Free chapter 路 Read without an account
2
馃彨 TANTIRIYA馃彨
A GIDAN YARI
Official
By
AsmaBaffa
SADAUKARWA
GARE KI鉂わ笍
AIDA MAMAN TASNIM
6-10
Page naki ne
AUTARESS
Follow this link to join my WhatsApp group: ***
Ina kuke masu burin suga sun kawata gadajensu da hadaddun bedsheets? Ko Kuma blankets kike nema? Masu aurar da yara ko kannai da ke kanki uwargida indai kitchen utensils kike bukata
To kukanki yazo karshe.kuyi joining group din R&U exclusive kitchen and more
Ku more wa idanun ku da kayan kitchen Yan yayi na gayu da zannuwan gado na kowanne kasa Zaki samu acikin farashi Mai sauki
Kuma Maza Bata barku abaya ba idan Kuna bukatar a hada muku lefe nagani na fada na amarya Kona uwargida wato na fadar kishiya duk Zata hadamuku acikin kwanciyar hankali.idan ma akwatunan kawai kuke bukata duk inkuka tuntubi Rumaisa zaku ganewa idanuwanku
Tana Kano state Kuma Tana tura Kaya kowanne state afadin nageria harma da kasashen da muke makwagtaka dasu
Zaku iya tuntubarta ta wannan number
***
NAILA HASHIM asalin sunanta, Hashimu Dolo asalin Fulani ne dake zaune a yankin Jos,yawan fada tsakanin arna da musulmai ya shafi Fulanin yankin Jos Inda ake musu asarar dabbobi da rayuka,wannan yasa Iyayen Hashimu suka tashi suka shiga Minna Inda Daji ne sosai ko Yan Fulani kafin ka samu gidan wani sai ka Sha wahala,a hankali suka dinga karuwa a dajin,ko wanne bafillace yazo ya samu wajen zama har suka hada ruga guda da matansu da yaransu.
Tunda mahaifin Hashimu suka dawo wannan daji da matarsa basu taba haihuwa ba tsawon rayuwa,suna ta neman magani Ido rufe,sune gidan wannan malami sune can har Allah yasa mahaifiyar Hashim katsam ta samu juna biyu ,suka haifi dansu Hashimu,amma tunda aka haife shi halittarsa take kamar irin gaula gaula haka,irin dolaye kullum bakinsa na dalalar da yawu,tunda ya taso komai na duniya bai iya ba a haka ya girma har ya zama saurayi ya samu ilimin addini sama sama amma dalalar da yawu sai da ya girma sannan ya daina da kyar,Yana da tsafta sosai.
Hashimu lokacin da ya isa aure, neman aure ma kasawa yayi, idan aka samo Masa budurwa tofa sai kunya sai ya gudu ma ya kauracewa gari kullum Yana cikin gonaki,karshe da Mahaifinsa ya gaji sai ya samu abokinsa Sagiru Wanda yake da budurwar yarinya kwaya daya tal Kubra,sai ya nemawa Hashimu aurenta ya Masa gini aka Masa aure,ba Wanda ya zaci wai Hashimu zai iya tsinanawa mace wani Abu amma watanni uku aka ga matarsa da ciki kowa yayi mamaki a dolancin Hashimu ga matarsa da ciki
Matasa suka tasa Hashimu gaba da tsokana ana cewa matar Hashimu ta samu ciki,Ashe Hashimu yasan hanya,mata ma sai gulmar suke a gidan biki suna cewa oh ikon Allah wannan waje ko mahaukaci Yana gane shi wai matar Hashimu Dolo da ciki,lokacin Iyayensa wasu Yan bindiga suka harbesu a hanyarsu ta dawowa daga Jos sunje ziyara,tunda Hashimu ya rasa iyaye sai ya siyar da shanunsa kaf ya tafi birnin kano ya siyi gida a can suka zauna da matarsa Kubra ba uwar sana'ar da yake har suka cinye kudin shanun tas,gadonsa duk ya siyar suka cinye kudin a ciki,ya koma sai dai mutanen unguwa su dinga taimaka musu.
Wahala data ishi Kubra sai iyayenta suka siyar da sa aka bata jari kawai ta fara sana'ar siyar da kayan Miya a gida sannan ta shiga makarantar yaki da jahilci,macece kyakyawa ajin farko fara tas,shi Kuma Dolo Hashimu Yana da Dan duhu amma kadan amma kyakyawa ne sai idonsa tsulun tsulun a ciki Kuma duk dolancine ya Maida shi haka,ita dai Kubra jajirtacciyar macece mace me kamar Maza ga zafin nema,a haka tana karatun Nan bayan ta haifi danta na farko Mohsin kyakyawa fari amma ba can ba sai kyau Kam akwai shi ba karya,tana yin arba'in ta biya waec da Neco ta zana jarabawarta,Kuma data fito tayi kyau sosai.
Lokacin ba wahalar samun school da wuri ta samu college a nan tayi NCE kamar wasa kawai sabo da taga mijinta mutum mutumi ne,lokacin Kuma ta haifo yarta ta biyu sankaceciyar gaske kyakyawa ajin karshen karshe fara karkar da ita tsakanin Naila da Mohsin ya Kai Shekara goma,ranar Suna taci Naila.
Bayan Naila ta cika Shekara Uku a duniya Maman Kubra ta rasu sai babanta Affa ya auri wata matar Sahura me kirki,gasu basu da yara dama yarsu daya Kubra,Affa ya damu ya nace sai an bashi Naila,har ga Allah Kubra Bata so ba amma kawai Hashimu Dolo yace dauketa mana ku tafi na baka ita halak malak,ba dama Kubra ta Hana tunda Ubanta ne.
Affa ya tafi da Naila can Daji rugarsu,Mohsin yayi bakin ciki Yar kanwarsa sun Shaku duk Inda zasu je tare, Naila a ruga ta taso cikin sangarta da gata sai abinda take so,Bata San babu ba Sam,Bata San wahala ba,sai dai an sata a Islamiyya da boko,babu makaranta a dajin amma sabo da gata Affa kullum shi ke kaita makaranta a kekensa can a garin tsalle Wanda basu da nisa da garin kuma babban gari ne, sai ya kaita kuma ya dakko ta da kansa a keke,ga makarantar private ce,Naila Allah yayi mata basira da hazaka har ta gama primary ta shiga secondary tana Jin turanci sosai,ga wani bature yazo rugarsu yawon bude Ido a garin yake zaune Naila ta zama kawarsa kullum shi ke koya mata turanci har ta kusa gama Secondary dinta sannan baturen ya koma kasarsa.
Naila kaf kauyen babu me kyawunya sannan babu macen data kaita shekaru a budurwa duk da wuri ake aurar dasu,Naila har cewa suke ta tsufa ba miji sai boko,duk garin babu me taurin kanta da rashin ji,tana zuwa kiwo,tana zuwa Rafi,tana Hawa sama,duk wani Abu da akeyi a kauyen itace ta daya indai ba makaranta sai ta yi, sai rashin jin masifa a gari,Sam a kauyen karatunta baya mata amfani, amma bata da karfi,ita kullum sai dai a bita sai dai ta Mulki mutane ba dai a mulketa ba haka Allah yayita da son Mulki,duk Inda ta shiga sai ta zama shugaba, sannan tafi Jin fulatanci akan Hausa duk da tana Jin hausar Kuma tana yi,har tallan fura take yi idan babu school.
Tare da mazan dajin suke yawo da wasa,yara kanana gasu Nan sai jahilci yasa ba abinda basa aikatawa,suna caca,suna shaye shaye gashi suna neman mata,sai kani ya nemi matar wa,Yaya ya nemi matar kaninsa, haka uba ya nemi matar dansa,Da ya nemi matar uba,gashi Nan jahilci iri iri sana'arsu ce a garin, duk karatun da Naila keyi Inda kasan bata San A ba duk iskancin da akeyi a garin tana ciki, banda bin Maza su dama mazan garin basa bin budurwa sai dai matan aure suke Zinar su,budurwa ta Sha,manya da yara ba maganar iskanci da batsa da basa yi.
Affa shahararren me Bada maganin karfin Maza da maganin matan da basa haihuwa a kauyen,daga gari gari ma zuwa ake wajensa,duk Wanda gabansa baya aiki,ko baya biyawa iyalinsa bukata to azo wajensa Yana da magani sadidan,dai daikune zasu zo basu dace ba.
Shi yasa da yaga Naila jajirtacciya ce sai ya koya mata komai ba abinda bata sani ba na maganin sirrrin komai ta sani,watarana itace take sallamar mutane idan sunzo sai yace ta gansu ta basu magani, Kubra wato Umman su Naila Bata ji dadin koyawa Naila wannan Bada maganin ba na karfin Maza ai lalata ya macene a matsayin Naila yarinya budurwa amma ba yanda zata yi,Mohsin ma bai so ba amma shi Baban Naila Dolo ba ruwansa shi ai anyi dai dai cewa ma yake ai gwara ta koyi sana'a.
Umma da su Mohsin
Da kannen Naila Hidaya,Aslam,da Zarah idan suka je garin Naila ko ta kansu bata bi kamar ba Yan uwanta ba,ita bata so ma suzo tunda taji suna cewa zasu dauketa a maidata birni ganin ta kangare da yawa shi kanshi Affan tafi karfinsa bai isa da ita ba shi yasa ya amince su dauketa din.
Naila fuskarta me Dan Fadi ce me dauke da hanci dan cas baiyi tsayi can ba Kuma ba gajere ba normal hanci ne da ita me masifar kyau,idanuwanta Dara Dara masu kyau,gata da gashi amma irin na Fulani yawanci ja ne ba Baki wuluk ba gashinta jaja dashi kamar na akuya duhun nasa kadan ne ba baki wuluk ba,gata da saje, doguwa ce me Dan kauri ba ramammiya ba Kuma ba me kiba ba,tana da masifar kyan diri gata fara da ita.
Mohsin kuwa School of Nursing yayi Kuma ya samu aiki a Aminu Kano,yayi gidansa me kyau na matasa masu rufin asiri ya auri budurwarsa da suka Dade suna soyayya Hanan kenan Yar gidan Dankoli,Yar talakawa ce futuk a birnin,bayan ya nutsu Yana aiki Yana Dan zuwa kasuwar kwari Yana business na shadda, a haka ya samu ya canjawa iyayensa gida me Dan kyau ya sake gyara musu shi sosai, kayan abinci duk wata shine ke kawowa a gidan,haka kannensa shi da Kubra ke daukan nauyin komai nasu har makaranta,shima Hashimu mutanen unguwa suna ta Masa fada ya samu sana'a,cikin ikon Allah an kawo turawa suna aikin wani gidan ruwa da titin kwalta sai suka ebi masu gadin man petir dinsu na aiki sabo da yanda mutane ke sace musu,cikinsu harda Hashimu shine ya daina zaman banza ya samu gadi.
Ranar da Naila ta fara bin Yan caca a garin,mata da Maza suke haduwa sai su raba dare suna caca amma bai wuce a sa Dari biyu Dari biyar baya wuce haka,tunda Affa ya ganta a ciki ransa ya Baci,ya nemi waya ya kira yarsa yace azo a tafi da Naila abin ya fara yawa.
lokacin ta zana jarabawa sun gama Neco,Naila macece me son gwaninta,tana so tayi abinda babu Wanda ya taba yinsa,ranar da Naila ta shirya saka Gagarumar caca a garin wacce babu irinta sai ta sanar ta sa Budurcinta a caca ana gayyatar kowa duk Wanda yaci ga Naila kyauta zai bare a leda,Kuma a ranta karya takeyi kawai tayi ne Dan ta Bata musu lokaci ta gudu, har shela tasa aka yi a garin, matasan,dattijai kusan kowa dake kauyen Sai da ya shiga cikin cacar har Wanda basa caca, tana so tayi abinda wani baita yi ba,ranar Kuma aka yi da yamma an fara caca Naila ta rike sandar kiwonta ta wani coge a jiki a gefe tana kallo,ana ta buga caca sai aka samu wani Dattijo Malam Ya'u ya lashe gasa, Naila tana ganin haka ta sheke da dariya tace karya nake dama nima caca nayi muku,kowa yace Bata isa ba.
Malam Ya'u da ya lashe gasa ya gigice yace karya ne wlh sai an bani hakkina,Naila ta arce da gudun tsiya da Sandarta
Ana haka kawai sai ga Mohsin yazo a machine dinsa lifan sabo dal yayi parking a gabanta,tana ganinsa bata San ma daukanta yazo yi ba tuni ya karbo kayanta a wajen Affa ya karaso wajen hanyar Inda suke cacarsu,Malam Ya'u yace wlh zamu hadu duk Inda na ganki sai na nemi hakkina, Mohsin kiranta yayi ta taho tana son Mohsin sosai,sai yace sabon machine na siya hau na danaki kiji,zata hau baya yace gaba zaki hau fa,dole ta hau gabansa,tace Yaya Dana ni naji dadi kayi sauri, ya sata a gabansa yasan a baya zata iya dirga ta fece bata Jin magana tana Hawa kawai sai gani tayi an hau babban kwalta sai birni,tayi kuka tayi ihu ta kira Affa yafi dubu amma sai da ya kawota birni dama bata taba zuwa ba tunda aka kaita can,Malam Ya'u yace wlh ko za a Shekara dubu indai Ina raye idona idon Tantiriya sai na karbi hakkina.
Sanda tazo sun Sha wahala da ita da kuka da zagi da masifa sai ta koma kauye,gashi Anki yarda har ta hakura ta saki ranta,daga zuwanta ta samu samari amma duk ta kore su wai lallai sai sunyi bleaching sun koma farare.
Umma Kubra tana da Kawa Hajiya Tagwadas a layinsu,sai watarana Tagwadas tazo tace tunda Naila ta Dan kusa wata guda a gida ta bata aronta zata rakata Abuja gidan Yan uwanta su gaisa, masu kudi ne,daga can ma watakil Naila ta samo miji,ai dama Kubra sai murna taji masu kudi tace ba komai zata rakaki,Naila tunda taji wai zata yi rakiya Abuja har sati biyu tace baza taje ba,Mohsin ma yace gaskiya a'a amma Ummansu Kubra ta nace ita zata tsine musu idan Naila bata je ba,dole Mohsin ya hakura yace Naila taje,shine Naila ta shirya yau zasu tafi,Umma ta shiga kwalawa kira
Umma....Umma....yawu cike a bakin wacce aka kira da Umma ta fito tace Naila tafiyar ce ne? Naila tace ae Umma daga kauye sai Abuja tunda daga can zamu wuce kince na biya na gaisar da Affa ko? Ai gwara ki bi Hajiya Tagwadas kije Abujar Nan wallahi wannan dolon uban naku ba komai yake tsinanawa ba shima sai dai a bashi,Naila tace Dan Allah Umma ki daina yiwa Abba haka bai dace ba Kuma a gaban mu haba wannan fa yawa kike Umma.
Umma share Naila tayi taci gaba da magana idan kinje Abuja ki bude idonki ki gano hanyar samun kudi ko kanwarki ma Hidaya kizo ki jata karki biyewa babban yayanku Mohsin da shegiyar bokon nan marar amfani,Ina boko Taga amfani a kasar Nan ka gama duk karatunka mutumin da ko primary Bai je ba bakauye sune masu kudin kazo wai kana neman aiki a karkashinsa sabo....yawun da ya sake cika mata baki ta zubar tace jeki Allah ya tsare ki kyale su Mohsin kuje kauye ku gaida ubana ki wuce can garin kudi Abuja garin Alhazawa,Naila kyakyawar gaske ajin farko tayi dariya tace maganin da Affa ya koya min shi zan Kara koyowa gaskiya naje da sana'ata Abuja,tunda a nan Yaya Mohsin ya hanani Bada magani,Umma tace ni kaina bana son wannan sana'ar Ina mace Ina siyar da maganin karfin Maza,Naila tace sai ni wlh burina kenan na dinga gyarawa mata mazajensu Ina fixing din wacce ta samu matsala in ta kama ma na kalla,Harara Umma ta balla mata tace haka na muku tarbiyya ki zama me class ai gwara in kinje can ki dinga gayu kina samo alhazawa masu kudi kina cin kudinsu,Baki Naila ta tabe tace nidai gwara na samu halak dina tallan maganin karfin Maza tunda Ina da nasibi Akai kina ganin awwalu matarsa bata taba haihuwa ba amma da na bashi maganina ya warke yanzu yaransa biyu a kauye.
Sannan nan tsohon Nan Tafida abokin Affa da zai Kara amarya ni na tsumashi ki duba tsufansa amma sai da na Masa garanbawul ya Mike,ga wannan Dan lukutin Alhaji shehu,Allah ya rabamu da Maza Yan lukutaye Dan Ina Jin kunyarki ne Umma da na Baki labari,Umma wacce ta zubawa Naila Ido baki bude tace ke fa halina Dake bakya Jin magana ba Wanda ya isa dake ba Wanda yake saki ko ya hanaki haba Naila ba mutuncinki bane ki daina biyewa Affa sabo da kin taso a hannunsa, kina daji baki san me ake ciki ba yanzu an waye mata aji ne dasu gaki kyakyawa,lalacewar da kika yi yasa na kwato ki daga can rugar Fulanin,Affana ya lalataki da ya koya miki irin sana'arsa bakya gani shi namiji ne,Naila p-cap dinta ta gyara tare da turo baki gaba tace wallahi ni nafi son kauye bana son birnin nan Kun fiye takura ta furta tana karkada handkerchief a hannunta, ta duka tare da goge takalminta Snickers black me kyau na zamani Wanda Mohsin ya siya mata,wando ne a jikinta pencil baki sai rigarta shirt me dogon hannu tsayin rigar ya Kai gwiwarta gata me Fadi da ace bata da kyau da mugun Muni zata yi amma Dake fara ce kyakyawar gaske ga diri me kyau sai tayi kyau sosai ta zama wata Yar gayu,gashin dai gashi nan a cukurkude bata son a taje mata gashi Kuma baza ta taje ba gashi irin na Fulani jaja ba baki ba sai tsayi da santsi.
Kudin mota Umma ta mika mata tace gashi tashi kije ku tafi ta kawo kudin mota ta mika mata,Naila ta karba ta irga taga dubu bakwai ta Kalli Umma tace me nake gani haka in this situation? Dubu bakwai Ina zata kaini inje kauye Kuma naje Abuja duk a dubu bakwai,dama kin san baki da kudi kika ce na bita Abuja ni bazan je ba wallahi Allah na fasa,yanzu ko maleji ai sai ki hau,Ihu Naila ta kwala tace ni kamata Yar gayu a maleji Allah ya kiyaye,Umma kin san fa ni ban san babu ba ato duk abinda nake so Affa yi min yake wallahi sai abinda naga dama,nace muku idan baza ku iya dani ba ku maidani wajensa for God sake makaranta ce nayi Kuma nafi su Hidaya iya turanci ma tunda turanci ku kunce shine Ilimi,nifa bazan iya daku ba yawwa.
Mohsin ne ya shigo yaci wankan kana nan kaya,yace ke Kuma wa kike dagawa Murya? Umma? Oh na San baki da tarbiyya dama tunda Affa ya kaiki kauye nasan jahila zaki dawo mahaifiyar taki kike fadawa magana anyhow? Naila kwalar rigarta ta gyara tace ni nace a bada ni,gaskiya na fada taya zata turani Abuja da 7k a rayuwar yanzu,hasali ma abinda take nuna min nayi ba me kyau bane,wai na tara samari nayi amfani da kyau na naci kudinsu me Hakan yake nufi? Nayi karuwanci,Umma ce ta buga tsalle tare da toshewa Naila baki kar aji wai,Mohsin da mamaki ya Kalli Umma yace hakane? Ina...Ina Umma ta fara tace karanta mata nake akan ta zama me aji,amma kanaji fa tallan maganin karfin Maza zata yi,Naila baki ta cuno tace sana'ar Dana iya kenan ko kai Yaya idan Hanan bata gamsuwa ba matsala zan iya baka magani in ta kama ma na kallet.., Mari ya zubawa Naila kafin ta rufe baki yace kina hauka ne ni sa'anki ne? Banza Yar kauye jahila,Naila murmushi tayi tace saiwowi ne Yaya, Umma tace na shiga uku ni Kubra,na yarda shi yasa a kauye suke ce mata Tantiriya Naila,ai na cancanci sunan Umma bana Jin magana wlh kuyi hankali Dani tarbiyyata sai an shirya na lalace kunyi sake,ni da kaina watarana Ina zama in ta tunanin kaina da kaina nace ke Naila kanki babban ne cewar Naila.
Ni kuwa zanga Wanda zan aura a duniya,ya shiga uku duk Wanda ya aureni ya auri alakakai babu zancen soyayya ni ban iya ba,mene soyayya ban santa ba zaici ubansa mijina Alqur'an.
Yanzu dai kin fasa zuwa in kina so naje ki karo kudi ba maganar maleji ban san shi ba. To kawo kudin a ajiye idan kudi sun cika sai ki tafi,Murmushi Naila tayi tana goge takalminta tace wannan ai saidai naci tsire dasu sunzo kenan ai ni kudi basu taba shiga hannuna sun fita wlh bazan bayar ba dama na dade banci nama ba,kullum daga shinkafa da wake Mai da yaji,sai tuwo sai dafaduka shike nan nake ci a gidan Nan.
A wajen Affa kuwa kullum sai ya yanka mana zabi munci abinmu ,dagani sai matarsa Iya tsohuwa mu uku abinmu,ni bana farin ciki da samun kanwa irinki a rayuwa cewar Mohsin ya ja tsaki ya fice ,Naila tace tsaya Yaya mu tafi gidanka mana,Allah ya kiyaye na daukeki a haka a machine dina ki canja kaya na mutunci,Naila tace jeka zanzo da kaina ka cewa Hanan ta min faten wake masu gidan zasu zo,Dake ke kika Gina min gidan ko,Kinga ni bana farin ciki da zuwanki kowa ya tafi Islamiyya Banda ke,Islamiyya zanje yanzu da girmana sai kace sabon tuba ko wata yarinya ni yanzu karatun Islamiyya ai bazan iya ba Ko Kai Mohsin wlh sai na kureka a karatun addini,nifa bana ji ne kawai yawwa duk Inda naje sai na buwayi kowa Kun dakkowa kanku,in kana jin tsiya to nice,Umma juyawa tayi kawai daki tana tunani ita Ina zata samu Wiwi ta shaki warinta sabo da ta samu kwanciyar hankali,yau Dan cikinta warin Wiwi yake so.
Abba ne yayi sallama sanye cikin wata jallabiya fara tasha wanki,Yana shugowa Naila tace sannu da zuwa Abba Dan sawalwali,dariya Abba yayi ba shiri yace Naila bakya rabo da shiririta,Naila tace Allah Abba da Kai me kudi ne Kuma jajirtacce da mata rububinka zasu yi,Abba harda shafa kasumbarsa wacce ta Sha gyara Yana wani murmushi Yana Jin dadi Naila tana yabonsa a ransa yace Yar cikina ma Taga kyawuna bare Yan mata,Me kake tunani ne Abba ta furta tana goge shegen takalminta,Cikin kasa da Murya Abban su Naila yace shi yasa kullum idan na fito sai naga su Harira suna ta kallona na rasa dalili ashe so na suke yi sunga kyau na, gaskiya naga fa'idar Tsafta,rannan haka Lami me abinci a bakin tasha ta dinga kallo na,da Debora me siyar da Amala, haka zaki ga ana ta rububina musamman mata abin nan Yana daure min Kai,Naila saura kadan dariya ta kwace mata karya ta shirgawa Abba dan yaji dadi,a fili ta maze tace Abba dole yau mu fita na rakaka wajen manyan yara ka kyale su Debora,Abba yace shike nan watakil ma shine silar samun Wata attajira ta aure ni Kinga ni na huta Kuma wallahi ke zan fara kaiwa Aikin hajji na kaiki Dubai daga Nan na siya miki shirgegiyar mota,Naila tace yawwa Abba ta samo Maka aiki me kyau ma,fuska ya bata harda shagwaba yace a'a bana son aiki ni nafi so ni kawai ta dinga bani kudi Ina hutawa,Naila irin shagwabar da Abba yayi itace tasa itama ta shagwabe fuska tana kallonsa dariya tana cinta a rai tasan Abbansu baya son neman na kansa ko kadan ko ya samu aikin baya yi sai ya dinga sakaki har sai an kore shi,a Hakan Ummansu don tana koyarwa a secondary ne itace ke daukan nauyinsu sai Mohsin da yake Nurse a asibitin Aminu Kano shima Yana bajinta a gidan basa Shan wahalar komai suna da rufin asiri.
Naila radio ta kunna lokacin ana shiri da fulatanci dake ita tafi Jin ma fulatanci akan Hausa,tana ji suna hira da Abbansu,Umma kuwa takaicin Naila ya kamata da take zuga Abbansu akan Yana da kyau mata suna kallonsa zata jawo ya mata kishiya gajiya tayi da jinsu ta fito a fusace tace wallahi idan Baki daina zancen mata na kallonsa ba sai na tsine miki Yar banza marar tarbiyya banza Yar kauye,Naila tana bakin cikin da Yan uwa da iyaye suke kiranta da Yar kauye bayan su suka kaita kauyen riko aka bawa kakanta ita sannan tana ganin tafi kowa wayewa da iya wanka amma ana ce mata Yar kauye Jahila bayan ta fisu ilimin addini,idan turanci ne tana jinsa kamar ruwa sabo da tana da brain,tunda suke ce mata Yar kauye take ta kokarin gyarawa lallai sai ta zama Yar birni,Naila tace yaushe ne ake cika a zama cikakken Dan birni? Umma da sauri tace Shekara arba'in,Baki Naila ta bude tace lokacin na tsufa, birni bazan zama Yarka ba, sai nayi shekaru arba'in zan koma Yar birni to na fasa,tsaki Umma ta ja tace da Abba tashi Kai Kuma muje ka zauna kana zance da wata shashasha muje ka yanka min kubewar Miya ,sum sum ya Mike ya bita ciki Yana cewa akwai feraye kabewa ne a fere miki ko miyar kubewar dai zaki yi? Da gadara tace ae,yace to ki kawo sai a yanka miki,Umma wani tsaki ta ja tace sai anjima.
Su Hidaya ne suka dawo daga school Naila ta kalle su tace Yan makarantar bokoko,Hidaya tace Aunty Sannu,Naila tace karki sake kirana da wata Aunty munafuka so kike na tsufa da wuri,Umma ce ta sake fitowa tace ki kyale mun yayana kar ki takura min yara ai ya kamata ke cikin samarinki ma ki fitar a aurar dake,Naila tace wai Khalil Dan Yana zuwa wajena? Umma ai Baki ne wuluk wallahi ya bari sai na samu kudi na siya Masa man bleaching ya koma fari,Ina son fararen Maza sabo da haka dole ya koma fari in Yana so na idan business Dina ya kankama zan dinga siya Masa man bleaching Ina maintaining color dinsa na yarda,tsaki Umma tayi ta koma ciki tace girkin uban waye zai miki?Naila tace kin san wlh ni ban ma taba shiga kitchen ba Allah na tuba to Ina dakko kwano amma ban da shi ko ruwan zafi ban taba dafawa ba kawai abinda na sani shine a bani na ci, yaran naki su dafa miki tunda ni bakya sani a yaranki ta mike ta ficewarta.
Tana fita suka hadu da saurayinta Khaleel Baki ne wuluk amma Yana da kyau, Magana ya mata Naila,tsayawa tayi ba tare data juyo ba tace nace kaje ka koma fari,ga man bleaching Nan ka samu ka dinga shafawa,ni namiji farinsa ko na Mai ne Ina sonsa,Khalil yace Allah ya tsareni sai kace mace ko wani Dandaudu,Naila tace to karka sake kulani matukar baka fara bleaching ba, tayi tafiyarta gidan Hanan ta nufa wato gidan yayansu Mohsin, gidan da nisa tsakaninsu amma haka ta taka a kafa har gidan, kowa ya ganta a mutanen Kano ya zaci ba musulma bace irin aranan Fulani ne,shi yasa sai dai a kalleta ace gaskiya arniyar nan ta hadu Inama musulma ce,tunda taji haka suke fada,duk Inda ta wuce sai tace salamu Alaykum,wasu suce irin Yan Fulanin Daji ne da basa sallah, ga shegiyar Sanda ta kiwon shanu kullum a sakale a kafada har wani Mai ake shafawa sandar tana kyalli.
Da sandarta a wuya tayi sallama ta shiga gidan Mohsin suna zaune da matarsa Hanan a kujera doguwar suna kallo a plasma tv,Yar su Amal tana daki a kwance tana bacci,Naila tana shugowa ta tsaya a kofar palon tayi gyaran Murya Ehem Ehem na shugo?
Mohsin yace yanzu sai da kika zo dan masifa,Naila ta shiga a hankali,yace ki fitar min Yar iskar sandar nan taki sai kace namiji
Naila ta jingine sandar a kofar dakin daga ciki sannan taje ta zauna tace Mohsin ta Sha Mai idan na barta a waje kura zata yi akan kura ta shafi sandar can gwara ni kura ta haye jikina.
Hanan matar Mohsin ta Kalli Naila kawai ta wani watsar ita a rayuwa bata son dangin miji, tafi so daga ita sai mijinta Kuma tana bakin ciki Taga mijinta yayiwa danginsa alheri ko iyayensa bata kauna tafi so kawai daga ita sai danginta,Naila ko ta Hanan bata yi ba,Mohsin ya kalleta yace baki gaishe da Hanan ba
Naila da maganarta ta yan fulani tace ni Shanda na zo ta min ko shannu da zuwa ne? Ni ban taba zuwa gidanka ta min kallon Rahma ba Kuma ai kana gani, duk iskancin da mace kewa dangin miji to wlh mijin ke bada kofa,da ya jajirce akan Yan uwansa ba wata kafura data isa ta wani wulakanta Masa Yan uwa,amma ita su Umma ma bata kauna taga ka taimake su ko sun zo Nan,wlh duk Wanda baiga darajar iyayena ba nima bazan ga darajar sa da iyayensa ba,aikin banza aikin wofi mata an taimaka an auro ki,ki Kalli yayana kyakyawa kamar Dan India ke kuwa kamar Yar yare hanci kamar hannun kuturu ,Allah ne ya miki halittarki amma iskancinki yasa aka fada miki ki sani baki da kyau ehe maleji muke yi dake..
Aradu duk da a Daji na girma na fiki iya soyayya ni tunda naga Yaya Mohsin kafin yayi aure yafi kiba nasan baya Jin dadin auratayya,wlh sai mun miki kishiya ta kwace shi,kullum Yaya cikin gayu da kamshi ke kuwa wankan ma Baki iya ba Yar shagwabar ma da ake yiwa miji Yaya sai dai ya gani a gidan abokansa,wlh kika sawa yayan cuta Hallare dinsa ya daina motsi sai na kaiki Kara, Mohsin bai Jin fulfulden da Naila ke ji bai San mene Hallere ba fulatancinta da babanci Dana wasu yankin hasali ma su basu San komai da fulatancin ba ko wanne iri.
Mohsin yace Zanci ubanki mene Hallere? Naila ta cuno baki tace pole dinka I mean,your Jumbo,ai Mohsin ya Mike a fusace Naila ma ta mike ta fada bedroom ta sa key,yace zaki fito ne wlh yau sai na miki dukan tsiya a gidan nan sa'anki ne ni.
Hanan tace Abban Amal kana gani ta shigar min bedroom ai bai dace ba,Mohsin itama ya zuba mata harara yace ke danginki uban waye baya shiga dakinmu har kawaye kaisu kike idan zakuyi gulma,rannan kaninki Khalifa namiji katon gardi ya isa aure na ganshi a ciki Kuna Hira,ni da gida na sannan Dan kanwata ta shiga shine zaki ce ta shigar miki bedroom sannu me daki, duk abinda kike yiwa Yan uwana Ina kallonki kyaleki nake yi,me yasa kuke haka a rayuwa miji baya wulakanta muku dangi da iyaye amma ku burunku wasunku da yawa ku wulakanta nasa haka ake rayuwa wannan ai jahilci ne da kauyenci,yarinya ta shugo sai da na fara kallon fuskarki kina wani yi mata kallon banza kina harararta taya zata gaishe ki tunda kin zubar da girmanki,babu kawo mata ko ruwa, su shiga kitchen kice zasu lalata miki kaya,Hidaya ba bautar da bata miki ba sanda kina laulayi da kika haihu haka ta dawo gidan nan komai itace take miki amma karshe yanzu in tazo kallon arziki baki mata sabo da ke baki san arziki ba,shame on you.
Hanan kuka ta fashe da shi da karfi Wanda sai da ta tashi Amal daga bacci tace makira annamimiya tazo gidan Nan ta hadani fada da mijina shegiyar Yar kauye,Yar daji munafuka gantalalliya, look karki sake kiran kanwata da gantalalliya shegiya cewar Mohsin,
Na zage ta shegiya gantalalliya Yar kauye munafuk....kafin ta rufe baki taji Mari ta ko Ina,sautin kukanta Hanan ta Kara da ihu.
Naila dake daki tana ji dariya take tana tsalle akan gadon Mohsin tace nice wakiliyarka shedan basai kazo ba jeka abinka je kayi soyayya da matarka Iblis na karbi aikin a hannuna,ka bar min wuka da nama,auren Nan zan raba shi karka damu shedan, kasan ni ba irinku bace iska kullum bazai yuwu Ina nan ba wannan nacin naku bazan iya ba Iblis Allah ya sake la'antarka amma daga yau na kulla zuwa gidan nan ko yaushe Ina tayaka aiki karka damu,kana ganin nazo kawai kayi tafiyarka wani uzurin.
Sai da ta gama surutunta ta dawo bakin kofa tace gidan Yayanmu ne gidanmu ne ehe ba a isa a hanamu shakatawa ba Yar gidan Sule dan koli, Mohsin yace ke nake jira kema ki fito wlh tun kafin na balle kofar nan, Naila tace yo ni nace babanta ya dinga siyar da kayan koli, anan zan kwana yau sai dai ku koma dakin baki gashi Yar katifa ce a dakin Yar gidan Sule dan koli ba a mata kayan arziki ba,shegen gadon da suka kawo na zamanin baya na karfe me spring sai kace gadon gwauraye.
Mohsin yaja kwafa Naila taki bude kofa,Hanan ta gama kukanta har tayi shuru Dan kanta ta zauna sunci gaba da kallonsu ba Wanda ke kula wani,har magriba tayi Mohsin yaje masallaci ya dawo Naila bata bude kofar ba,bayan yayi Sallar Isha ya dawo,Hanan taki yin girki shi Kuma baya cin tazarce,yasan dama indai suka yi fada to gaba zata fara sai ta kwashe wata biyu tana gaba da shi, shi yasa da ya tashi dawowa ya taho da take away dinsa Kuma iya nasa shi kadai harda ruwan roba da lemo.
Abincin ya bude har da cinyar kaza guda biyu manya manya,Me fushi Hanan ta dakko ragowar girkin rana jullof din shinkafa wacce ta sandare da kyar take turawa,Mohsin ya baje a Saman Center carpet Yana ci,Hanan sai satar kallonsa take yi tana kallon kwanon fried rice dinsa ta Sha hadi, tana ta kallon abincin, ta zaci hankalinsa baya kai ta zura hannu a hankali zata zari cinyar kazar,ji kake tassss ya make hannunta,hannun ta janye tare da galla Masa
harara taci gaba da cin daskararren abincinta,ta sake mika hannu ta zari lemonsa da sauri ta kafa Baki tana kurba kafin ta hadiye ya Mike ya matse bakinta sai da ta zubo shi waje ta karfin tsiya sannan ya kwace abinsa ya Mike gaba daya ya canja kujerar zama ya cinye abinsa tas har kashin sai da ya rumurmushe,wanka yake so yayi har 9pm Naila taki bude kofar ta fito bacci yake ji.
Ita kuwa Hanan har ta mike taje tayi kwanciyarta a daya dakin me dauke da katifa,yasan yanzu hakkinsa haihata haihata shike nan, yace to shike nan Kuma Yar karuwar da nake samu da dan tagomashi ta tafi da abinta taje da tsiyarta.
Kofar ya Mike ya bubbuga yace Yar kanwata Naila,Naila dake ta faman fesa Masa turare a jiki tace na'am da karfi,yace dan bude min wanka zanyi na kwanta bacci nake ji,Naila ta karaso bakin kofar tana murmushi tasan dama tunda taji ya kwantar da Kai to da dalili,tace haka kawai na bude ka zaneni aradu bani budewa,yace na fasa na huce,tace anya Yaya to rantse, yace wallah kinji na rantse haba My sweet sis, budewa tayi, ya waro idanu ganin yanda ta canjawa furniture din dakin wajen zama ta gyara bed ta dame shi yayi masifar kyau,yace ai ko Dan wannan gyaran bazan zaneki ba.
Ina kika samu tsintsiya da mopper? Naila tace naga matarka kazama a daki ta barsu sabo da kazanta da ganda tayi aiki da safe ta barsu a daki,kaga a toilet na ebo ruwa a famfo na zuba Omo duk a toilet na gani Kalli yanda yayi kyau ko uwarta Abu me man kuli baza ta iya irin aikin nan nawa ba,bakinta ya bige taji zafi,yace bana son rashin iya maganarki ki dinga zagin mutane kina ambatar sunan iyayenta kina zagi,Bai dace ba matar yayanki ce yanda zaki min biyayya haka zaki mata to nima ba biyayyar kike min ba bare ita,ki daina kinji ko ba tarbiyya bace wannan sannan wannan shigar da kike shi yasa ake ce miki Yar kauye bana Jin dadi in ana miki haka,nace muje na kaiki Saloon a gyara miki gashin kinki yarda,Umma tace ki tsaya ta taje miki kinki kowa yace ki bari a gyara miki kinki ji sai dai ki wanke shi a cukurkude babu sharcewa ba komai da ya bushe a haka zaki tufke abinki, Naila tace zafi Yaya ni bazan yarda ba wallahi akan a taje min gashina gwara a maidani kauye,ai sai da nace baza ku iya rike ni ba ka wani je ka dakko ni a dole ni wlh bana son birnin nan,gwara Ina kauye da yanzu nayi ashar tafi million amma anan ba dama sai da dalili ake ashar haba rayuwa tayi tsanani ba freedom ba kolabo,ni wallahi na gaji,sau daya ne aka taba cinye ni a caca badan na tafi da wasu kayan ba da zigidir za a min sabo da suturar da take jikina na saka a caca.
Mohsin Allah birni ba dadi ba kolabo iskancin banza suke yi na karya suke yi iskancin,Allah wallahi saura kadan Yaya na sa budurcina a caca,Mohsin ya saki salati da sallalami yace ke wai da gaske kike? Ni Ina wasa ne wlh da gaske nake yi Maka a dajinmu mata da Maza caca suke yi har matan aure, ranar da nace na sa budurcina a caca ranar kazo ka dakkoni,samari sunyi ca kowa ya shiga cacar ko zai dace harda dattijai sun shiga cacar kawai kuka zo daukana shi yasa samarin kauyen suka ce duk ranar daka koma wallahi sai kasha ruwan sanduna tunda ka cuce su,Kai ka sanni kuwa kowa respecting Dina yake a garin babu kamata,ga iya wankan gayu,ga kyau gani chass Umma ta haifi yarinya,babu me taurin kaina duk garin shi yasa aka sa min tantiriya amma ni ba yar iska bace fa,banyi komai ba kalau nake Yaya fess nake ba abinda ya faru da budurcina.
Mohsin sai da ya gama sauraronta sabo da idan ko yaro ne yazo da shirme ka saurara maybe akwai abin dauka ko na gyara sai a dauki mataki,yace ai bamu San haka kika lalace ba Naila,Naila tace ai na wuce haka ma,mu da muke zama a cinyar Maza watarana ma Affa ne ya min duka yace idan na sake sai ya yanka ni,shine ban Kuma ba,Mohsin ya saki salati yace Allah ya hadaki da mijin da zaici ubanki yayi maganinki Naila,dariya ta sheke da shi tace sai dai naci nasa uban Yaya,idan ba duk Wanda ya aureni ya auri masifa da kudinsa ba Allah ya konani,Mohsin yace Baki hadu da Wanda ya fiki bane,dole kizo ki buwaye mu ashe kin lalace da yawa
Naila tace ba karamar lalacewa ba Yaya Dan Allah yasa ma na tsaida Sallah wata daya da suka wuce,Mohsin ya sake bude Baki yace dama bakya sallah duk shekarunki har Sha Tara 19yrs to 20yrs? Naila tace wallahi sai bana Allah ya nufa,ai azumi ma sai shekarar Nan data wuce na tsayar da shi amma duk na karya nake yi sai na buya na Sha ruwa da Koko,watarana Kuma idan naje kiwo sai mu kafa baki a nonon saniya direct musha mu koshi.
Dan Allah full stop zo ki tafi gida goma tayi,a kauye ma sai na Kai 12 na dare a waje muna wasa bare Nan birni fitila ko Ina gari kamar rana,to naji ke duk turancin da kika iya a Ina kika koya? Makaranta mana,na yarda ai kina da brain,bature ne yazo dajinmu yawon bude Ido Ina zuwa makaranta,sai watarana zan baka labari,yanzu ka kaini gida Yaya,bacci nake ji na fada miki ki shiga napep,to kuwa sai dai na kwana,tsaki yaja yace jeki Palo bari nayi wanka nazo,Palo ta dawo ta zauna tana kallo har yayi wanka ya fito cikin 3qurt fari da t-shirt brown,yace muje mana kina ta kallona kamar baki sanni ba.
Naila tace, kayi kyau Yaya Ina ma ba Umma ce ta haifeka ba,gaskiya Umma Bata kyauta ba ta cuceni data haifo ka Kuma ta haifo ni ai sai ta tsaya idan ta haifeka ma ba laifi sai ta bari ni a haifeni a wani gidan can sai mu hadu sai muyi aurenmu ko ya kace,ai haihuwa ta mana illa kawai yanzu sabo da Allah sai a haife mu a gida daya the same father and mother haba haba,ai da ba gida daya bane ni nasan ma da Kai zan hadu dole in aureka, da anga 'Ya'ya wai wai zuky, dariya ce ta kwacewa Mohsin sabo da suna masifar kama da Naila duk gidan sunfi kama kowa ya gansu basai ance Yan uwa na jini bane.
Dariya ya dinga yi sosai tana kallonsa tana murmushi Yana dariya yace taso mu tafi ya riko hannunta, ta mike ta dauki sandarta da bata mantawa da ita,shi ya manta ma da shegiyar sandar yasan wannan sandar baza ta kwatu ba,ya bata rai yace ajiye sandar nan,haushi taji tace idan baza ka kaini ba ni zan tafi a kafa,ba yanda ya iya haka ya fitar da machine dinsa lifan.
Tace ban iya hawa machine ta gaba ba mu zaman dare muke a kaikaice muke Hawa, Yaya sai an dorani,ko Affa dorani yake yi,tayi tayi ta kasa hawa sai faman juye juye takeyi da kyar dai ta hau ta juya Masa baya maimakon ta Kalli gaba sai ta Kalli baya ma'ana sun hada baya da baya,ga sanda sakale a wuyansa, Mohsin yace wallahi idan kika fado ba ruwana Dan iskanci kinyi kusan wata guda a birni kina kallo yanda ake Hawa machine sai ki juya baya zaki fado kinji na rantse"
Naila tace to Yaya kaifa yayana nane na jini yanzu idan na juyo Enndu(Boobs) Dina suka taba jikin ka fa,mu mun iya hawa machine a haka,yace ke kika san Enndu shashasha, yaja machine dinsa suka Kara gaba ana ta kallo ta zauna daram amma dole ta rike machine din ta Dafe da hannaye biyu sanda Kuma ta tsakiyarsu a kwance.
Tana ganin me tsire Yana yawon dashi a Kai a bude tace Mohsin tsaya na siyi tsire,da karfi tayiwa me tsire magana Kai me tsire da zafinsa? Mohsin yace wannan abin ya gama Shan iska duk kwayoyin cuta sun hau Kai,tace mu haka muke siya a can kauye idan munje kasuwa,ta sake cewa da me tsire kaga ya hanani siya Kuma Ina so,kowa Yana jinta duk na gefen titi tana cewa ya hanani siyen tsire Kuma Ina so, sai dariya ake musu ga hanyar gefen tasha ne,Mohsin Yana ji yace nan ba haka bane to ba a wannan shirmen, sai da ya karasa waje me kyau Wanda nasu a cikin glass yake yace na nawa zaki siya? Tace na dari biyu
Uban wa zai baki nama a dari biyu,sauka tayi shima ya sauka ya siya mata na dubu daya,ya siyi na dubu biyu yace gashi nan ba yawa wannan nasu Umma ne da yaran,tace to mun gode ta sake juyawa zata hau machine irin dazu,Mohsin yace wallahi kika hau da baya sai dai na barki a nan,dole ta juya gaba ta shako wuyansa sannan ta hau ta rirrike shi Kam a haka ya kaita har gida,yace to shiga Kinga ma basu rufe gida ba da alama ke ake jira ta sauka
Tace Yaya? Ya amsa da Naam,tace ka dinga yiwa Umma fada ta tsaneni su Hidaya take so kullum suyi tace min Yar kauye jahila,Wani furucin da Umma take yi wallahi tambade yaranta take bata sani ba,kanaji wai naje Abuja na samu masu kudi na dinga cin kudinsu ai wannan jefa yarinya ne a hanyar banza,ni da nayi haka ai gwara na bada kaina a caca, nace sana'a zanyi taki yarda yanzu sabo da Allah wa na sani a Abuja da za ace nabi wata Hajiya Tagwadas,Kai daga Jin sunan kasan ba na kirki bane wai Tagwadas,Kuma idan nace bazan je ba ta dinga zage zage da lafazi marasa dadi,gaskiya kayi mata magana ato ana shiga hakkina a gidan nan,gashi nan sai ramewa nakeyi kullum,Mohsin yaga yanda take uwar kiba da kyau amma tace ramewa take.
Mohsin murmushi yayi yace ashe dai kina da hankali Kanwata,Ina da shi mana amma Kai kadai nake nunawa hankalina a wajen kowa ni bani da hankali ato Kuma bance ka fadawa kowa ni Ina da hankali ba,abin sirri ne,dariya Mohsin yayi ya mika mata hannu yace give me five, ta mika Masa hannu suka tafa,yace idan ta takura kije kawai amma ki nutsu ai tace rako zaki yi just 2weeks zaku dawo ko ai ba matsala idan ta takura kije, shike nan ta furta tace sai da safe,idan ka koma kar ka kula Yar banzar matar Nan taka ko kaji sha'awarta ka makale kafada kace a'a,idan yaki hakura ka fada min zan baka magani shike nan sai kayi wata baka ji kana son mace ba, Baki Mohsin ya tabe,tace ka daina rainawa da gaske nake nazo dasu ni nake da sirrin,lakani ne Dani I can fix you, gwasaleta yayi yace oummm ke dalla rufe min baki,jeki good night ta shiga ciki ta rufe gidan gaba daya .
Ashe Abbansu Yana waje bai shugo ba,
Naila tana shiga ta same su masu Assignment duk suna ta yi wasu suna kallo,Umma zaginta tayi tace Dan iskanci sai ki tafi waje ki Dade haka har dare ki zauna baza ki dawo ba,sabo da ni ban isa ba ubanku dolo ne,ni Kun rainani banza bagidajiya,Naila tace amma ai na fada miki na tafi gidan Yaya,shine zaki Kai dare haka sabo da hauka irin taku ta Yan kauye, Naila baki bude take kallon Umman tasu, ledarsu ta mika musu tace gashi inji Yaya,da sauri Umma ta fisge ledar tace miko min waccen ta hannunki
Ai nawa ne wannan shi ya siya min daban,to Baki isa kinci ke kadai ba,Naila ga taurin Kai tace wlh bazan baki ba ai nawa ne ai ga naku na baku,kune bakin nama ni a can ci muke mu koshi sai ya ishe mu kullum,Naila kika sake fada min magana baza ki samu albarkata ba,da sauri Naila ta bude baki,tace wai ku me kuke yi haka ne komai akayi sai ku dinga furta munanan kalamai akan yaranku wani abinda da iyaye basa ganewa duk Baki ne,amma ni kikewa su Hidaya me yasa ba a musu wai? Ko sabo da ba a nan na girma ba,karku bari nayi fushi wlh Ina da taurin Kai duk duniya babu me sakko Dani,ai samun lafiyarki Naila kiyi aure ko ki bi Hajiya Tagwadas Abuja kiyi kwana biyu kiyi samari ki dawo masu kudi nake so yawwa.
Naila tace ai bance miki bazan je ba amma ni ana matsa min zan fasa Kuma babu me sani,ai kuwa da na tsine miki,Su Hidaya suna jinsu, Hidaya irin mugayen nan ne da basa magana sai bakar zuciya da hassadar tsiya,amma a haka sai ka rantse tafi kowa hali me kyau,tunda taga Naila ta fita kyau da komai shike nan take Dan Jin haushi amma ba sosai ba.
Naila tana cin Dan tsirenta Umma tasa hannu ta kwashe guda hudu ta karawa Hidaya biyu ta bawa Zara daya sai Aslam ta bashi shima suna ci,Naila zuciya tayi ta tura musu tsirenta tace ku hada ku cinye na koshi,suka dauke kuwa.
Sai lokacin ta lura ba Abbansu ta shiga nemansa tace Umma wai Abba fa? Shi yasan Inda yake cewar Umma ta share zancen,
Naila ta mike zata bude kofa tace idan kika bude wallahi sai ranki ya baci,Umma a waje zai kwana fa,ya kwana a bola ma mece matsalarki uwar shishigi cewar Umma.
Tsabar dolonci irin na Abban su Naila da yazo yaga an rufe gida bai iya kiran kowa a waya ba,har yayi niyyar bubbuga musu kofa ya Kai hannu kenan sai ya fasa yace bazan tashe ku ba haka kawai,uhm uhm Ina Sam sai ya juya ya koma masallaci ya kwanta a ciki,a Nan yayi bacci idan ya farka ya tashi yayi Ibada ya koma bacci a haka ya kwana,bayan anyi Sallar asuba ma bacci ya koma a masallacin,yace bazan shiga hakkin su ba suyi baccinku, sai 10am ya fito ya nufi gidan.
Lokacin su Hidaya duk sun tafi makaranta sai Naila sai Umma,Naila ta tasa kokonta a gaba da ta Saba da dashi kullum ita bata Shan shayi kullum sai ta siyo Koko da kosai, Bata ga Abba ya dawo gida ba sai ta kasa Sha ta zauna tayi tagumi,Umma kuwa ko a jikinta wanke wanke take yi a Jikin pampo tana faman zubar da yawu, 10:11am Abba ya shugo gidan dauke da Sallama,Naila tace ahhh.... Alhmdllh Abba Sannu da zuwa Ina ka tafi ne?
Ita kuwa Kubra Umman tasu ko kulashi Bata yi ba sabo da bashi da kudi gashi baya iya komai,shi ba a fada da shi,yace Naila a masallaci na kwana nazo naga Kun rufe kofa kar na tashe ku Kuna bacci shi yasa na kwana masallaci,Yanzu ma nasan Kun tashi shi yasa nazo gidan,Tausayin Abbanta ya kama Naila matuka
Tace Abba kana zuwa ka dinga bugawa komai dare Kai da gidanka,tsaki Kubra ta ja tace gidan Mohsin dai ai shi ya siyi filin ya gina mana da ai a wani wulakantaccen gida muke ,wannan me zai iya tsinanawa kansa bare wani ta ja tsaki taci gaba da wanke wankenta karshe ma ta gaji tace na gaji ka gama kazo ka karasa wanke wanken,da sauri Abba yace to,Naila ta fara hawayen Tausayin Abbansu tace haba Umma haba Umma ni zanyi a madadinsa,Abba bai iya cewa komai ba,.
Naila tace sai kiyi ta cewa Abba bai iya komai ba bayan gashi ya haife mu ai kuwa ya tsinana miki,tunda gashi ma yanzu wani cikin ne Dake na Abba ai kuwa shike tsinana abubuwa, Naila ta mike ta riko hannun Abba ta kaishi Palo ya zauna a kujera tace Abba kaima Dan birni ne shayin? Yace ae Ina da ulcer bana Shan Koko,Naila ta mike ta shige kitchen ta hado Masa tea ta fito,Umma ta mike tana harararta tace dan ubanki mu gani
Ta sa cokali ta juya shayin tace madarar da kika gambaza Masa a ciki shi yake siya mana ko kece? Ai Yaya Mohsin ke siya dansa ne Kuma ai kuwa kayansa ne cewar Naila
Ae to naji bread din da kika dakko na ubanki ne? Ko kina sana'a ne Umma naga dai Mohsin shi ke bada kudin sabo da haka Abba Yana da Iko da shi,kwafa Umma ta ja haka Naila ta kaiwa Abba,shi Kuma ba zuciya ya fara Shan abinsa, Naila juck din kokonta daga kwat kwat kwat sai da kusa shanyewa ta huta ta sake yin kwat kwat kwat, sanye take cikin dan gajeren wandonta buje da shi ba kyan kama da vest a jikinta wai kayan baccinta ne tun a dajinsu, gashinta buzu buzu a cukurkude
A haka Mohsin ya isketa ya Sha wankan shadda fara ya zuba kyau Yana ta kamshi ya shugo,Umma ya fara gaisarwa har kasa,kamar wani sarki ne yazo haka Umma take murna sabo da shike daukan nauyinsu komai da komai, Cikin Palon ya shiga Naila ta kalle shi sama da kasa ta juya ta Kalli Abbansu ta tabe Baki ta zurawa Abban ido.
Abba yace lafiya Naila? Naila tace me yasa kuka haifo wannan a Nan gidan ne muka zama Yaya da kani,ai kunyi hadama sai ku barshi a haife shi a wani gidan mu hadu can muyi aure,har Umma dake waje sai da tayi dariya,tace wannan kwai sakara, Mohsin Yana dariya yace sannu Naila,hannu ta mika Masa suka gaisa harda dunkule hannu ta mika Masa shima ya dunkule nasa ya mika suka hade yanda gayu suke gaisawa.
Naila tace kayi kyau Yaya.
Abuja birnin tarayya Zaune yake a katafaren palonsa Saman kujera ta alfarma da files a gabansa Yana ta rubuce rubuce ga laptop a gefe Yana dubawa,babu Sallama Asmau ta fado palon tare da furta hey Baby,ko kallonta baiyi ba bai ma San iskar data ajiyeta ba,kamar ba mutum take yiwa magana ba,gefensa tazo ta zauna, wata uwar tsawa ya buga mata wacce ba shiri ta mike tsaye zumbur, ba tare da ya kalleta ba yace waye yace ki shigo min gida har Palo ba sallama ba komai, zata yi magana kenan cikin tsawa yace get out.
Asmau ta Sha Abaya me tsada tayi kyau itama kyakyawa ce wankan tarwada taci make up,tace karfa ka manta Spark an mana baiko aure zamuyi,kwana nan zamu zama miji da mata,tunda Mummy ni ta zaba Maka a matsayin mata amma sai ka dinga wulakanta ni,ko da yake ai kowa ma Kai wulakantashi kake yi, Mima ma baka kyaleta ba bare wasu Kai kawai wacce ta raineka itace mutum a wajenka, ko wacce mace an kawo Maka kaki aurenta gashi Nan har ka Kai 31yrs baka yi aure ba ga kannenka nan su suke Shirin yin aure, anya kuwa kalau kake baka da wata cuta ko aljana ta aure ka,Kai duk wankan da mace zata yi bata birgeka duk kyawunta ko kallon mata baka yi,ai kuwa ni nasan Aljana ce ta aureka ma.
Waya ya dauka fuskarsa kyakyawa a murtuke ya kira securities suka shugo mutum biyu yace ku dauki wannan abin kuyi waje da shi karku sake na sake ganinta a gidana ,sorry sir suka furta suka dauki Asmau tana ihu da karaji tana tsine tsine suka jefo ta waje, dama bata shigo da motar ba haka ta shiga motarta sai gidan Mummy wacce ta raini Ashraf Spark.
Spark kuwa wata ajiyar zuciya ya sauke yace an maidani yaro,matar aure ma ace sai an zabar min a rayuwa ni bani da yanci,me yasa ni ake takura min ne,ba laifi na bane,nayi soyayya da yawa,nayi Yan mata daban daban baza su irgu ba at the end zan gano kudi na suke so ko kyawun da Allah ya min bani ba, sabo da haka soyayya ban Kara yi har abada aure na hakura bazan yi ba dama ban taba yinsa ba.
Kwanciya yayi a Saman 3str ya baje kafarsa daya tana kasa daya Kuma tana Saman kujera,kansa ya dafe yana kallon sama ya Lula tunanin duniya.
Babban Amininsa ne ya shugo Kuma cousin brother dinsa Kamal,Sallama yayi ba tare da ya kalle shi ba ya amsa Masa, Kamal ya kare Masa kallo sanye yake cikin jallabiya coffee color me tsadar gaske kawai shining take tana sheki, hannu Kamal ya mika Masa suka gaisa sannan Kamal ya tambaya Spark how far?
Ashraf Wanda aka fi sani da Spark Sam Ashraf asalin sunansa ya buya kowa da spark yake kiransa har iyayensa,sabo da kalar idanuwansa da kwayar idonsa suke kamar blue kamar baki Kuma irin kalar na wasu turawan, yace I'm good bro,Kamal yayi dariya yace dan wulakanci shine ka Kori Asmau? Kafin ya rufe Baki Spark ya furta mind your Business,ya ja tsaki ya Mike,shi dama bashi da mutunci baya ragawa kowa duk abinda yaga dama kawai zai yabawa mutum a haka ma Dan Kamal ne shi yasa ya raga Masa,mikewa yayi a fusace ya tattara tarkacensa ya bi steps zai haura sama
Kamal ya sheke da dariya yace an dai yi baiko ya zakayi rana za a saka Dan ubanka,Spark Yana bin steps yace sai dai a daura da ubanka,Ubana? Yeah you heard me clearly a daura da Ubanka, Kamal yaji haushi amma ya zaiyi da Dan uwansa abokinsa Kuma yasan halinsa ba wata rayuwa yayi a kasar Nan ba sosai shi yasa yake wasu abubuwan ba tunani,bashi da mutunci ko na kobo,Kamal kwafa ya ja tare da mikewa zai tafi sai ya tsinci Muryar Spark yace kazo upstairs,Yana fadan haka ya juya,Kamal kamar bazai je ba dai sai ya hakura ya haura sama, Saman lafiyayyen bed dinsa na alfarma suka zauna,kawai spark Yana daukan wayarsa yaga sakuna suna ta shugowa ta WhatsApp,budewa yayi sai yaga Asmau ce ta turo Masa pics dinta sun fi ashirin Nan take yayi cilli da wayar ya kwadata da kasa tayi kwatsa kwatsa, yace zan iya kashe yarinyar nan,can you Imagine,Kamal ya rude ya zaci wani Abu ne babba yace me tayi,pics ta tura min sunfi 1million shegiyar yarinya mayya,to taga handsome ba dole ta rude ba cewar Kamal.
A dinga sharhi pls bana son godiyar nan da stickers ni Kam 馃槄
BOOK 1
Free pages
300 ne ga me bukata
Accnt no
0175487861
Asmau Garba Muhammad
Gtbank
Katin MTN
***
Yan Niger ku nemi
+227 90 79 59 39
AsmaBaffa