Free chapter · Read without an account

PAGE _______20

by SultyWrites · BLOOD CROWN (THE HEIRS APPARENT)




Murmushi yayi me kama dana ƙarfin hali ya ce, "Amma kinyi kuskure babba da baki fara zuwa kinga gidan ba, dan whl zancen da nake Miki ni dai bazan iya cewa dake komai ba saidai kin gani da idonki kawai ".

"Kai dallah Ka min bayani Yadda zan gane mana Ka dinga wani shige da fice".

"Ayya kwantar da hankalin ki, gida dai akwai shi, ɗakuna ma akwaisu amma sauran labarin sai idanun ki sun gane Miki"...........Tsaki taja ta tashi ta bar wurin saboda takaicin sa.

Saida sukayi sallar magriba sannan suka fito, kulle gidan sukayi suka taka zuwa titi suka tsare abun hawa suka hau. Saida suka tsaya gidan Malam ado dan bashi ɗan makullin. A fusace ya karɓi makullin yana binta da harara har ta koma tuk tuk ɗin suka wuce. Kwa na ce kawai ta raba gidan Malam Ado da gidan baba ilerika, tun daga farkon layin Hushaima take bin irin mutanan dake wurin da kallo, layin babba ne dan yana da faɗo, ba takura kuma, ba wuta amma hakan bai hana mutanen unguwar harkar gabansu ba, wasu da fitilar wayarsu wasu da touchlight hakan ya rage ƙarfin duhun dake unguwar, mutane ne ta ko ina kamar yanzu gari ya waye amma fa kallo ɗaya zaka musu saidai kace ALLAH ya shirya kawai.

A ƙofar wani gida Sahnish ya umarci Mai tuk tuk ɗin da ya tsaya, shi ya fara sauka sannan ya ce, "ku fito mun iso".........saukowa sukayi sannan suka sallami me tuktuk ɗi , dakalin kofar gidan tabi da kallo inda a can ƙarshe wasu yam Mata suke zaune suna buga whot babu mai ko dankwali a cikin su. "Har kun iso kenan ?"........ Maganar Baba ilerika da basu lura dashi ba ta dawo dasu daga duniyar kalle kallen da suka tafi.

"ALLAH yayi mun karaso baba!"...........Hushaima ta faɗa. "To bismillah Ku shigo mana".......... Ya faɗi yana wucewa gaba.

A baya suka bishi soro suka fara ratsawa, ɗakuna ne birjik a ciki yayinda wasu matasan samari ke zazzaune kana ganin su kaga yan zauna gari banza, da ƙafa Baba ilerika ya shuri ƙafarsu ya wuce yana faɗin, "Ana nan ana ƙarawa suminti dumi ko. Gafaran Ku dai"..........ya ƙarashe Yana doka kyauren da ya raba soron da cikin gidan.

Ina bama wanda yaji dan wata danbarwa suka tarar a cikin gidan anayi, wasu dattawa ne suke faɗa, ɗayan a ɗan karkace yake alamun yana da lalurar shanyewar ɓarin jiki, ɗayan kuma lpy Lau yake shi ke ma riqe da kwalar rigar marar lpy yana faɗin, "Whl kayi wasa ina iya cillaka cikin rijiyar nan, kana fama da ƙafa ɗaya hannu ɗaya zaka addabi mutane da bala'i a cikin gida".

Dunƙule hannunsa me lpy yayi yana wani zabura shi ala zai kai duka gashi sai haki yake yana faɗin, "Jefani kaga whl saidai mu nitse tare, ni zakawa iskanci da buraubanci Adamu".

"Kai Kai ni kake zagi"............Kaca kaca kokawa ta ɓalle, dawo da kallon ta tayi Kan mutanan da suke tsakar gidan wasu suna ƙofar ɗakunan su wasu kuma sunyi shimfida ƙarƙashin manyan bishiyun mangwaro dake tsakar gidan. Gyaran murya Baba ilerika yayi tare da ƙarawa muryarsa ƙaudi, ya shiga faɗin, "Tohh ya ahlul fituntunu ina muku sallama tare da yawun bakin sabbin baƙin da mukayi, wanda dazu kukaga an shigo da kayan su, to yanzu sun samu ƙarasowa, Kar naji Kar na gani kun dai san Halina yauwa. hajiya bismillah"......... Ya ƙarashe Yana nunawa Hushaima hanya, har ƙofar ɗakunan ya kaisu.

 Hushaima ta leqa ɗakunan nasu dake maqota da juna sannan ta ɗauki na farkon me haɗe da toilet itada Shazeen. Daga nan sukayi sallama da Baba ilerika ya juya ya fita su kuma suka shiga Kimtsa dakunan.

Saida ta kimtsa ko ina ta musu shimfida sannan ta bar Shazeen data fara bacci ta fita tare da jawo Mata ƙofar ta rufo, kamar yadda suka shiga haka ta fito ta samesu saidai yanzu ba faɗa ake ba kawai suna zazzaune ne suna hira, gidan gabaɗaya ƙaurin hayaqin kayan bushe bushe yake, ga wasu mutanan da bata gansu bama a lokacin shigowar su, yanzu taga sun ƙaru hakan ya tabbatar Mata da cewa lalle sun shigo gidan yawa, kallo ɗaya tayi musu ta ɗauke kanta ta wuce ɗakin Sahnish, Yana zaune Yana linke kayan sa ta shigo, ɗagowa yayi da faɗin, "Yanzu nake son zuwa wurinku ma".

"Maganin sauro zaka tashi Ka siyo mana".......... Ta faɗa tana zama gefen katifar tasa da ko zani bata dashi, marabar ta da suminti kaɗan ne.

"Ku shiga net mana ko baki ɗaura ba".

"Kana mantawa da cewa Shazeen bata zama cikin net ko".

"Oh na manta whl, Amma yanzu dare fa yayi kuma ni bansan kan unguwar nan ba ki Kira tsohon can mana ".

"Kai dai kawai kace kaga Yan daba sun firgitaka baza ka iya fita ba kawai".

Yar dariya yayi kana ya ce, "Su ɗin ai abun tsoro ne kuma duk me hankali dole yayi gudu da ransa, mutanen da gabaɗaya kansu a juye yake, hanyar lafiya ai a bita da shekara".

"Yanzu dai a takaice baza Ka fita ɗin ba".

Dan susa kansa yayi da faɗin, "Ni fa nama gaji bacci nakeji whl ".

"To yama kyau saida safe".......... Ta faɗa tana miqewa ta fice, bin bayanta yayi da kallo kawai Yana mamakin yadda ALLAH ya bawa Hushaima taurin zuciya da rashin tsoro wanda yayi imani ko a cikin mazan ba kowa ke da irin jarumtar ta ba.

Tana fita bata tsaya ko ina ba sai ƙofar gida nan ta tarar da wata sabuwar tashar da aka kafa a ƙofar gidan, gefe guda motocin masu kuɗi ne sunyi layi yan mata sai kai kawo suke, gefe guda kuma kungi kungi ne kowa da clique ɗinsa ga wani kida dake tashi irin na yan tasha, yadda kasan kasuwa akeci. Ƙare musu kallo tayi can idonta ya sauka kan wani container tare da hango wannan marar lpyr da ɗazu suka tarar ana faɗa dashi zaune a ciki, da alama container tasa ce . Sauka tayi daga kan dakalin ƙofar gidan ta tsallaka wurinsa. "Salamu alaika".

Kallon sama da ƙasa yai mata ba tare da ya amsa sallamar ba ya ce, " Wacce zaa baki excel ko bensin ko rotmans".......... Hararar ƙasan ido ta aika masa tare da tabe baki ta ce, "Burkutu nake so kana da ita?".

 Dariya yayi, "Ashe hajiyar babban Kai ce babu saidai ki Ƙara gaba".

"Kaga Malam maganin sauro na igiya zaka bani in da akwai".......... Tashi yayi Yana jan ƙafa ya ɗauko yana faɗin, "Akwai mana " . 

Karɓa tayi tare da ɗauko naira ɗari ta miqa masa ta juya zata tafi ya tsaida ita. "Tsaya mana ga canjin ki". 

"Barshi kawai "........... Ta faɗa tana ƙarasa barin wurin zuciyar ta cike da mamakin wanna bawan da ƙafa ɗaya a duniya ɗaya a lahira Amma maimakon ya koma ga ALLAH ya nemi lahirar sa, ya ƙare a saida sigari da goro.




------------------------√



Wani tsararren falo ne da ya gaji da haɗuwa, bashi da girma sosai haka zalika babu wasu tarkace da yawa a cikin sa. Wata kyakyawar matashiyar budurwa na hango zaune riqe da waya ta kurawa hoton wani kyakyawan saurayi ido, kyakyawa ce ajin ƙarshe in nace kyakyawa ina nufin pure beauty, ba wani kayan kirki take sanye dashi ba domin wani guntun custard colour mini skirt ne, sai yar ficiciyar riga data tsaya iya cibiyar ta itama custard colour ta ɗaura wata jacket da tsayin ta zai kai har guiwa grey colour, ta tattare curly golden brown hair ɗinta ta daure in a ponytail style, ƙafarta sanye da high heel René caovilla da igiyoyinsa suka kusan kai guiwarta su ma. 

Wata Mata ce ta shigo kallo ɗaya zaka mata kasan ko zata girmewa ta zaunen ba zaifi da shekaru biyu zuwa uku ba, saidai ita fara ce sosai irin farin turawan nan mai kauu ɗin nan kamar takarda, gashinta orange colour Amma ita ba curly bane straight ne itama irin style ɗin wancan ɗin tayi saidai ita ta tufke shi ya sauka har kusan ƙarshen bayanta, sanye take da irin leather skintight ɗin nan black yabi fatar jikinta kamar wanda aka liqa, sai wata halter neck blouse milk da tabi jikinta itama, kunnen ta maqale da bud, ƙafarta Kuma sanye da wani high heel me masifar tsini na Company Versace Kai zaka ce in an taka karyewa zaiyi, cikin harshen turanci me fita da European accent ɗin su ta ce , "Kia you still haven't gotten ready yet, you know we are the ones to pick the boss up from the airport"...... Saidai har ta ƙaraso ta zauna kusa da ita bata sani ba tayi nisa a wata duniyar bata jin Kira, warce wayar tayi tare da yiwa screen ɗin kallo ɗaya ta fice a gallery, ta rufe wayar ta bata tana da girgiza kanta kaɗan ta ce, "Reeslan still? common get up let's go"........... Ta ƙarashe tana tashi ta nufi ƙofar fita tana faɗin, "The boss's flight will land in the next 30 minutes".........Kamar wadda aka tsikara haka ta mike jikinta har ƙyarma yake tabi bayanta tana haɗawa da dan gudu ta ce, "Ashley wait for me please".

Wata orange Lamborghini suka shiga Ashley ce ta shiga mazaunin driver ita kuma kia ta shiga passenger seat, da wani irin gudu ta ɗauki hanya, cikin salo da kwarewa take murza steering kamar me juya spoon a pot.

Ko da suka ƙarasa airport ɗin basu fito ba, a cikin mota suka zauna, kusan 7 minutes sai gashi ya fito kamar ba Amjad ɗin mu ba, dan saida na kalla na sake kalla dan tabbatar wa, ya sha wani shegen aski da ya mugun fito da kyawun fuskar sa, sanye yake da ash suit da tayi mugun karɓar body structure ɗin sa, idonsa manne da wani munafikin black sunshade, fuskar nan baza ka taɓa karantar yanayin da yake ciki ba, hannunsa ɗaya riqe da wani suitcase. Wasu sojoji ne sun kai wurin su bakwai suka nufo wurin sa, tsayawa yayi jim yana bin kaf ilahirin airport ɗin da kallo kamar me shirin aiwatar da wani abu, a maimakon ya miqo da tafiya akan right side ɗin da yake sai ya yanke yabi left side ɗin sa.

Su Ashley da suka firfito daga motar lokacin da suka hango fitowar sa, suka kalli juna Ashley ta ce, "Where's he?"........... Ta ƙarashe tana waige waige amma ko me kama dashi bata hango ba, ita kuma kia gaban bonnet ɗin ta koma tare da ɗage ƙafarta ɗaya ta ɗan lankwasata ta jingina da motar tare da harɗe hannuwanta a kirji saidai ita ƙasa kawai take kallo. 

 Ashley data gama dube dubenta ta juyo da niyyar zuwa wurin kia wayarta tayi ƙara, dakatawa tayi da tafiya tare da sanya hannunta a aljihun wandon ta dauko wayar ba tare data duba sunan me kiran ba ta ce, "Hello Ace!"........bansan me akace ba daga ɗayan bangaren ta ce, "Okay!".......... Tare da kashe wayar.

"Kia!!!"..........Ta kira ta da dan karfi tare da nufar motar tana faɗin, "let's go, let's go!"...........Bata bawa kia damar tambayar ta ba saboda kunna motar da tayi ta na bata wuta, da sauri kia ta faɗa motar ko gama rufewa batayi ba Ashley Taja motar da mugun gudu suka bar airport ɗin, sai a lokacin kia ta kalleta da faɗin, "Meke faruwa?" 

"An dan samu matsala, Ace yace muje zasu zo daga baya".

"Boss fa ake magana?"............Kia ta sake tambaya tana kallonta. Hankalinta na bisa titi ta sake cewa, "Suna tare".......... Daga Nan duk shuru sukayi har suka koma gida.

Suna shiga kia ta wuce daki ita kuma Ash ta zauna anan falon tare da kunna TV, ta bawa masu aikin umarnin kawo Mata kayan taɓawa, time to time take duba agogon dake manne a bango har 12am ta buga, tashi tayi tana hamma ta bi bayan kia da tuni tayi bacci, ruwa ta shiga ta watsa sannan ta fito ta sanya PJ's ta kwanta.

My people nasan kuna cike da tunanin ko ƙasar Nifaz ne nan to ba ita bace, zaku san wace ƙasa ce nan gaba kaɗan.

Misalin 3:00am Kia ta buɗe ido saboda Knocking ƙofar ɗakinsu da akeyi dan dama sam ita bata da nauyin bacci, "who's that?" ..........."you guys should wake up and come out, we are waiting for you in the living room"........... Muryar wani namiji ya daki kunnenta, sai da ta makawa ƙofar harara kamar yana gabanta sannan ta ce, "Mu na zuwa, tun kafin ka fasa mana kunne da bugu"...........Ta ƙarashe tana jan tsaki sannan ta tashi zaune tare da fara tashin Ashley, buɗe ido tayi tare da tambayar, "what?"..........." Get up, they are waiting for us in the living room".

Tana kaiwa nan ta tashi ta fita, tashi itama Ashley tayi tana mirtsika idanunta tabi bayanta, tare suka shiga falon inda wasu maza biyu suke zaune Amjad cikon na Uku, ɗaya kana kallon sa kaga Italian kyakkyawa ne aji karshe, sai kuma dayan da in baifi Amjad fari ba to zasu zo ɗaya, kallo ɗaya zaka masa kasan akwai class. 

Duk ɗagowa sukayi suna kallon su Kia da suka shigo, saida suka ƙaraso suka zauna sannan suka farawa Amjad sannu da zuwa. "Thanks"....... Kawai ya ce sannan ya gyara zama da faɗin, "let focus on what brings us here, Ace explain to them yanayin yadda aikin yake".

Dan zakuɗowa Ace yayi sannan ya fara musu bayani dallah dallah banda Amjad daya gama kwashe komai a brain box ɗinsa tun daga Denmark, Har Ace ya gama bayanin sa ya rabawa kowa aikin da zaiyi. Ashley ce ta ce, " What about akil?"........ Ido Amjad ya zuba mata yayin da su kuma suka zuba masa suna jiran jin me zaice, tsawon mintuna biyu suna a haka can ya Miqe yana gyara rigarsa ya ce, "Widad will tell you everything"......yana Kai nan ya sa kai ya fice daga falon wanda yayi daidai da karar shigowar saqo a wayar widad ɗin.
 
Minti talatin suka ƙara a falon sannan suka tashi kowa ya nufi makwancinsa dukda kuwa lokacin 4:30am na dare kenan.

Misalin karfe 6pm na agogon ƙasar, tsaitsaye suke dukkaninsu a airport ɗin, Amjad na sanye da thaki colour jeans da black t shirt sai black p cap daya dora ya Janyota ta rufe rabin fuskarsa da take tsuke kamar kullum hannayen sa zube cikin aljihun wandon, gefen sa widad ne shi kuma sanye yake da combat jeans army green da sage colour t shirt. Amjad ne ya fara magana ba tare da ya kalle su ba. "Ya kamata mu maida hankali muyi masa aiki fiye da na kowa saboda mu ma mu sami yadda mukeso, especially ke Kiara kina ban matsala a tafiyata ya kamata kisan wannan aikin daban yake da sauran, kuma ni kinsan a hal.........." Bai karasa ba aka fara Kiran pasinjoji masu tashi, dunƙule hannuwansu sukayi su ukun Amjad, Widad da Ace suka nausa da junansu Amjad ya sake cewa ku kula, sannan suka wuce. Saida suka ga shigewar su Sannan suka koma mota suna jiran jin tashin jirgin su sannan su bar airport ɗin.

Bayan an kammala duk wani Abu da ya kamata suka shige cikin jirgin, baza Ka taɓa kallon su kace tare suke ba yadda kowa ya sha murr, ana saura 2 minutes jirgi ya tashi aka fara sanar da cewa an tsaida tashin jirgi saboda samun sanarwa da akayi cewa Akwai criminals a ciki da ake zargin cewa sun shiga da miyagun kwayoyi.

 Kallon kallo akayi tsakanin Amjad da widad kafin kowannen su ya ɗauke kai, jami'ai ne suka fara shigowa suna bincike tare da karbar passport ɗin kowanne suna dubawa, tashi Amjad yayi ya wuce cikin toilet ɗin jirgin, hakan yasa Widad shi ma tashi da sauri sai............

Want the next chapter?

ui.create_a_free_arewapen_account_to_save_progress_unlock_paid_chapters_fol