Free chapter · Read without an account

35&36

by Fateema Zahra Musa · RAWANIN ZALINCI (BOOK1)

🤍🔥𝗥𝗔𝗪𝗔𝗡𝗜𝗡 👑 𝗭𝗔𝗟𝗜𝗡𝗖𝗜🔥🤍

🔥CROWN OF INJUSTICE🔥

𝗠𝗔𝗟𝗟𝗔𝗞𝗜𝗡

❤️‍🔥FATEEMA ZAHRA MUSA ❤️‍🔥

(❤️A-K-A 𝑷𝑹𝑰𝑵𝑪𝑬𝑺𝑺 𝑻𝑬𝑬𝑴𝑨🔥)

🔥🤍T🔥🤍T🔥🤍W🔥🤍......💻

❤️𝑫𝑨𝑻𝑬 12/8/2024.....✍️📚🌹

For information *** Whatsapp me only!!.

🤍𝑺𝑻𝑬𝑷 1......✍️📚🔥

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ❤️

E____________33🔥

🕊️🌼🕊️🌼🕊️🌼🕊️🌼🕊️🌼🕊️🌼🕊️🌼

Kai tsaye unguwar.............EMIRATES HILLS motarsu Leesharh ta nufa........ Ku daga jin sunan arear kun san bana ƙananan kai bace ba, area ce wadda take da gamayyar kera keran haɗaɗɗun high rise building da manyan ƙasashen duniya take ji da su, duk wata ƙasa da ta amsa sunanta ƙasa to tana takama da ire iren waɗan na high rise building ɗin, gini ne wadda zaku gansa kamar da glass zallah aka yi sa, luxurious area ne dake ta farko a cikin faɗin DUBAI, babu ƙananan gine gine ko guda ɗaya a gabaɗaya arear, dukka luxurious gine gine ne na manyan shegu a ƙasar, ta ko'ina shinfiɗaɗiyar titi ne mai ji da lafiya har kofar gidaje, ga hasken lantarki ta ko'ina, tsayawa zayyana maku haɗuwar wannan area ma sam ba zai yi wu ba, domin baki ma ya yi kaɗan ya faɗesa, ga wasu mahaukatan cameras ta ko'ina dake ɗauko duk wata abu da zata gifta a wannan area, gabas da yamma kudu da arewa Cameras ne.

Wasu irin jiga jigan zaratan lafiyayyun securitys dake tsaron arear tun daga farkonta har karshenta kawai ma ya isa ya sanya hantar cikin bawa ya kaɗa, kowani security ka gani fuskar nan tasa kamar ta saniya, a tuɓune, a fusace, kamar waɗan da aka aikowa da saƙon bakar takarda ta albishir da shiga cikin wutar jahannama, sam babu annuri ko miskala zarratin a tattare da su, ga wasu shegun bindigu a hannunsu. Sai dai securitys ɗin kala kala ne, ciki akwai ƴan'sanda ma, abin ku da Defence minister, duk wata kaki a kasarsa take, dole ai kuga kaki kala kala a gidansa. Sai kai komo suke yi wasu daga cikinsu, da alama komai ƙanƙantar motsi suka ji sai sun duba.

(Ni kam nace dole waɗan can ƴan leƙen asiri na matan can su kasa iya basu information a kan gidan Abu Abdussalam bin Badeen, irin wannan tsaro dake a arear ma kawai?🤔 Ina ga gidan kuma?🤔)

Ganin waɗan nan securitys kawai sai da ya sanya hantar cikin Leesharh ya yi wani irin kaɗawa, duk da tana cikin mota amma ta tsare hanya da kallo, da alama tana son sanin tsakanin gidan da aka ɗaukota da wannan gidan ya tazararsu take, Leesharh ba dai wayo ba. Sai dai ganin waɗan nan securitys ɗin yasa ta mance duk wasu abubuwan da ta gani a hanyar zuwa dan riƙesu a matsayin yadda zata gane hanya ko watarana, ta manta komai tsabar shiga tashin hankali, sai ma da ta ji cikinta ya yi wani irin murɗawa mai bala'i zafi, nan take ta nemi nutsuwarta ta rasa, tunani ta fara yi asirinta ya tonu gata can a hannun waɗan nan dodannin securitys ɗin suna cin namar jikinta ɗanye. Ai bata san lokacin da ta kurma ihu a cikin motar ba, ta ɗauka da gaske ne ake yagar namar jikin nata.

Sai da matar ta taɓa ne ta farga ashe dai tunani ne. Wani irin wahalallen yawu ta haɗiye tare da fara yin danasani mafi muni na karɓar wannan aiki da ta yi tun daga yanzu, tun ma bata kai ga shiga cikin gidan ba ta fara yin nadamar zuwanta duniya, tunani take yi kawai ta shiga uku ta lalace! Shikenan karshenta ne ya zo, idan asirinta ya tonu a irin wannan gida ace gata an kamata a matsayinta na ƴar leƙen asiri ai shikenan ko gata namar jikinta ba zai samu na agasa shi ba, a ɗanye zasu cinyeta, yau ta shiga uku ta lalace!! Ashe su Jasrah sun yi gaskiya, sune ainahin masoyanta da suka hanata karɓar wannan aiki!.

Duk da sanyin Ac dake a cikin wannan danƙareriyar mota ita fa Leesharh zufa ce ta fara tsastsafo mata a gabaɗaya face ɗinta, kukan mutuwa a cikin zuciyarta kawai take yi, ta yi tsuru tsuru idanu sun rena fata, har buƙatar shiga toilet ta fara ji ya kamata saboda yadda cikinta yake murɗa mata ga kuma dukan uku uku da kirjinta yake yi, kunsan mara gaskiya fa shi tsoratarsa daban take da kowa!.

Sosai wannan mata ta lura da halin da Leesharh ta shiga, amma sam bata kula taba, domin kuwa tasan duk wanda zai shiga gidan Abu Abdussalam bin Badeen to fa sai ya razana makamancin haka, bare kuma ita da tazo da zallar rashin gaskiya? Ai tama yi ƙoƙari da bata saki fitsari a wando ba, leƙen asiri ta zo yi wa masu farautar ran ɗan gidan fa aka turota ta yi, tab ai kunga idan akwai abin da ya fi fitsari a wando ma yi zata yi.

Bata ma kara tsananin tsorata ba sai da ta ga sun dimfari wani katafaren luxurious High rise building wanda ya fita daban da sauran gine ginen dake arear, kuma jiga jigan securitys sun fi yawa sosai a wajen, design na ginin ma kawai abin kallo ne, ba wai gini ne da aka yi shi dogon bene kamar na yau da kullum ba, a'a shi wannan idan ka gansa sak design ɗin world, wato duniya yake, ya yi matuƙar ƙawatuwa kuma ginin ya zauna ya zanu da kyau, ya fita iya fita.

Duk ba shi bane ya ƙara ɗagawa Leesharh hankali, masu tsaron titin da zata sadaka da cikin wannan hamshakin ginin ne suka ƙara ɗaga mata hankali da har suke ƙoƙarin sanya zuciyarta ta buga. Wasu irin jiga jigan bodyguards ne waɗan da kallonsu a wajen Leesharh da sauran marasa gaskiya kai har ma da masu gaskiya waɗan da suke da karamar zuciya dai'dai yake da kallon mutuwa, fusatattun fuskokinsu kawai ya isa ya sanya mutun tsumar tsaye. Sanye suke cikin baƙaƙen kaya sidif, wasu irin shegun securitys shoes ne a kafafunsu, shi ma baki, irin waɗan nan takalmar ne da idan sun takeka da shi sai mutuwa, ga wasu uban black glass da suka zuba a ido kamar ka kurma ihu idan ka gansu, fararen larabawa ne tas waɗan da babu ɗigon baki ko kaɗan a fatarsu, dayawansu suna da dogayen gemu bakin kirin, sannan gasu da tsawo tare da cikar halitta ta jarumai.

Tun daga ɗan nesa da katafaren gate na gidan wani shirgegen bodyguard ya ɗagawa motarsu Leesharh jan wuta, alama su dakata daga in da suke kada su ƙariso, aikin wannan bodyguard ɗin kenan, idan sun san da zuwanka to wannan bodyguard zai ɗaga maka wata farar wuta dake a hannunsa jikin wata kyakkywar na'ura mai bala'in haske, to idan kaga ya ɗaga wannan farar wutar alama ce ta sun sami labarin zuwar wannan mota mai kira kaza da numberta kaza, shi ne zai ɗaga maka wutar alamar ka ƙariso bakin gate su cajeka, ba wai zaka wuce ciki bane, no, wannan farin wutar iso ake maka izuwa bakin gate, sannan wasu bodyguards ɗin su caje motarka tsab ta hanyar amfani da na'urori da komai ƙanƙantar abin zargi bata ɓoyewa, idan suka gama caje motarka tsab, sannan su baka damar wuce gate na farko izuwa na biyu, a nan ma sai ka sake tsayuwa amsa wasu tambayoyi tare kuma da a kara dubaka da kyau, sai sun tabbatar lafiya lou sannan su baka hanya ka wuce ciki izuwa katafaren parking space na gidan.

Idan kuma suka ɗaga maka jan wutar nan, to alama ce ta basu san da zuwan wannan mota ba, ba a gaya masu mota kaza mai number kaza zata zo ba, so dan haka tun kana dimfaro gate ɗin gidan zasu ɗaga maka jan wuta, idan kaki dakatawa a wajen to fa zasu sanya bindiga su harbi tayar motarka ne babu ruwansu, so is better for you da ka dakata tun wuri, in kaƙi jiki magayi.

Da yake ita wannan mata tasan da dokar gidan sanka sanka, sai ta sanya driver ya dakatar da motar. Wani irin kukan kura cikin Leesharh ya kara yi na tsoro, dan a tunaninta ko asirinta ne ya tonu, tun bata ma fara aikin ba har ta fara tunanin asirinta ya tuno, kai a gaskiya rashin gaskiya sam bai yi ba a rayuwar nan, idan baka da gaskiya a waje dai kana cikin tsaka mai wuya, fargaba da faɗuwar gaba ba zasu barka ka zauna lafiya ba, kullum kana cikin tunanin asirinka zai tonu, Allah ka rufa mana aisiri kasa mu kasance cikakkun masu gaskiya a duk in da muke, ko dan mu samu zaman lafiya da zuƙatanmu.

Wayarta matar ta ciro daga cikin jakarta mai shegen kyau da tsada. Massage ta shiga kan wani contact da aka rubuta Hajiya Babba. Gajeran rubutu ta rubuta mata tare da tura mata, sannan ta koma ta jingina da jikin kujerar motar.

Ita dai Leesharh sai haɗiyar wahalallen yawu take yi dan bushewa da wuyarta ya yi saboda tsoro, fargaba da razana yasa maƙoshinta ya bushe ta fara jin ƙishi, ga tsoro yasa bata iya haɗiyar yawun nata ma, bama ya fitowa ta nemesa ta rasa.

Almost 10 mins da tura saƙon da wannan mata ta yi sannan ne wannan bodyguard ɗin ya ɗaga masu farin wuta alamar su ƙariso ya samu saƙon zuwansu. A hanzarce wannan mata ta ce da driver ya tada mota su ƙarisa. Leesharh ƙwaƙwalwarta ya daina iya gane komai, kwata kwata ma bata san wani doka ce ta dakatar da su na tsawon mintuna goman nan ba, bata san se da izini ake nufar gidan ba, ita dai ta yi wiki wiki da ita kamar an tare ɓera a tarko.

Gaban bodyguards dake a bakin gate ta waje ma tukun nan suka paka motar nasu. Wasu ƙosassun zaratan bodyguards su biyun ne suka zo suka fara bincikar motar da wata haɗaɗɗiyar na'ura da take a hannunsu.

Kada kuso ku ji yadda kirjin Leesharh yake dukan uku uku baiwar Allah, ta sanya hannu ta dafe kirjin nata ko zata ji wani sassauci, ga fitsari da take ji kamar zai zubo mata a wando, ta rasa ina zata cusa ranta, ta datse idanunta gam wai dan kada ta kalli waɗan nan bodyguards ɗin, suna matuƙar razana ta, baiwar Allah da alama fargaba da faɗuwar gaba ne zai kasheta!.

Tsab waɗan nan bodyguards ɗin suka gama caje motar, babu komai na barazana a cikinta.

(Ni kuwa nace basu san mutanen da suke a cikin motar sune barazanar ba, rashin sani ya fi dare duhu.)

Umarni suka basu a kan su wuce ciki. Kunna motar driver ya yi tare da nufar gate ɗin. Yana ƙarisawa dab da gate ɗin sai gata ta wangale kanta da kanta, da na'ura take aiki, babu wanda yake control ɗinta wajen buɗewa da rufewa, da zarar bodyguards sun baka izinin shiga ciki gate ɗin kuma zata buɗe maka kanta, haka aka yi setting ɗin na'urar ta.................. (Wayyo Allah ka yi mana arziki mai albarka mai amfani, har na ji na fara kamuwa da tausayin Abu Abdussalam bin Badeen🥱 tausayi fa na ce😅)

Kutsa motarsu cikin gidan suka yi, a nan Leesharh taga duniya, zantukan su Jasrah ce kawai suke yi mata yawo a kunne yadda suke bata labarin gidan Abu Abdussalam bin Badeen, ashe duk basu faɗa dai'dai bama, gani da ta yi a yanzu yasa ta ji su Jasrah basu san komai a dangane da gidan ba, dan makurar haɗuwa ne wannan gini.

Parking space na wannan gida kawai ya ci plot 5 girma, amma kuma duk girman nan nasa cike yake maƙil da luxurious cars kala kala masu zafi, kowani mota ka gani sai ka zaci sabo ne, saboda wani irin ɗaukar idanu da suke yi dan tsabta.

A can gefe driversu Leesharh ya samu ya saƙala motarsa ya yi parking ɗinta,. Da farko Leesharh tana ganin motar nasu kamar wani abi ne, sai da ta shigo parking space na Abu Abdussalam sai ta ga ashe motarsu kam banza ne ma, babu ma irinsa a cikin kerarrun motocin da suke parking space ɗin, saboda ƙarami ne.

"A'isha mu je ko?". Cewar wannan mata, ta yi maganar tare da sanya kai ta fito waje daga cikin motar, already driver ya buɗe mata mota. Gabaɗaya gidan tiles ne har harabar gidan, tiles mai mugun kyau launin sararin samaniya wato sky blue, hakan yasa ya haɗe da haske ya kara ƙawata gidan sosai da sosai. Ga haɗaɗɗun flowers masu bala'in ƙamshi da kamshinsu ya karaɗe ko'ina a harabar gidan, kamshin nasu irin mai daɗin shaƙar nan.

Duk Leesharh sai ta ji ta rai'na class ɗin matan ma gabaɗayansu, har mamaki ne ya ɗan kamata na ganin driver ya buɗewa wannan mata kofar motar, a ranta ta ce ashe ma gidan talakawa aka kai ni da farko, ina cewa ba dan dukiya zasu farauci rayuwar Ramish ba dan suna da ɗinbin dukiya, ashe ni mahaukaciya ce ban san komai ba, ashe ma talakawa ne na ƙarshe a gaban familyn Abu Abdussalam, lallai na yarda son kuɗi zai iya sawa su farauci rayuwar Ramish, wannan shi ne gaba ma da gabanta wai aljani ya taka wuta.

(Ku kuwa daga ganin irin wannan gida yakamata ku gane cewa dole Mommar Gimbiya Zunaira ta fita daban a cikin sauran matan King, nan fa gidan yayanta ne uwa ɗaya uba ɗaya, kuma ita ce kaɗai mace a cikinsu, kunga kuwa dole su kaunace ta over, dole komai nata ya fita na daban a cikin KINGDOM OF POWER.)

Tana can tana tunane tunane sai ji ta yi an janyo hannunta tare da fito da ita daga cikin motar suka nufi ciki. Gidan bashi da wata hayaniya, ma'ana ba part part bane, a cure yake waje guda gwanin birgewa. Kai tsaye elevator suka nufa wadda zai kaisu izuwa katafaren ginin da family suke.

Leesharh an saki baki, ido hanci, kunnuwa da komai da komai ana bin ko'ina da kallo, bata wahalar da kanta wajen ɓoye kauyancinta ba, ta fito da shi fili tana morewa idanunta kallo abinta, ta ki bari kanta ya yi marfi ato, har ta manta da cewa wancan mata ta ce kada ta yarda ta nuna kauyanci, kome zata gani ta dake irin ita ƴar birnin nan, tab aiko dai ga shi nan ta saki baki tana baza kauyancinta son ranta.

Ai bata ma karasa sakin bakin nata mai gabaɗaya ba sai da suka shiga katafaren parlourn gidan, a nan ne ta fito da tsantsar kauyancinta tana ganin royal furniture dake a ciki, ta buɗe kofofin hancinta dukka tana shaƙar wani ni'imantaccen haɗaɗɗen arab air freshener dake kwantar da hankalin mai shaƙa wadda ya karaɗe gabaɗaya parlourn da kamshi, ga tsabta da sanyin Ac.

Wata hamshaƙiyar hajiya kyakkyawa fara tas ne take zaune a saman sofa mai zaman mutun biyu, babbar macece ba yarinya ba, tana sanye cikin arab jallabiya, fara tas da ita, ta yi rolling veil a kanta, yatsun hannunta na sanye da wasu shegun ring na diamond masu bala'in tsada har guda uku, ta haɗu iya haɗuwa, ta ji hutu har ta ƙoshi, da alama itace matar gidan, ga wata kyakkyawar matashiyar yarinya da take kwance a kusa da ita ta tada kai da laps ɗinta, a shekaru yarinyar ba zata wuce mate na Leesharh ɗin ba, kyakkyawa ce sosai ita ma, tana da ɗan yanayi da wannan hajiya, da alama mahaifiyarta ce, da alama ita ce ƴar Abu Abdussalam da aka ce yana da ƴaƴa maza biyu da mace ɗaya, yarinyar ma arab jallabiya launin white ne a jikinta, kanta babu ɗan'kwali, wannan kyakkyawan arab hair ɗin nata an ɗaure mata shi gida biyu kamar yadda Gimbiya Zunaira da kuma Chuchu suke yawan ɗaure nasu gashin, haka ita ma aka yi mata.

Fuska ba yabo ba fallasa ta tarbi wannan mata da ta zo da Leesharh. Saman sofa matar ta zauna, ita kuma Leesharh ta zauna a ƙasa saman wani haɗaɗɗen Turkey carpet mai bala'in laushi, har wani lumewa zaka ji kafafunka sun yi idan ka taka carpet ɗin.

Cikin girmamawa wannan mata ta ɗagawa hajiya babba gaisuwa. Cikin mutunta zuna hajiya ta amsa, da alama tana da kamala da dattaku, babu alamar walaƙanta mutane a tattare da ita duba da yadda ta karɓi su Leesharh cikin mutunci duk da tasan cewa tabbas Leesharh ƴar aiki ce, domin tun kafin Leesharh ɗin ta zo gidan tasan da hakan, kada ku manta kafin ma su zo sai an san da zuwansu an kuma san su waye su, so tasan aiki Leesharh ta zo yi, amma bata nuna irin kyama ko kyara ba, ta tarbesu da mutunci.

Sosai Leesharh ta ji jikinta ya yi sanyi na ganin yadda matar ta mutuntasu, ko ba'a gaya mata ba ta san cewa wannan mata itace hajiyar wannan aljannar duniyar bakiɗaya, amma ji yadda ta tarbesu kamar wasu ƴan uwanta, duk sai ta ji jikinta ya yi la'asar da ta fara tunanin to meyasa ake son cutar da su tun da dai alamu sun nuna su ɗin mutanen kirki ne?. Yarinta bai bari ta iya gane cewa yanzu ai masu kirki ake cutarwa ba, da zarar kana da kirki neman ganin bayanka ake yi, musamman idan ta haɗo da kana cikin siyasa, sarauta, da dai sauransu, idan ka ce zaka yi adalci ko ka yi wa al'umma hidima ai kana tsaka mai wuya a hannun abokan gaba sai dai Allah ya tsare!.

A fili ta furta Allah masani wadda sam bata san maganar ma ya fito ba, sai da ta ga hajiyar tana kallonta ne ta fahimci ashe ta yi magana.

Cike da tsoro ta yi ƙasa da kanta. Ita kuma hajiyar sai ta ce. "Turai yanaga kamar ƴar aikin namu bata da lafiya ko kuma wani abin yana damunta?".

Wani irin dum dum Leesharh ta ji gabanta ya bada bugu.

Matar da suka zo a tare ɗin ne wadda Hajiya Babba ta kira da Turai ta ce. "Hajiya Babba ai dole ki ganta a birkice haka, kema kinsan duk wanda zai shigo wannan gida sai ya razana, securitys ɗin nan naku masu fusatattun fuska da babu amnurin nan ba dole su birkita mutum komai jarumtarsa ba!".

Ƴar murmushi Hajiya Babba ta yi kafin ta dubi ƴar matashiyar yarinyar da ta tada kai da laps ɗinta ta ce. "Sharifat jeki ki kira mun Radia ta zo ta wuce da wannan yarinyar izuwa part na ma'aikata dan ta je ta huta, da alama akwai gajiya da firgici a tattare da ita".

Miƙewa zaune yarinyar ta yi, ɗan waro idanu waje ta yi irin mamakin nan lokacin da ta kalli Leesharh, da ƴar siririyar zazzaƙar voice ɗinta ta dubi Hajiya Babba. "Ummie she's so beautiful, Allah kyakkyawace sosai, harta kalar fatarta ya yi mun kyau".

Ƙasa da idanu Leesharh ta yi tare da sauke nannauyar ajiyar zuciya, yanzu ta kara tabbatarwa da kanta waɗan nan mutane mutanen kirki ne, ji yadda yarinyar gidan ma ta karɓeta kamar ba ƴar aikinsu ce ita ba. Allah wadarar mummunar aikin da ta zo aikatawa a kansu ta fara yi, sai dai kuma bata fa da wani zaɓin da ya wuce dole ta yi wannan aiki ko zata mutu kuwa, dan mahaifinta shi ne duniyarta. Babbar magana, wlh akwai cakwakiya da tashin hankali ba kaɗan ba a wannan part ɗin!.

Sharifat kyakkyawar yarinya ce sosai, amma a rayuwarta tana kaunar kyawawan mutane, idan taga mace kyakkyawa sai ta ce su ƙullah abota, haka take yi, shiyasa take kaunar yayanta Omar, yayan gimbiya Zunaira kenan, saboda fa kyakkywa ne sosai kamar Zunaira ɗin shi ma, idan kuka gansa kamar shi ya yi kansa, ga idanun nan nasa ba'a magana, so suna mugun shiri da Sharifat sosai! Shi ma a gidan nan yake, ba'a gidan kakarsa yake zama ba, ya fi jin daɗin zama a gidan nan saboda Sharifat ɗin babbar kawarsa kenan.

"Sharifat kenan, ai haka Aisha take da kyau, sai ma ta yi make up". Cewar Turai.

Murmushi Sharifat ta saki tana faɗin. "Kai bari Yah Omar ya zo zan gaya mashi ankawo ƴar aiki kyakkyawa wadda ta fishi kyau".

Girgiza kai Hajiya Babba ta yi kafin ta ce. "Da kuwa kinci bugu a hannunsa, GUYSON ɗin namu ne zaki ce wata ta fishi kyau? Kin manta me ya gaya maki na cewa babu wanda ya kaisa kyau a duniya ko? Faɗa mashi wata ta fisa kyau ina ga yau ko Abbunki ba zai iya kwatarki a hannunsa ba".

Ɗan turo baki ta yi tare da miƙewa ta nufi wani haɗaɗɗen curtain, yaye shi ta yi ta shige ta kofar da yake a wajen, tana tafiya tana ɗan juyowa ta kalli Leesharh, ita dai har ga Allah Leesharh ta yi mata kyau ba kaɗan ba, ga shi a tsawo ma tsawonsu zai iya zuwa ɗaya, shekaru ma haka, sai take jin dama ace Leesharh ƴar uwarta ce ta jini, kasancewar ita kaɗai ce mace a gidan, hakan baya yi mata daɗi, ƴan uwa maza kawai take da su, ita sam bata damu da kalar African skin ɗin Leesharh ɗin ba, ita dai kawai ta burgeta tunda kyakkyawa ce. (Ni kuwa na ce a'a Sharifatu baiwar Allah, ki nesanta zuciyarki da Leesharh, dan ita ɗin kyan ɗan macijine a gareku keda ƴan uwanki, cutarku tazo yi, duk da cewa ba laifinta bane, amma dai ku yi nesa da ita, kada ma ku jata a jiki, idan kuka jata a jiki ne ma zata samu damar cutar da kuɗin yadda yakamata, amma dai nayi shiru......🥱)

Shiru parlourn ya yi na tsawon lokaci, har Sharifat ta dawo daga wajen kiran Radia. A tare suka dawo da Radia ɗin, tana gaba tana binta a baya. Saman sofar da ta tashi ta koma ta kwanta tare da tada kai da laps ɗin Ummie ɗin nata.

Ita kuma Radia a gabansu ta zo ta tsugunna, balarabiya ce ita ɗin ma. Cikin girmamawa ta ce. "Ummie gani nan".

Nuna mata Leesharh da hannu Ummie ta yi tare da faɗin. "Ki wuce da ita part ɗinku, already ɗakinta is ready tun da Abbu ya gaya mun za'a kawo wata ƴar aiki nasa su Fadila suka gyara mata room ɗinta, dan haka ki ce Fadila ta nuna maki room da suka gyara mata ki kaita can". Ta kai karshen maganar tare da dawo da kallonta a kan Leesharh.

"A'isha ko?". Ta tambayeta.

Da sauri ta gyaɗa mata kai alamar e kanta na'a ƙasa kamar wata sahabiya.

"Okey tashi kuje ta kaiki room ɗinki, ki yi wanka ki kwanta ki huta, su Fadila zasu baki abinci, yau ki huta gobe sai ki fara aiki ko?". Cikin sanyin murya Ummie ta yi maganar, tana da cool voice sosai kamar yadda yanayinta ya nuna ita ɗin so silent ce.

Duk maganar da suke yi cikin harshen larabci suke yinsa.

Da okey Leesharh ta amsa mata tare da yi mata godiya, sannan ta miƙe tsaye, Radia ma ta miƙe ta yi gaba Leesharh ɗin ta rufa mata baya, sai kallonsu Sharifat yarinyar kirki take yi, taga Leesharh kyakkyawa jinin Africa tamu ta gida!.

Cigaba da hira sama sama Hajiya Babba da Turai suka yi, da alama sun saba. Ita kuwa Sharifat ta cigaba da kwanciyarta shiru abinta!.

KO YA RAYUWAR LEESHARH A WANNAN GIDA ZATA KASANCE?🤔 LOKACI NE ZAI NUNAMANA, ALKALAMINA KUMA YA BAYYANA MAKU KOMAI, AMMA DAI AKWAI GAGARUMIN CAKWAKIYA BA KAƊAN BA, DAN KUWA LEESHARH DOLEN UBANTA TA YI WANNAN AIKI IDAN TANA SON MAHAIFINTA!!.

🌼🕊️🌼🕊️🌼🕊️🌼🕊️🌼🕊️🌼🕊️🌼🕊️

GIDANSU KHADIJAH 💔😥

Maman Zainab tasha madarar mamaki sosai lokacin da Baban Zainab ya dawo daga kasuwa, yadda kuka san bai san da zamanta a gidan ba, ko ɗaga idanu ya kalleta yaki yi, da alama ma haushinta yake mugu mugun ji, ko kallon in da take bai son yi. Ko da ta kawo mashi abincin dare ma a yau kam bai ci ba, yaki ko kallon abincin nata ma, abin ya yi mugun ɗaga mata hankali na ƙin karawa, hakan yasa ta shiga gagarumin tashin hankali a in da ta shige cikin room ɗinta tare da rufo kofa, ta murzaki, sannan ta ɗauki wayarta tana kuka hawaye bibbiyu ta kira Aunty Hauwa a waya ta sanar da ita maganin nan fa bai yi aiki ba, hasali ma baban Zainab yaki yi mata magana, ko sannu yaki ce mata, in fact ma yaki kallon in da take, yaki ya ci abincin dare, su Khadijah ɗin ma ya sharesu yau kam, dama wani lokaci saboda su yake daurewa ya danne zuciya idan ta yi mashi laifi ya ci, to yau dai a gabansu ya ce ba zai ci ba, ya kuma wuce cikin bedroom ɗinsa ya kwanta, wannan abin ya yi matuƙar ɗagawa Khadija hankali, da yake ita hankali da ilimi ya ratsata sosai a yanzu, ga nutsuwa da sanin yakamata, tasan baban nata bai taɓa yin makamanciyar haka a gabansu ba tun da suke da shi, to me ya sauya shi lokaci guda haka kenan?.

Zeezee da take karama ma hankalinta ya tashi yau, ta shiga damuwa, haka dai suka hakura suna ɗan ci abincin kaɗan, sannan suka nufi nasu ɗakin suma, domin mamarsu ta rufe nata bedroom ɗin tana ciki, shi ma baban nasu haka. Har sun kwanta Khadija ta gagara yin barci, barci ya ƙaurace daga idanunta baiwar Allah, damuwa sun taru sun yi mata yawa, hakan yasa ta miƙe ta sauke ƙasa daga saman bed ɗin nasu.

A lokacin Zainab barci ya fara ɗaukarta, lallaɓawa ta yi ta ɗauki hijabin sallarta ta sanya a jikinta ta nufo waje. Tana tsoron fitowa saboda Haidar, amma bata da zaɓi dole ta je wajen kawunta Sadiq ta gaya mashi abin da yake faruwa, dan shi ne kaɗai zai iya gaya mata kalaman da zasu sanyata jin daɗi har ta samu barci, amma sai fargabar haɗuwa da Haidar take yi, addu'a take yi Allah yasa ya yi barci, dan idan bai yi barci ba ta je room ɗinsu a yanzu tabbas sai ya tsayar da ita in ta gama magana da Sadiq, idan kuma ya tsayar da ita ba makawa sai ta taɓa mata jiki, sai ya yi ƙoƙarin taɓa mata breast ɗinta ko ya ce zai yi kissing ɗinta, sam bashi da hankali ko na sayan pure water.

Sai dukan uku uku kirjinta yake yi, amma haka ta daure ta fito harabar gidan. Ai kuwa tana fitowa ta yi sa'ar cin karo da Sadiq ɗin yana tsaye a harabar gidan wajen fampon tsakar gida yana waya, da alama da mamarsa yake waya, shi ne ma yasa ya fito waje dan su sami keɓewa da sirri, ba zai yi waya da ita a gaban Haidar ba kenan, yadda ya nutsu sosai yake magana cikin mutunci da girmamawa ne zai tabbatar maka da cewa tabbas da mahaifiyarsa yake waya, dan idan da budurwace ba zai yi irin wannan nutsuwa ya bata dukkan hankalinsa tare da magana cikin girmamawa haka ba. Yaron kirki mai hankali da sanin darajar iyayensa.

A hankali kamar wata mai raɗa ta yi mashi sallama, tun fitowarta dama ya ganta, shiyasa yake ƙoƙarin yin sallama da mamar tasa, saboda yasan Khadija bata zuwa wajensa haka kawai, kuma idan ma kaganta a waje harabar gidan to fa girki take taya Mammarta, idan ba haka ba kullum tana ƙule a ciki abinta, ɗan gara ma Zainab tana fitowa waje jefi jefi. So yasan bazata fito haka kawai ba, barema a daren nan yasan dole da akwai matsala, hakan yasa ya yi sallama da mamar tasa a kan gobe da safe zai sake kiranta, daga nan ya kashe wayar tare da bawa Khadijahr dukkan attention ɗinsa.

Cikin sanyin murya ta fara gaya mashi halin da ake ciki, ta shiga damuwa sosai na ganin baban nata yaki ya ci abinci, bata ɓoyewa Sadiq komai ba ta gaya mashi tas, sannan ta kara da cewa abin ya hanata yin barci ne yasa ta fito.

Zama ya yi a bakin dakalin da aka kewaye fampon da shi, sannan ya ce ita ma ta zauna. Ba musu ta zauna a gefensa, hakika ya shiga damuwa sosai, irin wannan matsala yake gujewa maman Zainab tun tuniya yasa yake ta ƙoƙarin ganin bata sauka daga kan hanya ba, amma ta yi busur da zancensa ta yi son ranta, ga shi yanzu wankin hula yana neman kaita dare, tura ta kai bango baban Zainab ya fara juya mata baya, yanzu wa gari ya wayanwa?.

Rarrashin Khadija ɗin ya fara yi tare da bata hakurin, sannan ya sanar da ita dama a tsakanin mata da miji ana iya samun wannan matsala, aure ya gaji hakan, babanta mutumin kirki sosai da yake ɓuye masu ire iren wannan faɗa na mata da miji yasa basu san da hakan na faruwa ba, dan haka kada ta sanya damuwar kowa a ranta, ta yi hakuri zuwa da safe In Sha Allah babanta zuciyarsa zata sauko, dan shi mutun ne mai hakuri, ta yi hakuri komai ya yi zafi maganinsa Allah, ta koma cikin room ɗinsu ta ɗauro alwala ta gabatar da nafila raka'a biyu tare da rokan Ubangiji da ya kawo mata mafita, In Sha Allah zata samu dama ta yi barci, komai kuma zai wuce.

Haka dai ya cigaba da rarrashinta yana bata kwarin gwiwa har ta ji sanyi a ranta. Sai da ya tabbatar ta ji daɗi damuwarta ya gudu, sannan ya ce ta tashi ta shiga ciki. Duk da rashin yawan magana irin tata sai da ta ce. "Kawu Sadiq ka bari mu ɗan yi hira kaɗan, zan kara samun nutsuwa na sani".

Bai musa mata ba ya jata da hira har wuraren karfe 10, sannan ne ya ce ta tashi ta shiga ciki. Ba musu ta miƙe ranta a sake, fuska ba yabo ba fallasa ta wuce ciki tana yi mashi zai da safe. Shi ma sai da safe ya yi mata kafin ya miƙe ya koma cikin room ɗinsu a in da ya sami Haidar yana riƙe da wayarsa yana kallo, ko shakka bayayi fina finan batsa yake kallo duba da yadda ya takure jikinsa waje guda, kuma yasha kamasa yana kallon fina finan batsa dama, sau da dama yasha yi mashi nasiha a kan hakan babu kyau ya daina, amma ina ya yi nisa baya jin kira, hasalima idan bai kalli batsan ya samarwa da kansa nutsuwar hankalinsa da ya ɗaga ba baya iya yin barci, hakan yana ɗaya daga cikin abin da yasa yake son taɓa jikin Khadija sosai, shi bai kima ta dawo kwana a ɗakinsu ba, ɗan iska saboda yana kalle kalle batsa kullum yana cikin ɗagawa kansa hankali, dole ya yi ta ƙoƙarin latsa ƴar mutane. A kullum idan Sadiq ya fara yi mashi nasiha a kan ya dai'na kallon film irin haka, to wlh faɗa ne yake biyowa baya, basu wanyewa lafiya, hakan yasa Sadiq ɗin yanzu bai ci bi ta kansa ba, ya sharesa kawai tun da baya ji kuma ai ba yaro bane shi, ya fi Sadiq ɗin shekaru da shekaru biyu, kamata ya yi ace shi yake yi wa su Sadiq ɗin faɗa da nasiha, amma ina, ina ma yaga hankali ne wannan kam, sai dai Allah ya kyauta.

Yanzu ma girgiza kai kawai Sadiq ɗin ya yi tare da nufar nasa gadon, already da alwalar barcinsa a tattare da shi, dan har ma ya kwanta mamarsa ta kirasa ya tashi ya fita, so yanzu yana dawowa addu'ar barci kawai ya yi tare da kashe wayarsa ya kwanta, ba jimawa barci ta yi awon gaba da shi.

A ɓangaren Khadija ita ma bayan ta yi sallar nafila raka'a biyu kamar yadda kawun nata ya ce, sannan ta rufe da shafai da witiri, hankalinta ya kara kwanciya sosai, ta ƙara samun nutsuwa sosai da sosai in da ta zo ta haye gadon ta kwanta, cikin ƙanƙanin lokaci barci ya ɗauketa, dama ita Zee already ta yi barci abinta.

Mamarsu kuwa, cikin kuka ta sanar da Aunty Hauwa halin da ake ciki. Hakuri Aunty Hauwar ta bata tare kuma da ce mata ta kwantar da hankalinta gobe da safe zata zo gidan, kada ta ji ta wani damu zasu yi maganin baban Zainab. Da haka dai ta rinƙa rarrashinta har ta hakura a nan barci ya yi awon gaba da ita, in takaice maku labari dai bata yi sallar mangariba bare isha, a haka barci ya saceta saboda kukan da ta sha.

(A gaskiya ina jin labarin gidansu Khadija tamkar true life story, wato tamkar gaskiya, wlh duk idan na zo rubuta part ɗin ji nake yi kamar gaske, saboda abu ne da yake faruwa yau da gobe a zahiriya sosai da sosai, Allah dai ka ƙara tsaremana imaninmu ka rabamu da ƙawaye jahilai.)

Washegari da safe kamar yadda suka saba haka Maman Zainab ta tashi tare da biyan bashin sallolin da suke a kanta na tun jiya, sannan ta nufi kitchen da nufin ta yi masu girki, kasancewar farar shinkafa da miya ta dafa masu daren jiya wadda basu ci ba, sai ta ɗauko shi ta sake ɗumama masu, saboda bai yi komai ba, kuma yana da yawan da bai kamata su zubar ba, so sai ta sake mayar da shi wuta ta ɗumama, shi ta sanyawa su Khadija a kulolin makarantarsu.

Suma su Khadijah suka yi wanka suka shirya kamar yadda suka saba, baban su ne kawai yaki fitowa, da yake dama sai maman Zainab ta haɗa mashi ruwan wanka sannan take tashinsa daga barci, to jiya dai ya rufe room door ɗinsa da key, koda ta kammala shirya masu komai kamar yadda ta saba ta nufi room ɗin nasa dan ta tashesa, sai ta ji kofar a rufe da key.

Kamar zata yi knocking, sai kuma ta hakura ganin cewa su Khadija suna nan, kuma tasan halinsa tun suna saurayi da budurwa, damone sarkin hakuri over, amma kuma idan ya zuciya wlh abin da zai sanya shi ya sauko ba karamar abu bace, kuma duk yadda yakai ga kawar da kai ga abu idan fa ya zuciya tura ta kai bango to fa mantawa yake yi da wata kawaici ko makamancin haka, yanzu haka a yadda yake cikin fushi sosai ɗin nan yana iya yi mata faɗa tatas sosai koda a gaban su Khadijah ɗin ne, zai manta da wani tarbiya.

Tuna hakan yasa ta fasa yin knocking na kofar ta juya izuwa nata room ɗin, bata sake bi ta kan su Khadijah ɗin bama ita ma. Bayin Allah da suka ga lokaci na ƙurewa zasu yi latti ga Khadijah suna dab da fara rubuta Exams, sai suka fito suka nufi wajen kawunsu Sadiq, dan ya kai su school kamar yadda ya saba, yau dai sun hakura da yin sallama da baban nasu tun da bai fito ba.

Knocking suka yi masu Sadiq a kofar ɗakin, ba'afi second ashirin ba sai ga Sadiq ɗin nan ya buɗe kofar ya fito. Shirye yake cikin dakakkiyar shaddar mai shegiyar kyau, da alama yau ma yana da class.

Har suna haɗa baki wajen cewa Uncle Sadiq ina kwana. Murmushi ya yi yana kallon Zainab sarkin tsiwa kafin ya amsa masu gaisuwar, yarinyar nan Zainab ba dai iyayi ba, haka take zama ta karewa maman Haidar da kakansu zagi fes kamar an aikota, bata da sauki, Khadija kam daga e sai a'a, sai kuma gyaɗa kai kamar ƙadangaruwa.

"Dama na shirya ku nake jira, ina da class karfe 7:30 dai'dai mu je ko?". Sadiq ya faɗa yana kai hannunsa ya ɗan bugi bakin Zee da take aikin turo shi kamar wadda aka zaga.

"Kai kawu Sadiq menayi maka to?". Ta faɗa tana ɗaure fuska.

Khadijah ce ta amsa mata da. "Kwaɗayin duka yake ji yasa ya dake ki, ko dai bai kai bane?".

Wani irin harara ta bi Khadija da shi. Shi dai Sadiq wucewa ya yi izuwa wajen mashin ɗin baban nasu, da yake key na a hannunsa, fito da mashin ɗin ya yi kamar yadda suka saba, ba ɓata lokaci ya ce su yi sauri su hau su tafi lokaci yana ƙurewa. Da sauri suka hau Zainab sai raki take yi. Da haka suka bar gida, shi kuwa Haidar yana can yana barcin asara, wani lokaci ma sai 10 yake tashi ya tafi kasuwa ko kuma wajen mamarsa or kakarsa, kullum aiki ɗaya, ya kusa yin aurema bai canza hali ba, ko waye zai ciyar mashi da matar idan ya yi auren? Shi da kasuwar ma sai yaga dama yake zuwa. Akwai matsala sosai, akwai case ba kaɗan ba.

Misalin karfe 9 dai'dai sai ga Aunty Hauwa ta nufo gidan kamar yadda ta faɗawa maman Zainab zata zo jiya. A lokacin baban Zainab bai fita ba, yana ciki, da alama yau ba zai je kasuwa da wuri ba, ita ma maman Zainab tana cikin ɗakinta ta yi zaman ƴan bori a saman tsakiyar gado, ta haɗa hannayenta ta buga uwar tagumi kamar wadda aka aikowa da wahayin yinsa, ta luluƙa duniyar tunanin ya zata yi da rayuwarta, har yanzu ta kasa iya gane cewa damar da Allah ya bata a baya ne take wasa da shi son ranta, tana yi kuma ba tare da godiya ga Allah ba, to yanzu damar tana neman kubce mata, ta kasa iya gane hakan ma bare ta yi ƙoƙarin dawo da damar izuwa gareta..... Tirƙashi, akwai matsala fa my people's, mu je dai zuwa.

A parlourn Aunty Hauwa ta zauna, ta tsantsara kwalliyarta cikin wata shegiyar lace mai kyan gaske, da alama ma case ɗin maman Zainab ɗin bai wani dameta ba, ta yi ɗaurin ture kaga tsiya a kanta irin yau ba mutuncin nan, sai wani kwaɓe fuska take yi kamar wadda taga kashi.

Fitowa maman Zainab ta yi daga room ɗinta cike da damuwar halin da take a ciki, tsawon shekarun nan da suka yi aure baban Zainab bai taɓa yi mata makamancin haka ba, har ya share tun jiya bai yi mata magana ba har yau, abin dole ya jefata cikin damuwa sosai, a maimakon ta kira mahaifiyarta ta sanar da ita abin da yake faruwa, sai ta sake kirawo Aunty Hauwa kuma.

"Hauwa ki zo mu shiga cikin bedroom, baban Zainab yana nan fa". Maman Zainab ta faɗa murya ƙasa ƙasa.

Okey Aunty Hauwa ta amsa tare da ɗaukar wata ƴar figaggiyar jakarta irin na dillalai, ga gyalenta dama a kafaɗa ta yafo shi kamar ba matar aure ba, burinta kawai su shiga ciki ta tambayi maman Zainab ɗin baban Zainab ya sha maganin? A ƙage take da ta ji ya sha ɗin ko bai sha ba?.

A haka ta miƙe da nufin su shiga cikin bedroom ɗin dan rashin hankali irin na maman Zainab da kuma damuwa da ya rufe mata idanu.

Tana miƙewa tsaye sai ga baban Zainab ya fito cikin shirinsa na shadda mai shegen kyau launin sky blue, ɗinkin manyan kaya ne, so ya ɗaura babbar rigar ma a sama, a takaice dai makurar shigar mutunci ya yi, da alama yau ma ba zai ci abincin maman Zainab ba, kamar dai daren jiya, dan dai ga shi ya kammala shirin fita abinsa.

"Sannu da fitowa, ina kwana?". Aunty Hauwa ta faɗa cikin sanyin murya.

Turus ya ja birki ya tsaya tare da juyo da kallonsa a kanta, wani irin faɗuwar gaba ya ji a lokacin da ya sauke idanunsa a kanta. Da ni da ku duka mun san cewa baban Zainab in ya shigo ya sami maman Zainab da bakuwa wlh ko kallon in da suke baya yi, baƙin suna gaishesa ma baya tsayawa, wani lokaci kafin ya amsa masu gaisuwar nasu ma ya kai bakin kofar ɗakinsa, amma yau sai ya tsaya tare da juyowa yana kallon Aunty Hauwa.

Maman Zainab ta ɗan yi mamaki, amma sai ta ce kila zai tambayi Aunty Hauwa ɗin ina ta je jiya ne, dan haka sai bata wani damu ba.

"Sannunki da zuwa Hauwa ya gida ya yara?". Ya faɗa yana bata full attention ɗinsa.

Murmushi ta sakar mashi kafin ta amsa mashi da komai lafiya lou.

Shiru ya ɗan tsaya tare da zuba mata idanu yana ta kallonta. Maman Zainab kuwa sai ta taɓe baki tana ganin abin kamar a Tv a gabanta, ita kuma Aunty Hauwa sai wani irin murmushi take yi mashi.

"Yanzu zaki tafi ne na kai ki gida?". Baban Zainab ya tambaya.

Wani irin zaro idanu maman Zainab ta yi, abin da bata taɓa ji ba, ba kuma ta taɓa gani a tattare da shi ba, kai ina bata yarda ba, a mafarki ta ɗauki abin, dan haka sai ta kai hannunta saman face ɗinta ta ɗan mari kumatunta wai idan mafarki take yi ma ta farka.

Amma ina sai ma ji da ta yi Aunty Hauwa tana cewa. "E zamu iya tafiya a tare duk da ba yanzu naso tafiya ba, amma tun da zaka mayar dani ai komawa ta kamani".

"To muje ko?". Ya faɗa yana mai cigaba da kallon face ɗinta sosai, sai wani uban murmushi take yi.

Maman Zainab bata ankara ba tana can tana tunanin mafarki take yi ne ko ba mafarki ba kawai sai ganin Aunty Hauwa ta yi sun jera da baban Zainab sun nufi wajen parlourn.

Ai bata san lokacin da ta bi bayansu ba, a harabar gidan ta ce. "Hauwa menene haka kuma?".

Dakatawa daga tafiyar da suke yi Aunty Hauwa ta yi tare da juyowa ga maman Zainab ɗin, ɗaure fuska ta yi sosai kafin ta ce. "Wacece kuma Hauwa? Ni kike kira ko dai wata?". Tashin hankali da ba'a sanya mashi date kenan!!.

Wani irin zaro idanu waje maman Zainab ta yi, tamkar idanunta zasu faɗo ƙasa, cikin tashin hankali ta ce. "Hauwa ban gane me kike faɗa ba? Ban gane me kike nufi ba? Ko dai kunnuwana sun dai'na ji ne? Ko dai har yanzu a cikin mafarki nake ne?".

Kallon baban Zainab Aunty Hauwar ta yi tare da cewa. "Abu Zee mu je ko? Bani da lokacin A'isha ni kam".

Da okey kawai ya amsa mata ba tare da ya kalli in da maman Zainab ɗin take tsaye ba, kamar bai taɓa saninta ba a duniya.... Tashin sense kenan yau ake yinta a wannan gidan.

Gaba Aunty Hauwa ta yi tana wani rangwaɗa tare da kara gaya mashi su je ita fa bata da lokacin maman Zainab a yanzu. Rufa mata baya ya yi da nufin su tafi ɗin.

Ai tsabar kishi da bakin ciki yasa Maman Zainab bata san lokacin da ta yi kukan kura ta damko wuyar Aunty Hauwar ba, idanunta sun rufe, wani irin bakin cikin take ji kamar zata haɗiyi zuciya ta mutu, wani irin cin amana ne wannan mai azaban raɗaɗin zafi haka?.

Cikin sauri baban Zainab ya fara ƙoƙarin kwatar Aunty Hauwar daga shaƙar da maman Zainab ta yi mata, da alama mafa baban Zainab ya manta wacece maman Zainab. Tirƙashi.

Maman Zainab kuwa ta shaƙeta da iya karfinta na karshe tana faɗin wlh sai ta kasheta, azzaluma maciyi amana, su taso a tare su yi karatu a tare, komai a tare suke yi ne zata nemi ta ci amanarta haka? To wlh ba zata barta ba, kasheta zata yi sai dai duk abin da zai faru ya faru.

Wani irin mari da baban Zainab ya sakar mata ne yasa bata san lokacin da ta saki wuyar Aunty Hauwar ba tana zunduma ihu kamar zararriya. Wani irin kukan kura ta sake yi ta................

Tashin hankali, akwai babbar cakwakiya na kin ƙarawa a wannan gidan, kenan Aunty Hauwa amanar maman Zainab ta ci? Ta kaita wajen malami da sunan samun mafita kenan kanta ta shiryawa hanya mai kyau ba maman Zainab ɗin ba?🤔 Ita kuma maman Zainab cikin rashin sani ta bashi maganin kaunar Aunty Hauwar da hannunta ya sha?🤔 Ga shi har da ƴaƴanta su Khadijah ta bawa suka sha dan rashin hankali da rashin tunani? To kenan ya makomarsu take su kuma? Suma zasu bi ayarin Aunty Hauwa kamar babansu kenan? Bala'in nan, wannan shi ne bala'i, akwai yaki gagarumi a cikin wannan gida, ya makomar maman Zainab? Farkoma ya makomar auren Aunty Hauwar? Da ni da ku dai duk mun san tana da aure? Alamu kuma sun nuna baban Zainab dai ya kamu da sonta, kuma ga dukkan alamu ita ma hakan take so, to ya kenan batun nata mijin?🤔 Ina su maman Haidar? Zasu yarda da hakan kuwa? Kada ku manta sun yi mashi mata fa a cikin family, lallai akwai rikici da rikita rikita, yau akan Aunty Hauwa baban Zainab ya mari Maman Zainab, tab duniya kenan, amana ta yi ƙaranci, ni dai PRINCESS TEEMA na haɗa kayana sai mun haɗe daku gobe dan jin yadda wannan bala'in yakin da ta tinkaromu zata kaya!! RAWANIN ZALINCI ya fara ɗaukar tafasa ma ba zafi ba, Zalunci ta ko'ina😥💔

🤍KADA KU MANTA WANNAN DADDAƊAR LABARIN DAGA ALKALAMIN FATEEMA ZAHRA MUSA A-K-A PRINCESS TEEMA TAKU TA AMANA YAKE🔥💘

Share fisabilillahi 👏

ALLAH KA KARA MANA SON MANZON ALLAH 🔥🤍

🤍🔥𝗥𝗔𝗪𝗔𝗡𝗜𝗡 👑 𝗭𝗔𝗟𝗜𝗡𝗖𝗜🔥🤍

🔥CROWN OF INJUSTICE🔥

𝗠𝗔𝗟𝗟𝗔𝗞𝗜𝗡

❤️‍🔥FATEEMA ZAHRA MUSA ❤️‍🔥

(❤️A-K-A 𝑷𝑹𝑰𝑵𝑪𝑬𝑺𝑺 𝑻𝑬𝑬𝑴𝑨🔥)

🔥🤍T🔥🤍T🔥🤍W🔥🤍......💻

❤️𝑫𝑨𝑻𝑬 13/8/2024.....✍️📚🌹

For information *** Whatsapp me only!!.

🤍𝑺𝑻𝑬𝑷 1......✍️📚🔥

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ❤️

E____________34🔥

Wani irin mari da baban Zainab ya sakar mata ne yasa bata san lokacin da ta saki wuyar Aunty Hauwar ba tana zunduma ihu kamar zararriya. Wani irin kukan kura ta sake yi ta damko wuyar Aunty Hauwar, idanunta sun rufe, ita dai ta kashe Aunty Hauwa kawai hankalinta ya kwanta.

A karo na biyu baban Zainab ya kara mata wani zazzafar mari, sai dai a wannan karon ko da ya mareta bata saki Hauwar ba, sai ma kara ƙanƙame wuyarta da ta yi, yadda ta ji zafin wannan mari haka ta kara shaƙe mata wuya gam.

Kafin baban Zainab ya samu ya kwaceta daga hannunta har Hauwa ta sume, saboda azaba, tasha shaƙar manya, ga shi cikin fushi aka yi mata shaƙar.

Fara ƙoƙarin dukan maman Zainab ɗin ya yi, amma ina, ai bata tsaya ya daketa ba, sai ma kwasawa da ta yi a guje ta nufi cikin kitchen, muciyar tuƙa tuwonta ya je ta ɗauko, hauka hauka ta nunawa baban Zainab a in da ta fara ƙoƙarin dukan Hauwa dake sume yashe a ƙasa da wannan muciya, ta sumar da ita ɗin ma ba zata kyaleta ba.

Da baban Zainab da ya ga haka sai shi ma ya sanya mata karfi da nufi ya yi mata duka ya kuma karewa Hauwa dake sume faɗar. Amma ina maman Zainab taki yarda ta bari ya sake ɗaura hannunsa a jikinta, sai zulle mashi take yi, shi kuma yaki barinta ko sau ɗaya ne ta kwalawa Hauwa wannan muciya da ta ɗauko.

Daga karshe dai ya yi nasarar kwace muciyar tare da kamata ya turata cikin ɗaki, ya kuma rufo kofar ta waje ya barota a ciki. Kamar zararriya haka ta rinƙa dukan kofar nan da iya karfinta na karshe, tamkar zata ɓalle kofar, hakan yasa Haidar ya farka daga barcin asararsa da yake yi.

Shi kuwa baban Zee bai ma sake bi ta kanta ba, ruwa kawai ya ɗebo a kitchen ya zo ya yayyafawa Hauwa ta farfaɗo. A haukace ta farfaɗo tana ambatar ta shiga uku yau zata mutu.

Hakuri ya fara bata kamar wani ɗanta, harda tsugunnawa a gabanta ya fara rarrashinta. Ji maman Zainab take yi zuciyarta zai iya fasa kirjinta ya fito waje, hakan yasa ta fara neman abin da zata karya wannan kofar da shi ta fito waje, yau ji take yi idan bata kashe Hauwa ba ba ita ba zaman lafiya, kada ku manta dama baban Zainab ya ce tana da balai'n kishi na wuce tunani, bare kuma ace irin wannan cin amana mai bala'in zafin da Hauwa ta yi mata ai dole ne ta haukace masu, kawarta ce fa da suka taso tun yarinta, duk da tun suna yara halinsu ya sha banban, amma hakan bai sa sun rabu ba, kawance ta ɗaure har girma izuwa aure, ace rana tsaka ta yi mata irin wannan ɗanyen aiki ɗanyen cin amana, ai dole zuciya ta sosu over.

Fatana a nan dai shi Allah yasa mata kun ɗauki darasi! Duk abin da yake faruwa da maman Zainab ita ta jawa kanta, kama daga abin da su maman Haidar suke yi mata har wadda Hauwa ta yi mata a yau, duk ita ce da laifi, ta ya za'ayi ki rinƙa sakin baki kina gayawa wata cewa mijinki yana kula dake hundred over hundred? Kuma sai ma ki rasa wadda zaki rinƙa gayawa hakan sai wadda ita mijin nata baya yi mata hakan, a haka kike tunanin zaki samu zaman lafiya? Ke kina tunanin cewa ai kawarki ce, kun taso tare ba zata ci amanarki ba, to ai ga shi nan kun gani ido da ido, ita tana can tana fama sai ta sha rana ta yi kasuwanci tukun nan ta iya biyawa kanta dukkannin buƙatun da take so, ke kuma kina daga kwance ake yi maki komai, sannan kizo kina bata labarin irin daɗin da kike ji ki ce ba zata yi tunanin ita ma bari ta yi join ɗinki kuci daɗin a tare ba? Waye baya son daɗi? Waye yake son wahala? Kin yi kuskure babba idan ma haka kike tunani, wata ma domin hasada da bakin cikin bata samun abin da kike samu ko ba zata auri mijin naki ta shigo kuci daɗin a tare ba zata yi duk yadda zata yi ta rabaki da mijin, idan kuma hakan bai samu ba to zata yi duk yadda zata yi ta ga ya dai'na kyautata maki kin koma wahala kamar ita.

Ai a zamanin yanzun nan duk yadda kuke tare da mutun da ya tambayeki ya mijinki? Alhdulillah kawai zaki ce mashi, daga wannan Alhdulillah ɗin kada ki kara kada ki rage, bakinki kanin kafarki, idan kuma kin ki ji to fa ba kyaki gani ba.

Idan muka koma muka yi duba da abin da yake a tsakaninta da su maman Haidar nan ma ita ta jawa kanta, domin kuwa ita ce nan tun farko ta sakewa Haidar ya san komai ɗinta da har yake kwasan sirrin gidan yana kaiwa kakarsa da kuma mahaifiyar tasa. Kunga ita ma maman Haidar ɗin ba samun jin daɗin nan wajen mijinta take yi ba, baban Zainab ɗin ne ma mai ciyar da ita, saboda mutuwar zuciya irin na mijinta, ai dole ita ma zata ji haushin bata samun abin da maman Zainab take samu, dole ta yi mata hasada da bakin ciki, shiyasa take zuga kakan su Khadijah dan kawai ta takurawa maman Zainab ɗin kuma ta ƙuntata mata. Yaushe zaki bari har familynsa su san irin kyautatawar da yake yi maki? Ai a irin haka ne ma wata daga cikin family zata maƙale ta ce idan ba shi ba ba zata yi aure ba, haka kina ji kina gani za'a sanya ya aurota kamar dai yadda kuka ga aya a kan maman Zainab. Ai ko mijinki ya ɗauko kaninsa ya kawo maki ki rike, sai ki san ta yadda zaki zauna da shi baki cuce shi ba kuma baki bari ya cuceki ba, kada ki yarda ki bari yasan cewa ga abin da yayansa yake yi maki, ki koyawa mijinki ko abu zai baki to ya baki tun daga cikin bedroom ba sai anzo parlourn bama bare har a kai ga tsakar gida. Fatana dai my people's kun ɗauki darasi na farko a kan maman Zainab?.

Sosai baban Zainab ya rarrashi Hauwa, sai kukan makirci da kisisina take yi, ita kuma maman Zainab tana can tana ƙoƙarin haɗiyar zuciya kofa yaki buɗewa. Tana ji tana gani baban Zainab dai ya saka Hauwa a gaba suka bar gidan, sai lallaɓata yake yi. Dama kun san shi ya iya sosai..........😅

Suna fita gidan Haidar kuma ya fito daga cikin nasu ɗakin, dukar kofar parlourn da maman Zee ke yi ne yasa ya farka, sai dai bai yi nasarar ganin menene ya faru ba, baban Zee ya ja Hauwa sun yi gaba. Ko da ya fito waje bai ga kowa a harabar gidan ba, ita ma Maman Zee a lokacin ta dai'na buga kofar parlourn ta kwasa a guje ta nufi cikin bedroom ɗinta, dan taga tafiyarsu ta window, sun riga sun fita, ko ta buga kofar ba amfani, dan haka sai ta kwasa da gudu ta yi cikin room ɗinta.

Jikinta har wani irin kerma yake yi saboda bakin ciki, wani irin zufar wahala yana tsastsafo mata a gabaɗaya face ɗinta, kuka take yi hawaye bibbiyu, idanunta sun yi jajir kamar wata ƴar shaye shaye. A gigice ta ɗauko wayarta, har wani yana yana take gani a cikin idanunta, bata ganin screen ɗin wayar da kyau saboda kuka.

Number mahaifiyarta ta fara kira a haukace, sai yanzu ta tuna da cewa ta kira mahaifiyar tata, da can duk bata tuna ba, sai da abu ya kwaɓe mata.

Bugu biyu mamar tata ta ɗauka. Cikin kuka ta fara faɗin. "Nashiga uku mama, na mutu na lalace Hauwa ta cuceni".

A gigice ƴar tsohuwa ta ce. "A'isha lafiyarki kuwa? Babu sallama sai ihu haka? Menene yake faruwa? Me Hauwa ɗin ta yi maki?". Da gaji maganar tsohuwar nan kasa ta firgice, baiwar Allah maman Zee ta ɗaga mata hankali babu shiri.

"Mama Hauwa ta cuceni, ta kaini wajen boka, da kai'na kuma tasa na bawa baban Zainab maganin da zai sota, da kuɗina kuma muka karɓo maganin, yanzu shikenan sonta yake, ga shi can ya ɗauketa sun tafi, na shiga ukuna, mama ki taimakeni kada na mutu". Yadda take maganar zaka fahimci cewa tabbas ba'a cikin hayyacinta take ba, bata ma san me bakinta yake faɗa ba, kawai sambatun surutai barkate take yi.

Ƙara rikicewa ƴar tsohuwar nan ta yi, sai cewa take yi. "A'isha ki nutsuwa ki yi mun magana a nutse ta yadda zan fahimta, yanzu ni bana iya gane komai da kike faɗe". Ita ma tana magana tana haɗe words, saboda a rikice take, kun san irin wannan call ɗin ma sai mai dakiyar zuciya yake iya jurewa baya suma, amma a kiraka irin haka ana kuka ga shi ba gari ɗaya kuke ba, baka san halin da ake ciki ba kuma baka san kan zance ba, in fact bata ma taɓa kiranka ta ce maka tana cikin wata damuwa ba, rana tsaka kawai ayi maka irin wannan kira ai dole bawa ya rikice, idan akwai abin da ya fi rikicewa ma yi zai yi.

Sai sambatu maman Zee take yi ta kasa iya nutsuwa, a haka dai ta kwashe duk abin da ya faru tun daga farko kan auren Khadija da Haidar har izuwa yau ta gayawa mamar tata, tana yi tana kuka hawaye bibbiyu.

Cikin tsananin tashin hankali mamar tata ta ce. "A'isha kin tabka baban kuskure da gyara shi zai yi matukar wahala a yanzu, da hankali da tunaninki har wata zata kaiki wajen wani boka? Shin bana duniyar ne da ba zaki kirani ki sanar da ni ga abin da yake faruwa ba? Ga halin da gidanki yake a ciki? Tun farko ma ban hana ki yin shawara da wata ba? Tun kuna yara na yi na yi na rabaki da Hauwar nan, amma kika ki rabuwa da ita, yanzu ba ga shi ta kai ki ta baroki ba, to ita ina ma mijinta yake? Da auren nata ta biyo baban Zainab ɗin kenan ne ko yaya?". Ta yi maganar cikin maƙurar ɓacin rai!.

"Mama bansani ba, ban san ina aurenta yake ba, ni dai kawai nasan dai tana da miji da yara, ni ba zuwa gidanta nake yi ba, nafi wata 8 ban leƙa gidanta da ƙafafuna ba, mama nashiga ukuna".

A ɗan fusace mamar ta ce mata. "Ai baki shiga uku bama tukun nan A'isha, ba dai shirka haɗa Allah da wani kika yi ba, laifi mafi girma a duniya, ai kin rinƙa shiga masifu kala kala kenan Allah ya kiyaye ba baki nake yi maki ba, amma wlh kin tabka baban kuskure, kuma abin da zan gaya maki a nan yanzu shi ne tun wuri ki fara istigifari kafin abin ya yi nisa ki fara fuskantar fushin Ubangiji, kin taɓa ganina da ko da sassaken itace na jiƙa na sha ne da zaki kama hanyar zuwa wajen boka? Wato duk nasihar da nake yi maki kullum abanza yake ko? Kishi haukace? To tun wuri ki yi gaggawar tuba, ki nutsu ki koma ga Allah, hankalinki ya dawo jikinki kafin mu san abin yi". Ta kai karshen maganar ranta a matuƙar ɓace sosai.

Kuka ne da ya ci karfinta yasa ta ƙasa iya amsa maganar maman, danasani ne kawai a cike a cikin ranta, nadamar sanin Hauwa a rayuwarta ne kawai ya cika mata zuciya. Sam bata san lokacin da mahaifiyar tata ta karaci yin faɗarta ta katse kiran ba. Ita dai ta luluƙa duniyar tunani mafita, a wajen ta sulale ƙasa ta kwanta tana mai cigaba da wani irin kuka mai tsuma zuciyar mai sauraro.

Shi kuwa Haidar dama can kun san ba shiri da ita yake yi ba, dan haka ko da ya ji kukanta ma tsaki ya ja ya koma cikin ɗaki abinsa, ya je ya haye gado ya cigaba da yin barcinsa, dama lokacin tashinsa bata yi ba, kawai sun tashesa ne.

Baban Zainab kuwa da yake ba yin kansa bane, abin hawa ya tara masu shi da Hauwa suka nufi gidanta, da alama ya manta da cewa tana da aure.... Tirƙashi, akwai cakwakiya kam ba kaɗan ba wlh.

🕊️🌼🕊️🌼🕊️🌼🕊️🌼🕊️🌼🕊️🌼🕊️🌼🕊️

🌼DUBAI🌼

Ɗaki mai matuƙar kyau aka kai Leesharh, tamkar ba ɗakin ƴar aiki ba, ya ji komai na more rayuwa, ga bed ɗinta ma katafare da shi, yana shinfiɗe da shinfiɗa ta alfarma, ita kaɗai ce a room ɗin, ba'a haɗata da kowa ba, ta ji matuƙar daɗin kasancewar ita kaɗai ga kuma room ɗin ya ji komai, ga wani haɗaɗɗen sanyin Ac dake ratsa jiki gwanin daɗi.

Ai tana shiga cikin room ɗin bayan Radia da Fadila sun fita, saman gadonta ta kwanta tana mai da numfashi, sai yanzu ta samu damar sauke nannauyar ajiyar zuciya, godiya ta yi wa Allah da ya kawota cikin irin wannan daula, addu'a kawai take yi da Allah ya bata nasara ta kammala aikinta cikin ƙanƙanin lokaci ta koma wajen babanta. Nan take kuma face ɗinta ya canza, tunawa da ta yi da irin aikin da ya kawota, duk sai ta ji ta shiga gagarumin damuwa, yanzu da gaske haka zata yi wannan aiki na leƙan asiri Ramish? Tukun nan ma waye shi? A ina kuma yake? Shi ma a wannan part ɗin yake ko yaya?.

Jin motsin an shigo mata cikin room ɗin nata ne yasa ta yi saurin kai kallonta zuwa bakin kofar shigowa. Fadila ce ta dawo ɗauke da akwatinta, ta je ta ɗauko mata ne.

Sannu da hutawa ta yi mata kafin ta ce mata ga akwatinki nan. Nagode Leesharh ta yi mata tare da binta da kallo, daga haka basu sake ce da juna ko sannu ba har ta ajiye mata akwatin ta fita waje.

Barci mai shegen daɗi ne ya ɗauki Leesharh, ba ita ta farka ba sai wurare karfe 1 na rana, kasancewar yanayin gidan baka iya gane rana ko dare ya yi sai dai ka duba time, sai ya zamana bata iya gane cewa wani lokaci bane a yanzu.

Miƙewa ta yi cikin kasala irin na mai barci ta nufi cikin toilet. Haɗaɗɗene toilet ɗin nata, ita a nata ganin sai take ga kamar wannan room ɗin ai dai'dai yake dana ƴar gida, saboda ta ga ya haɗu ne sosai, da alama ta mance a gidan waye take da har take ƙoƙarin haɗa room ɗinta dana ƴar gida, tab bata san duk wannan haɗuwa na room ɗin nata su shi suke kallo a matsayin na masu aiki ba, kila idan ta shiga bedroom na ƴar gida sumar tsaye zata yi dan haɗuwa.

Akwai komai a cikin toilet ɗin na buƙata, harta su kyawawan towels masu kyau na wanka, ga jacuzzinta ma mai ɗan girma da shi. Wanka ta fara yi kafin ta ɗauro alwala ta fito, tun asali ita Leesharh tana yawan son zama da alwala, shiyasa a duk lokacin da ta shiga toilet bata fitowa sai ta ɗauro alwala ko da ba lokacin yin sallah bane ba.

Akwaitin kayanta ta jawo bayan ta fito daga cikin toilet. Dukka Arabian dressing ne a ciki, daga dogayen riguna, sai riga da sket, riga da wando. Leesharh mayyar son riga da wando ce, tana da son yin gayu sosai, kawai halin babu da suke ciki ne yasa take hakura, amma idan ba haka ba tana da son yin gayu, lokacin da take gaban iyayenta mafiya yawan kayanta riguna da wanduna ne, ta ci gayu gwanin ban sha'awa, ga ta kyakkyawa kuma dirarriyar mace.

A yanzu ma riga da wando ta ɗauko tare da mayar da sauran kayan da ta fitar ciki. Riga da wandon sun haɗu makurar haɗuwa, Arabian dressing ne, wando ne mai kyau dogo har ƙasa, sai rigarsa da ya tsaya mata izuwa gwiwowinta, sannan wani ɗan ƙaramin veils mara girma sosai.

Da alama Leesharh ta jima a tare da larabawa, domin kuwa tsab ta iya dressing nasu ya zauna a jikinta da kyau da kyau, kamar wata balarabiyar gaske, a yanzu ma haka ta shirya cikin wannan kaya ta fita ras abinta, ta yi rolling veil ɗin nan a kanta kamar yadda suke yi, sai kyanta ya kara fitowa sosai.

Wayarta ta ɗauko ta kunna da nufin ta duba time, haka kawai ta tsinci kanta da shiga fargaba da faɗuwar gaba na kunna wayar, sai take jin kamar kada ta kunna wayar ta kyale shi a haka.

Amma haka ta kunna ta duba time. 2:5 pm. Ganin har karfe 2 ta ɗan wuce ne yasa ta zaro waɗan nan manya manyan idanun nata waje. Cikin hanzari ta miƙe tare da fara waige waigen ina ne gabas dan ta yi sallah?.

Sallamar da aka yi daga bayanta ne yasa ta yi saurin juyawa izuwa kofar shigowa room ɗin. Fadila ce ta shigo hannunta ɗauke da abinci a wani katuwar try, ɗazun ma ta kawo mata abincin, sai ta sameta tana barci, shi ne ta koma da abincin, yanzu kuma na rana ne ta kawo mata.

Fadila fa babbar budurwa ce wadda a kallah zata kai 25 year, amma saboda tarbiya irin na gida Abu Abdussalam yasa suma masu yi masu aiki suke ɗaukar kansu kamar dukka ƴan uwa ne, basu nuna banbanci ko fifikon shekaru, suna aiki a tare sun zama kamar ƴan uwan abin gwanin ban sha'awa, yanzu na tabbata kun ji sha'awar yadda Fadila bata nuna cewa ai ta fi Leesharh shekaru dan haka ba zata kawo mata abinci ba, da wasu ne za su ce sai dai ta zo da kanta ta ɗauka, amma a gidan Abu Abdussalam ba'a yin haka, masu yi masu aiki ma suna da tsari na bin doka haka ina kuma ga ƴan gida? Masu aiki ma an koya masu haɗin kai har haka ina kuma ga ƴan gida? Ya kuke tunanin haɗin kan ƴan gidan zai kasance?.

A saman carpet ta ajiye mata abincin tare da sake yi mata sannu da tashi daga barci. Kasancewar ita Leesharh tana under umarni da kashedi na kada ta kula kowa a cikin gidan, sai ya zamana ciki ciki ta amsawa Fadila ɗin, tana yi kuma tana kawar da kanta, dan a wawtarta hakan ce zata sanya ta yi nesa da ƴan aikin kada ta kulla abota da kowa.

Fadila kuwa, ta yi tunanin saboda Leesharh bakuwa ce yasa bata sake da ita ba, ta yi mata wannan uzurin, a in da ta ajiye mata abincin kawai tare da nufar kofar fita waje tana faɗin. "Idan kin kammala cin abincin zanzo na ɗaukeki mu je ki ga wasu gurare a cikin gidan, daga nan sai ki ga parlourn da zaki yi aiki a ciki, sai bedroom ɗin Aunty Sharifat da zaki rinƙa gyara mata, nata ita da Guyson, bedroom biyu ne kawai zaki rinƙa gyarawa, Ummie ta sanar da ni shi ne aikinki".

Nan ma ƙasa ƙasa Leesharh ta amsa mata da. "Okey amma dan Allah ina ce alkibla a wannan gida?".

Da hannu Fadila ta nuna mata gabas tare da sa kai ta fice abinta. Saman carpet ta yi tsaya ta fuskanci alkiblar, sannan ta tada sallah da iya wannan veil na kanta da ta yi rolling.

Bayan ta idar ta yi addu'oi sosai da sosai, lokacin da ta ɗauka tana zuba addu'ar ma ya fi lokacin da ta ɗauka wajen gabatar da sallar. Bayan ta shafa ta matso kusa da abincin nata, dama yunwa take ji, tun safe bata ci komai ba, sai kuka ƴaƴan hanjin cikinta suke yi.

Abincin ta fara zaɓar wanda zata ci, cikin nutsuwa ta zuba a cikin plate, ba ɓata lokaci hannu baka hannu kwarya ta fara cin abincin. Wani tunani ne ya faɗo mata, tunawa da yadda taga yawan Cameras tun daga kan titin da zai kawoka gidan nan har izuwa cikin gidan ta yi. A hanzarce ta ɗaga kanta sama ta fara neman camera a cikin room ɗin nata, dan ta tsorata, a tunaninta akwai camera, kada ya zamana duk abin da take yi masu gidan suna kallonta.

Ganin bata ga alamar camera a room ɗin bane yasa ta cigaba da cin abincinta tana tunanin yadda zata kaya mata a wannan gida.

After some minutes. Ta kammala ci tas, ta ci abincin sosai, sannan ta tattare komai kamar ba'a taɓa cin abinci a wajen ba, ta kwaso kayan abincin ta fito waje. Nan ta bar wayarta a saman bed ɗin tata, ita da aka ce ta ɓoye wannan wayar, kada ta fitar kowa ya gani, ta bari za'a bata wayar amfani a gidan, dan duk masu aikin gidan suna da wayoyi da Ummie ta saya masu wanda zasu iya kiran ƴan uwansu, haka tsarin gidan yake, amma ita Leesharh tun ba'a je ko'ina ba ta baro wayar sirrinta a saman bed wangalam ba sakayawa ta yi waje abinta.... Toh fah, akwai fa ƙura, da alama Leesharh dai ita da kanta zata tonawa kanta asiri a wawtarta da shiriritarta.

Fitowa haɗaɗɗen parlourn nasu ta yi, yadda part na masu aikin gidan yake ma sai ya baka sha'awa, parlourn ne haɗaɗɗe mai cike da komai na more rayuwa, sai bedroom manya manya guda huɗu a cikin parlourn a hawa na farko kenan, a na biyun ma hakan ne har karshe, so ƴan aikin da suke hawa na farko suna amfani da part ɗin, ƴan aiki na hawa na biyu ma haka, in da Leesharh zata yi aiki shi ne ainahin family part, in da ɗakin barcinsu da komai da komai nasu yake kenan, to masu aiki uku ne kacal a wajen, da Leesharh ta zo yanzu sun zamana su huɗu, Fadila da Radia ƴan mata ne da a shekaru ma zasu iya zuwa mate, sai kuma babbar su wadda take kamar matsayin uwa a garesu, ita kam bazawarece wadda a kallah zata kai shekaru 40 haka a duniya, ita take kula da su da kuma aikin da suke yi idan ya yi kyau, sannan tana ɗaya daga cikin masu yin girki a gidan, a hawa na ƙasa ake yin girki ba'a family part ɗin ba, dan Ummie ta ce bata buƙatar kamshin ingredients komai ƙanƙantarsa a hawan nasu, dan haka ba za'ayi amfani da kitchen na part ɗin ba, sai dai ayi girkin a kasa a ɗauko a hauro da shi sama a jere masu a saman table, haka tsarin gidan yake, suna da tsari sosai da sosai, kuma a kan tsarin suke tafiya.

So kowani hawa ƴan aiki huɗu ake ɗauka kamar yadda part ɗinsu yake ɗauke da bedroom guda huɗu. Leesharh tana fitowa ta ci karo da su Fadila suna kallo Arabians film a makeken Tvnsu da yake a cikin parlourn nasu.

Sannu ta yi masu, Fadila ce ta miƙe ta karɓi trayn kayan abincin daga hannunta tare da ce mata ga waje ta zauna mana.

Okey kawai ta amsa da shi tare da nufar saman sofa ta zauna, ita kuma Fadila ta yi waje da kayan abincin.

Shiru ta yi bata yi magana ba, Radia ce ta ce "Ke baki yin magana ne? Gaki kyakkyawa".

Ƙasa kaɗan ta ɗan yi da kanta kafin ta amsa da tana yi. Kasancewar muryarta baya fita sosai yasa Radia bata iya gane me ta faɗa ba, sai kawai ta mayar da kallonta a Tv da suke kallah. Ko a iya kan masu aikin gidan kawai ya isa yasa ku fahimci shi Abu Abdussalam bin Badeen shugaba ne adali, duba kuga yadda masu aikin suke shanawarsu, idan sun kammala aikinsu suna da damar zuwa part ɗinsu su yi wanka su sha kwalliya kamar ƴan gida, su kunna Tv da Ac su samu waje su zauna suna kallo. Akwai emergency phone a gidan ta ko'ina wadda duk wanda yake buƙatar wani abin daga wajen wata ƴar aiki koma a hawa na nawa yake zai iya kiran emergency phone ɗin nan, cikin ƙanƙanin lokaci masu aikin zasu bayyana su kawo mashi abin da yake buƙata, sam Abu Abdussalam bai ƙasƙantar da ƴan aikinsa dake a ƙarƙashinsa kamar yadda saura suke yi ba, ya basu jin daɗi da hutu suma kamar ƴaƴa, har sun dai'na jin kansu a matsayin ƴaƴan talakawa marasa gata, ga shi a duk karshen shekara yana basu dama su je ganin iyayensu bayan ya cikasu da alkhairai dayawa, zai basu abubuwa da dama su kaiwa iyayen nasu, a kaisu da mota a kuma dawo da su, ita ma Ummie ta kara masu, Sharifat da Omar ma wato Guyson ba'a barsu a baya ba, suma in dai masu aiki zasu je ganin gida sai sun basu kyauta mai tarin yawa su ce su kaiwa ƴan uwansu, Sharifat yarinyar kirki, haka zalika shi ma Omar ɗin Gimbiya Zunaira, yana da kirki shiyasa suke shiri da Sharifat sosai, duk gidan su biyun nan ne suke shiri sosai, bayan shi Sharifat bata shiri da kowa, ko sauran brothers ɗin nata, dan basu wasa da ita, kallo ma bata ishesu ba, amma fa suna bala'in kaunarta over, kawai dai basu wasa da ita ɗin ne.

Fadila ce ta dawo cikin parlourn baki a ɗauke da sallama, ta kai kayan abincin cikin kitchen ne ta dawo. "A'isha muje ki ga yadda abubuwa da kuma dokokin gidan suke ko? Daga nan sai na nuna maki parlourn da zaki yi aiki a ciki".

Da mamaki Leesharh ta ce. "Dama ba'a parlourn da muka shiga ɗazun zan yi aiki ba?".

Kallonta da kyau Fadila ta yi tana mamakin yadda take magana, ta ji voice ɗinta baya fita sosai, abin sai ya bata mamaki. Amma sai bata ce komai a kan yanayin maganar tata ba. Sai ta ce. "Wannan parlourn ai na hutawar Ummie ne, ainahin babban parlourn gidan mai ɗauke da part na kowani ɗan gida yana gaba dana Ummie, muje zaki gani".

Ba musu ta miƙe, Fadila ta ɗan yi gaba kaɗan ta na ce da Radia ko zata zo su je ne. Sai kun dawo Radia ta yi mata alamar ba zata je ba kenan.

Fitowa suka yi Fadila tana nuna mata komai daki daki tare da yi mata bayanin yadda komai yake dallah dallah.

Sosai Leesharh ta kasa kunne take naɗan komai da ake gaya mata tare da hanyoyin da suke bi. A haka har suka isa izuwa babban parlourn, sai dai sun ɗan sha tafiya sosai daga part ɗinsu zuwa parlourn, sannan ne suka isa.

Ai a nan ne Leesharh ta zama cikakkiyar ƴar kauye sosai, ko a film bata taɓa ganin parlourn mai girma da haɗuwar wannan ba, gari guda, ya haɗiye sofa set kala kala har set biyar, ya ƙawatu iya ƙawatuwa kamar parlourn shugaban ƙasa. A nan ne part ɗin kowane ɗan gida yake wadda shi ma akwai ɗan madaidaicin parlourn a cikinsa kafin sleeping room ɗinsu.

Ganin yadda Leesharh ta saki baki tana karewa parlourn kallo ne yasa Fadila ta ɗan yi dariya kaɗan kafin ta ce. "A'isha wannan parlourn zaki rinƙa gyarawa, amma ba ke kaɗai bane, Ummie ta gaya mun ke kaɗai ba zaki iya ba, ta ce na rinƙa tayaki, sai kuma part ɗin Aunty Sharifat wanda ga shi can shi ne na tsakiya, na Guyson shi ne a kusa da nata, su ne zaki rinƙa gyarawa ke kaɗai, parlourn kuma zamu gyara a tare".

Jinjina mata kai kawai Leesharh ta iya yi, amma ta kasa yin magana, haɗuwar wannan parlourn ya ruɗar da ita.

Ta yi shiru tana kalle kalle ne can idanunta suka hango mata wani katafaren frame na hoto, yana da girma frame ɗin, an ƙawata shi ya yi kyau sosai. Wani irin zaro idanu waje sosai Leesharh ɗin ta yi a lokacin da idanunta suka sauka a kan hoton da yake a jikin frame ɗin, a hanzarce ta runtse idanunta ta sake warosu a kan hoton. Sam Fadila bata lura da yanayin da Leesharh ɗin ta shiga na ganin wannan hoto ba, hankalinta ita yana can kan yi mata bayanin lokutan da zata yi aiki, bata san Leesharh kam bata a tare da ita ba.

Hoton wani kyakkyawan matashi ne number ɗaya, kyakkyawa ne sosai ɗan wanka, ya sha wanka da idan ka gansa sai ka so ka sake ganinsa, ya fita iya fita a hoton, kamar ka kirasa ya amsa, kansa na sunkuye a ƙasa ya ɗago da dara daran fararen idanunsa, yanayin smooth skin ɗinsa kamar madara, dark black arab hairnsa kamar wadda aka kifawa hula har gaban goshinsa, yana da ɗan ƙaramin lips sosai, hasken fatarsa tasa launin lips ɗinsa ya kara fitowa sosai, a shekaru ba zai wuce 15 to 16 years ba, ya sanya wata ƙatuwar Bluetooth a kunne, da alama dai ɗan gayun ne na gasken gaske, ko kaki ko kaso daga ganinsa kasan ya ci sunan da suke kiransa da shi wato Guyson, dan fa guy ɗin ne da gaske.

So ita Leesharh ba wai kyansa ne ya ruɗata ko kuma wankar daya ɗauka ba, dukka ba wannan ba, abin da ya ruɗa ta shi ne yanayin kamaninsa, tabbas yana kama da wancan matashin da ta gani a gidansu masu nukaf wanda ya je ranar, duk da bata sami damar ganin face ɗinsa da kyau ba kasancewar kansa na kallon ƙasa, amma tabbas a yadda Guyson ya duƙar da kansa ƙasa tare da ɗago waɗan nan kyawawan idanun nasa ba makawa sun yi yanayi da wancan guy ɗin, tabbas sun yi mata kama, wannan shi ne abin da ya ruɗar da ita.

Wani irin wahalallen yawu ta haɗiye tare da fara tunanin wanene ma Guyson ɗin nan tukun nan? Idan har da gaske ne abin da idanunta suka gaya mata na yanayin kamanceceniya a tsakanin Guyson da wancan matashi hakan na nufin kenan already dama makashin Ramish yana nan a tare da shi? Ko dai yaya abin yake ne? To amma idan har makashin nasa yana a tare da shi meyasa za'a turota leƙen asirin motsinsa? Kai ina hakan ba zai yi wu ba.

Wani tunanin ta sake yi a kan to anya wancan matashin da ya je gidansu mai nikaf ɗin nan yasan da abin da suke shiryawa kuwa? To wannan wani irin al'amari mai bala'in rikitarwa ne?.

Ya ilahi ya lilliahi, shi ne abin da Leesharh ta furta a cikin zuciyarta tare da dafe kanta da yake yi mata barazanar tarwatsewa. Sai magana Fadila take ta yi mata, amma ina ko kalma ɗaya bai shiga mata cikin kunnenta ba. Haka Fadila ta gama surutun bayanan nata abanza, ta ce su tafi. Ta yi maganar tare da wucewa gaba.

Ganin tana tafiya ne yasa Leesharh ta rufa mata baya, yadda kuka san wadda kwai ya fashewa a ciki haka take jan kafafunta, duk jikinta ya yi sanyi, sai tunani take yi a kan masu nikaf ɗin nan, faɗi take yi a cikin ranta anya masu nikaf ɗin nan basu da wata alaƙa da wannan gida kuwa? Anya ba ƴan uwan juna bane?.

Nima dai PRINCESS TEEMA an jefani a cikin ruɗani, dan haka bari na bar part ɗin su Leesharh ɗin nan kada su sanya ƙwaƙwalwata ta tarwatse, bari na je na sha Maltina mai sanyi sannan na leƙa mana su Kamran, wata kila kafin na dawo ƙwaƙwalwata zata ɗan huta na samu na cigaba da kwaso maku labarai a kan Leesharh tamu... Amma dai akwai cakwakiya ba kaɗan ba!.

🏞️FOREST🏞️

🤍KADA KU MANTA WANNAN DADDAƊAR LABARIN DAGA ALKALAMIN FATEEMA ZAHRA MUSA A-K-A PRINCESS TEEMA TAKU TA AMANA YAKE🔥💘

Share fisabilillahi 👏

ALLAH KA KARA MANA SON MANZON ALLAH 🔥🤍

Want the next chapter?

ui.create_a_free_arewapen_account_to_save_progress_unlock_paid_chapters_fol