne fa ta fara faɗin "waye anan?"miƙewa tayi ta nufi tagar don ganin ko wanene ke daga wajen,tana zuwa daidai window ɗin taji daga waje wasu suna faɗi ciki ƙus ƙus "ka gane mansur,kai ka tsaya nan ka kalle mana kada daddy ya fito ya kama mu,ni da mahmud zamu shiga ciki mu kasheta da pillow yadda babu wanda zai tunanin kasheta akayi,kaga data mutu sai musan yadda zamu ƙwaci dukiyar ta wajen wancan tsohon",wani dogon numfashi hajiya hasina taja,zaro idanu tayi haɗi da daɗe bakinta kada su gane taji su,namfa ta fara tunanin ya zatayi ta kuɓuta daga hannun waɗannan mugayen azzaluman,wata sabuwar dabara ce ta fado mata,nan take ta nufi window data bulla ta baya, a dai dai lokacin ne taji suna kokarin buɗo ƙofar su shigo,a firgice ta ƙarasa wajen tagar domin fita kada su risketa,ta buɗe ta zura ƙafarta ɗaya kafin ta fidda ɗayar har sun buɗe ƙofar,innalillahi ta fara faɗi tana ƙara sauri domin dura wa,mannir ne ke faɗin"ke dawo munafuka,sai mun kamoki kibar wani ƙoƙarin guduwa don mun ma rufe gate ɗin"haba koma ta kan maganar shi tabi,da gudu ta nufi wajen gate inda suma suka zagaya don shawo kanta duk da sun san bazata iya fita ba tunda gate ɗin kulle yake,sannan katangar gidan doguwa ce bazata iya tsallaka ta ba,itako hajiya Hasina tana zuwa taga gate a kulle,ta ƙwanƙwasa ma mai gadi amma inaaa, bai tashi ba don saida suka ɗirka mai maganin bacci sannan suka kulle ƙofar haka daddyn nasu shima maganin bacci suka bashi shiyasa bazai iya sanin abinda zai faru ba,.

 Ga tsohon ciki haka tay ta ƙoƙarin buɗe ƙofar amma abu ya gagara,ga shi sun kusa zuwa inda take,cikin iko na Allah kawai ƙofar nan ta buɗe, ashe da suka tashi rufe gate ɗin basu murɗa key ɗin a daidai ba,kawai ya ɗan maƙale ne,aiko tana fita suna zuwa gurin,mansur ne yace "yaya mahmud kunga dare ne,kubarta kawai ko ƴan shaye shaye sun isheta,kawai mu koma ciki"mahmud ne yace "dalla kauce matsoracin banza,kai mannir mu bita mu kasheta idan ba haka ba bamu sani ba tana iya tsira,gobe ta dawo ta jiƙa mana aiki,kasan dad yana iya saka ƴan sanda su kama mu kamar wancen karan"mannir yace "hakane kuma fa,muje kawai"nan take suka fita cikin sauri suna haske haske don neman ta inda tabi.

Ita ko hasina gudu kawai take gashi babu hitila hannunta,ga wani baƙin duhu saboda gagarumin hadarin dake niyar tasowa,shiyasa bama tasan inda take nufa ba, tana dai gudun cetar rayuwar ta da na ɗan dake cikin cikin ta ne kawai.

Mahmud ne ya dalla falleliyar hitilar dake hannun shi ta wani ɓangare,su manau yacema "kai gata tacan wajen,mubita tun kafin a fara ruwan nan ta ɓace mana".

hasina gudu take tana waige iya ƙarfinta,kwatsam taci karo da wata bishiya dake gabanta bata kula ba,nan take ta dafe goshinta da hannu ɗaya,inda zafin buguwar da tayi yasa juwa ta ɗauketa ta faɗi nan gurin

…………………………

Shin faɗuwar da Hasina tayi zasu isketa a gurin koko zata tsira daga uƙubar su,don jin cigaban ku biyoni a page na 2.

Yawan comments ɗinku yawan typing.

Ina son naji yanayin comments ɗinku akan wannan page ɗin,shin lbrn ya ɗauki saiti koko.?

🌖🌖🌖🌖🌖🌖

Daga ni mai baku nishaɗi a koda yaushe *.GOZAKI*

[9/4, 12:15 PM] A.M.G GRAPHIC DESIGN.: RAINON ALJAN

……………………………

(ɗaukar fansar *fidal*)

Na:- *Gozaki* 

 *ELEGANT ONLINE WRITER's* 📚📚.

  PAGE 2.

……………………………

 Mahmud ne ya fara zuwa inda ta faɗi yana ta haske haske amma bai ganta ba,yarfa hannu yayi yace a ɗan fusace "oooo shet,lallai ko ina kike saimun nemo ki",haka suma sauran suka ƙaraso gurin amma ko alamun inda tayi basu gani ba,mannir ne yace "ku muje gaba nasan dama  bazata tsaya nan ba"da gudu suka suka nausa can gaba suna nemanta.

Hajiya hasina kuwa ashe ta shiga wani kwalbati dake kusa da bishiyar data bige ta ita,kwanciya tayi sosai ciki ta yadda indai ba wajen suka leƙa ba bazasu taɓa ganinta ba,ta daɗe a gurin bata ɗago ba saboda tana tunanin suna nan basuyi nisa ba.

 Wata gagarumar iska ce ta taso hadari ya gangamo wadda tasa su mahmud tsorata amma duk da haka basu haƙura ba suka cigaba da nemanta ido rufe.

Itako hasina dake ƙasan kwalbati (lambatu),ganin za'a fara ruwane yasa taji tsoron ci gaba da zama cikin ramin don kada a fara ruwa,cike da kula ta fito daga cikin ramin,ba zato ba tsammani taji ana faɗin kunga munafukar can mu kamoto" habawa tana jin haka ta tabbatar da sune,aiko da tayi wata juyawa ta ranta a na kare kudu take suna biye da ita,sun ɗauki lokaci suna ɗauki ba daɗi amma sun kasa kamata saboda tsananin gudun da takeyi domin cetar rayuwar ta.

Dayake unguwar da suke tana kusa da wani daji wanda suke kira da dajin sulbana,dajin sulbana daji ne wanda yayi shekara da shekaru ba'a samu wani ɗan adam daya shiga dajin ba saboda tsananin haɗarin dajin,basu ankare ba sai ganin su sukayi gab da wannan dajin suna niyar faɗa mai,itako hasina bama ta kobi takan haɗarin dajin ba ta wafta kai tsaye,inda waɗannan samari suka tsaya cak haɗi da wani murmushin gefen baki na mugunta,mannir yace "haba wannan ta mutu kawai,bama sai munsha wahalar binta ba kada muma muje mu mutu a banza" atare mahmud da  mansur sukace "hakane fa"suka wani ƙyalƙyace da wata mahaukaciyar dariya,sannan suka bar gurin dasauri kada ma wani mugun abin ya same su a gurin.

Hasina ta daɗe tana gudu bata tsaya ba saboda tana tunanin har yanzu suna biye da ita,saida ta ƙara yin nisa a cikin dajin sannan ta gane cewa sun fa koma,sannan ta tsaya tana ta faman hakin gudu,zama tayi a inda take tsaye duk da cewa batasan a ina take ba ballantana tasan kan ma ta zauna.

Allah sarki,hadarin daya gangamo ne ya fara zubo da ruwa yaf yaf yaf,gashi bata da ko mayafi ballantana ta ɗan tare dukan ruwan,ga wani sanyi dayake hura mata jiki, haka taita ƙanƙame wa tana rawar sanyi inda ruwan sama ya zuge da uban yawa gashi babu inda zata fakewa,sai dai ta ruga ƙarƙashin wata bishiya ta raɓe domin ruwan ya ɗan rage bugun ta,ɗan kwali ta kwanto daga saman kanta ta rufa dan rage dukan ruwan.

Tun misalin 2:30am na dare ake tsugaga ruwannan ba'a tsaya ba sai wajen ƙarfe uku da rabi na dare,wannan dalilin yasa Hasina tayi mugun galabaita tamkar bazata rayuba.

Bayan ɗauke ruwanne bacci ɓarawo ya sace ta a nan inda take rakuɓe da bishiyar,amma duk da tana baccin nan rawar ɗari kawai takeyi kyaf kyaf kyaf,haƙoranta na sama suna karo dana ƙasa,bata farka ba sai wajen ƙarfe takwas na safe,ta farka ne a firgice tana faɗin "lahaula wala ƙuwwata illa billa"tana faɗin hakan ne saboda ganin inda take zaune,wurine dake ɗauke da kawunan ƙwarangwal na mutane dama jukkunan ƙwarangwal ɗin gasunan fululu, shiyasa taji tana taka wani abu jiya da dare kamar duwatsu,nan take ta miƙe tsam duk ta firgice gabaki dayanta.

 Ta ɓangaren gidan alhaji tukur kuwa,yana can duk ya ruɗe wajen nemanta bai ganta ba,ƴaƴan shi da matan shi ya tara yana tambayar su ,aɗan fusace yake cewa "Ina Hajiya Hasina ne??na duba ko ina a gidan nan ban ganta ba" matan nashi ma kallon sama da ƙasa suka fara yi mishi,Jamila ce tace "ai babu wanda ka bama ajiyar ta a nan,ƙilama ta tafi karuwancin ta ne can waje kazo kana wani tsare mutane da tambaya"tana ida rufe bakinta taji saukar wani azababben mari mai ratsa ƙwaƙwalwa,wata ƴar ƙara ta saki tana faɗin "ni ka mara saboda waccan ballagazai??to wallahi zakazo ka sameni"ya ɗaga hannu zai ƙara mata ta tashi ta gudu daga gurin tana ta ƴan maganganu,Alhaji ne ya koma kan su mahmud yana tambayar su,mahmud ne yace "mufa dad muna can wajen birthday partyn aboki mu acan muka kwana,kama daina tambayar mu don bamu san komi a kaiba"mahmud na gama faɗin haka ya juya ya kama gabansa inda suma ƴan uwan nashi suka mara mishi baya,itama aliya da munawwara suka tashi suka barshi nan yaji da matsalar shi shi kaɗai,haka dad ya zauna yana ta tunanin tana ina,zuciyar shi har wani zafi take mai.

 Ta ɓangaren Hasina kuwa,da gudu ta tsatstsalake ƙwarangwal ɗin na ta bar girin jikin ta tsuma kawai yake,namfa wani sabon tsoro ya bayyana a cikin ranta dama kan fuskar ta,haka ta cigaba da nausawa cikin dajin saboda ko tace zata koma baya batasan ta ina zata fara ba,gashi tana son tayi sallar asuba ga yunwa tana masifar ji,cikinta wani ƙugi kawai yake mata,haka ta cigaba da tafiya kamar baza ta kai ba.

Tana cikin tafiyar ne ta shiga wani yanki,inda bishiyoyi ne dogaye sosai inda gurin yayi tsit tamkar babu halitta koda ƙwarine a gurin,haka taita daga kai sama tana kallon wannan dogayen bishiyoyi,gabanta faɗuwa kawai yake jikinta duk bai bata ba......

……………………………

Yawan comment yawan typing.

Sannan wannan littafin na kuɗi ne ba kyauta ba.

N200 kachal.

FREE PAGES ZASU CIGABA DA ZUWA MUKU HAR PAGE 5.

🥰🥰🥰🥰🥰🥰🥰👹👹👽

daga mai baku nishaɗi a koda yaushe *A.M GOZAKI*

***

[9/4, 3:14 PM] A.M.G GRAPHIC DESIGN.: RAINON ALJAN

……………………………

(ɗaukar fansar *fidal* )

Na:- *Gozaki*

 *ELEGANT ONLINE WRITER'S* 📚📚

 **PAGE 3* 

 *……………………………* 

  Sama sama take jin wasu iface iface kamar daga nesa,natsuwa tayi sosai don jin daga ina ake wannan ihun,bata ankara ba sai dai taga wasu kalar mutane suna ta sakkowa daga dogayen bishiyoyin nan,wasu kuma taga suna ta tuɗaɗowa daga cikin dajin izuwa nan inda take,wani kalar sauti mutanen ke fiddawa ji kake "wu wu wu wu wu",adadin mutanen a ƙarance zasu kai mutum 70,maza da mata yara da tsofaffi,gasu dukkanin su bente ne kawai suka ɗaura sai matan da suka rufe ƙirjin su da sarrafaffen ganye,amma sauran sassan jikin nasu a waje yake.

Namfa Hasina ta shiga tashin hankalin da bata taɓa tunani ba a rayuwar ta,ganin yadda mutanen ke buɗe baki duk fiƙa gasu baƙaƙe sosai da jajayen idanu,riƙe suke da wasu irin mugayen makamai.

 Wani wada ne daga cikin mutanen ya hura wani ƙaho dake hannun sa,nan take gabaki ɗayansu sukayi tsit,daga wani ɓangare ne na mutanen suka fara bubbuɗa ma shugaban su hanya,daga can nesa naga yana tahowa a saman wata ƙatuwar giwa,daga gefen shi kuma ga wasu ƙosassun mutane manyamanya suna tafiya a ƙasa suna take mai baya.

Hasina waiwaigawa ta fara yi tana neman hanyar guduwa,ganin sun zagaye tane yasa ta fashe da kuka tana faɗin "Innalillahi wa inna ilaihi raji'un,wannan wace kalar ƙaddara ce haka ta same ni?? ya Sarkin da baka barin zalunci ka fiddani daga sharrin waɗannan halittun marasa imani" tsit ta rufe bakinta saboda wani ƙaton mashi  da ya cake a kusa da ƙafafun ta saura ƙiris ya same ta Allah ya kare,Ogan su ne yake faɗi da wata murya tamkar aradu "Wannan babban rabo daga ina haka,yaushe rabon da mu ɗanɗana naman ƴan adam,lallai yau akwai shagali da daddare kenan, hahahaha"ya wani ɓalle da wata ƙatuwar dariya suma mutanen sa suka fara ihu suna jin daɗi,can ogan ya ɗaga hannu kowa yayi shiru,sai ya nuna ta da mashin dake hannunsa yace "ku kama ta ku kaita wajen tukubar gashi,don naga zatayi maiƙo"cikin bin umurni waɗannan ƙattin mutanen dake take mai baya suka kamo hasina,kuka take tana ƙoƙarin fizge hannayen ta amma tamkar bama dasu takeba,haka suka jata har madafar su,ɗaureta sukayi a jikin wasu itace dake kafe a tsakiyar rana sannan suka tafi suka barta a nan gurin,ga wata masifaffiyar yunwa dake damunta,ga zazzaɓi ya kamata saboda ruwan da ya daketa jiya da daddare.

Daga can gefe wani tsohone ɗan kimanin shekaru tamanin,zaune yake a ƙofar wani ɗan ɗaki dake kusa da inda ake sarrafa duk wani nama da aka farauto,da alamun shine mai kula da gurin,kallon hasina kawai yakeyi yana girgiza kai,yana cikin kallon ta ne yaga bakinta yana ɗan motsi kamar tana son yin magana amma ta kasa,tashi yayi ya nufi inda take yana cewa "mi kike son faɗa ne ƴata??"ƙara maimaitawa tayi a hankali tace "ruwa ruwa"cike da tausaya mata yaje ya kawo mata ruwan,sosai ta banki ruwannan saboda irin matsanancin ƙishin da takeji,duk da cewa tana buƙatar abinci,amma bata tambaya ba saboda tayi tunanin ya bata ruwan ne don kada ta mutu suyi asarar namanta kawai cemai tayi "nagode baba,Allah ya biyaka"bai kobi ta kanta ba ya juya ya koma inda yake zaune.

Ta ɓangaren su dad kuwa,dad gaba ki ɗayanshi ya fita hayyacinshi,duk yabi ya firgita neman Hajiya Hasina domin ba ƙaramin sonta yakeyi ba,kodan saboda yadda yake samun kyakkyawar kulawa daga gareta,gidan radio,gidan television,ƴan sanda da sojoji sun bazu a garin mai duguri nemanta kawai sukeyi,don Alhaji tukur har ƙyauta ya saka ta Naira million biyu ga duk wanda yaji inda take kokuma ya ganta,amma haka aka wuni har dare yayi ba'a samu masaniyar inda take ba,haka Alhaji Tukur ya koma gida cike da baƙin cikin rashin nasarar samun Hajiya Hasina.

Har yanzu dai Hasina tana nan gurin a ɗaure,gashi har 7:00pm na dare tayi bataci komi ba sannan bata samu magani ta sha ba,da ƙyar takeyin numfashi,tana cikin wannan halin ne wannan dattijon ya ƙara zuwa gurinta yana cewa "sannu kinji,amma keko baiwar Allah mi ya kawo ki wannan dajin mai matuƙar haɗari haka"namfa ta fara ƙoƙarin furta wani abu amma ta gaza cewa komi,da tsohon nan ya lura da halin da take ciki nan take ya kwance mata ɗaurin sannan yace "yawwa zauna na kawo miki abinda zaki ci,sannu kinji"ɗan ɗaga mai kai kawai tayi,shikuma ya je ɗakinshi ya ɗauko mata kayan itace (fruit) saboda akwaisu a dajin sosai,dandai ita bata ƙarasa inda suke bane ta shiga tarko,yana kawo mata su namfa ta fara cin su hannu baka hannu ƙwarya saida ta kusa cinyesu tas duk da cewa suna da yawa,sannan ya bata ruwa tasha sosai,nan take baki ya buɗe hankalinta ya dawo jikinta gode ma wannan tsoho ta fara har saida ya dakatar da ita,sannan ya kalleta ya ƙara maimaita tambayar shi ta ɗazu,yace "ƴata keko wace ƙaddara tasa kika  shigo wannan dajin??kodai bakisan matsalolin dake cikin sa bane??" namfa Hajiya Hasina ta kwashe duk labarin abinda ya faru da ita tun daga farko har ƙarshe ta ba wannan dattijo,ya tausaya mata sosai don har saida yaɗanyi ƙwalla saboda tasayi,sannan yace mata "yanzu zan taimakeki,gashima kina ɗauke da tsohon ciki, kai"ɗan girgiza kai yayi sannan ya ƙara cewa "kafin mutanen nan su dawo ki sauri ki bar gurinnan,saboda indai suka dawo suka taddaki a nan lallai saikin mutu,saboda sun daɗe basu haɗu da nama mai kyau irin naki ba,zasu cinye ki ne batare da jin magiyar da zakiyi musu ba"hasina ta tsorata sosai da maganar tsohon nan,ɗan waro idanu tayi haɗi da tambayar tsohon tace "yanzu baba taya zan iya barin nan?? bayan ban ma san inda zan nufa ba,kadama na faɗa ma wasu can daban"ɗan murmusa mata yayi sannan yace "kalli can"wata hanya ya nuna mata,itakuma tabi hannun shi da kallo don ganin hanyar,sannan yace "idan kika miƙe wannan hanyar bazaki kauce ba har saikin kai inda hanyar ta rabu biyu,ɗaya tabi dama ɗaya kuma tabi hagu,to idan kika bi wadda tabi dama itace zata maida ki har saman hanyar da kika shigo cikin dajin nan,idan kuma kika bi ta hagu zata kaiki inda bazaki taba fita ba har abada,saboda itace hanyar da zata kaiki sansanin aljanu,sannan babbar matsalar itace idan kika manta kikai tako koda ɗaya ne a hanyar hagun to lallai kinfa shiga kenan bazaki iya komawa ta damar ba koda ace kina son hakan"wani dogon numfashi taja haɗi da furzo wata iska mai ƙarfi daga bakinta,sannan tace "in sha Allah zan kiyaye,nagode sosai baba,Allah ya taimakeka kamar yadda ka taimakeni"cike da mamaki yake jin maganar ta,kallonta yayi yace "amma ƴata najj kin cewa Allah,minene wannan kuma??" ɗan duƙar da kanta tayi cike da mamaki take ɗan kaɗa kanta,saboda yadda tambayar shi ta ɗaure mata kai,sannan ta ɗago ta kalleshi tace "baba Allah da kaji na faɗi Shine Wanda Ya halicci gabaki ɗaya duniyar nan da duk wani abu dake cikinta,Shine sarkin da baya mutuwa,koda yaushe a raye yake har abada,shine wanda ya halicce ka ya halicceni,sannan shine sarkin daya baka dama ka kawo wannan shekarun baka mutu ba,shiyasa a koda yaushe muke roƙon buƙatun mu a gurin Shi" bayan hasina tazo dai dai nan a zancenta tsohonnan jikinshi duk yayi sanyi,sannan ya kelleta yace "yanzu yarinƴa taya nima zan koma ɓangaren Allah ɗin,koda yake ma ni na makara,tunda har na kusa mutuwa shekaru sun ja" murmushi Hasina tayi sannan tace "baka makaraba baba,shi Allah a koda yaushe yana maraba da duk wanda yakoma ɓangaren shi,yanzu bari na baka kalmar shahada"namfa Hasina ta karanta mashi kalmar shahada sannan tace yai ta maimaita kalmar a koda yaushe tunda yanzu babu lokacin da zata koya mashi sauran abubuwa,nan take tsohon nan yace "ƴata tunda nake ban taba jin daɗin da nakeji a daidai wannan lokacin ba,gaskiya na gode Allah ya albakace ki"hasina taji daɗi sosai,ɗaki ya shiga ya ɗauko mata wasu fruit ɗin masu yawa ya bata domin tayi guzuri,sannan yace mata "ki tafi da sauri yanzu nasan suna kan hanyar su ta dawowa,nagode sosai,sannan ya sunanki ne?"tace "suna na hasina,sannan kaima daga yau sunanka khalid"haka sukayi sallama cikin farinciki,ta kama hanya,shiko ɗan tsoho sai faman maimaita sunayen yake saboda sun burgeshi sosai.

Hasina ko gudu gudu sauri sauri haka take tafiya saman wannan hanya,sai wajen ƙarfe tara na dare ta isa inda hanya ta rabu biyu,tsayawa tayi tsakanin hanƴoyin tana tuna maganar kaka khalid,har zata bi dama ta fasa tajuya zata bi hagu namma ta fasa,wannan kokonton ya shigeta ne saboda a lokacin da yake faɗa mata ƙa'idojin hankalinta yana kan dawowar mutanen can,kada suzo su tarar da ita,shiyasa bataji ƙa'idojin da kyauba.....

……………………………

1-shin wace hanya hasina zata bi,zata tuna koko a'a.???

2-Shin mutanen dajin nan ya zasuyi idan suka tarda Hasina ta kuɓuta.???

Yawan comment ɗinku shine ƙwarin gwiwa ta.

Sannan paid book ne N200 Kachal.

duk maiso yamin magana ta PC ta number dake ƙasa👇👇👇👇

 *GOZAKI* ✍🏻

***

[9/4, 3:15 PM] A.M.G GRAPHIC DESIGN.: RAINON ALJAN

……………………………

(ɗaukar fansar *fiɗal* )

Duk wanda yake son ya cigaba da samun littafin nan,zai tura N200 ta wannan account ɗin 1594865657,ABUBAKAR MUHAMMAD GOZAKI, ACCESS BANK. Idan kuma kati ne za'a tura ta wannan number ɗin MTN ***.

GLO ***.

Domin karantashi cikin kwanciyar hankali da nutsuwa.

Na:- *Gozaki*

 *ELEGANT ONLINE WRITER'S* 📚📚

 *PAGE 4*

 *……………………………*

   Tana nan cikin waswasin wace hanya ya kamata tabine kawai tajiyo sauti daga can baya inda ta baro,kasa kunne tayi dakyau don jin wannan sautin minene,a hankali take jin sautin mutanen nan da suka kamata yana ƙara kusanto inda take,wani ɗan ruɗewa tayi ta rasa ina zata shiga ta ɓuya,don tasan lallai ita suke nema,tunanin haɗarin shiga hanyar da bata daceba da kuma tunanin haɗarin muten dake nemanta yasa tama kasa motsawa daga inda take tsaye na tsawon lokaci,bata ankara ba sai dai ta gansu dab da ita riƙe da mugayen wuƙaƙe,cike da razana Hasina ta ruga zata bi hanyar dama domin tseratar da rayuwar ta,nan take wani baƙin hayaƙi ya fito daga hanyar dake ɓangaren hagu ya ja Hasina da ƙarfin tsiya,wanda ƙarfinshi yasa saida mutum biyar suka mutu murus daga cikin tawagar masu cin mutanen dake son kama Hasina,nan take suka tsorata,ogan su yace cikin babban murya "maza kowa ya juya kafin baƙin hayaƙin nan ya dawo"namfa dukkanin su suka juya domin cetar rayuwar su.

Da komawar mutanen wajen sansanin su,basu zame a ko'ina ba sai inda kaka Khalid yake domin jin taya ya bari Hasina ta kuɓuta bayan sanin cewa shike tsare da ita,zaune suka taddashi yana ta maimaita kalmomin da Hasina ta faɗa mashi,cike da jin haushin tsohon ogansu ya same shi ya mai wani bugu nan take kaka khalid ya sume sannan ogan yace "ku kaishi ɗakin azaba,yau sainaji dalilin da yasa burina na shekaru ya kuɓuta daga gareni"nan take ɗaya daga wannan manyan mutanen ya saɓa shi a wuya ya kaishi wani ɗaki dake shirye da kayan azaba kalakala saboda masu laifi,saman wani tafasashshen ruwan acid aka ɗaureshi,inda zafin zai cigaba da bugun fatar jikinshi har izuwa ranar da zai faɗi gaskiyar abinda ya faru.

  *Bayan sati ɗaya.* 

  Misalin ƙarfe biyar na yamma ne daddy na zaune a parlour cike da tunanin halin da Hasina take ciki ne yaji jikinshi yana wata irin kyarma,nan take zufa ta fara tsatso mashi,su mahmud suna can cikin ɗakinsu suna ganin abinda ke faruwa amma babu wanda ya motsa daga inda yake,wasan kafta kutse suke tayi abinsu (ludo),zailani mai gadi ne ya shigo don kiran alhaji cewa yana da baƙi a waje,da gudu ya ƙaraso inda daddy yake zaune cikin mawuyacin hali,faɗi yake "Alhaji alhaji lpy,innalil lahi wa'inna ilaihi raji'un"yana gama faɗin haka ya cicciɓe shi izuwa wajen mota,a lokacin ne munawwara ta shigo gidan ta dawo daga makaranta,wani waro idanu tayi cike da tsoro ta ruga inda dad yake tana faɗin "zailani mi ya sami dad ɗina?dad ka tashi don Allah",dayake itace ƙarama a gidan shiyasa suke juya tunanin ta,amma batason abinda akema dad a gidan,zailani ne yace mata "wllh nima na shiga ne zan kirashi yayi baƙi naganshi a wannan halin,amma yanzu tunda kinzo ki tuƙa motar izuwa asibitin"ɗan ɗaga kai kawai tayi sannan ta shiga tayima mota key ya buɗe gate ta fita,baƙin dake wajene suma hankalinsu ya tashi,nan take suka ja motocin su suka bi bayan motar da alhaji ke ciki izuwa asibitin.

Da isar motar munawwara ta fito da sauri ta kira wani doctor akawo gadon da za'a ɗora dady a kai,cikin ɗan lokaci wasu nurses suka gunguro emergency bed ɗin aka ɗora dad sai emergency room don binciken mike damunshi.

 Ta ɓangaren Hasina wadda tayi sati ɗaya zungur a sume kuwa,idanuwan ta tafara buɗewa a hankali tana lumshe su,saida ta ɗan ɗauki ƴan daƙiƙu sannan idonta ya buɗe gaba ɗaya,wasu manyan baƙaƙen halittu masu fukafukai ta gani suna shawagi a samanta,nan take ta tashi daga kwancen da take a firgice.....

Ku biyoni shafi na gaba don jin wane kalar halittu ne waɗannan,sannan miyasa suka hanata bin waccan hanyar da zata kaita har gida.

More comment more typing.

👹👹👹

***

@GOZAKI✍🏻

[9/4, 3:15 PM] A.M.G GRAPHIC DESIGN.: RAINON ALJAN

……………………………

Na:- *Gozaki* 

Paid book N200 only.

Acc:-1594865657

ABUBAKAR MUHAMMAD GOZAKI, ACCESS BANK.

MTN:-***.

GLO:-***.

 *Duk wanda ya tura nashi sai yamin magana ta pc na sakashi a sabon group ɗin RAINON ALJAN PAID FANS.*

ELEGANT ONLINE WRITER's📚📚

Last free page

    PAGE 5

……………………………

 Nan take ta tashi daga kwancen da take a firgice,miƙewa tayi cike da tsoro tana kallon waɗannan halittu dake mata yawo a sama,tana cikin wannan yanayi ne kwatsam taga wani baƙin hayaƙi ya bayyana a gabanta,aɗan tsorace ta ja da baya tana faɗin "haz biyal lahu wa nimal wakil",nan take taga wannan baƙin hayaƙi yayi baya amma duk da haka bai bar gurin ba,can kawai taga yana sauyawa izuwa halittar ɗan adam ahankali ahankali,bayan ya gama komawa mutum sak,cike da mamaki take ganin yana ranƙwafa kanshi gareta cikin wata murya mai sautin dake cika ko'ina yana faɗin "barka da zuwa duniyar jinnu yake mai girma uwar sarauniya,kada kiji tsoro don bazamu cutar dake ba,yanzu haka ma sarki ne ya turo naje dake gabansa ranki ya daɗe",nanfa jikin ta yayi wani sanyi ,tajita a yanayin da bata taɓa jinta ba,wai ace itace aljani yake ranƙwafa ma har yana cewa uwar sauriniya,to mike shirin faruwa ne???"haka dai tai tama kanta tambayoyi a cikin ranta,cikin firgici taji ƙafafuwan ta suna rabuwa da ƙasa ahankali,kafin ta buɗe baki tayi magana sai dai ta ganta a wata kalar duniyar da bata taɓa ganin wani guri mai makamancin kyawun shi ba,wata ƙatuwar fada ce wadda babu kowa a cikinta sai dai kayan alatu na gwalagwalai dake ta walwali suna kashe mata ido,namfa kallo yakoma sama tama manta cewa a duniyar aljanu take,kalle kalle kawai take tamkar wata sabuwar baƙauyiya,sautin da ya bigi dodon kunnen tane yasa ta dawo cikin hayyacinta,wata kalar sarewa ce ake busawa mai matuqar daɗi da ratsa zuciya,haka dai hasina tai ta waige waige amma bataga kowa ba,saida aka ɗauki lokaci ana busa wannan daddaɗar sarewa sannan taga wata ƙatuwar ƙofa tana buɗewa a hankali.

Ta bangeren daddy mara lafiya kuwa,likitoci har sun auna shi sun gano cewa hawan jininshi ne ya hau sosai,munawwara ce dake tsaye a bakin operation room ɗin tana jiran sakamakon daga doctors ɗin,doctor mus'ab ne ya fito daga cikin room ɗin,da dauri ta tareshi tana faɗin "doctor ya daddy na yake?? ya tashi kuwa??" ɗan murmushi doctor yayi sannan yace "ki kwantar da hankalinki,hawan jininshi ne ya hau shiyasa,amma zai samu sauƙi in sha Allah"kuka munawwara ta saki haɗi da duɗawa inda take tsaye tana faɗin "dad kada ka tafi ka barni,ka jure dad ɗina"doctor ne yace mata "amma ina ƴan uwanki? ko ke kaɗai kika zo ne?" ɗan ɗaga mai kai kawai tayi sannan ta cigaba da kukanta.

Ta ɓangaren hajiya Hasina kuwa,tsaye take tana kallon ƙofar nan dake buɗewa a hankali.....

……………………………

PAGE 6 zai zo muku a sabon group ɗin rainon aljan na waɗanda suka biya ɗari biyunsu.

@GOZAKI✍🏻

***