Free chapter Β· Read without an account
21-22
ππKYAUTAR ΖOΖAππ
(its all about love, scracife, hatred and destiny)
*wattpad*
@NoorEemaan
***
Masu amfani da facebook su yi join ta wanna link din.
Page 21-22
Sai da ta zo daidai soron gidan ta tsaya, gabanta na matsanancin bugawa... Tana iya hango Fadeel dinta da wata mata zaune kusa dashi wanda bata tantama mahaifiyar sa ce. A Kallo dayan da ta musu ta hango tarin damuwa a fuskokinsu.
Wasu hawaye ne suka sake zubo mata sakamakon mugun ramar da ta ga Fadeel yayi, jitayi tayi zuciyar ta ya karye, juyawa tayi domin barin gidan hakan yayi daidai da dago kan da Mahmah tayi...
"Wacece nan?"
Fadeelah taji saukar muryar Mahmah. Cak! ta tsaya yayinda gabanta ya fadi.
"Shigo mana" ta sake juyo muryar mahmah.
Waro ido tayi kana ta juyo a hankali, nufo su tayi bakinta dauke da sallama.
Waro ido Mahmah tayi idanunta kafe kan fuskar Fadeelah, har abada bazata taba manta wanna kamilaliyyar fuskar ba. Kallon_kallo aka shiga yi tsakanin su ukun.
ita Fadeelah, kallonta da Mahmah keyi ya dan tsorata ta yayinda Mahmah ke mamakin menene ya kawo Fadeelah gidansu? Fadeel kuwa mamaki yake ta yadda aka yi Fadeelah tasan gidan su.
"Fadeelah!" Suka tsinci muryar Fadeel ya kira ta, cikin wani amo mai wuyar fassaruwa.
Wasu hawayen farincikin ne suka zubo wa Mahmah, dama wanna ce Fadeelah'n fadeel dinta, wanna yarinyar mai Kyakkyawar zuciyar ce? ita ce kwanakin mutuwar ta saura wata daya? Hakika bata cancanci mutuwa a yanzu ba, domin rasa irin su a al'ummah babban rashi ne....
Durkusawa fadeelah tayi a kokarin ta na son gaishe da Mahmah, cikin sauri mahmah ta dago ta, ta rungumeta hadi da cewa "yata" sai kuma Mahmah ta fashe da kuka, wanda na zallan tausayin Fadeelah'n ne.
Shiru Fadeelah tayi itama hawaye na zuba a idanunta, duk da tayi mamakin ganin Mahmah na kuka, Fadeel kuwa mamaki yake a ina Mahmah ta san Fadeelah har haka? Domin yanayin ta ya nuna ta san ta din.
Riko hannun ta mahmah tayi suka zauna kan tabarma bayan ta shimfud'a wani zanin ta mai kyau akan tabarman Fadeelah ta zauna.
Da ido Fadeel ke binsu ya kasa ko da furta kalma daya ce, da hannu Mahmah ta kira shi alamun yazo ya zauna kusa da su.
Bai yi musu ba ya zauna gefen Mahmah. Cikin sanyi da muryar ta mai dadi tace "Ina wuni Mahmah"
Murmushi dauke a fuskar Mahmah tace
"lafiya lau 'yata, kina lafiya?"
"Lafiya alhamdulillah" ta amsa cikin girmamawa.
Wani murmushin mahmah ta saki, domin sosai take jin dadi a ranta, ganin cewa Fadeel d'inta ya samu mace mai sanin ya kamata, yarinyar da take so sosai, ashe itace muradin ran danta.
" 'yata kin manta ni ko?" Mahmah ta tambaya.
Dan satar kallonta Fadeelah tayi a kunyace kana tace "eh Mahmah ban shaida ki ba"
Wani murmushi Mahmah tayi kana ta fara bata labari ko ince ta basu, saboda taga kamar fadeel yana cikin rudu.
Jinjina kai Fadeelah tayi, ba shakka alkhairi danko ne, gashi ita ta manta fuskar Mahmah amma, ita ta tuna ta ta,
tabbas ta tuna ranar sai dai Mahmah'n ce ta manta, domin ranar tana cikin matsanancin damuwa, Saboda a ranar ne doctor Mahfouz ya sanar da ita sauran kwananinta a duniya.
Bangaren fadeel kuwa, sai yanzu ya gane inda Mahmah tasan Fadeelah, yayi mamaki ya kuma yi farinciki jin cewa duk yabon hadi da kauna da Mahmah take yiwa yarinyar da suka hadu a asibiti Fadeelah'nsa ce. Sai dai murnan sa ragagge ne idan ya tuna cewa kwanakin mutuwar abar kaunarsa saura kwanaki kalilan a duniya.
Dan janta da hira Mahmah keyi domin ta saki jikinta, hadi da yi mata nasiha kan ta fawwalawa Allah komai, yana sane yana kuma ji, Sannan damuwa bata maganin komai. Da wanda zuciyoyin su ya dan yi sanyi.
Mik'ewa Mahmah tayi tace " 'yata me zan dafa miki?"
Murmushin k'arfin hali ta saki kana tace "ba komai Mahmah nagode"
"A'a A'a dole kici fa, ko kin bani zabi na girki miki duk abinda nayi niyya?"
Kasancewar bata son musu yasa tace "toh Mahmah"
Wajen madafa mahmah ta nufa ta fara kiciniyar dora musu girkin...
Ajiyar zuciya ta ji kusa da ita, hakan yasa ta kalli gefen ta, Fadeel taga ya matso kusa da ita, bata ce komai ba tayi kasa da kanta.
"My Darling" ya kira ta, shiru bata amsa ba.
"My Darling" ya sake kira nan ma shiru
'My Darling pleaseee" ya kira a karo na uku cikin magiya.
Idanun ta suka ciko da kwalla, a sanyaye kana a hankali tace "meye laifina? Me nayi maka daka zabi ka hore ni ta wanna hanyar? Ka tafi ka barni ba tare da ka tsaya munyi Kyakyyawar sallama ba, bayan kasan kwanaki mutuwa ta na kusanto ni, a haka kake cewa kana sona? Gashi ni na kasa jurewa nazo domin inyi sallama da kai ko hakan zai sa na samu salama a kabarina" Ta karashe maganar cikin wani mugun kuka daya taho mata. Saurin toshe bakinta tayi, domin bata son Mahmah taji sautin kukan nata..
Hawaye ke bin fuskar sa, ba kadan ba kalaman ta suka shige sa, bazata fahimci halin da yake ciki ba, shi kadai yasan halin tashin hankali da yake ciki right now.
Cikin murya kuka yace "am so sorry Darling, is not what you think, I swear you have no idea akan irin tashin hankalin da nake ciki, Fadeelah ban taba shiga tashin hankali irin wanna ba, duk minti daya da agogo zai buga, toh da zuciya ta yake bugawa, domin kwanakin mutuwar abar kauna ta, muradin raina yana kusanto wa" kasa karasa wa yayi Saboda wani mugun kuka d'aya taho masa mai karfin gaske, amma ya danne.
Sosai Fadeelah ta yarda da maganganun sa, domin cikin iyakar gaskiyar sa yayi ta, ita kanta ta rasa wa yafi son juna cikin su biyun???
Gaba d'aya kukan suke babu mai rarrashin wani, karshe dai Fadeel yayi k'arfin hali fara lallashin Fadeelah da kalamai masu sa nutsuwa da ratsa zuciya.
Shiru tayi sai ajiyar zuciya da take saukewa, abinda zai sanya ta farinciki yayi tunanin yi, mikewa yayi ya nufi dakinsa, ya dauko kayan zanan sa... Tun kafin ya fara zanen ta fara sakin murmushi, kasa da minti goma ya zana ta tsaf, hakan ya sanya ta cikin farinciki.
Kallonta yayi yace "my Darling ta ya ya kika gane gidanmu?"
"My one, kana tunanin garin masoyi yana nisa ne? Kana tunanin bazan iya bincikan inda kake ba? Kasani cewa inda so da kauna, komai zai iya faruwa, sannan komai zai yu, dan haka ka daina mamaki"
Cikin gamsuwa ya jinjina kansa kana ya sake cewa "Amma me yasa kika boye min wanna cutar taki har tsawon wanna lokacin?"
Murmushi mai ciwo tayi kana tace " dalilina shine, babu abinda hakan zai kara, na kuma boye maka ne saboda hankalin ka zai tashi, sannan ina tsoron kada ka guje ni, wanna cutar tawa ya kai shekaru masu yawa, haka na taso na ganni dashi, a lokacin da cutar yayi muni ne aka fara neman wanda zai siyar min da kodar sa amma ban samu ba. Haka dai doctor na Mahfouz ya cigaba da dora ni kan magani hakan yasa nake samun saukin cutar, sai dana je last check up result dina ya nuna cewa kodar ta lalace sosai haka zalika dayan ya fara tabuwa, ban sanar da kowa ba, domin dukkanin wani dangin nawa basa son tada maganar cutar koda na. Sannan Saboda tashin hankali da zan sanya mutane yasa ban sanar da kowa abinda Doctor Mahfouz yace ba. Ganin cewa kwanaki na na daf da karewa ne shiyasa nayi tunanin sanar da kai..." Ta kai karshe tana sauk'e wasu tagwayen numfashi.
Iska mai zafi Fadeel ya furzar tausayin Fadeelah fal ransa.
Haka dai suka dinga hirar su ta soyaaya, yayinda damuwar su ke raguwa a hankali, ana haka Mahmah ta dawo da dauke da kwanuka biyu masu d'auke da tuwo hadi da miyar kubewa, ajiyewa tayi gaban su tana cewa
"Allah yasa 'yata ta iya cin wanna abinci"
Murmushi Fadeelah tayi, tana kallon abincin, matsanancin tausayin su na ratsa ta, dama mutane na iya cin irin wanna cimmar kuma su rayu? Zata iya cewa bata taba ganin abinci irin wanna ba, a fili
tace "zan iya ci Mahmah nagode"
ita kanta kawai fada tayi, za dai ta gwada ci domin faranta ran Mahmah, domin taga kaunar ta mai tarin yawa a idanun mahmah'n, haka ita ma sosai matar da kwanta mata arai tana kuma sonta.
Murmushin farinciki Mahmah tayi, Allah kadai yasan tarin kaunar da take yiwa Fadeelah'n, kallon Fadeel tayi tace " My son kai mata abincin dakin ka domin ta samu taci abincin a sake"
"Toh Mahmah" ya mike hadi da kai mata abincin dakin.
Dawo da kallon ta tayi ga Fadeelah dake zaune kai a kasa tace "tashi 'yata kije ki ci abinci ko"
A kunyace ta mike ta nufi dakin sa.
Tsaye tayi cikin mamaki tana bin dakinsa da kallo, gaba d'aya zanen hotunan tane manne a bangon dakin duka.
Murmushi take yi yayinda idanun ta ke kafe kan nashi, daya bayan d'aya, ko wani bango take bi tana kallon hotunan ta, tama rasa wanne yafi kyau, farinciki ya cika zuciyar ta. Muryar sa taji yace "my Darling taho kici abincin".
Ba musu ta dawo ta zauna fuskar ta d'auke da murmushi.
" Thank you" tace masa
"Kin cancanci fiye da hakan my darling" ya bata amsa.
Bata kara cewa komai ba sai murmushi da ta yi...
A karo na biyu ta kai hannu da niyyar gutsiro tuwon domin taci ta kasa, saboda zafin sa.
Murmushi ya saki, kana ya wanke hannunsa ya gutsiro tuwon hadi da dangwalo miya, sai ya shiga hura iskan bakin sa cikin tuwon na yan seconds kana ya nufi bakin ta dashi... A hankali kana a kunyace ta bude bakinta ya sanya mata tuwon.
Dan lumshe ido tayi domin ta yi tunanin zata ji daci, sai ta ji tsabanin haka, domin duk da babu komai cikin miyar daga Maggi sai yaji domin ko mai babu, amma mutum zai iya ci... Haka ya cigaba da bata, har tayi loma biyar kana ta kauda kai alamun ta koshi. Bai ce komai ba, domin yaga mugun k'ok'arin ta, domin bai yi tunanin zata iya cin ko da loma d'aya na abincin ba.
" kai ma kaci?" Tace dashi.
Ba musu ya fara ci, shi ma bai wani ci da yawa ba ya rufe, saboda har yanzu ba wai hankalin sa ya kwanta bane, amma ganin ta ya rage masa wani kaso na daga cikin matsanancin damuwar da yake ciki.
Har shidan yamma Fadeelah na gidansu Fadeel, sosai wata shakuwa mai yawan gaske ya shiga tsakanin Mahmah da Fadeelah cikin wuni daya.
Sannan Mahmah ta debewa Fadeelah kewa, har take jin tamkar kada ta bar gidan...
Da zata tafi ta kawo kudi masu yawa ta bawa Mahmah amma sam taki karba, duk yanda Fadeelah tayi, Mahmah taki karban kudin.
Haka suka yi sallama cikin mutunta juna, sai a lokacin kukan Fadeelah ya dawo sabo domin ji take kamar sallamar karshe take yi dasu Fadeel, gani take kamar bazata kai sauran kwanakin daya rage mata ba.
Suna tsaye a kofar gidan su Fadeel, suna sallama cike da kewar juna, kuka mai suna kuka suke gaba daya, an rasa wa zai lallashi wani cikin su, karshe dai Fadeel ya bude mata murfin mota ta shige, kana ya kalleta murya a shake yace "zan kira ki idan kinje gida, I love you" yana fadin haka ya koma cikin gidan da mugun sauri.
Haka dukkanin gidajen biyun suka k'asance cikin damuwa, har garin Allah ya waye...
***β ***β ***β
Washegari Fadeel na zaune yayinda Mahmah tace "son ina so ka kwantar da hankalin ka, in sha Allah zaku rayu tare da Fadeelah har ku haifo min jikoki, bana son kayi wani abu akai hakan umarni nake baka, addu'a zaka cigaba da yi mata kaji?"
Jinjina kai yayi alamun gamsuwa
Shiru na yan mintuna Mahmah tayi kana ta sake cewa "ina son sake zuwa asibiti cikin satin nan, domin bana jin dadin jikina" wani shiru tayi kana ta cigaba
"ka kira 'yata kuwa?"
Ajiyar zuciya ya sauke kana yace "eh na kirata, amma number ta baya zuwa tun jiya, amma bari na sake gwada wa"
Kara dialing number yayi har ya tsinke ba a daga ba, kara kira yayi a karo na biyu, yaji an daga.
amsar da aka bashi yasa shi mikewa zumbur gaban sa na wata mahaukaciyar bugawa....
_Gobe ma zanyi k'ok'arin baku sabon update matukar naga comments dinku, yeah two pages as promise, i love my fans_...
#share
#Edit
#vote
Editing is not allowedβ
I'm selling data to all Nigerian network Thank you for contacting Sdeendtm!
BUY DATA FROM THE AFFORDABLE PRICE
I'm
selling MTN data with this cheap price
MTN DATA PACKAGE*
500MB@===200
1GB@=====300
2GB@=====600
3GB@====900
5GB@====1,500
Dial *131*4# or *460*260# to check Data balance Validity 1 month
Airtel,9mobile and Glo also available.
*Subscription for DStv gotv star time electric pay bills*
Whatsapp OR
Call *****
#NoorEemaan.