Free chapter · Read without an account
{30..}
Shiru tayi na some seconds kafin tace "tom" ta katse kiran, da dogon hijab din da tayi sallah ta fita, Humaira da Hafsa ne zaune palour, Abdallah ya fita masallaci salla, Hajar tace "Hafsa zan fita ƙofar gida", Hafsa tace "okay zuwa yayi knn?", gyaɗa mata kai kawai tayi ta nufi ƙofa, ta ƙetare small compound ɗin gidan ta buɗe ƙofar gate ta fita, jingine ta gansa da jikin gate ɗin, street light ta haska masa fuskarta, yayi ajiyar zuciya yana kallonta sosai, jinginar da kanta tayi jikin gate ɗin itama tace "ina yini", tini hancinsa ya cika da scent ɗinta, da cool voice ɗinsa yace "lfy alhmdllh, ykk?", tace "am fine", ya juyo sosai yana kallon yace "Hajar", kanta a ƙasa tace "Na'am", yace "karki bari azkar ya fita a bakinki, kinga dai ynxu zaki shiga ruruma, ki dage da Addu'a kinji", gyaɗa masa kai tay tace "insha Allah", ta ɗago ta kallesa tace "amma dai lafiya ko?", yayi ajiyar zuciya yace "alhmdllh", tace "ni kuma sai naga kamar you're not okay", keenly yace "partially", tace "me yake damunka?", murmushi yayi yace "ai tinda na ganki komai ya wuce, na dawo normal", tace "da gaske?", yace "uhmm", shiru ne ya ɗauka na wasu ƴan sakanni, ya katse shirun da faɗin "toh me kika shirya a bikin?", ta girgiza kai tace "ba komai", yace "ba komai, babu abinda za kiyi?", ta gyaɗa kai, murmushi yayi ya zaro envelope daga pocket ɗinsa, miƙa mata yayi yace "take", tace "meye wnn ɗin?", hade gira yayi yace "i said take", tasa hannu ta amsa tace "nagode", yace "good girl, toh shiga gida saida safe", tace "Allah ya tashemu lfy", har ta juya zata shiga sai kuma ta fasa ta juyo ta tsaya tana kallonsa kamar yadda shima yake kallonta, murmushi yay mata ta mayar masa snn ta shige. Ranar talata da yamma Hafsa ta rakata wajen salon, Anty tace tayi amfani da kuɗin da ya bata, wankin kai na musamman akay mata, natural aka bar mata gashin, steaming kawai aka ƙara mata bayan wash and set, sai kyalli gashin yake da sheƙi, daman baƙi ne siɗik shiyasa sheƙin yay yawa, Hafsa ma aka wanke mata nata, kafin magrib suka dawo gida, da wuri Hajar ta kwanta sbd ciwon kan da ya dameta uwa uba faɗuwar gaban da take fama da ita, washe gari da sassafe wacca za tay mata lalle tazo, saida tayi breakfast wanda kawai turawa take snn ta zauna aka fara shaɗana mata lallen, jan lalle kawai akay mata banda baƙi, inda za ai baƙin akay mata shi da ja, waoh lalle ya samu inda yake so wato farar fata ga kuma jiki yaji gyara, duk da yadda kanta ke ciwo haka ta jure aka rangaɗa mata kunshinta, mai lallen ce ta yarfa mata kitso sirara mai kyau two steps, sha biyu na rana angama mata komai, tayi kyau harta gaji kamar a sace ta, kaf suka shirya suka wuce ainahin gidan biki sbd a ranar akwai ƴar gaɗa da ƙawayenta suka shirya. lfy ƙalau aka gudanar da shagalin gaɗa a wani kango da aka gyara tsaf dake bayan gidansu, washe gari Alhamis saura kwana ɗaya ɗaurin aure wato ranar Juma'a, a ranar akay walima wacca ta ƙawatu matuƙa daidai gwargwado, Hajar tasha kyau har ta gaji. Maama kam bata tsoma hannunta akan komai ba haka ƴan ci ku bamunta, saidai fa zuciyar nan baƙi ƙirin tamkar ta iblus.
★Baba ne zaune bisa bencin mai siyar da dankali da doya a bakin titi, mai dankali dake cin banɗashen gurasa yace "mal Adamu gobe ne ko?", Baba yace "insha Allah, bayan Sallahr Juma'a za'a ɗaura", mai dankali yace "anan ƙofar gidan naka?", Baba yace "Eh", mai dankali ya luƙa wata ƙatuwar yankan gurasa baki yace "so samu ayi a masallacin juma'a na unguwar nan, yafi sarari kuma ga albarkar mutane", Baba yace "Eh saidai nafi son a ɗaura a ƙofar gidana, ƙofar gidansu yarinya", mai dankali ya jinjina kai yace "hakan ma yafi wllh, Allah ya kaimu goben", Baba yace "Ameen". wata shimfiɗeɗiyar mota mai numfashi ce tazo ta wuce, har tayi nisa sai kuma ta dakata kafin ta dawo da reverse, adaidai saitin benci da Baba da mai dankali ke zaune ta tsaya, tsayuwar motar a wajen ya katse musu firarsu, mai dankali ya suɗe hannu ya miƙe ya isa gaban motar sbd a zatonsa siyar dankalinsa ko doya za ai, tsaye yayi bakin motar yana gwalo ido yana jiran a buɗe ayi masa ciniki, da yake glass din motar tint ne don haka ba'a ganin wnda ke cikinta, back seat aka buɗe a hankali, wani mutum ne ya fito wnda yake sanye cikin wata shegiyar shadda, kawai kallon Baba yake kamar yadda Baban shima ya ƙura masa ido, mutumin ya saɓa babbar rigar jikinsa yana micincina idanu, miƙewa Baba yayi daga kan bencin, mutumin ya tako har kusa da Baba yace "Adam", Baba da shima ya ganesa ainun yace "Muktar", Alhj Muktar ya miƙawa Baba hannu sukay musabaha yace "duniya mai yalwa, Adam daman kana garin nan?", Baba yayi murmushin manya yace "Muktar ai kai zan tambaya daman kana garin nan, tinda nidae a sanina ai kana Abuja", Alhj Muktar yace "shekara ta sha biyar da baro Abuja na dawo Kano", Baba yace "ba masaniya", Alhj Muktar ya gyara babbar rigarsa ya samu waje ya zauna kan benci, Baba ma ya koma ya zauna, Alhj Muktar da yake jin wani daɗi na ganin aminin nasa da ya jima yana nema yace "ya bayan saduwa, ya iyali?", Baba yace "bayan saduwa sai alkhairy, iyali lfy alhmdllh an gode Allah, ya naka iyalin Muktar?", Alhj Muktar yace "Alhmdllh, amma dai ba'a kano kake zaune ba?", Baba yace "kano nake zaune Muktar", Alhj Muktar yace "baka koma Yola ba knn?", Baba yace "Eh, nan nake rayuwa da iyalina saidai dangina na can Yola", Alhj Muktar yace "masha Allah" ya faɗi hakan yana duba tsadadden wrist watch ɗin hannunsa, Baba yace "shekara da yawa Muktar, ban taɓa tunanin zan sake ganinka ba", Alhj Muktar yace "ikon Allah....", bai ƙarasa maganar ba drivern sa ya fito hannunsa riƙe da waya dake tsuwwa, russuna yayi ya miƙa masa hannu bibbiyu cike da girmamawa yace "ranka shi daɗe ana kira", Alhj Muktar ya amshi wayar snn ya ɗaga kiran, maganar da bata wuce ta minti ɗaya ba yayi ya katse yana kallon Baba yace "Adam, zan sameka gobe a nan wajen", Baba yace "Eh to, ba damuwa zaka samen", Alhj Muktar yace "ko dai anan unguwar kake da zama?", Baba ya gyaɗa kai yace "a nan nake", Alhj Muktar ya jinjina kai yace "to ko bayan nan akwai wani wajen da zan iya samunka, insha Allah gobe fa zan dawo Adam", Baba yace "idan ma baka sameni anan ba, kana tambayar gidan gini shknn", Alhj Muktar yayi ajiyar zuciya ya miƙe, ya bawa Baba hannu sukay sallama snn ya doshi motarsa da driver ya buɗe masa ƙofa, mai dankali da ke daskare tin ɗaxu yaja baya gudun kar a markaɗe masa ƙafa, saida motar ta ɓace snn ya juyo ya kalli Baba, ya ƙaraso ya zauna yace "mal Adamu, wnn mutumin fa?", Baba yace "mutumin arziƙi wanda ya gaji ainihin arziƙi ba ƴan tashi firgigit ba, Muktar knn", mai dankali ya kasa kunne yace "yo Mal Adamu aini a duhu ka sake dulmiyani, ai ban gane me kake nufi ba", Baba ya dubesa yace "hmmmm, Idi knn" daga haka bai sake cewa komai ba.
★Ranar ta yau itace fa Juma'a, ranar ɗaurin auren Hajar, tin bayan sallar asuba ƴan uwan Umma suka ɗora sanwa, tuwo suka mulluƙa aka ɗaɗɗaura shi a leda aka zuba a ƙatuwar warmer, dabgen miyar taushe da taji tantakwashi itama aka juye ta a warmer, bayan nan aka shiga tuyar wainar shinkafa da sinasir, ga kuma gurasa da Mu'azzam ya kawo buhu guda. kai Hajar dai mai ƙashin arziƙi ce, tinda aka fara shagalin bikinta ba ai abu na ƙaranta ba duba da cewa gidansu ba masu hannu da shuni bane, komai an yisa cikin wadata, wnn magana ake ta masu arziki da yalwar zuci bata masu kuɗin banza da basu ciyuwa ba saidai a fito daga gida ana ƙombo, yo wasu masu kudin ma ai gidan su living hell ne. da gyatsine Balaraba ta shigo tsakar gida, duk wanda ke tsakar gidan nan kallon hadarin kaji tayi masa kafin ta faɗa ɗakin Maama, a karo na farko da Maama ta washe haƙora tin wayewar gari, Balaraba tace "wai haka aka mayar miki da gida sai kace na mahaukata Rabii", Maama ta taɓe baki tace "uhmm, baƙin cikin da nake shaƙa yafi ƙarfin kwatance", Balaraba ta ƙarewa Sa'adatu da Maimuna dake bacci kallo tace "su kuma basu tashi ba", Maama tace "ai jiya ba a barmu munyi baccin kirki ba a gidan nan", Nabilah da ke malelewa ƙasan siminti tace "Anty Balaraba ina kwana", Balaraba tace "yawwa". Maama ta matso kusa da Balaraba ta rage murya can ƙasa tace "kinga dai babu wani cigaba, anya kwa aikin malamin nan yayi?", Balaraba tayi yadda Maama tayi tace "hmm ai zuwa nayi na tayaki farin ciki, snn nima nasha kallo, don tinda malamin tsamiya yace ba aure to magana ta ƙare, kedai kawai mu zuba ido", Maama tayi ajiyar zuciya ta gyaɗa kai tamkar tsohuwar ƙadangaruwa. Tin daga soro har zuwa ƙarshen lungun ƙunshi aciki yake taf da jama'a, maza wanda suka zo halartar ɗaurin aure, ƴan uwan Baba na Yola da abokan arziki, ga dangin umma. daga soro kuma waliyyin Amarya da sauransu ne zaune suna jiran dangin Ango, lokacin ɗaura aure harya gota amma har yanzu dangin Ango basu hallara ba. Naseer da ke zaune soron ya dubi agogon hannunsa, yayi kyau sosai cikin farar shaddar da ya saka ta ankon da sukay shi da Huzaifa da Mu'azzam da kuma mahaifinsu, Naseer yace "lfy kuwa, ya har yanxu basu iso ba", Bappa ƙanin Baba wanda shi ne waliyyi yace "Baka da lambar wani daga cikin dangin Angon?", Naseer yace "ba nida ita Bappa", Mu'azzam ya shafa aljihun wandonsa yace "bari ni na kira Bappa", Bappa yace "yawwa, marmaza kira su, jama'a na jira", Mu'azzam ya ciro wayarsa daga pocket ya shiga kiran Nura Ango tinda lambarsa yake da ita, sau uku ya kira tanata ringing amma ba'a ɗaga ba. tsayawa yayi yana kallon uncle din nasa, Bappa yace "ya akay?", Mu'azzam yace "ba'a ɗauka ba"..........✍️