Free chapter · Read without an account

40

by Hauwa A Usman · RASHIN SANI…

_*RASHIN SANI.......*_





*HAUWA A USMAN*

    _JIDDARH_




'''Wattpad:HauwaAUsmanjiddarh'''



~DEDICATED TO~

*🌈KAINUWA WRITER'S ASSOCIATION✍🏻*

_(Sadaukarwa ga gaba d'aya Kainuwa writer's member's kunan cikin raina ban manta daku)_




4⃣0⃣




A matuk'ar razane Hanash yace " what..! ban gane ba?


"Eh...! kamar yadda kaji na fad'a muku haka ne,

bazata tab'a haihuwa ba har abada,

" shine nace maka ban gane ba?


"To yanzu Mr Hanash wanne irin bayani kake san nayi maka kuma?


" Bazata tab'a haihuwa ba kuma take period?


" Eh..! ai cewa nayi mahaifarta ta fashewa,

ba wai cewa nayi bata da mahaifa ba,

tana da mahaifa kamar kowacce mace,

sai dai ita tata mahaifar da ita da babu duk d'aya ne,

saboda tun kan tayi k'arfi (kwari) ta samu matsala,

so bata cigaba da girma tana k'ara k'arfi ba,

yadda take lokacin da abun ya faru haka take har yanzu,

kasan kuma bai yiyiwa mahaifar yarinya 'yar 10yrs kuma fashashshiya ta d'auki ciki har 9 months,

kamar ka d'aura ruwa cikin leda ya fashe ne,

kaga ai still ledar tanan kuma har sauran ruwa yana iya ragewa ciki ma,

to haka ne ya faru da mahaifarta,

mahaifarta bata da gwarin da zata iya d'aukar ciki balle harta d'auki d'a,

" innalillahi wa'inna ilaihirraji'un,

Allahumma ajirni fi masibat.........!

wata irin gigicacciyar k'ara Khulud ta saki had'i da zube k'asa a sume,

a kid'ime Hanash ya mik'e daga inda yake zaune ya ciccib'eta cikin tashin hankali,

shima da Doctor d'in mik'ewa yayi jikinshi na kerrrrma da tsuma,

kan gadon tura marasa lafiya aka d'orata aka nufi emergency room da ita,

duk iya k'ok'arin da Doctor sukayi amma abin ya gagara dan sun kasa dai-daita numfashinta,

in banda zarya a k'ofar emergency room d'in babu abinda Hanash keyi,

gaba d'aya yama rasa me zayyi,

bai yarda da abinda ake cewa idan damuwa da bak'in ciki sukayiwa mutum yawa bai iya kuku ba,

sai yau, dan wata dauriya Allah ya saukar mishi,

ko kwalla tak'i fito mishi, shi rik'on Allah ma yake inama zayyi kukan dan ya samu sassauci a zuciyarshi.


Kamar daga sama ya jiyo Khulud ta k'ara yin mahaukacin ihuuuu da tsananin k'arfi,

duk asibitin sai da ya amsa cikin tsananin tashin hankali ya danna kai ciki,

duk ilahirin jikinshi kerrrrma yake,

cikin tsuma ya k'arasa gareta had'i da rungume ta tsam cikin jikinshi,

gaba d'aya ta firgice take fita daga cikin hayyacinta,

ta koma cikekkiyar mahaukaciya taburan,

cikin matsanancin kuka tace " wallahi k'arya ne nasan my Sanah bazata tab'a yin abinda zai cutar dani ba,

bazata tab'a yin abinda zai haifar man da matsala ba,

bazata tab'a jefa rayuwata cikin k'unci da uk'uba,

bazata yiwa rayuwa ta illa ta kassara farin ciki na ba,

ka fad'a musu su k'ara duba ni dan Allah.....!

ta k'arasa maganar cikin rikitaccen kuka,

k'ara matse ta tsam yayi cikin jikinshi,

yana sauke numfashi da sauri da sauri,

jikinta ta zame daga nashi had'i da cire d'an kwallin kanta tayi jifa dashi gefe,

ta sanya hannunta cikin gashinta kanta,

tana yi mishi wani irin kallo while hawaye na zubo mata tace " yanzu bazan tab'a haihuwa ba har abada....!?


" Yanzu shikenan bazan tab'a ganin d'ana na ciki na ba....!?


"Bazan tab'a d'aukar ciki na haihu ba....!?


" Bazan tab'a haihuwar gudan jini ba....!?


" Bazan tab'a ganin kwai ba kenan.....!?


" Bazan tab'a jin yadda mata keji lokacin rainan ciki da haihuwa ba?


" Sai da naji suna bada labari,

bazan tab'a jin da sanin zafin nak'uda da haihuwa ba....!?


" Yanzu da gaske na zama juya maganar Jaddah ta tabbata ni juya ce...!

na shiga uku naga ta kaina yanzu ina zan saka rayuwa ta naji dad'i.....!?


" Nasan shikenan kuma bani da sauran farin ciki har abada...!,

bazan kuma yin walwala da annashuwa ba..!

gefe ta kawar da kanta tace " nasan aure zakayi bazaka tab'a zama da juya ba..!

da sauri yasa hannunshi ya rufe mata baki,

" please kiyi shiru karki yi sab'o .....!

kamar mahaukaciya ta buge hannunshi,

kallanshi tayi ido cikin ido tace " aure zakayi ko...!?


" A'a bazan tab'a yin aure ba nayi miki alk'aw.......!

" a'a nasan Jaddah bazata tab'a kyale ka ka zauna dani ni kad'ai ba,

alhalin bana haihuwa, wallahi nasan sai Jaddah tasaka ka k'ara aure

 wayyo na shiga uku ya Rabbi ka d'auki rai na na huta da wannan bak'ar rayuwar mara amfani.....!

bakinta ya rufe mata had'i da cewa " ki nutsu please..!

ya fad'a yana jijjigata,

" mutuwa zanyi Hanash wallahi mutuwa zanyi...!

ta fad'a cikin masifaffan kuka mai d'aga hankalin ma'abocin sauraro,

" aure zakayi nasan dole dole sai ka k'ara aure ...!

" nasan bazaka tab'a cutar kanka ka zauna babu yara ba...!

" nasan yadda kake bala'in san yara Hanash nasan kana san haihuwa sosai...!

" wallahi nasan sai ka k'ara aure,

ta fad'a tana dukan k'irjinshi while gashin kanta yayi buzu-buzu tamkar mahaukaciya,

hannunta ya rik'e cikin nashi cike da tsantsar tausayawa ji yake tamkar yayi ta ihuuuu yana d'iban k'asa yana zubawa kanshi da jikinshi ko ya samu sauk'i da sassauci cikin ranshi da zuciyarshi....!,

" Hanash mutuwa zanyi bazan iya cigaba da rayuwa ba,

dan Allah ka barni na mutu dan na gwammaci mutuwa ta akan rayuwa ta,

ta fad'a tana fad'awa jikinshi cikin matsanancin kuka mai firgita ma'abocin sauraro,

cikin raunananniyar murya yace " bazaki mutu ba Khulud,

in sha Allah muna nan yare har tsufa,

kuma har da mutuwa dan Allah ki kwantar da hankalinki,

karkiyiwa Allah mutulci, baki san me Ubangiji ya b'oye ba,

bamu san dalilin dayasa Allah yayi hakan ba,

Khulud ke ba jahila bace kin san Allah bai tab'a yin abu babu dalili duk abinda kika ga Allah yayi akwai dalilin yinshi,

babu abinda ya kamace mu sai addu'a mu dage muci jarabawar mu,

sai kiga Allah ya b'ullo mana da wata hanyar,

amma idan mukace zamu butulce masa sai ya barmu da azabarsa,

karki ce zakiyi yak'i da ikon Allah,

karki ce zaki shiga hurumin Ubangiji,

karkiyi haka please mu fa musulmai ne,

Allah ya koyar da mu abubuwa dama da zamuyi idan masifa ta fad'a mana,

ko muna cikin bak'in ciki da damuwa,

ki kasance mai yiwa Allah godiya a bisa ni'imarsa sai ya k'ara miki wata,

kiyiwa Allah godiya saboda ya barki da rai da lafiya, kinfi k'arfin abincin dazaki ci ruwan dazaki sha,

suturar da zaki saka, da wajen kwana,

ki godewa Allah dayaba ki komai a rayuwa kika fi k'arfin komai,

babbar ni'imar da Ubangiji yayi miki da yayo ki musulma cikin jinsin bani Adam,

Allah ya barki bai kuma tab'a jarraba imaninki ba,

Allah bai tab'a barin d'an Adam batare da jarabawa ba,

dole sai an jarrabi imanin mu,

ki godewa Allah abisa dukkan ni'imomin dayayi miki,

sab'anin haka kuma ki fad'a cikin fishi da azabarshi,

kamata yayi kiyi ta maimaita " innalillahi wa'inna ilaihirraji'un a matsayinki na musulma,

dan Allah karki ban kunya Khulud,

kiyi ta maimaita innalillahi wa'inna ilaihirraji'un cikin ranki,

kinji my Khulud?


Hawayenta ta goge had'i da kama sumar kanta ta tufke ta sanya reborn,

cikin nutsuwa ta kalle shi tace " da gaske ne abinda Doctor ya fad'a ko mafarki ne nake yi...!?


Shiru yayi idansu sark'e cikin na juna suna kallan juna ido cikin ido,

hawaye ne suka kuma gangaro mata tace " yanzu da gaske bazan tab'a haihuwa ba har abada...!?


Still bayyi mata magana ba sai kallanta kawai da yake yi,

dan in banda baya san ya karya mata zuciya da babu abinda zai hana shi kukan shima,

" da gaske ni juya ce kenan...!?


Ji yayi zuciyarshi ta karye yana neman saka kuka, 

dan haka yayi saurin rungume ta dan bai san taga d'igon hawayenshi,

dan ganin hawayenshi yana iya k'ara rud'a ta ya rikitata,

cikin kunnenta ya rad'a mata " duk abinda na fad'a ki maimaita,

idanta ta lumshe hawaye na cigaba da zubo mata,

batare datace mishi komai ba,

" innalillahi wa'inna ilaihirraji'un,

Allahumma ajirni fi musibati wa'akluflee khairan min ha,

muryarta na rawa ta maimaita,

ya kuma maimaitawa, itama ta maimaita,

sun dad'e suna maimaita addu'ar,

while tana sauke ajiyar zuciya a hankali a hankali,

take taji ta nemi gaba d'aya bak'in ciki da damuwarta ta rasa,

lokaci d'aya Allah ya yaye mata k'unci da zafin zuciyar da take ji,

taji ranta yayi mata wasai, a hankali ta zame jikinta daga nashi,

cikin sanyin murya tace " mu koma masaukin mu, zuwa gobe ko jibi sai mu wuce gida,

ta fad'a tana mik'ewa da sauri Hanash ya rik'e ta yace " a'a ki bari sai kin warware kin k'ara samun sauk'i sai mu koma masaukin mu,

murmushin k'arfin hali tayi mishi had'i da cewa " lafiya ta lau babu abinda ke damu na mu tafi kawai,

" Ok to mu koma wajen Doctor d'in muji ko da wani abun da za'a k'ara yi,

" a'a mu tafi kawai ni na yarda da k'addara mai kyau da marar kyau,

ya yarda na amince Allah ne keyin komai shike da ikon yin komai,

wani abu mai tab'a faruwa face da iko da izininshi,

dan haka na d'auki hak'uri da dangana,

idan Allah yayi ina da rabon haihuwa zan haihu idan kuma bani da rabo komai za'ayi ban tab'a haihuwar,

ajiyar zuciya ya sauke cikin ranshi yana tunanin wani irin sanyi hali Allah ya bawa Khulud,

yana jin mutane masu tawakkali da hak'uri amma na Khulud daban ne,

murmushi yayi mata yace " eh amma dai mu koma muji mai zaice mana ko?


" Please Hanash I don't want argue with you,

so dan Allah mu tafi kawai,

langwab'ar da kanshi yayi gefe cikin alamar wasa yace " please mana dear,

 d'an murmushi tayi kana tace " ok muje..!,

thanks yace had'i dayi mata light kiss,

" I'm sorry ban so haka ta faru ba,

please karki rik'e ni cikin ranki a matsayin wanda ya fara fad'a miki mummunan labari,

murmushi tayiwa Doctor d'in had'i da cewa " karki damu Doctor hakan Allah ya tsara man tun farko...,

sosai shi kanshi Doctor d'in yayi tsananin mamakin dauriya da juriyar Khulud,

ya kuma jinjina mata had'i da k'ara tausaya mata,

" please Doctor babu abinda za'a iyayi?


" Ko da wata hanyar bazamu iya bi ba...!?


" I'm sorry Hanash amma gaskiya duk inda zakuje cikin duniya kaf abinda za'a fad'a muku kenan,

idan har namiji yana iyayin ciki ya haihu to itama tana iyawa,

idan da zan baku shawara dana ce muku karma ku wahalar da kanku wajen neman magani ko neman wata hanyar dan gaskiya da kamar wuya...!

ajiyar zuciya Hanash ya sauke yana k'ok'arin yin magana tayi saurin cewa " shikenan Doctor mun gode..!

ta fad'a tana mik'ewa, 

cikin mutuwar jiki ya mik'e had'i da mik'ewa Doctor hannu had'i da cewa " thank you Doctor...!

cike tsantsar tausayawa yabi bayansu da kallo.


Suna komawa masaukin su ta aje jakarta cikin parlor da hijab d'in ta,

kana ta shige bedroom, kayan ta cire kaya ta fad'a bathroom,

key ta dannawa k'ofar gudun kar Hanash ya biyo ta,

 ta zauna saman WC had'i da fasa kuka mai cin rai,

zaune yayi a parlor ya had'a kai da gwiwa cike da tsantsar bak'in ciki,

ji yake tamkar anyi mishi bishara da ranar mutuwarshi,

ganin har wajen 40 minutes bata fito ba,

yasashi mik'ewa ya shiga cikin bedroom d'in,

shashshekar kukanta ya jiyo cikin bathroom,

idanshi ya runtse da k'arfi yana dayasanin zuwanshi America ganin Doctor,

dan ya tabbatar kafin ta koma normal za'a d'au lokaci kuma koda ta koma ma lokaci zuwa lokaci sai ta rink'a shiga damuwa,

idanshi da suka gama canja kala zuwa pure red ya bud'e kana ya nufi bathroom d'in,

murd'a handle d'in yayi yaji shi a rufe,

jin ya tab'a k'ofar yasata saurin mik'ewa ta kunna shower ta sakarwa kanta,

" bud'e yace yana knocking k'ofar,

" ina wankan zan bud'e..!?


" Eh....! shiyasa nace ki bud'e ai,

" wanka nake yi fa..!

 " wankan ne kusan 1hr..!?


" Yi hak'uri yanzu zan fito..!

" a'a ki bud'e man na shigo muyi tare..!

saboda bata san yawan magana yasata bud'e mishi k'ofar batare datayi mishi magana ba,

a hankali ya taka ya shiga direct inda take ya nufa yana cire kayan jikinshi,

ta bayanta ya rumgumo ta ya had'a jikinta da nashi, dukkan su naked,

ta k'ark'ashin cikinta ya zagayo da hannunshi yana shafata gami da yin sama da hannunshi har zuwa kan boobs d'inta while shower na zuba saman su,

hab'arshi ya d'ora saman kafad'arta yana wasa da boobs d'inta,

had'i da cewa " muyi wankan tare,

ya fad'a yana k'ok'arin danne damuwa da bak'in cikin dayake ciki,

saboda ya kwantar mata da hankalinta ya kuma kawar mata da damuwarta,

murmushi tayi tace " aini na gama ta fad'a tana mik'a hannu zata d'auki towel,

hannunta dake k'ok'arin rik'e towel d'in ya rik'e yace " ayi man to ni ma,

" sallah zanyi..!

ganin yanayinta yasa bai k'ara yin magana ba,

ya sake ta gudun karya takura mata,

duk ilahirin jikinta kerrrrma da tsuma yake,

nannauyan fumfashi ya sauke had'i da bin bayanta,

batare data saka kaya ba tayi zaune saman bed,

a hankali ya zauna kusa da ita,

had'i da jawo ta jikinshi ya kwantar da kanta saman k'irjinshi,

yace " tunda nake dake baki tab'a ban labarin kin tab'a samun accident ba,

muryarta na rawa tace " ba accident bane..!

" to meye..!?


Ya fad'a yana runtse idanshi,

kana san kaji ne...!?


"Eh...!,

muryarta na rawa tace " kana san kasan abinda ya maida matarka juya wacce bazata tab'a haihuwa har abada ba ko...!?


Ta fad'a kuka na k'ok'arin kufce mata,

" ke ba juya bace Khulud dan Allah ne kad'ai yasan mai zai faru gobe,

" idan ba juya bace mecece ni...!?


Kanta ya shafa gami da cewa " matar Hanash uwar gidanshi kuma amaryarshi,

murmushin yak'e tayi wanda yafi kuka ciwo danta tabbatarwa kanta koda ace babu Jaddah sai Hanash ya k'ara aure,

dan ta san saboda ita bai tab'a yin rayuwa babu yara,

jin tayi shiru yasashi cewa " fad'a man meya faru meye sanadi da dalili....!?


Muryarta can k'asan mak'ogwaro tace " my Sanah...!,

cikin tsantsar mamaki yace " Sanah kuma..!?


"Eh my Sanah ce sanadi kuma dalilin faruwan hakan,

ta fad'a tana fashewa da matsanancin kuka,

kana ta shiga bashi labarin abinda yaru tun daga farko har k'arshe....!,

cikin jahilin kuka tace " nasan my Sanah bata san hakan zai faruwa ba,

nasan bazata tab'a iya cutar da ni ko tayi abinda zai cutar da ni ba,

nasan wacece my Sanah nafi kowa saninta, 

bata da mugunta balle bak'in ciki tana da sauk'in kai batta dai da tsiwa,

nasan batayi hakan danta illata rayuwata ba,

asalima nina matsa mata muka je boarding school dan kwata-kwata bata k'aunar boarding school,

kuma nina matsa mata muka shiga game club & team,

sannan ranar da abun zai faru k'in yin ball d'in tayi dan sai da tace man jikinta yana bata wani abu,

ita baza tayi ball ba yau, amma na matsa mata dole dole sai tayi,

wallahi nasan ita kanta da tasan hakan zata faru dani sai ta gwammaci mutuwarta saboda nasan yadda take matuk'ar so da k'auna ta,

zan iya cewa Sanah tafi kowa so na a duk fad'in duniya,

ta k'arasa maganar cikin rikitaccen kuka,

tunda ta fara bashi labarin ya kafe ta da daradaran idanshi,

shiru kawai yayi yana jinta amma Allah kad'ai yasan meke cikin zuciyarshi,

tunda Hanash yake a duniya bai tab'a jin tsantsar tsanar Sanah irin yau ba,

ji yake da za'a bashi free life babu ran wanda zai d'auka daya wuce nata,

bai tab'a sanin ashe da a baya ba k'inta yake yi ba sai yanzu da abinnan ya faru,

in banda rawa, kerrrrma da tsuma babu abinda jikinshi keyi,

ta ko'ina gumi keto mishi yake yi,

" tab ashe dama Sanah ce silar faruwan hakan...!?


"Itace tayi sanadiyyar rashin ganin d'anshi gudan jininshi a duniya..!?


" Duk matsololin dake faruwa ashe dama itace ta haifar da komai...!?


Ya fad'a cikin ranshi,

a hankali ya runtse idanshi da suka gama zama jajaye tamkar gauta da k'arfi,

saboda tsabar bak'in ciki bai san sanda ya fashe da fitinannan kuka ba,

had'i da rungume ta cikin k'irjinshi,

itama kukan take yi sosai, tamkar ransu zai fita haka suka rink'a kuka,

take suka ji gaba d'aya k'asar ta fice musu fit a ransu,

bayyi mata magana ba ya mik'e ya hau had'a musu kaya while yana kukan,

a daren yayi musu booking fly,

washe gari suka yo Nigeria cike tarin damuwa,

duk sun koma shiru-shiru dasu,

dama abinka da dukkan su ba maganarce ta dame su ba,

a Aminu Kano International Airport jirginsu yayi landing,

kasancewar bai sanar da driver dawowarsu ba yasashi,

d'aukar taxi zuwa gida,suna zaune a bayan motar ta d'ora kanta saman k'irjinshi yana shafa kanta,

cikin sanyin murya tace " please ka kai ni gida..!

kallanta yayi yace " wanne gidan...!?


"Gida mana, ta fad'a kamar bata san yin maganar,

" ai dama gidan zamuje ya fad'a yana cibaga da shafa kanta,

" no ba nan ba, gidan Mamu da Abbu..!

" nan kike san zuwa..!?


"Eh...!, tace a tak'aice, ido ya k'ura mata kana yace " please mu bar maganar nan tsakanin mu ban san 'yan gidan mu suji,

dan ban san Jaddah taji tazo ta k'ara tada mana hankali ta k'ara mana damuwa bayan wanda muke ciki...!,

" hmmm ai ko an b'oyewa 'yan gidanku ni dole na sanar da iyaye na halin da ake ciki,

ko ba komai sa tayani da addu'a kuma ma ai ya zama dole su san meke faruwa,

kuma suma su Mimmee koda an b'oye musu baki yak'i furta musu zasu gani a aikace...!,

bai kuma yi mata magana ba , har suka k'arasa gidan,

kayansu ya sauke daga cikin motar kana ya biya mai taxi d'in,

direct part d'in Mamu suka shiga,

a parlor suka iske Mamu da Abbu, Zafran, Ziyad da Aarib da Idrak zaune suna cin abincin saman dinning table,

dayake wani lokacin daga su har matansu part d'in Mamu ko Juju suke cin abinci,

wani lokacin ma har Dide da Juju duk had'uwa akeyi aci abincin tare gaba d'aya,

da sallama suka shiga parlor'n,

da sauri Mamu ta mik'e had'i da cewa " yau muna da manyan ba........!

bata k'arasa ba Khulud ta nufe ta had'i da fad'awa jikinta ta fasa rikitaccen kuka,

gaba d'aya parlor'n akayi shiru tsit tare da zubawa Khulud da Hanash ido,

cikin tashin hankali Mamu ta d'ago ta tace " lafiya Khulud..! meke faruwa...!?


In banda kuka babu abinda Khulud keyi,

cikin sanyin jiki Hanash ya nufi Abbu ya gaida shi kana suka gaisa dasu Zafran,

" Hanash lafiya kuwa..!?


Shiru yayi had'i da k'ok'arin danne abinda yake ji cikin ranshi,

" Zafran kira man Dide da Juju..!

amma karka fad'a musu Khulud ce tazo dan suna iya k'in zuwa...!,

cikin nutsuwa ya mik'e ya tafi kiran Juju da Dide,

cikin sa'a ya iske su cikin parlor,

sak'on Abbu Zafran ya isar musu,

da sauri Dide ya mik'e yana tambayar " lafiya Zafran..!?


"Nima ban sani ba, ya daice na kira ku yanzu,

jikinshi na rawa yabi bayan Zafran,

cikin sanyin jiki Juju ta mik'e dan takai 2days gabanta na yawan fad'uwa had'i da dukan uku-uku,

tare Zafran da Dide , Juju suka shiga parlor'n while duk ilahirin jikinsu na kerrrrma,

" lafiya...!? 


Yace ganin kowa a parlor'n,

yana bin kowa da kallo,

idan Juju nakan Khulud danta tabbatar akwai abinda ya faru,

saboda jikinta ya dad'e yana bata wani abun,

kafad'ar Khulud Mamu ta girgiza had'i da cewa " kiyi magana mana Khulud,

ki fad'a mana abinda ke faruwa kin d'agawa kowa hankali..!

ta fad'a muryarta na rawa,

cikin mahaukacin kuka Khulud tace " Mamu na shiga uku...!,

duk wanda ke wajen sai da gabanshi ya yanke ya fad'i,

" Mamu bazan tab'a haihuwa har abada ba,

bazan tab'a ganin d'an ciki na ba,

cikin rashin fahimta Mamu tace " kamar ya..!?


" Mamu bazan haihu ba..!,

kallan Hanash Abbu yayi yace " Hanash meke faruwa ne..!?


Cikin nutsuwa muryarshi na creaking ya fad'a musu komai da komai,

ya sanar dasu abinda ke faruwa,

" innalillahi wa'inna ilaihirraji'un,

Allahumma ajirni fi musibati wa'akluflee khairan min ha,

Lahaula walak'uuwata illabillah,

La'ilaha illallahu Muhammad Rasulillahi (S.A.W.),

kowa a parlor'n da irin salatin da addu'ar da yake yi,

kuka Mamu ta fasa had'i da rungume Khulud suka cigaba da kukan,

aka rasa mai rarrashin wani, duk kara da kawaicin Hard'o family's ranar kawar da ita gefe sukayi,

sosai Juju ma ta sanya kuka,

da sauri Aarib ya fita ya kira Nisah,Gahez,Danish da Erum had'i dasu Hallan,

kowa da kowa aka hallara cikin parlor'n ana ta jimami masu kuka nayi masu jimamjin abun nayi,

Dide da Abbu kuwa sandarewa sukayi a tsaye dukkansu sai share gumi sukeyi,

bakinsu d'auke da addu'a, sosai Hallan ta tausayawa Khulud,

dan itama kuka tayi sosai,

cikin kuka Khulud tace " ina my Sanah..!?


" Tana makaranta..!

" dan girman Allah kar wanda ya fad'a mata abinda ke faruwa,

dan Allah karkuce mata saboda ball d'in data buga man a Roni ne sanadi dan Allah,

dan nasan saita fini shiga tashin hankali da damuwa,

wani irin kallan bak'in ciki da takaici Hanash yayi mata " ke da kike da matsalar ma aka fad'a maki balle wata banza,

ya fad'a cikin ranshi,

" dan Allah ko a fuska kar wanda ya nuna mata wani abu ya faru please dan Allah...!

ta fad'a cikin matsanancin kuka had'i da had'e hannuwanta alamar rok'o,

dan Allah ku taimake ni karku fad'awa my Sanah wannan magan.........!!

" meye kike cewa kar'a fad'a man Sanah ta fad'a tana shigowa parlor'n,

ganin idan Khulud yayi masifar yin jajir kuma tana kuka lokacin data shigo tana rusa uban kuka yasa Sanah sakin hand bag d'inta,

ta nufe ta da sauri, kwata-kwata bata lura da kowa dake parlor'n ba,

hannunta ta d'ora saman kafad'ar Khulud tace " lafiya my Ulud meke faruwa....!?


Ta fad'a muryarta na tsananin rawa,

da sauri Khulud ta goge hawayenta had'i da k'ak'aro murmushin k'arfin hali tace " babu komai my Sanah,

har kin dawo ne..!?


Cikin rawar murya Sanah tace " my Ulud dan Allah fad'an man abinda ke faruwa please,

wallahi tunda na kanki kina kuka kuma kina cewa kar'a fad'a man abinda ke faruwa nasan akwai wani abu,

san Allah ki fad'a man, ko kowa zai b'oye man wani abu nasan ke bazaki tab'a b'oye man ba,

dan bai kamata ki b'oye man ba,

" bakomai Khulud tace tana juyawa,

a fusace Sanah tasa hannu ya juyo da ita had'i da cewa " ban gane babu komai ba...!?


" Kinga please ki........!

bata k'arasa maganar ba saboda idanta daya sauka akan gaba d'aya Hard'o family's dake cikin parlor'n,

kuma harda kakaninsu, da iyayensu, then yayansu, da matansu,

kallan Juju tayi taga tana kuka,

a hankali ta fara bin gaba d'ayansu da kallo still Mamu ma kukan take yi,

Idanuwan Hanash sunyi ja sosai,

then Abbu da Dide sai gumi suke yi,

ga Hallan na kuka, Yayyansu kuwa kallo d'aya zakayi musu kasan suna cikin tsantsar tashin hankali,

hakan ne ya tabbatarwa da Sanah akwai babban abinda ke faruwa,

cikin tension ta mayar da kallanta kan Khulud tace " please my Khulud meke faruwa..!?


Ta fad'a muryarta na rawa,

" bakomai muje kiyi wanka ta fad'a tana rik'e hannunta,

Hanash dake zaune tsantsar mamaki ne ya kashe shi,

a fusace Sanah ta fusge hannunta,

ta mayar da kallanta ga jama'ar dake parlor'n tace " dan Allah ku fad'a man abinda ke faruwa mana,

kai Khulud ta girgiza musu alamar a'a,

kasancewar Sanah ta juya mata baya,

durk'ushewa Sanah had'i ds fasa rikitaccen kuka,

tana cewa " dan Allah ku fad'a man abinda ke faruwa,

ganin babu wanda yako kalle ta yasata mik'ewa ta nufi Khulud ta d'ora hannunta saman kafad'ar ta ta shiga jijjigata da k'arfi tace " nace ki fad'a man abinda ke faruwa...!


Tassssss!! kauuuuuuuuu Mamu ta maka mata gigitattun marika guda biyu,

cikin fad'a da kuka Mamu tace " bayan kin cuce ta kin illata mata rayuwa kashe ta kike san yi...!?


Cikin tashin hankali Khulud tayi saurin nufar Mamu tana cewa " a'a please Mamu no! no!! dan Allah,

a matuk'ar rud'e Sanah ta kalli Mamu had'i da maimaita kalamanta " bayan kin cuceta kin illata mata rayuwa kashe ta kike san yi,

shiru tayi tana tunanin wanda ta cuta ta kuma illata mishi rayuwa,

cikin ranta tace " mean KHULUD!!!,

da sauri ta nufi Mamu cikin tashin hankali tace " Mamu meke faruwa fad'an me menayiwa My Ulud..!?


" A'a please Mamu karki fad'a mata dan Allah, Khulud ta fad'a tana kuka,

itama Sanah tana kuka tace " please Mamu ki fad'a man,

cikin kuka Mamu ta kalli Khulud tace " komai daran dad'ewa dole wata rana Sanah zata sani,

da'a bari sai gaba ta sani lokacin abin ya lafa,

kema kin fara mantawa da abun cikin ranki,

azo a kuma tashi a dawo maki dashi sabo gwara a fad'a mata a taru ayi jinya lokaci d'aya 

 gaba d'aya,

tunda Mamu ta fara magana Khulud ke girgiza mata kai tana cewa" no! no! no please Mamu,

Mamu kallanta ta mayar ga Sanah kana ta fad'a mata abinda ke faruwa,

bata b'oye mata komai ba,tun daga farko har k'arshe ta fad'a mata komai tasssss.............!






MOMYN ZARAH

Want the next chapter?

ui.create_a_free_arewapen_account_to_save_progress_unlock_paid_chapters_fol