Free chapter · Read without an account
49&50
🤍🔥𝗥𝗔𝗪𝗔𝗡𝗜𝗡 👑 𝗭𝗔𝗟𝗜𝗡𝗖𝗜🔥🤍
🔥CROWN OF INJUSTICE🔥
𝗠𝗔𝗟𝗟𝗔𝗞𝗜𝗡
❤️🔥FATEEMA ZAHRA MUSA ❤️🔥
(❤️A-K-A 𝑷𝑹𝑰𝑵𝑪𝑬𝑺𝑺 𝑻𝑬𝑬𝑴𝑨🔥)
🔥🤍T🔥🤍T🔥🤍W🔥🤍......💻
❤️𝑫𝑨𝑻𝑬 4/9/2024.....✍️📚🌹
For more information *** Whatsapp me only!!.
🤍𝑺𝑻𝑬𝑷 1......✍️📚🔥
اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ❤️
E____________45🔥
Masha Allah. Sanye yake da tsadaddun suit masu zafa, idanunsa a sanye da white glass kamar medicated, dogo ne sosai kamar King Zuhair, kyakkyawar gaske ne ajin farko, da gani kasan jikan Akka ne, ya fi kama da King sosai, sai dai fa ya fi King Zuhair hasken fata gaskiya, shi fari ne tas har ya ɗan yi yellow yellow, King Zuhair kuwa ya ɗan yi ja, yana da kirar jaruman maza sosai, kamar renon Commander Zafar, arab hairnsa ba'a magana, ta sha gyara sai kyalli take yi, tana kwance luf ka tsantsi, kun dai san yadda gashin larabawa yake, to haka suma dai ƴaƴan King dukkansu gashin kan nasu yake, daga matansu har mazan dukka akwai gashi mai matuƙar kyau kam.
Taku yake yi cikin natsuwa, sai dai da kallo ɗaya zaka yi mashi kasan e lallai jarumin namiji ne sosai mai jini a jika, duba da yadda yake a buɗe kuma yana tafiya ne da jikinsa sosai, ba shi da kiɓa sosai, yana dai murmure, Rizwan ya ɗan fisu kiba a cikinsu.
Kai tsaye wajen F-15 Eagle ya ɗin ya nufa, a daidai lokacin shi ma Bilal yake ƙoƙarin saukowa, shi yana sanye da kakinsu na air force, sai dai kakin yaki ne a jikinsa ba normal ba.
Special weapons and tactics uku ne suka takewa Ramish ɗin baya izuwa wajen F-15 Eagle jet ɗin. A lokacin da ya isa wajen Bilal ɗin ya fito sun rungumi juna da Rizwan har ya sake shi ya rungumi Dr Raj suna ƙoƙarin raba jikinsu.
Yana ƙarisawa wajen, shi kuma Bilal ɗin ya yi saurin sakin Dr Raj suka yi hugged ɗin juna shi da Ramish ɗin, da ka gansu ba tambaya kasa lallai waɗan nan jinin King Zuhair ne, da shi da Bilal banbancinsu kaɗan ne, ya fi Bilal tsawo, haka zalika ya fishi da shekaru, sannan ya ɗan fi Bilal hasken fata da kyau, amma aka ce jini ba wasa ba, akwai kamar jini sosai a tsakaninsu.
Da yanayinsu zaka fahimci suna cikin farinciki, sai dai dukkansu babu alamar murmushi a saman fuskokinsu.
"Yah Bilal nafa riga Yah Ramish ƙarisowa wajenka, amma shi ne ka rungumesa kaki kulani ko?". Cewar Guyson dake tsaye kusa da Sharifat yana ƙoƙarin tura wayarsa a cikin aljihunsa.
"Our Guyson ai naga waya kake yi tun da ka ƙariso nan, da waye kake magana?". Bilal ɗin ya bashi amsa, voice nasa sak na King Zuhair, da alama jinin King ya fi na su Mummy karfi sosai, hakan yasa dukka ƴaƴa suke kamanceceniya da shi.
"Waya na yi da daddy, shi ya kirani, shiyasa na ɗauka, ai kasan idan ba daddy ko su Momma ba ba zan ɗauki call ɗin kowa ina murnar ganinka ba". Ya faɗa yana ɗan tuɓune fuska, irin shi gaskiya ba'a kyauta mashin nan ba.
Raba jikinsu suka yi, sannan Bilal ya rungumi Guyson ɗin haɗe da riƙo hannun Sharifat dake tsaye ta yi shiru kamar wata mai sauraran kira'ar Alqur'ani mai girma, sai binsu da kallo take yi.
"Shikenan our Guyson". Cewar Bilal ɗin.
"Yah Bilal sannu da dawowa". Cewar Sharifat ɗin.
Yana riƙe da hannunta ya amsa da. "Yauwa lil sis, fatan kuna lafiya?"
Sai sakin ƙayatattcen murmushin take yi ta amsa da. "Lafiya lou Yah Bilal".
Sakin hannun nata ya yi yana ƙoƙarin raba jikinsa da Guyson. "Wato Yah Bilal lil kawai ka gani ko? Ita ce kawai ka tambaya ya take? Ni baka damu da kasan ya nake ba ko?". Cewar Guyson ɗan rigima. Ya yi maganar kamar zai yi kuka.
Idan da sabo sun daba da mitarsa, shi dai kada a nuna wani ya fishi a gabansa, sai shegen kishi tun yana ƙarami, yanzu wai dan me za'a tambayi Sharifat ya take shi ba a tambayeshi ba, kenan anfi damuwa da Sharifat a kan shi, shi ne yake yi wa raki.
Kallonsa da ido kawai Bilal ɗin ya yi ba tare da ya yi magana ba, domin idan ya biyewa Guyson sai su kwana a nan. Tsayawa Guyson ɗin ya yi a kan shi ba zai tafi ba tun da dai sun nuna sun fi damuwa da Sharifat a kan shi har suna tambayarta ya take shi ba wanda ya tambayi ya yake?.
Ramish ne yasa hannu ya ɗauke shi cak kamar ɗan baby ya saɓa a shoulder ɗinsa suka nufi wajen motocinsu, domin ba biye mashi zasu yi ba, idan ya fara raki kamar wata kaza mai kwanci yake.
Jiga jigan jaruman jami'an air force guda shidda ne suka ƙariso wajen Bilal ɗin, dai'dai lokacin da shi kuma y ƙarisa wajen jerin gwanon motocin su Ramish domin su koma gida. Cikin girmamawa suka ɗaga hannu suka sara mashi, sannan ɗaya daga cikinsu ya ce "Sir office zamu wuce ne?".
Yana riƙe da hannun Sharifat da ya kama tun lokacin da Ramish ya ɗauki Guyson suka nufo wajen motocin, shi kuma sai ya riƙo hannun Sharifat ɗin ya rufa masu baya. Yana riƙe da hannunta ya amsa masu da. "No gida zan wuce, ni da office sai next week kila". Cikin harshen larabci suke maganar.
A cikin mota gidan baya Ramish ya sauke Guyson yana jefa mashi wani irin kallo mai kama da harara. Murmushi Guyson ɗin ya sakar mashi domin yasan ma'anar wannan kallo. Wucewa Ramish ɗin ya yi ya zaka ta ɗayan side ɗin ba tare da ya yi magana ko ya sake bi ta kan Guyson ɗin ba.
Buɗe mashi kofar motar jami'in Special weapons ya yi, ya shiga kusa da Guyson ɗin ya zauna, shi ma Bilal wannan motar ya shiga suka sanya Guyson a tsakiyarsu, ita kuma Sharifat ta shiga wata motar na daban.
Kamar yadda motocin suka shigo a jere haka suka tashi a jere bayan su Rizwan dukka sun koma cikin nasu motocin. Da haka suka nufi gida. Jami'an air force mota guda suka yi masu rakiya zuwa gida, dan Bilal ya ce ba zai je office nasu ba, gida zai wuce, shi ne zasu yi mashi rakiya su tabbatar da ya isa gida lafiya, sannan su koma headquarter ɗinsu.
A wannan karon gudu sosai motocin suke shararawa a saman shinfiɗaɗiyar titin. Hakan yasa cikin ƙanƙanin lokaci suka isa gida.
Leesharh dake kwance a saman gadonta ne ta ji diran motoci a cikin gidan, jiniya ya karaɗe ko'ina, motocin ƴan'sanda da sojojin dukka sun saki jiniya kamar zasu tafi filin daga, hakan yasa jiniyar take tashin kai, ta yawaita sosai.
A hanzarce ta diro kasa daga saman bed ɗin nata, da sauri ta nufi wajen window domin ta leƙa taga su waye ne?.
Sai dai kash, bata samu damar ganin motocin ba, dan already sun wuce izuwa parking space na gidan, shi kuma parking space ɗin yana ta can gefe ne, bata iya ganinsa daga wannan window tata, dan haka bata sami damar ganinsu ba.
Mai da windown ta yi ta rufe tare da sakin labulen, sannan ta nufi waje. Babu kowa a parlournsu, kai tsaye ta nufi barin part ɗin nasu mai gabaɗaya, yau ƙasa ma take son sauƙa. Elevator ta je ta haye ta nufi ƙasa kamar wadda zata ɗauki wani abin. A hawa na biyu ta tsaya, ma'aikata sai hidima suke yi, sai kai komo suke yi, ta sha madarar mamakin ganin ma'aikatan wannan hawa suna da yawa, sai dai bata wani damu ba ta nufi cikin hawar da kyau dan ta sha kallo, ta gaji da kwanciya a ɗaki ne babu abokin hira, ga shi ba da kowa aka yarje mata ta yi hirar ba.
Su Ramish kuwa kai tsaye part ɗinsu suka nufa, shi da Bilal sun jero kamar wasu tagwaye, sai dai Ramish ya ɗan fi tsawo na gaya maku, Dr Raj and Rizwan ma sun jero kansu ɗaya. Ramish yana rike da hannun Guyson dake ta faman kunbure kunbure na anfi damuwa da Sharifat a kansa. Ita kuma Sharifat Bilal ne ya riƙe hannunta suka nufi elevator.
Sam basu leƙa Ummie ba, ita ma bata leƙasu ba sai can yamma da misalin karfe huɗu, a lokacin dakkansu sun yi wanka sun shirya cikin wasu tsadaddun suit masu bala'in kyau, zasu halarci waliman da Abbie nasu ya haɗa ne domin dawowar Bilal ɗin, sai a wannan lokacin ne Ummie ta leƙasu, ita ma ta tsantsar kwalliya cikin wani Turkey gown, kun san yawancin dogayen rigunar mutanen Turkey suna nan da kauri sosai kamar cuit, yadikansu kusan kamar yadikan suit ne, so haka rigar da ta sanya ɗin ma yake, ga rigar ta fita shape ɗinta sosai, ta sha ado kam ba'a magana, ta yi rolling gyalen a kanta.
Part ɗinsu ta isko su, kowanne a cikinsu da abin da yake yi. Ramish yana tsaye a wajen windown parlourn part ɗin nasu yana waya, da alama da King Zuhair yake waya, duba da yadda yake maganar cikin nutsuwa da kuma respect, yana wayar hannunsa na rike da wani haɗaɗɗen cup mai ɗauke da cappuccino a ciki yana sha.
Shi kuma Bilal yana zaune a saman sofa ya tasa waya a gaba yana latsawa yana kuma shan cappuccino dake a saman ɗan table ɗin dake gabansa. Rizwan da Dr Raj sai hira suke yi, jefi jefi Bilal yana saka masu baki a cikin hirar tasu, sun kammala shiri tsab, fita ne kawai basu yi ba, ga shi kuma wajen walimar ya cika da manya manyan baki, ministoci da ƴan majalisu da dai sauran masu muƙaman gwamnati haɗe da ƙananan da manyan sarakuna duk sun hallara, su da aka shirya walimar dan su kuma suna nan zaune a parlournsu suna hira, da alama ma basu so halartar walimar ba, Abbie ɗin ne ya matsa masu a kan lallai su zo, basu son ɓata mashi rai ne yasa suka aminta zasu halarci wajen.
Guyson da ya fi kowa tsantsara kwalliya a cikinsu yana kwance saman doguwar sofa, ya yi shiru kamar mai tunanin wani abin, ita ma Sharifat tana cikin room ɗinta tana tsantsara nata kwalliyar, ita kam sai murna take yi za'a yi walima.
Baki a ɗauke da sallama Ummie ta shigo cikin parlourn nasu. Dr Raj ne ya amsa mata sallamar. Cikin parlourn ta ƙariso, a saman sofan da yake fuskantar Bilal ta zauna.
"Good evening Ummie". Bilal ya faɗa yana kashe hasken screen ɗin wayarsa domin ya bata attention ɗinsa.
"Evening Yah Bilal ya hanya ya kuma aiki? Hope komai normal".
Da yes normal ya amsa mata, sannan ya yi shiru.
"Ya baku fita zuwa hall ɗin ba? Zaku fara halin naku ba?". Cewar Ummien.
Dr Raj ne ya amsa mata da. "Ummie kema dai kin san bamu son zuwa, tun da Abbie ya yi mana dole kuma sai an kusa tashi zamu je".
"Gaskiya a'a banyarda ba, kawai tun da kun shirya ku je, yana jiranku fa, nima can zan wuce sai na ji motsinku alamar kuna nan baku tafi ba shi ne na shigo, dan haka ku tashi kawai mu jera a tare, kun fa san Abbienku bashi da burin da ya wuce ya ganku a kusa da shi, nasan yanzu haka yana cikin damuwa na rashin zuwanku, yana son ya ganku kusa da shi yana nunawa abokansa ku yana kuma alfaharin yin hakan".
Ransu bai so ba, Dr Raj, Rizwan, Guyson and Bilal ɗin suka miƙe, basu son yin ja in ja da ita ne kawai yasa zasu je, shi kuwa Ramish da tun da ta shigo yake waya bai ko kalli in da take ba, sai da ta miƙe zasu fita ne ta ce mashi idan ya gama wayar ya biyosu fa, kada ya ce zai kwanta yaki zuwa dan tasan halinsa. Kai kawai ya gyaɗa mata alamar to, tare da binsu da waɗan nan dara daran idanun nasa.
Sakata a tsakiya suka yi suka nufi hall ɗin. Shi kuwa Ramish ya jima yana magana da King a waya, da kyar suka yi sallama, da alama King ɗin bai so su yi sallamar ne, sai dai Ramish ɗin ya ce mashi. "Kai daddy gobe fa zamu zo, ka bari idan muka zo sai mu yi ta hiran, yanzu Abbie yana jirana ne fa". Da haka dai ya samu suka yi sallamar da kyar.
Yana kashe wayar ya ɗaurata a saman sofa mai zaman mutun biyu, ya kuma ajiye cup ɗin cappuccino dake a hannunsa a saman table, sannan ya nufi cikin katafaren room ɗinsa.
Jim kaɗan ya fito sanye da three cuter jeans trousers sky blue, sai wata farar shirt mai karamar hannu maras nauyi mai laushi sosai, ya cire suit ɗin jikinsa, da alama ba zai je walimar ba kenan.
Wayarsa dake a saman sofa ya ɗauko ya nufi waje. Kai tsaye babban parlourn ya nufa. A saman sofas set da suke kusa da dining room ya zauna, sannan ya ɗauki wayar dake kusa da wajen na emergency ya kira masu aikin dake kitchen ɗin kasa suna girki. Bugu ɗaya aka yi picking call ɗin, dan already akwai wadda aikinta ne kawai ta zauna kusa da wayar, idan an kira ta ɗauka ta ji me ake buƙata, idan an gaya mata sai ta isarwa da masu aiki a kitchen ɗin saƙon abinda ƴan gida suke da buƙata, nan take su kuma ma'aikatan zasu karɓi umarni su fara aiki, wannan ɗaya ne daga cikin tsarin gidan Abu Abdussalam.
A takaice ya sanar da wadda ta ɗaga kirar cewa yana da buƙatar kayan marmari haɗe da ferfesu mai ruwa ruwa kuma mai zafi yana babban parlour. Already tasan wanda ya kirata, domin aikinta ne dama lallai ta tabbatar da ta riƙe muryar kowa, yana ɗaya daga cikin dokokin aikinta, kuma yau a kallah ta shafi shekaru 7 zuwa 8 tana wannan aiki, so ta san voice na kowa a cikin gidan, shiyasa na gaya maku Abu Abdussalam baya ɗaukar ma'aikata jahilai, sai waɗan da suka yi karatu sosai, dan ba'a saɓa mashi dokokin gidansa, sannan aikin gidansa yana buƙatar masu ilimi ne sosai. Tab irin wannan abu haka.....🤔
Cikin girmamawa ta karɓi umarninsa tare da sanar da masu aiki a kitchen ɗin ga saƙon Ramish nan, kuma jira yake yi, dan haka su yi sauri. Kitchen na gidan Abu Abdussalam kawai abin kallo ne, girmansa ya wuci tunaninku, ma'aikatan da suke aiki a cikinsa kawai zasu kai su 20, girki kala kala ake yi a kowani lokaci, kowacce da kalar abincin da take girkawa kuma da kalar aikin da take yi a cikin kitchen ɗin. Idan mace tana ta ɓangaren gas wata kuma tana ta ɓangaren freezers sai ka yi zaton ba'a waje guda suke ba, saboda girman kitchen ɗin, ratar da yake a tsakaninsu ba kaɗan bane, girma ne da kitchen ɗin sosai, tsakanin wajen jera pots da kuma wajen su baker ovens ma ba karamar rata bace ba, girman kitchen ɗin ya kai girman gidan wani ko in ce ya kai girman fili plot guda. emergency phones har guda biyar ne a kowani ɓangare na cikin kitchen ɗin, duk domin saƙon ƴan gida su faɗi abin da suke da buƙata a girka a kawo masu, abin fa ba sauki bane, Daular gidan Abu Abdussalam ya wuci tunaninku, maƙudan dukiya suke narkawa, albashin ma'aikin gidan a kowani wata ma kawai abin a saki baki ana kallo ne. Da yake dukka ƴan gidan manyan kai ne, duk shaggun masu maƙudan dukiya ne, hakan yasa suke pacaka son ransu, ga jiga jigan masu kuɗi su Ramish duk suna nan ai dole su more rayuwa son ransu...... Allah ka yi mana arziki mai albarka.
Ajiye wayar ya yi bayan ya isar masu da saƙonsa, sannan ya jingina kansa da jikin head na sofar, a hankali ya lumshe kyawawan idanunsa kamar mai jin barci. A can cikin hall kuwa sai jiransa su Bilal suke yi, kowa ya dake a saman nasa haɗaɗɗen sofa da aka kawata da kwalliya na alfarma kuma mai tsada, an tanadi waɗan na sofas ɗin ne domin family, sauran bakin da suka halarci walimar kuwa kowanne yana saman nasa sofar, sofas da aka tanadawa family a saman stage suke, na baki kuma a ƙasa.
Hall ɗin a cikin gidan yake, Abu Abdussalam yasa aka gina mashi ita domin yin walima ko wani taro nasa kamar dai yau, ba karamar dukiya aka narka wajen haɗa wannan hall ɗin ba, kamar ba za'a mutu ba, tsadaddun sofa set da ya zuba a cikin hall ɗin kawai kuɗinsu ya isa ya riƙe wani har karshen rayuwasa shi da iyalansa, amma duk shi a kan sofa kawai ya karar da kuɗin, ga kayan alatu da aka zuba domin kara ƙawata hall ɗin, kowani abu idan ka gani a cikin hall ɗin nan aka gaya maka kuɗinsa sai ka saki baki, gabaɗaya bangon hall ɗin ma na glass ne, abin dai sai wanda ya gani, dan faɗar tsaruwar hall ɗin nan da baki ma ba zai yiwu ba.
Sosai Leesharh tasha kwalliyarta cikin wasu dogon wando da riga, dama na gaya maku ita ma abokiyar son wando da riga ne, malesian dress ne, wandon yana da faɗi sosai kamar palazo, rigar kuma ya fitar mata da shape ɗinta, rigar zuwa gwiwanta ya tsaya, sai ɗan ƙaramin veils ɗinsa, sannan rigar yana da igiya ta wajen cikinta, ta ɗaure igiyar a baya hakan yasa rigar ta kara fito mata da shape ɗinta sosai, flat tummyn nan nata shape nasa ya bayyana sosai. Ɗaura veil ɗin a kanta ta yi ɗauri mai kyau, da yake chocolate color ce ita sai launin kayan da suka kasance red color ya yi mata kyau sosai.
Fitowa ta yi daga part ɗinsu domin ta je wajen walimar su rabawa baki drinks da abubuwan da suka da ce, already an shirya glass cups masu tarin yawa da za'ayi amfani da su a wajen, masu zuba lemuka a cikin glass cup's ɗin ma har sun fara aikinsu, masu jera glass cups ɗin a try bayan an zuba drinks ma suna nasu aikin, so su Leesharh kuma aikinsu kawai su ɗauka su rinƙa rabawa waɗan da suke zaune shiru basa motsa baki.
Kamar zata nufi ƙasa, sai kuma ta tuna to ai ita bata san ma a ina hall ɗin yake ba a cikin gidan, bata san ta wani bangare yake ba, hakan yasa ta yanke shawarar tunkarar room ɗin Sharifat ko zata sameta sai su tafi a tare, sai zuba daddaɗar kamshi take yi.
Kasancewar tasan babu kowa a cikin babbar parlourn ne yasa ta yi sallama a ƙasa ƙasa, kai tsaye room ɗin Sharifat ta nufa, sam bata lura da shi a parlourn ba, kasancewar tsakaninsu akwai rata sosai, sai dai kuma tasha madarar mamakin jin ƙamshi parlourn ya sauya daga yadda ta saba ji, kamshin perfume ɗinsa ya rinjayi na parlourn saboda karfin da perfume ɗin nasa yake da shi. Amma bata kawo komai a ranta ba ta wuce wajen Sharifat kai tsaye.
Tana tura kofar room ɗin Sharifat, ita kuma Sharifat ɗin tana sanyo kai zata fito kenan suka yi karo, gwara kansu suka yi ta yadda har sai da dukkansu suka furta wash da ɗan karfi.
Baya kaɗan Sharifat ɗin ta yi tana murje goshinta da Leesharh ta gwara mata kai. A ɗan ruɗe Leesharh ta yi mata sannu tare da ja da baya ita ma.
Ba komai Sharifat ɗin ta ce mata sannan ta ɗaura da cewa. "Kin yi kyau sosai Leesharh, ke kam kowani kaya kika sanya sai sun yi maki kyau, wajen walima zaki je ko?".
Kai ta gyaɗa mata tare da faɗin. "E can zanje mu rabawa mutane drinks, sai dai ban san a ina wajen yake ba, kafin na gama shirina kuma su Radia sun tafi, shi ne nazo tambayarki wajen".
Nisawa ta yi kafin ta ce. "Can zan je nima, muje a tare". Ta kai karshen maganar tare da sanyo kai ta fito, tasha kwalliya sosai cikin abaya, ta yi rolling gyalen a kanta, ta fita ɗas da ita abinta, launin navy blue ya yi mata kyau sosai dan tana da hasken fata.
Juyowa Leesharh ta yi suka nufi dawowa cikin babban parlourn, Sharifat ta sanya takalma mai tsini wato high heel sosai, sai kwas, kwas, kwas take yi a white tiles na parlourn, ita kam Leesharh plat shoe ne a kafafunta, suma plat shoe ɗin Sharifat ɗin ce ta bata kyautarsu kala goma sha biyar, ciki harda high heel guda biyar, amma bata saka high ɗin ba, sai ta ɗauki flat ta sanya, duk da haka ta yi kyau sosai.
Suna ƙarisa zuwa cikin parlourn Sharifat ta tsaya tana ƴan waige waige.
"Lafiya Sharifat kika tsaya?". Leesharh ta tambayeta tana binta da kallo.
"Naji kamshin perfume ɗin Yah Ramish ne shi ne nake neman ta ina yake?". Ta bata amsa tana nufar wajen kofar dining room.
Da farko kamar Leesharh ba zata bita ba, amma tunawa da ta yi tana matukar son taga Ramish ɗin yasa ta yi saurin rufa mata baya, kirjinta sai dukan uku uku yake yi, yau zata kalli wanda ta zo yin aiki a kansa, fargaba da faɗuwar gaba ne cike tab a ranta, ta takure jikinta waje guda saboda rashin gaskiya da kuma tsoro.
Ganinsa yasa Sharifat ta saki wani cool murmushi kamar budurwar da ta ɗauki shekaru tana begen ganin saurayinta sai yau ta gansa, kunsan ba ƙaramin daɗi zata ji ba, to haka ita ma Sharifat ɗin ta ji daɗi sosai har yasa ta saki murmushi ba tare da ta sani ba.
Ita kuwa Leesharh ganinsa yasa ta haɗiyi wani irin wahalallen yawu duk da bata da tabbacin cewa shi ne, amma lallai ba shakka ta ji a jikinta shi ɗin ne kamar yadda masu nikaf suka gaya mata cewa in dai ta gansa to zata ji a jikinta cewa shi ne, haƙiƙa kuwa ta ji hakan, nan take bugawar zuciyarta ya karu, faɗuwar gaba da fargaba suka karu, kanta har wani irin sara mata ya yi, a take a wajen ta ji wani irin karayar zuciga a kan wannan aiki, ji ta yi ina wlh in dai wannan shi ne Ramish to ba zata iya bin diddiginsa ba, wannan ganinsa kawai yana sanyata faɗuwar gaba, iya faɗuwar gabar kuma kawai ya isa ya kasheta, ai wlh idan bata yi hankali ba da kanta zata tonawa kanta asiri, bare ma ace su haɗa ido da shi, wannan tun bai yi magana ba zata ruɗe ta fara ce mashi ba laifinta bane turota aka yi, ta tonawa kanta asiri, har wani irin zufar tsorata da ganinsa ne ya fara tsastsafo mata, yau almost 2 month kenan tana gidan tana son ganinsa, ta jima tana begen ganinsa, yau ta gansa kuma sai ta fara danasanin ganin nasa da ta yi, duk sai ta ji dama ace bata gansa ba da ya fi mata alkhari, yanzu ganinsa da ta yi zai sanya mata fargaba, yanzu zata kasance kullum cikin fargaba da tsoron ranar tonan asiri, dama gata duk a firgice.
"Yah Ramish sannu da hutawa". Cewar Sharifat da take tsaye a kusa da shi.
Ba tare da ya buɗe idanunsa ba, ya kuma ɗauki tsawon minti ɗaya kafin ya amsa mata da. "Yauwa lil sis".
Sosai Leesharh ta kara jin faɗuwar gaba da jin voice ɗinsa, yana da sanyin murya sosai, sai dai muryar tasa akwai kaifi sosai a cikinta, daga ji kasan manyan maza ne suke magana.
A ɗan tsorace Sharifat ta sake cewa. "Yah Ramish ya baka je wajen walima ba?". Ta yi maganar tana ɗan ɗari ɗari, domin tasan halinsa baya son tambaya kuma baya son yawan magana, idan magana ta wuci biyu zuwa uku to baya amsawa koda kuwa Ummie ce ta yi maganar.
Ai kuwa ta gudu bata tsira ba, dan kuwa bai amsa mata ɗin ba, kamar babu shi a wajen. Ganin hakan yasa Sharifat ɗin ta ce da Leesharh su tafi kawai. A hanzarce Leesharh ta juya ta yi gaba, har mamaki ta bawa Sharifat ɗin na yadda ta juya a hanzarce kamar wata maras gaskiya. Amma bata kawo komai a ranta ba, sai ma tunani da ta yi na cewa kodai tsoron Yah Ramish ɗin ne yasa ta birkice haka? Bayanta ta bi kawai suka fita parlourn suka nufi elevator dan su sauƙa kasa.
Sai dafe saitin zuciyarta Leesharh take yi, dan ji take yi tamkar zuciyar tata zai fasa kirjinta ya fito waje, a gaskiya ta tsorata da ganin Ramish, wannan ma fa ba ido cikin ido ta kalle shi ba, akwai aiki kenan.
Hall ɗin kai tsaye suka nufa, yau gidan ya kara cika da jami'ai kala kala saboda ministocin da manyan bakin da suka halarci walimar, an kara tsaro sosai da sosai.
Suna zuwa Sharifat ta wuce saman stage wajen ƴan uwanta ta zauna a kusa da Guyson, ita kuwa Leesharh ta nufi wajensu Radia dake can gefe guda wajen shirya drinks. Tana zuwa ta tsaya idanunta suna a kan stage da Sharifat ta hau.
Izuwa yanzu ta shiga ruɗani sosai, faduwar gaba kuma yana neman kasheta har lahira, ba komai kuma ya hassasa mata hakan ba face ganin, Rizwan, Bilal, Dr Raj da ta yi a saman stage ɗin, ta ruɗe ta yadda har ta kasa iya banbance kamanninsu da Ramish da suka baro a cikin gida, yau rana ta farko da ta fara ɗaura idanunta a kan Abu Abdussalam bawan Allah, tana jin labarin kirkinsa bata taɓa ganinsa da ido ba, ta haura wata biyu a gidan, to yau dai ga shi nan a tsakanin ƴaƴansa.
Da ka gansa ba tambaya kasan yayan Mommar Zunaira ce, yana kama da Guyson sosai, sai ka rantse da Allah Guyson ɗan cikinsa ne ba ɗan kanwarsa ba. Ya sha farar arab jallabiya mai tsada da alkyabbarsa, rawani ya yafa daga kansa zuwa kafaɗunsa, daga sama har ƙasa fararen kaya ne a jikinsa, ɗan gara alkyabbar jikinsa ma akwai ratsin baki kaɗan a jiki, half cover shoe ne a kafafunsa masu bala'in tsada, suma launin fari, waɗan nan family yau sun haɗu iya haɗuwa. Sai dakon jiran Ramish suke yi, shi kuwa basu san ma ya tuɓe ya sanya kayan shan iska yana zaune abinsa ba, yama mance da wani zancen walima da ake gudanarwa a cikin gidan.
Leesharh dai yau fargaba da faɗuwar gaba ne suka kusa yin ajalinta, duk in ta ɗaga ido ta kalli Dr Raj and Bilal sai taga kamar Ramish ɗin take kallah, ta kasa iya ɗaukar try ɗin drinks ɗin ta kaiwa mutane, saboda kerma da hannayenta suke yi, tana tsoron ta ɗauki try ɗin ta je ta ɓarar da shi, glass cups ɗin su tarwatse a wannan haɗaɗɗen tiles ɗin, ga shi kuma yadda aka jera cup's ɗin wasu kan wasu ɗorin ɗosalo tamkar yadda ake jerawa a party na manya manyan shugabannin manyan kasashen ta duniya, sun yi kyau a ido kam, amma ɗaukarsu sai ka shirya, sai mai nutsuwa. So ita dai Leesharh ta kasa iya ɗauka, domin fargaba da faɗuwar gaba sun ja mata kerman jiki.
Waje ta samu ta karshen hall ɗin ta zauna, ta rasa dalilin da yasa kawai ta ji hawaye sun fara gangaro mata a saman face ɗinta, har wani irin shesshekar kuka take yi mai tsuma zuciyar mai sauraro, ita wannan bala'i ya fi karfin shekarunta, ta rasa ya zata yi, ji take yi kawai kamar ta yi wani laifin da zai sanya a kasheta kawai ta huta da wannan bala'i, tana kewar babanta, tana son sake ganinsa koda sau ɗaya ne, idan ta tuna cewa babanta yana hannun masu nikaf, kuma zasu cutar da shi idan bata mayar da hankali ta yi aikinta da kyau ba, sai ta ji wani irin kuka mai karfi ya zo mata haɗe da karfin gwiwar zata iya yin komai a kan baban nata, idan kuma ta tuna wanene Ramish da yadda ta kalli suffarsa da kirarsa sai ta ji zuciyarta ya karaya ta fara yi wa kanta fatar mutu. Ta rasa ina zata saka rayuwarta ta ji sanyi.
Sosai take kuka, kasancewar babu jama'a a wajen yasa ba'a san tana kukan ba, can kashen hall ɗin ta je ta zauna, wajen babu kowa sai camera dake iya ɗaukar hoton wajen, murzan kukanta take yi son ranta wata kila ta huce takaici.
Kamar daga sama ta ga an miƙo mata handkerchief fari tas wanda kamshinsa ya daki kofofin hancinta har sai da yasa ta ɗan lumshe idanunta.
Waye kuma da karfin halin miƙo mata handkerchief? To bari dai mu leƙa KINGDOM OF POWER kafin mu dawo sai mu duba wanene da ƙoƙari ya miƙo mata handkerchief ɗin.
KINGDOM OF POWER 💪🔥💘
Kwance Gimbiya Chuchu take a saman bed ɗinta a cikin room ɗinta bayan an sauko daga sallar jumma'a kenan, ta bawa kofar shigo cikin room ɗin nata baya, tana maƙale da waya a kunne tana magana ƙasa ƙasa kamar wata maras gaskiya, yadda kuka san mai yin soyayya.
A ruɗe Gimbiya Zunaira ta shigo cikin ɗakin idanunta a cike tab da kwallah, ga farin cikin idanun nata sun ɗan yi ja, kwayar Hazel eyes ɗin nata kuma ya kara launi sosai, da alama ta ɗan sha kuka kafin ta zo room ɗin, face ɗinta da ɗan danshin ruwa alamar ta wanke fuska kafin ta zo.
Tana zuwa ta haye saman gadon tana faɗin. "Aunty Chuchu ki tashi na shiga ukuna!".
A tsorace Chuchu ta juyo, dan bata yi tsammanin shigowar mutun ɗakin nata ba, kuma bata ji shigowar autar ba, so hakan ya ɗan tsoritata.
"Auta lafiya?!". Ta tambayeta a ruɗe, ta yi maganar kuma ba tare da ta cire wayar daga kunnenta ba.
Daga ta cikin wayar tata da yake hannunta Rizwan ya tambayeta da lafiya ita da waye?.
A takaice ta amsa mashi da. "Auta ce ta shigo mun ɗaki babu sallama ta tsoritani, ina ɗan zuwa Yah Rizwan bari mu yi magana da ita".
Da okey ya amsa mata. Cikin hanzari ta katse kiran nasa tare da ajiye wayar a gefe, sannan ta juyo da jikinta gabaɗaya ga autar. Ganin idanun kanwar tata cike tab da kwallah ga alamar ta sha kuka kuma yasa ta zaro idanu tare kuma da kara ruɗewa. "Auta lafiya idanunki suke cike da hawaye? Meyake faruwa ne?". Ta yi maganar tana miƙewa zaune.
A tsananin ruɗe autar ta fara yin magana. "Aunty Chuchu na shiga uku, wani abin ne ya fito mun a kirjina, wanka na je yi sai na jishi ya fito mun kamar dutse, ko dai asiri aka yi mun ne? Dan na ji ance ana iya yi wa mutun asiri kala kala". Tana magana hawayen suna ganganro mata a saman fuskarta.
Hakika akwai shaƙuwa mai karfi a tsakanin Zunaira da Chuchu, duk abin da yake damun Zunaira ba zata tinkari kowa ba sai ta fara tunkarar Chuchu ta gaya mata kafin ma ta gayawa Mommarta, basu ɓoyewa juna komai, yanzu haka abin da Yah Jawad ya yi wa Chuchun jiya auta tana nan da shi a ranta zata gayawa Chuchun bata manta ba, abin da yasa jiyan bata sami damar gaya mata ba barci ne ya ɗauketa, lokacin da suka dawo daga wajen yawon nasu, suna shigowa cikin gida suka isko su Sarina a parlourn, shi ne suka zauna yin hira da su har lokacin cin abinci ya yi, ita kuma Chuchu ta shiga ɗaki ta canza kaya, bayan sun ci abinci ne suka wuce ɗakin Chuchun da nufin in sun je auta zata gaya mata ga abin da Yah Jawad ya yi mata a gidan zoo da kuma sauran guraren da suka je, to suna shiga cikin ɗakin kuma Yah Jawad ya kawowa Chuchu wayarta, bayan ta karɓa sai ta ce ya bata number Yah Rizwan, ba musu ya bata, bai kuma kawo komai a ransa ba dan yayansu ne ai, ita kuwa ta sanya number a wayarta ta kira Rizwan ɗin, bai ɗauki call ɗin ba a lokacin, hakan yasa ta ajiye wayar ta nufi toilet dan yin wanka.
Ita kuma auta tana kwance a saman gado tana jiran ta fito ita ma ta shiga, yau a ɗaki ɗaya zasu kwana. Bayan ta fito ta yi shirinta cikin kayan barci masu kyau da tsada, sannan ta haye gado, ita kuma auta ta miƙe ta shiga toilet ɗin da nufin idan ta yi wanka ta yi shirin kwanciya sai tazo su yi hira ta sanar da Chuchun.
Sai dai ko da ta fito daga wanka sai ta tarar da Chuchun tana waya da Yah Rizwan, hakan yasa da ta gama shiri ta zo ta kwanta a kusa da chuchun, tun tana sauraron hiran da suke yi da Yah Rizwan ɗin har barci ya yi awon gaba da ita, washegari da safe kuma suka tashi da batun rashin lafiyar mama, wannan dalilin yasa autar bata samu damar gaya mata ba. To mu koma kan labarinmu.
"Menene ya fito maki ɗin in gani?". Chuchu ta faɗa tana zaro idanun nan nata waje kamar zasu faɗo ƙasa, ta tsorata ita ma tun kafin tasan menene.
A hanzarce auta ta fara zuge zip ɗin rigarta ƙasa tana faɗin. "Ga shi nan ki kallah". Ta yi maganar tana sauke wuyar rigar tata kasa tare da nunawa Chuchun breast ɗinta.
Wani irin dariya ne ya kubcewa Chuchun, dariya ta shiga yi har da rike ciki. Baki auta ta saki tana kallonta. Sai da taga dariyar tata ba mai karewa bane yasa ta fasa mata kuka mai ɗan sauti wadda hakan yasa dan dole Chuchu ta tsayar da dariyar tata.
"Yanzu me kuma abin dariya a nan? Kina ganin abu ya fito mun amma kike mun dariya". Autar ta faɗa cikin kuka.
"To auta ba dole na yi dariya ba".
A kule ta ce. "To idan kika tsaya kina dariya na mutu fa?".
Murmushi kaɗan Chuchun ta sake yi kafin ta ce. "Ba zaki mutu ba, ai ba wani abin bane, girma ne ya zo maki, ke baki yi mamakin ya aka yi ni da su aunty Aneesa muke da breast manya ke baki da shi ba? To kema naki ne ya fara fitowa, sai a dai'na wasa da su Hoorain, a dai'na yi wa maza magana, yanzu an girma, eyee autarmu ta girma ta fara kirgan dangi". Tana magana tana guntse dariya.
Sai yanzu auta ta fahimci menene, nan take ta ji wani irin kunya ya kamata, da sauri ta mayar da rigarta tana turo baki, danasanin meyasa ta nunawa Chuchun ma ta fara yi, har da wani cewa da tasan haka ne ai ba zata gayawa kowa ba, da farko ma Yah Jaish ta so fara zuwa ta gayawa kafin ta gayawa Chuchun sai ta gayawa Mommarta, ashe Allah ya taimaketa ma da bata je ta gayawa Yah Jaish ta kuma nuna mashi ba.
Nima na ce amma da ta je ta gaya mashi zan yi mata dariya kam, yanzu ma n yi mata, Chuchu ta kalle mata tula tulanta da suka fara fitowa😅😅😅😅😅 bye my people's sai mun haɗu gobe idan mai dukka ya kaimu.....
🤍KADA KU MANTA WANNAN DADDAƊAR LABARIN DAGA ALKALAMIN FATEEMA ZAHRA MUSA A-K-A PRINCESS TEEMA TAKU TA AMANA YAKE🔥💘
Share fisabilillahi 👏
ALLAH KA KARA MANA SON MANZON ALLAH 🔥🤍
🤍🔥𝗥𝗔𝗪𝗔𝗡𝗜𝗡 👑 𝗭𝗔𝗟𝗜𝗡𝗖𝗜🔥🤍
🔥CROWN OF INJUSTICE🔥
𝗠𝗔𝗟𝗟𝗔𝗞𝗜𝗡
❤️🔥FATEEMA ZAHRA MUSA ❤️🔥
(❤️A-K-A 𝑷𝑹𝑰𝑵𝑪𝑬𝑺𝑺 𝑻𝑬𝑬𝑴𝑨🔥)
🔥🤍T🔥🤍T🔥🤍W🔥🤍......💻
❤️𝑫𝑨𝑻𝑬 5/9/2024.....✍️📚🌹
For more information *** Whatsapp me only!!.
🤍𝑺𝑻𝑬𝑷 1......✍️📚🔥
اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ❤️
E____________46🔥
"Meyafaru our Auta?". Ta tambayeta tana ɗan murmushin.
"Babu komai Aunty Chuchu". Ta yi maganar kamar zata fasa kuka, ta kuma yi maganar tana sanya hannu ta goge kwallar da yake a saman face ɗinta.
Ɗan rungumota kaɗan Chuchun ta yi tare da ɗan bubbuga bayanta alamar rarrashi tana ɗan tsokanar.
"Sai ki sanar da Yah Omar ko?". Cikin zolaya ta yi maganar.
"Allah Aunty Chuchu ki bari mana bana so". Ta yi maganar kumatu a kumbure kuma cikin shagwaɓa.
"To na bari, amma kin manta ke da Yah Omar akwai amana ne? Bafa ki ɓoye mashi komai shi ma kamar yadda baki ɓoye mun, wannan ne yanzu ba zaki iya gaya mashi ba? Lallai Auta kenan yanzu babu amana da nuna kauna? Kin manta yawan gaya mashi da kike yi cewa shi ne pleasurenki? Tun ba'a je ko'ina ba an fara ɓoyewa pleasure abubuwa". Still cikin zolaya ta yi maganar.
"E ɗin Aunty Chuchu na ɓoye mashi ɗin, kuma kema Allah da ban nuna maki abuna ba".
Wani irin dariyar iyashege ta tuntsure da shi, cikin dariyar take faɗin. "Kai menene kuma abunki ɗin to? Bashi da suna ne".
A ƙule Autar ta raba jikinta dana chuchun tare da ɗaukar wata jibgegiyar pillow da ta sha rigar bedsheet mai matuƙar tsada da nufin ta fara dukan Chuchun da shi.
Ai da gudu Gimbiya Chuchu ta sauka daga gadon tana faɗin. "Bari ma na je na gayawa su Aunty Sarina har da Aunty MieMie cewa Auta ta fara kirgan dangi, ta girma".
Da gudu Autar ta biyota tana faɗin. "Allah Aunty Chuchu ba zan barki ba kuma mun ɓata, kada ki sake yi mum magana, babu ruwana dake daga yau". Tana magana tana binta da gudu.
Kai tsaye part ɗin King Chuchu ta nufa sai dariya take yi kamar wata zararriya, yau Auta na neman kasheta da dariya.
Tana gudu tana waigo Autar taga ko ta kusa isota har ta shiga parlourn King, sai waigowa take yi bata ankaraba ta ji fa bugi faffaɗar kirjin mutun. Baya baya ta yi tana ƙoƙarin faɗuwa tare da ƙoƙarin dakatar da dariyarta da yake shirin zama kuka duba da yadda ta yamutsu fuskarta, da alama ta bugu sosai saboda gudu take yi.
Wuyar doguwar rigar jikin nata ya riƙo tare da janyota gaba ya tsayar da ita a kan kafafunta bai bari ta faɗi ƙasa ba.
Auta ko a jikinta da gudu ta ƙariso wajen ta fara sauke mata wannan pillown a gadon bayanta tana faɗin. "Kuma ko na dakeki ba zan huce ba, mun ɓata kenan, tabbas mun ɓata da gaske!".
A hanzarce Jawad ɗin ya sanya hannunsa ya tare dukar da Autar take kawo mata ba kakkautawa. Saura kaɗan Chuchun ta kifa a kan kirjinsa saboda dukan da Autar ta yi mata ta baya da pillown na ƙarshe yasa ta yi gaba kamar zata kifa, shi kuma a lokacin yana sanya hannunsa zai tari pillown kenan, hakan yasa ta kusa kifawa a kirjin nasa.
"Sorry our Auta tuba muke yi". Yah Jawad ya faɗa yana riƙo pillown da hannunsa ɗaya.
"Allah ya Jawad ni na zan yi sorry ba, yau mun ɓata da Aunty Chuchu baram baram!". Tana magana tana kwaɓe fuska tare da turo baki.
Cike da iya shege da tsokana tana murje gaban goshinta ta ce. "Yah Jawad to ka tambayeta me nayi mata da zata kama dukana haka?". Tana kai karshen maganar wani dariyar ne ya so kubce mata duk da turɓune fuska da ta yi lokacin da ta buge da kirjinsa, maganar a tambayi Autar yasa ta ji dariya ya zo ya kori kukan da take ƙoƙarin yi wa yayan nata.
Kuka Autar ta sanya masu tare da juyawa zata bar wajen dan ta ji cewa Yah Jawad ya tambayi me Gimbiya Chuchu ta yi mata. A hanzarce ya riƙo hannunta bai bari ta bar wajen ba. Cikin sanyin murya ya ce. "Zo Autarmu, zo ki gaya mun me ta yi maki in rama maki yanzun nan".
Habawa me Chuchu zata yi face dariya, shi Yah Jawad fa bai san tambayar me Chuchun ta yi mata bane yasa zata gudu ya zo yana wani tambaya shi ala dole zai rarrasheta kuma ya rama mata.
Hawayen gaske ta fara yi mashi bata ce komai ba, sai wani irin harara da take wurgawa Chuchun da waɗan nan dara daran idanuwan nata. Shi dai Jawad ya rasa gane me matsalar, sun saka shi a duhu.
"Ki faɗi me na yi maki Yah Jawad ya rama maki ya ce". Chuchu ta faɗa ita ma tana jefa mata hararar.
Bakinciki kamar Auta ta sanya hannu a kai ta kurma ihu. Faɗawa jikin Yah Jawad ɗin ta yi tana ɓoye fuska tare da fara yin hawayen gaske, dan ranta ya ɓaci sosai, Chuchu ta kureta.
Wani irin kallo mai wuyar fassaruwa Yah Jawad ɗin ya jefawa Chuchun kafin ya sassauta muryarsa kasa sosai. "Me kika yi mata Jannat?".
Da sauri Autar ta ce. "Babu abin da ta yi mun Yah Jawad". Tana magana tana goga kanta a kirjinsa.
Izuwa yanzu ya fahimci abin sirri ne a tsakaninsu Chuchu take yi mata wasa da hankali take kuma sanyata kuka a banza. Dan haka sai ya ce. "Shikenan our Auta, jeki abinki yanzu zan bata punishment ba tare da na ji ma me ta yi maki ba". Ya yi maganar yana shafa kyakkyawa arab hairnta da ko ɗankwali bata ɗaura ba ta shigo room ɗin na Chuchun a ruɗe, dan a tunanin wani abin ne ya sameta.
Da sauri ta raba jikinta da na shi tare da nufar hanyar komawa room ɗin na Chuchun rike da pillown tana faɗin. "Allah Aunty Chuchu ba zan yafe ba idan kika gayawa wani".
Juyawa da gudu ita ma Chuchun ta yi da nufin ta bi bayanta dan ta ji Yah Jawad ɗin ya ce zai bata punishment, ba zata iya ɗaukar punishment ɗinsa ba.
Aikuwa bai bari ta bar wajen ba ya yi saurin riƙo hannunta tare da janyota ta dawo in da take tsaye ta tsaya. Ƙasa da murya sosai ya yi kamar wani na yi mashi laɓe, kamar kuma maras gaskiya ya fara magana, ita kuma Auta ta yi tafiyarta sai kumbure kumbure take yi.
"Me kika yi mata? Meyasa zaki saka mana ita kuka?". Yana magana yana kallon cikin kwayar idanunta, while ita kuma tana ɗan satar kallonsa ta wani yi ƙasa da kai kamar wata mai ɗaukar darasin hadisi a islamiya!.
"Babu fa komai Yah Jawad". Ta faɗa a sanyayye.
Shiru bai sake yin magana ba, domin ya shagaltu da kallonta, gaskiyar uncle Abbas da King da suke cewa in dai zai haɗu da chuchu sai ya karewa ƴarsu kallo tsab sannan yake kama kansa, ashe dai sun san komai.
Jin ya yi shiru bai sake yin magana bane yasa ta ɗago ido dan ta ɗan saci kallonsa. Ai kuwa tana ɗagowa suka yi four eyes.
"Yah Jawad in tafi?". Ta faɗa ba tare da ta kawar da kallonta daga saman fuskarsa ba, sai dai ba kallon cikin kwayar idanunsa take yi ba.
"Ban gama kallonki ba ai my Jannat". Ya faɗa ba tare da yasan lokacin da hakan ya fito daga bakinsa ba, sai da ya ji ta ce. "Kallona kuma Yah Jawad? Na yi kyau ne?".
Nisawa ya yi, kamar mai jin barci ya furta. "Over ma kuwa kika yi kyau".
"To Yah Jawad ka mun hoto". Cike da zumuɗi ta yi maganar.
Wani irin cool ajiyar zuciya ya sauke tare da ciro wayarsa ɗayar. "Where's my other phone da na baki jiya?".
Sai a lokacin ta tuna da wayar. "The phone is in my room, in je in kawo shi yanzu?". Murya a warware ta yi maganar.
Girgiza mata kai kawai ya iya yi alamar a'a, bai iya sake furta komai ba sai matsowa da ya yi kusa da ita tare da shiga camerar wayarsa, sannan ya ɗaura hannunsa ɗaya a saman shoulder ɗinta. Zafafan hotuna ya fara ɗaukarsu, ita da ta ce ya ɗauketa ita kaɗai ya ɓige da ɗaukarsu a tare.
Sai canza style suke yi sun manta da cewa a parlourn King fa suke, ga shi yau King yana da baki sosai saboda zuwan su Ramish da za su yi gobe, jama'a suna ta kai koma a part ɗin, already kun san dama akwai part na saukar muhimman bakinsa na kusa sosai a cikin part ɗin nasa, so su Jawad suna tsaye ne a tsakanin wannan ɓangare na saukar bakin da kuma hanyar nufa master room na King.
Canza style ya yi daɗi harda kwanciya a saman kirjinsa ta yi, yau abin nema ya samu, Chuchu mayyar ɗaukar hoto, to ga dama ya samu, mai hanata ɗaukar hoton ya takura mata yau da kansa yake ɗaukarta, ai style kuwa sai abin da kuka gani.
Suna tsaka da kashe hotunansu basu ankareba kawai sai tsinkayo muryar Akka suka yi a cikin kunnuwansu tana sababi, ta nufo parlourn ɗin ne tana ta surfa sababi da masifa, da alama wani ya taɓota. Tun daga nesa take faɗin. "Ai Zuhair shi ne ya mori aure, ku cigaba da yi, har ku kwanta a gadon ajalima kada ku dai'na, yo ni idan baku yi haka ba ai sai nace sam sam Zuhair ba mata ya aura ba, kuma idan baku yin haka ai sai na sa a bincika mun ku ko da wata munafurcin a ƙasa, dan cikakkun mata kam dole sai sun ɗana wannan kishi, shi kuma Abbas ba yadda ban yi da shi ba dan ya ƙara aure ya ji daɗin aure amma yaki, shi sam ba aure ya yi ba, dan idan baka haɗa mata biyu a gida suna nuna kishi karara kamar dai matan Zuhair suna faɗa a kanka ba to ba aure ka yi ba, ku ta yi abinku shi ne dai'dai, wadda ta fi sanin kan duniya ta kwace Zuhair ɗin ya tattare a wajenta". Sai sababi take yi.
(Jama'a kun ji mun wannan tsohuwa da bala'i 🤔 ita fa har dattijon arzikinta wato mijinta King Abdul Malik ya kwanta dama ita kaɗai ce matarsa, bata da kishiya, amma take cewa uncle Abbas ya karo aure, Akka sam bata son zama lafiya, ga rikicin tsufa, mata suna faɗa tana kara hura wuta 😅)
Jin motsinta tana surfa wannan uban sababin yasa Jawad yaja hannun Chuchun da sauri suka haura izuwa master room na King, domin idan ya bari Akka ta kama shi da Chuchu a ɗan wannan lungu to fa ya shiga uku, ai ta rinƙa takurawa rayuwarsa kenan, idan ma bata ce zai lalata mata jika ba, dama kun san ba shiri suke yi ba, kullum cikin faɗa da samun saɓani suke, kuma idan baku manta ba Akkar ta sha shiga tsakaninsa da Chuchun tana rabasu faɗa, so tasan basa shiri sam sam, yanzu kwatsam ta gansu a tare a wannan ɗan hanya na zuwa master room ai shikenan ya shiga uku a cikin wanna kingdom ɗin, ba zata barshi ya zauna lafiya ba, kuma abin da yake gudu na kada Jaish ya san halin da ake ciki na tsakaninsa da Chuchun fa to sai ya sani idan Akka ta gansu, bugu da kari Mammiensa ma sai ta sani, kuma ɓoye mata yake yi dan yasan bata son alƙarsa da ƴaƴan King Zuhair, shi kuma a part ɗin ya taso ya girma, ya fi sabawa da su fiye da ƴan uwansa su Sarina ɗin ma, amma bai san dalilin Mammaien ɗin tasa na bata son taga yana alaƙa da ƴan uwan nasa ba, jini ɗaya suke amma tana son raba jini da karfi da yaji.
Kai tsaye room na King suka nufa da gudu, wajen hawa ƴan ƙananan stage da suke a bakin kofar room ɗin na King Chuchu ta yi tuntuɓe ta faɗi, gudun da suke yi ne yasa bata lura da sun iso wajen ba.
Cak Yah Jawad ya ɗauketa suka ƙarisa shiga room ɗin. A lokacin da suka shigo kuma King yana wanka, bai jima da dawowa daga masallacin jumma'ar ba, so shi dama kayansa na zuwa masallaci daban suke da sauran kayansa, saboda daraja da girma da yake bawa ranar, a ranar kwalliya na musamman yake yi, saboda jumma'a babbar rana ce, kayan zuwa masallacin nasa ma na musamman ɗin na musamman ne, idan ya dawo daga masallacin kuma yana yin wanka ya canzasu izuwa wasu na musamman ɗin dan komawa fada ya zauna zuwa yamma irin karfe 5 ɗin nan bayan sallar la'asar kenan, sai a fita yin wannan gasa tasu da suke yi.
Coz yau ba zuwa fada zai yi ba, saboda abin da yake faruwa da Mama, yanzu haka idan ya yi wanka ya shirya wajen Mamar zai wuce, domin idan bai yi haka ba sai ta ce bai yi mata adalci ba, idan Momma bata da lafiya ko Dubai ta koma can yake tarewa, kunga kuwa idan yana son zaman lafiya dole ya zauna kusa da Mamar ma, idan ba haka ba a tashi gidan gabaɗaya da ruwan bala'i......... 😅
Akka dai ta ce idan basu yi haka ba to ba mata Zuhair ya aura ba, da alama fa Akka tana jin daɗin wannan diramar tasu, suna ɗebe mata kewa.
Ganin cewa King na cikin toilet yana wanka, ga kuma Akka a bayansu tana zuwa yasa Yah Jawad ɗin ya sauketa a tsakiyar room ɗin saman shinfiɗar tsakiyar ɗakin, sannan ya riƙo hannunta da sauri suka faɗa cikin dressing room na King. A bayan wajen glass na jera watch ɗinsa suka tsaya suna mayar da numfashi.........
Akka kuwa cikin room ɗin ta shigo tare da zama saman shinfiɗar King ɗin in da yake zama ya huta. A nan ta zauna tana jiran ɗan nata ya fito daga wanka, da alama su Momma sun bakanta mata rai ne yasa ta nufo wajen King dan su yi magana, har ta zauna saman wannan sofa da aka kawata da shinfiɗu na alfarma na gashin jimina bata dai'na zance su Momma ba, sai sababi take yi, aikuwa Allah ya rufawa Yah Jawad asiri, dan a yadda take kan tsini tana surfa sababin nan ta gansu shi da Chuchun a yadda suke ɗin nan ai shikenan rayuwarsa tana kwale kwale, dan ya shiga talatin ma ba uku ba.
Ni kam na ce to su yanzu da suka shigarwa King cikin dressing room ɗinsa ku gaya mun idan ya fito daga wanka zai sanya kaya ya kenan?.🤔 Ya zasu yi idan zai shigo sanya kayansa?🤔 Ga dai Akka a cikin ɗakin, King kuma zai shigo nan, my people's kuna ganin a gudun nan da suka yi sun tsira kuwa?🤔 To ni dai bari na leƙa Daular Abu Abdussalam wato Dubai in dawo, sai naga zasu tsira ne ko asirinsu zai tonu.
Abu Abdussalam empire🤍🔥
LEESHARH....✍️💘
A hankali ta ɗan waro idanun nata waje, from down ta fara kallonsa, a maimakon ta ɗaga idanu ta kalli face ɗinsa, sai ta fara kallon kafafunsa da suke sanye cikin cover shoe masu kyau da tsada launin baki. In a slow ta fara ɗaga idanunta tana binsa da kallon from down ɗin har up.
A tsananin razane ta miƙe tsaye tana zaro idanu waje kamar za su faɗi ƙasa. Domin kuwa a karya na idanunta face ɗin Ramish yake nuna mata, shi ya yi mata gizo a kan fuskar guy ɗin, wannan guy ɗin daban, amma da yake tunanin Ramish ne a ranta sai take ganin kamar shi ne.
Cikin harshen larabci wannan guy ɗin ya ce mata lafiya ta yi irin wannan miƙewa haka? Meyasa kuma ta tsorata da ganinsa? Ko dai ta san shi ne?. Bai san cewa face ɗin Ramish ta gani a tattare da shi ba. Wannan magana da ya yi ne yasa ta dawo cikin hankalinta, nan take idanunta suka kallan mata ainahin kamannin guy ɗin wannan da yake cikakken arab men, fari tas da shi kuma kyakkyawa.
Miƙa mata handkerchief ɗin ya yi yana mai sake ce mata lafiya take kuwa?.
Bata karɓi handkerchief ɗin ba sai dai ta raɓa ta gefensa da sauri domin ta wuce. A dai'dai lokacin kuma Guyson ya iso waje, zai je duba Yah Ramish da ya ki halartar taron ne, zai wuce sai ya hangota tana kuka, shi ne ya ce bari ya ƙariso ya ji me ya sameta ko dan Sharifat sai ya kulata.
Ganin Guyson a gabanta yasa ta ja birki tare da sanya hannu ta hau goge hawayen face ɗin nata da sauri sauri.
Wani irin kallo Guyson ɗin ya bi matashin da ya miƙa mata handkerchief ɗin nan da shi kafin ya ce da shi. "Meka yi mata?". Cikin harshen larabci ya yi maganar. Yadda ya yi maganar kuma sai ka rantse da Allah Bilal ko Ramish ne suka yi maganar, ya yi maganar a dake irin babu wasa a tattare da shi ɗin nan, ya yi ta kuma yana ɗaure fuska sosai.
Kai kai kai, Guyson fa akwai madarar kyau kam, kamar Gimbiya Zunaira yake, sai ma daya haɗe rannan, sai kyan ta kara bayyana so masha Allah, kamar ka yi ta kallonsa ba gajiyawa, da ya ɗaure fuska sai ga shin gerarsa suka haɗe waje guda, hakan ba ƙaramin kara tsatso mashi kyansa ya yi ba, waɗan nan fararen idanun nasa idan ya zaro maka su sai ka gudu saboda girma ga kyau.
Cikin girmamawa wannan matashi ya amsa mashi da babu abin da ya yi mata, haka ya iskota tana kuka shi ne yake rarrashinta. Da alama wannan matashi yasan Guyson sosai duba da yadda ya bashi amsa cikin girmamawa.
"Leesharh meyasameki kike kuka?". Ya yi tambayar yana maido da kallonsa a kanta.
Tana kan goge hawayen da suka ki dagatawa da zuba, ta ruɗe ta rasa wani amsa zata bashi. Shin ta ce mashi kewan babanta ne yasa take kuka ko yaya? Amma idan ta ce mashi kewar babanta ne zai iya sanyawa ya ce a kaita wajen baban nata ta gansa sai a dawo da ita, to a ina zata ga baban nata kenan? Ta sake jefawa kanta tambaya, ta rasa me yakamata ta ce mashi, tasan ƙaramin aikinsa ne duk abin da ta ce ga shi shi ya sakata kuka shi kuma ya ce a nemo wannan abin, ya zata yi kenan?.
Can wata wani dubara ta faɗo mata, cikin hanzari ta amsa mashi da. "Wani kwaro ne ya shiga mun cikin idona, shi ne ya sanya ni yin kuka".
Murya a ɗan kausashe ya ce. "Ta ya aka yi aka samu kwaro a cikin hall ɗin nan? Dole masu gyaran hall ɗin nan su sha punishment, domin kuwa basu yi aikinsu yadda ya dace ba ga shi suna cutar da mutane". Ya kai karshen maganar tare da ciro handkerchief daga aljihunsa ya miƙa mata a kan ta goge hawayen nata, sannan ya yi mata sannu kafin yasa kai ya wuce ya barta tsaye a wajen, ya sha alwashin in aka gama taro dukka masu aikin gyaran hall ɗin sai sun sha punishment, a kan me basu yi aikinsu da kyau ba har suka bar kwari suka iya shigowa cikin wajen suna cutar da bayin Allah?. Da alama Guyson yasan darajan ɗan Adam sosai da sosai.
Ita kuwa tsoro ne ya kamata na ganin cewa zata ɗauki alhakin masu gyaran wajen, bayin Allah basu san komai ba zasu sha punishment a banza, ta shiga damuwa sosai a kan hakan, danasanin yin wannan karya da ta yi ta fara yi, tana yi tana goge hawayen nata da handkerchief ɗin da ya bata, tana kuma shaƙar daddaɗar kamshin dake jikin handkee ɗin.
Katseta da yi mata sannu wannan matashi na bayan nata ya yi. A ɗan razane ta juyo da kallonta a kansa, da alama ta manta da shi yana wajen, hakan ne ya razanata.
Sannu ya kara yi mata yana wani binta da kallo kamar wani tsohon maye. Da yauwa kawai ta amsa mashi, cike da tsoro tasa kai zata bar wajen. Ƙoƙarin dakatar da ita ya yi, da alama yana da wani plan a kanta. Kin tsayawa ta yi domin idan baku manta ba ita Leesharh tana aiki ne bisa umarnin masu nikaf, sai abin da suka ce take yi, dan haka kula maza baya daga cikin tsarin aikinta, hakan yasa ta yi saurin barin wajen.
A hanzarce ta fito daga hall ɗin, tana tafiya tana waige waige kamar maras gaskiya, kirjinta sai dukan uku uku tara tara yake yi, addu'a take yi kawai Allah yasa wannan matashin kada ya biyota, sai zuba uban sauri take yi, a ƙagare take da ta isa wajen elevator ta koma sama ta je ta yi kwanciyarta a room nata dan yau dai aiki ba zai yiwu mata ba.
A garin waige waigen baya da take yi bata ankara ba sai ji ta yi ta yi karo da mutun. Har wani irin jiri ta ji tana ƙoƙarin faɗuwa saboda bata rike jikinta da kyau ba.
Da kyar ta iya kama kanta ta tsaya tare kuma da ƙoƙarin ɗaga idanu dan ta kalli da waye ta yi karo. Daddaɗar kamshin perfume ɗinsu ne ya daki kofofin hancinta. Kusan kamshin perfume ɗin irin na Ramish, hakan ne ya haifar mata da faɗuwar gaba tun bata kalli wanene bane.
Cikin tsoro ta ɗago idanunta da suke jajir har sun ɗan kunbura saboda kuka. Dai'dai lokacin da ta ɗago kai shi kuma Obaid ya yi yunƙurin kai mata mari saboda buge shi da ta yi, har ta sanya wayarsa ya faɗi a ƙasa.
Riƙesa Omaid ya yi dan yasan wlh marinsu ba shi da daɗi sam sam, idan ya mari yarinyar nan ai sai ta suma, duk wanda waɗan nan twins ɗin suka mara fa baya sha ta daɗi, sam marinsu bashi da daɗi. Hakan yasa Omaid ya riƙesa.
Ita sam bata damu da yunkurin kai mata marin da Obaid ya yi ba, ruɗani ma suka jefata, tunani take yi wai shin a gaban madubi take kallon mutun biyu maimakon ɗaya ne ko dai yaya ne? Taga sun yi muguwar kama, ka rantse da Allah mutun ɗaya ne, sun ruɗar mata da ƙwaƙwalwa...... Ni kuwa na ce ba ke kaɗai ba, yayyunsu ma ba iya rabesu suke yi ba bare ke bare, ai su kaɗai suke iya rabe kansu sai Mommarsu, ko King da yake matsayin ubansu baya iya rabesu, sai ya kira Obaid da sunan Omaid, ya kira Omaid da sunan Obaid, Allah ya yi masu halitta ne iri guda sak, ta wannan kamanceceniya da take a tsakaninsu suke amfani su ruɗar da mutane a kullum, baka isa ɗaya daga cikinsu ya yi maka laifi ka ce zaka iya gane wanda ya yi ɗin ba, wane kai, sai dai idan zaka haɗesu dukkansu biyu ka basu punishment, amma gane mai laifi a cikinsu ba abu bane mai yiwuwa.
"Who're you and what are you doing here?". Cewar Omaid ɗin, ya yi maganar kuma bai saki hannun Obaid da ya rike da kada ya mareta ba. Da farko dai sun cewa Guyson ba zasu zo gidan ba, amma daga baya suka ce zasu halarci walimar, shi ne fa Abu Abdussalam ya tura tawagar motoci aka ɗaukosu. Sun ci gayu cikin ƙananan kaya, ga wasu booth da suka sanya a kafafunsu masu kyau da tsada, already kunsan su komai masu iri ɗaya suke sanyawa, harta gyaran gashin kansu iri ɗaya suke yi.
"She looks like a criminal, ban yarda da ita ba". Cewar Obaid, ya yi maganar yana zame hannunsa daga riƙon da ɗan uwan nasa ya yi mashi.
Su suna ta maganarsu ita bata ma a tare da su, duniyar tunani ta luluƙa, ta ruɗe ta rasa gane wai mutun biyu ne a gabanta ko dai ɗaya ne a gaban mirror, sam bata jin abin da suke faɗe ma.
Na gaya maku waɗan nan twins ɗin giveted ne, ƙwaƙwalwarsu kaifi gare shi ga saurin gudun aiki, cikin lokaci ƙanƙani suke iya gane abin da babba baya ganewa, da kallo ɗaya Obaid ya yi mata ya ji ya fara zarginta, bai ma san wacece ita ko me take yi a cikin gidan ba, amma har cikin ransa ya ji tabbas wannan yarinyar maras gaskiya ce.
(Da su twin's a gidan Abu Abdussalam suke da kuwa akwai cakwakiya, dan kuwa cikin minti ɗaya zasu gano Leesharh.😅 Yara kamar wasu aljanu🤔😅)
"Yeah you're right blood, the way she's walking she's totally criminal, and see her eyes like she want to kill someone innocent". Cewar Omaid.
Tsawa Obaid ya daka mata a kan wacece ita?.
Can masu dai, ita bata ma jin me suke faɗe, hankalinta ya yi nisan kiwo. Wani irin raɗaɗin azaba da ta ji ya ziyarci dukkannin ilahirin sassan jikinta ne yasa ta dawo daga tunanin da ta afka. A wani irin mahaukacin razane ta sanya hannu ta dafe ƙuncinta in da Obaid ya sakar mata mari, ji take yi kamar ba'a duniya take ba, nan take ta fara ganin wani haske yana mamaye ko'ina a wajen, ɓangaren da ya mareta ɗin kunnenta ya daina jiyo mata sautin komai. Dama twin's basu shiga aikin special weapons and tactics bama ya marinsu yake da azaban zafi bare kuma su da suke karɓar horo kullum, ga aikin wahala, ai dama idan suka mareka sai ka ji kamshin lahira, to ita dai Leesharh ta ɗan ɗana.
Ƙoƙarin kara mata wani marin Obaid sarkin saurin hawa ya yi, dai'dai lokacin Guyson ya iso wajen, ya fito daga cikin gida wajen Yah Ramish.
"Kai Obaid me ta yi maka zaka mareta?". Guyson ya jefa masu tambaya, while shi kuma Omaid ya riƙe hannun Obaid ɗin dan kada ya kara mata wani marin, yasan idan ya barshi ya kara mata to fa sai dai a kwasheta ranga ranga bayan ta zuba kashi da fitsari a wando.
"Yah Omar who's she?". Cewar Omaid. Omaid fa da kuke ganin nan ya iya takunsa, ya fi Obaid iya tsiya, sai dai shi yana danne zuciyarsa baya saurin hawa, baya yarda ransa ta ɓaci har zuciya tasa ya fita hayyacinsa, sarai yasan me yake yi, da ƙwaƙwalwarsa yake aiki over, ya iya takunsa sanka sanka, yanzu dai kunga shi Obaid har ya arzuƙa, dan sun yi magana bata amsa masu ba har ya fusata ya mareta, shi kuwa Omaid kun ga kamar ma bai san ana yi ba, saboda tsabar iya taku da basaja.
"Ayya she's our new house girl, sabuwar maaikaciya ce fa, kuma innocent girl ce, bata da hayaniya, kawar Lil sister ce ma fa". Cewar Guyson.
Kawar da kansa Obaid ya yi tare da sauke hannunsa daga yunƙurin kara mata marin da ya yi niyar yi Omaid ya tare, cikin ɓacin rai ya ce. "Wannan ba house girl bane ba, criminal ce maras gaskiya, she looks like green snake under green grass".
Omaid zai yi magana Guyson ya riga shi da cewa. "Anyway, koma dai menene kuzo mu tafi cikin hall, wai bama kunce ba zaku zo ba? Ya aka yi kuma kuka zo?".
Guyson bawan Allah, yasan da cewa halin kannen nasa sai su, shi sam bai ɗauki zancensu da wani mahimmanci ba na kiran Leesharh da green snake under green grass da suka yi, dan yasan su fa yaran nan sam sam basu son zaman lafiya, idan basu kaunar mutun ba kalar sharrin da ba zasu yi mashi ba, dan haka sai ya ɗauki abin a zaman cewa basu kaunar Leesharh ce kawai yasa suka laƙa mata wannan suna. Bai san sun fishi gaskiya ba, su fa jami'ai ne, yau tsawon almost shekaru 8 suna a special weapons and tactics academy, a matsayin horon da suke yanzu zasu iya gane ɓarawo cikin dubbannin mutane, horo mai rai da lafiya suke samu, ba makarantace ta kananan kai ba, kun san su kuma da basira, hakan yasa makarantar take alfahari da su sosai da sosai, su ɗin su kaɗai ne tamkar ya dubu a cikin school ɗin nasu. Shi kuwa Guyson da yake karatun computer engineering ina zai gane hakan? Ai babu wannan magana, ba abin da zai gane, su kam sun san duk wasu lago na mutun maras gaskiya.
Da kyar Guyson ɗin ya iya jansu suka bar wajen, har suka bar wajen kuma Leesharh bata dawo cikin hayyacinta ba, ta maru kam ba karya, duk da take chocolate color sai da shatin yatsu biyar ɗin Obaid ya fito ruɗu ruɗu a face ɗin tata, ta ji hannun manya, wannan ma dan ba marin Omaid ta sha ba, da na shi ne ina ga suma zata yi ko mutuwa mai gabaɗaya, dan Omaid ya fi Obaid sanin gurbin mugunta, dama kunsan ko da twin's ɗin a mahaifa guda suka fito ba daban daban ba dole ɗaya yana fin ɗaya wasu abubuwa, to Omaid dai ya fi Obaid wayo, iya shege, iya taku, zafin zuciya, iya sarrafa zuciyarsa, kai da komai ma.
Ta jima sosai a wajen kafin ta fara jin kamshin dawowa cikin hayyacinta. Sai a lokacin kuma ta iya durkushewa kasa a saman gwiwowinta a wajen ta saki wani marayar kuka, wani irin zogi da azaba ne yake ratsa kashi da ɓargon jikinta, har yanzu kuma ta kasa iya tantance wai Obaid da Omaid mutun biyu ne ko dai mutun ɗaya ta gani?.
Ta ɗauki a kallah tsawon good 30 mins s wajen kafin nan ta iya miƙewa tsaye, tana sharar kwallah ta nufi cikin gida. Allah sarki Jasra mai cewa Leesharh bata da saurin kuka to yau ta zo taga Leesharh na sharɓar kwallah kamar ruwan fanfo aka buɗe.
Elevator ta haye ta nufi sama, sai goge kwallar take yi amma yaki dakatawa daga zuba, zogin wannan mari nasa yaki sakinta, tunani take yi su waye su Obaid kuma?. Can zancen wannan matashiyar mata mai nikaf ɗin ya faɗo mata a ranta in da take cewa. "Akwai wasu twin's a gidan, kada ki yarda ki haɗa hanya da su, kada ki takalesu ko wata gardama ta haɗaku, saboda kaifin ƙwaƙwalwarsu zasu iya harbo jirginki". Tuna tattaunawarta da matar yasa ta fara zargin to ko sune waɗan da aka yi mata gargaɗi a kansu? In kuwa sune to ai ta kwaɓe aiki, dan kuwa ga shi dai gardama ce ta fara haɗasu, kuma tun da suka fara cewa suna zarginta to da wuya su kyaleta, idan ma basu fara yin practical na aikinsu a kanta ba... Akwai cakwakiya kam.
Tana haurawa sama ta nufi hanyar da zai sadata da part ɗinsu, tana tafiya zalo zalo kamar wadda kwai ya fashewa a ciki. Kamar daga sama ta tsinkayo muryar Ramish da tun da ta ji ta sau ɗaya ɗazun ya tsaya mata a ranta. Waya yake yi cikin harshen turanci, da alama kuma da abokan aikinsa yake wayar, yana tsaye a gabanta in da take tunkara kenan, sai dai bata ƙarisa wajen ba, da alama wayar ce ta fito da shi daga babbar parlourn izuwa wannan waje.
Cikin hanzari ta ɗan ja da baya kaɗan ta laɓe wajen wani ɗan lungu na kusa da babban parlourn, tattara dukkan nutsuwanta ta yi ta kasa kunne tana sauraron abin da yake faɗa, ba wani gane turancin sosai take yi ba, amma Allah yasa yana maganar yana haɗawa da larabci, hakan yasa tana fahimtar abin da yake faɗa sosai da sosai, ta fahimci ina maganar tasa ta dosa.
NI KAM NA CE LEESHARH FA TA FARA AIKINTA KENAN, TO KAFIN MU JI ME RAMISH YAKE FAƊE BARI MU LEƘA SABON GIDAN BABAN KHADIJA MUGA ME AKE AIKATAWA SAI MU DAWO.
🕊️🌼🕊️🌼🕊️🌼🕊️🌼🕊️🌼🕊️🌼🕊️🌼🕊️
GIDANSU KHADIJAH 💔😥
🤍KADA KU MANTA WANNAN DADDAƊAR LABARIN DAGA ALKALAMIN FATEEMA ZAHRA MUSA A-K-A PRINCESS TEEMA TAKU TA AMANA YAKE🔥💘
Share fisabilillahi 👏
ALLAH KA KARA MANA SON MANZON ALLAH 🔥🤍