Free chapter · Read without an account
4
Abbakar ya kalleshi da jin abunda yake fad'a yasan halin Khalid bashi da kyau a ko wane fanni kuma baya yafiya komai girman mutum idan yayi masa abu sai ya rama gashi yaro ne duk a cikin su amma mugun tsoron sa suke ji Saboda yana da wani irin nasibi da kwarjini na jama'a duk inda ya ratsa sai ya tara mutane ko a makaranta ne haka zasu kewaye shi tun waya na waya ba kowa ne yake da ita ba shi ya mallaketa zai tara su suyi ta kalle kallen wa'kokin Hausa da turanci gami da kallan pictures din turawa masu bayyana tsaraici kai har da ma pictures din hausawa 'yayan musulci duk Khalid na dasu cikin wayar shi na irin 'yan matan da suke sonshi suke turo masa 'bangare-'bangare na jikinsu, shi kuma ya Tara abokan shi yayi ta nuna musu suna dariya in suka ga mai 'kananun nonowa su shek'e da dariya haka ma idan suka ga mai manya manyan nonowa da hifs nan ma kaji su suna dariya had'e da sakin ajiyar zuciya masu rauni kuwa a cikinsu sai kaji suna cewa"Wallahi saura kad'an na kawo haka dai zasu yi ta iskancin su na samarin masu tashan balaga.
Abbakar yace." Kar muyi haka dakai *Mashahuri* sau tari sunan da suke kiran sa dashi kenan ya cigaba da cewa "Jiya na samu labarin abunda kuka je kuka yiwa Shaik don Allah ku k'yale mutumin nan haka kuma babu ruwan Ku da 'yar sa don Allah."
Wani kallo ya watsawa Abbakar d'in cikin yanayin maganar sa a hankali yace." Kana wani tunani daban ina nawa tunanin, ni babu abunda zan yi mata tunda ba ita tayi min ba amma dai duk sanda na kara ganinta da jiki a rufe sai na tu'be naga abunda take 'boye wa ai bata fi sauran 'yan matan unguwa ba."
Su Salis suka sa dariya suna fad'in"Wallahi da kayi mana dai-dai Allah yasa ranar da zaka tu'be ta munanan mu sha kallo shegiya tasan tana da kayan aiki ne shiyasa take yawo cikin hijab, hahahahaha shima Shaik d'in abunda yake dubawa kenan shiyasa ya sa mata ido ai bai isa yayi wa Allah wayo ba." Suka 'karashe maganar tasu suna dariya had'e da tafawa Abbakar dai shiru yayi musu domin yasan sun fi 'karfinsa shima zai so yaga ranar da za'a tu'be Yarinyar yasan a ranar zai sha kallo.
Tunda taje makaranta ta kasa sakewa a aji da ta tuno kamanninsa sai gabanta ya yanke ya fad'i! Ya ilahi kanta ta sunkuyar kan daks tana addu'a cikin zuciyar ta ta rasa me yake damun zuciyar ta da guy, da batasan shi batasan daga inda yake zuwa gurin su Abbakar ba ta tabbata dai abokinsu ne kuma daga ni duk yafi su wadata ko ga yanayin sutturan da yake sawa da irin manya-manyan wayoyin da suke hannunsa tasan yaron d'an masu kudi ne, haka dai tayi ta addu'a kan Allah ya cire mata tunanin shi cikin zuciyarta har lokacin tashi yayi Hanifa bata fahimci komai ba ga kad'acin Asalamiyya ya dame ta suku-suku ta futo daga aji ta d'auki hanyar gidansu tana tafiya a tsarge kamar yanda ta saba.
Jama'a nata futowa daga gidajan su cikin shirin zuwa massalaci domin su sallahr juma'a ya wancin su da sabbin kaya da dadduma wasu da yaran su wasu na tafiya a 'kasa wasu kuwa kan abun hawan su, masu shaguna na rufewa suna tafiya massalaci duk domin samun lada gurin Allah.
A dai-dai wannan Lokacin ne su kuma suka saki kid'a ko cikin shagon Mabson kid'an da ya karad'e unguwar gabaki d'aya tun daga bakin titi mutan yakan iya jin 'kidan Muryar shi ce take tashi cikin sabuwar wa'kar shi mai taken *'Kwalelen ki!* sosai wa'kar tayi Dan banzan dad'i fiye da wa'kar shi ta farko da ya fara, ita wannan jiya ya shiga studio ya sake ta shine fa ya Tara abokan shi suna ji, kafin kace kwabo yaran da suke kokarin tafiya massalaci sun fara taruwa a 'kofar shagon suna le'kawa manyan ma daga cikinsu sun shagala da jin wa'kar azakar d'in da suke yi ma suka daina kawai suna tafiya suna sauraran wak'ar mai taken *Kwalelen ki!* Muryar Khalid akwai dad'i sosai wa'kar taja hankalin 'yan matan da suke cikin gidansu suna le'kowa waje wasu ma babu mayafai a jikinsu.... A dai-dai wannan lokaci ne Abbu ya futo daga gida yana sanye da fararan kaya kar dasu wandon shi ya d'angale sosai kana ya taje gemun shi hannunsa guda rike da dadduma d'aya hannun kuma yana rike da asuwakinsa. Cikin nutsuwa ya fara dube-dube daga inda yake jin tashin kid'an, can kan hanya ne a nutse ya fara tafiya yana tur da dab'iar matasan wato ko wane musulmi ya niyyata ga zuwa massalaci domin ya samu rabo a duniya da lahira amma su sun kunna kida sun cika unguwa babu maganar suje massalaci su bi jam'i babban abunda ya 'bata masa rai kuwa shine ganin da yayi yara mata da iyayen su duk sun le'ko waje suna kallo don rashin hankali wasu ma babu mayafai a jikinsu.
Sai da tazo daf da shagon Mubson ya fahimci a ciki kid'an yake tashi ji yayi kamar ya to she kunnen sa saboda yanda kid'an yake masa k'irjinsa har amsawa yake yi, kallon kofar shagon yayi yaga yara 'kananu masu shirin zuwa massalaci da Wanda ma basu shirya ba sunyi cincurindo a kofar shagon. Takaici ya kamashi ya rasa wane shaid'anin yaro ne a cikinsu ya tsiro da wannan shirme Dole yayi wani Abu akan al'amarin wucewa yayi da sauri domin tsayuwar shi a gurin yanzu bata da amfani dole idan an sakko ya tsaya ya tsawatar musu ko da zasu jefe shi ne.
Yana 'kokarin tsallaka titi ita ma tana 'kokarim tsallakowa a take ta shiga hankalinta ta dai-dai ta nutsuwar ta, ta tsallaka a nutse tace"Abbu na dawo." Fuskarshi babu alamun wasa yace." Masha Allah kiyi maza ki wuce gida kinji ko kada ki kuskura ki tsaya gurin kid'an can idan kika tsaya sai na 'bata miki rai."
Kanta a 'kasa tace"To Abbu sai ka dawo." Gaba tayi tana waiwayen shi har ya tsallaka titi taga yana 'kokarin shigewa massalaci sannan ta wuce zuciyarta cike da so da kaunar mahaifin nata.
Sai da ta shigo layin nasu sosai ta fara jin sautin kid'an na shiga jikinta muryar shi na 'kara tashi cikin *Wa'kar shi ta Kwalelen Ku* Hanifa ta dinga jin wani iri a jikinta tsigar jikinta ta fara mi'kewa sosai take jin dad'i wak'ar da yanayin muryar mawa'kin mai dadin sauraro.
Inda tafa wasu mata sun tsatstsaya suna hirar mawa'kin itama nan taje ta tsaya tana sauraran su gefe guda kuma tana jin shigar wak'ar jikinta Ita nan wai so take ta 'kare sai ta tafi gida, amma da ta kare sai taji wata ta 'kara shigowa Sam takasa barin gurin ta ma manta da maganar da Abbu yayi mata.