Free chapter · Read without an account
PAGE 45
D U H U N D A R E
A 2026 N O V E L
BOOK ONE
ADABI WRITER'S ASSOCIATION
AMEENA IBRAHEEM
OUM-AMEER
Arewapen: @Oumameer2671
Wattpad: @Ummu-Amir
BOOK ONE
PAGE 45
Alhamdulillah! Ina miƙa saƙon godiyata ta musamman ga Gidauniyar Arewa Talent wacce ta kasance ginshiƙi wurin ganin cigaban marubuta,tabbas wannan ƙungiya ta kasance wani haske kuma jigo ga matasa masu baiwa, da haɓaka tasirinsu a wurin al'umma,Ina matuƙar godiya da wannan karammawa tare da fatan Allah Ya saka muku da alkhairi, Ya ƙara ɗaukaka gidauniyar, Ya sa ku zama sanadiyyar cigaban al'ummar Arewa da ma Najeriya baki ɗaya. Allah Ya albarkaci wannan aiki, Ya sa ya zama mai anfani ga al'umma, Jagora Shugaba Muhammad mun gode Allah ya ƙara girma.
****Wayar ya ɗaga a hankali trying to avoid her gaze ya ce.
"Maami..."
Muryartar a ɗan ƙagauce daga can ɓangaren ta ce.
"Maheer wai lafiyanka? I have been calling since amma kuma ba response ɗin ka.."
Hanyar waje ya nufata a gaggauce jin sautin na ta kamar da alamun faɗa yace.
"Na shiga wani abu ne Maami...but I'm sorry. Na ji kaman ranki ya ɓaci."
"No...not all, ai nasan duk abinda kake mai muhimmanci ne. Abeeh ne ya kira ni asking me wai yaushe za ka zo?"
"Wani abu ya faru ne Maami?"
"No ba abinda ya faru, I told you cewa ya kwanta asibiti for 5days and kai ma ka ƙi ka nutsu kwanan nan ballantana in ji yaushe za ka zo ka gansa, shi ne ya kira ni domin bai ganka ka zo ba and kuma ba ka kira sa ba."
"please Maami tell him that I'm sorry, I'm a bit occupied now...but Idan na samu time zuwa an jima zan kira shi in sha Allah. Allah ya bashi lafiya "
"Amin...kada ka manta please..."
"Okay Maami..."
Daga haka ya katse wayar sannan ya mayar da ita cikin aljihunsa.
Sake dawowa ɗakin ya yi wanda ya tarar da ita tana duba wani textbook ya yi mata murmushi ya ce.
"You like it?"
Jinjina kai ta yi a hankali tana mai yin murmushi ta ce.
"Thank you so much..."
Wani irin natsattsen murmushi ya yi wanda ya ƙara sanyata jin wani irin abu mai sanyi na daɗa ratsa zuciyarta wanda ba za ta iya fassara ma abinda take ji ba.
Kasa cewa komai ta yi, zuciyarta na bugawa da ƙarfi tamkar wacce aka ritsa a ragar so tana mai ƙara nutsa kallonta cikin textbook ɗin domin kaucewa kallonsa.
"please let's go and eat, kada ki zauna da yunwa kaman jiya."
Komai ba ta ce ba har suka sauko ƙasa inda taga abinci an girke wanda duk a tunanin ta shi ne wata ƙila ya dafa da kansa. But sai dai kuma daga yanayin zubin abincin da yanda aka tsara shi sai ya yi mata kama da na eatry.
Yana ganin ta ɗauki spoon ya yi excusing kansa ya koma ciki, ba jimawa ya fito cikin shigar jeans and t-shirt da Kuma P-cap wacce ta ƙara fito da shi sannan uwa uba ga sun glasses ɗinda ke ƙara masa kyau wanda ya yi sanadiyyar saka zuciyarta bugawa.
"I will be out for some hours....but zan dawo ba jimawa."
Jinjina kai ta yi tare da haɗiye sauran Tea ɗinda ta ji ya maƙale mata a maƙoshi tun bayan fitowarsa. Ji tayi gabaɗaya kalmomin bakinta sun tsaya akan yanda zuciyarta ta shiga racing tana neman ta zauce.
Yana juyawa ya yi taku ɗaya biyu sai kuma ya tsaya cak sannan ya juyo ya kira sunanta a hankali wanda hakan ya sake hadda sa mata sabon bugun zuciya ya ce.
"Maryam..."
"Na'am..."
Ta amsa tana kallon cikin idanun sa waɗanda ba za ta iya hangowa ba a halin yanzu, sai dai kuma tana iya jiyo kaifinsu ga dukkan ilahirin jikinta.
"Take care...If you need anything...just call me..."
Murmushi ta yi a hankali tana mai ƙara jin farin ciki ta jinjina masa kanta ta ce.
"Okay..."
Daga haka ya fita ya bar ta tana kallon ƙofar har sai da ya ɓacewa ganinta.
Ajiyar zuciya ta sauke a hankali sannan ta miƙe da gudu ta koma kan kujera ta kwanta tana ta wani blushing tana ƙara jin yanda zuciyarta ke wani irin fisga. Lumshe idanunta ta yi a karo na barkatai tana tambayar kanta cewa.
"is this how it feels? Da gaske a kwana ɗaya na fara jin wani abu? Shin hakan ne ga dukkan matan duniya ko kuma ni ka ɗai ce?"
Ringing ɗin Wayanta da ta ji shi ne abinda ya farkar da ita daga duniyar tunanin da ta Nutsa mai cike da ban al'ajabi da kuma ban mamaki.
Tasowa ta yi ta ɗaga kiran Friendy wacce tace mata suna bakin gate ita da su Hafsa en class ɗin su.
A tare suka wuni da su Friendy ɗin sannan da su Yaa Na'ima wacce suka zo ita da su Mummy Nafi da su farouk wanda kamar wasa sai gashi har suka bar gidan bai dawo ba sai misalin eight na dare.
Yanzu kam tsintar kanta ta yi da rashin jin haushinsa wanda bata sani ba ko don ta wuni da su Yaa Na'ima ne oho!.
Tana ganin shi a parlour ta kalle shi ta ce.
"Welcome..."
Jinjina kai ya yi ya ce.
"Thank you. Na ga kina da baƙi ne, hakan yasa ban dawo ba."
Daga haka ya wuce riƙe da wata bag wacce ba za ta iya fassara abinda yake cikinta ba.
Cikin ta koma itama ta yi sallah sannan ta janyo wayar ta tana dubawa inda ta shashace wurin charting da Friendy ɗinta.
Har ta gama duk abinda za ta yi ta kwanta bai ƙara tako ɗakin ba. Mamaki take domin dai kenan inda ba ta ci abinci tare da su Yaa Na'ima ba da shikenan da yunwa za ta kwana.
Washegari da wuri ta shirya ta fito inda ta tarar da abin karinta ta zauna taci sannan sai ga shi ya fito ya ce ta tashi su tafi.
Har bakin Exam hall ya ajiye ta sannan ya kalle ta ya ce.
"Allah ya bada sa'a."
A hankali ta furta.
"Amin. Thank you."
Da kanshi ya fito ya buɗe mata ta fito wanda sai da ya tabbatar ta shiga Hall ɗin sannan ya juya ya koma.
Bayan sun kambala sun fito ta nufi motar amma kuma ga mamakinta sai ta tarar da Anasi yana zaune yana jiranta.
"Anasi ina mijina?"
Ta furta mai cike da mamakin ganinsa.
Ɗan rusunawa ya yi kaɗan alamar girmamawa ya ce.
"Sannu da fitowa Hajiya...daman ɗazu ne ya kirani ya ce na zo na mayar dake gida zai ɗan tafi wani uzuri."
Jinjina kanta ta yi sannan daga haka ya buɗe motar ta shiga ta zauna a backseat sannan ya ja suka tafi.
Ta ji daɗin ganin Anasi domin drivernta ne na amana.
******
Rabi'a dai tunda suka koma Gusau ba ta da wani aikin da ya wuce mata kuka da danasanin abinda ta aikata. A yanzu ta gane cewar duk wanda bai godewa Allah ba tabbas zai gani a ƙwaryar shan sa.
Gabaɗaya lokaci guda rayuwarta da ta fara cikin jindaɗi tare da kafe manyan buruku ta ruguje tamkar a mafarki.
Umma ta yi mata baƙin ciki ta janyo ta ƙasa gashi ta ƙare babu Faris ɗin babu Maheer.
Lumshe idanunta tayi tana mai matso wasu sabbin hawaye da suka zame mata abin ci da shan ta ta miƙe zaune daga kwancen da take tare da janyo wayar ta ta sake dailing numbern Faris a karo na barkatai but still har ta tsinke bai yi responding ba.
Muryar Umma ta ji a kanta wacce ke ɗauke da zallar rarrashi ta ce.
"Ki yi haƙuri Rabi'a..."
Tana mai rushewa da wani sabon kukan tace.
"Wani irin in yi haƙuri don Allah Umma! Kin riga kin gama dani..."
"Haba Rabi'a! haka fa Allah ya tsaro. Yanzu ki yi ta ƙoƙarin ƙara kiran Faris ɗin. Ko shi ai bashi da wata makusa ƙaddara dai ce ta faru..."
"Umma ya ƙi ya ɗaga.."
Jinjina kai ta yi ta ce.
"To ki bar min shi a hannuna In sha Allahu gobe zan tafi wurin malam..."
Da sauri ta girgiza kanta ta ce.
"A'a nidai Umma! Ƙila wancan shegen maganin da kika kawo min shi ne silar ruguxa komai wanda har asara ya janyo min bayan rasa Maheer da na yi. Daman can bake kika haɗani da Faris ɗin ba saboda haka da kaina zan yi ta trying har na samu ya dawo gare ni."
"Uhm? To ai nima na goyi da bayan hakan, domin Faris dai su ma gidansu masu kuɗi ne wanda wallahy muddin kika aure sa za ki huta har nima na samu. Sannan kuma ga shi ma shi ka ɗai ne a wurin ubansa ba shi da ƙanne wanda suke ciki ɗaya ballantana 'yan uba. Dukiya idan yau ubansa ya faɗi ya mutu ta zama tasa halak malak... "
"To amma Umma ai yanzu Baban na sa ya yi aure, kuma budurwa ce ya auro kinga kuwa dole za ta haihu, ko Ince haife-haife tunda ba za ta yarda ta zauna haka kawai ba, daman kuma ko ba'a faɗa ba don dukiyar ne ta aure shi..."
"Yo daman waye zai so wahala Rabi'a? Ai wallahy sai idan mutum bai samu gidan hutun ba. Musamman idan a dangi babu mai ɗan maiƙo kinga wahala ta shiga..."
Cike da jin wani sabon baƙin ciki Rabi'ar ta ce.
"To ai Umma shiyasa na so in samu Maheer ɗin gabaɗaya. Amma sai ki ka zo ki ka kofsa."
Tana gama faɗar haka ta miƙe ta shige toilet domin yin wanka ta bar Umma tsaye jiki sanyaye domin dai ta rasa abin cewa. Shiyasa bahaushe ya ce da muguwar rawa ƙwamma kin tashi,da tun farko sun riƙe abinda ya zo hannunsu da yanxu yana nan bai suɓuce ba.
But ko yanzu ba za ta zauna hakan nan ba domin idan har ba ta samu Faris ba to kuwa za su zamto abin dariya da zunɗe a cikin dangi. Daman ga Baba ya ce aure zai yi mata domin ta gama karatu har abada. To idan ba su kama faris ɗin ba wa za su kama? Daman su ma ba laifi da kuɗin su saboda haka dole ta shiga ta fita domin su samu Faris.
Tana nan tana ta aikin ta tsakar gida taga Rabi'ar ta fito cikin shirinta ta fice tana ce mata sai ta dawo.
*******
Anaam kuwa abu kamar wasa har ta kusa kambala exams ɗinta tsawon 2weeks da 'yan kwanaki Maheer bai dawo ba. Yana garin zuwa gidan ne baya yi ko kuma barin garin ya yi? Allah ne masa ni. Kuma abin baƙin ciki abin mamaki har yau bai kira ta ba bai kuma yi mata text ba ballantana tayi tunanin tana cikin rayuwarsa.
Ita yanzu gabaɗaya ma ta kasa fahimtar shi ɗin wane irin mutum ne? Ta kasa gane ina ya dosa. Gabaɗaya yanzu ta ji ta kamar zuciyarta na so ta tsane shi, ta lura cewa yafi son kansa fiye da komai. Sai ya gama son ransa sannan ya dawo daga baya yana bata wani haƙurin marar amfani. A yanxu ta yarda cewa duk abinda yake yi yana sane yake yin sa babu wani excuse.
Anasi shi ne a tare da ita kullum ya kai ta ya dawo da ita ya kai ta ya dawo da ita har zuwa wannan lokacin.
Zuwan su Aunty Aysha ya kai sau uku gidan na ta, amma ko kaɗan alamu bai nuna cewa sun san baya garin ba ko kuma baya zuwa gidan ba. Ta so ta kira Aunty Dina ta faɗa mata irin wulaƙanci da cin fuskar da ya yi mata amma kuma wani gefen zuciyarta na kwaɓarta akan ta yi hak'uri ta ƙara jira ta gani.
Tambayar kanta take cewa wannan wane irin aure ne? Wane irin rashin sanin daraja da kimar aure ne? Atleast ya kamata ko ya ya ne ya bata muhimmanci a matsayinta na matarsa. Ya kamata ya sanar mata kafin ya saka ƙafa ya yi tafiyar sa. Idan kuma damar hakan bata samu ba atleast ya turo mata text.
Kafin aure bai taɓa kiranta ba and bayan auren ma fiye da sati biyu kiran Mijinta bai taɓa shigowa wayar ta ba. Anya mutumin nan yana son ta kuwa? Ko auren ƙiyayya suka yi ai bai da ce ya yi mata wannan wulaƙancin ba ballantana cewa akayi ya ce yana son ta. Yes! Cewa akayi ya ce yana sonta domin ita dai har yau kunnuwanta ba su jiye mata komai ba. Hakan yanzu ya fara ɗarsa mata zargi da jin cewa kamar akwai wani abu.
Ita ɗin fa ba amaryar Kara ba ce kuma ba 'ƴar tsana ba ce. Mace ce ita mai zuciya a ƙirji. Mace ce wacce aka ajiye ta da sunan matar aure amma kuma ba ta ga amfanin hakan ba. Ta tsane shi! Wallahy ji take ta tsane shi da auren ma baki ɗaya. Wannan abun yayi mata ciwo sosai a rai. Wallhy ta yi nadamar wannan auren. Yaushe ma aka yi daren ballantana gari ya waye. Bai ɓare cingum ɗin ba bai ma tauna ba ballantana ace ya gama shanye zaƙin ya furzar.
Lokaci ɗaya kuma tunaninta ya harba zuwa ga maganar da suka yi a daren da aka kawo ta. Kada ace ya guje ta ne saboda wannan? Kada ace ƙarya ya yi mata ya ɓoye mata baƙin cikin da yake ciki na jin irin labarin ta? To amma miyasa bai guje mata ba tun a daren ranar? Miyasa ya tsaya ya yaudareta? Daman ta sani, da irin ƙaddarar ta babu wani namijin da zai iya jure zama da ita. Miyasa tun farko ta tsaya ƙauron baki har aka kai ga zarga mata igiyarsa uku ba tare da ta faɗa masa gaskiya ba? Yanzu da ya guje mata miye yake nufi? Ina rayuwarta ta dosa? And kuma miye makomarta?
Wani irin marayan kuka ne ya ƙwace mata wanda ba ta san ina ma za ta tsoma ran ta ba. Kuka ta ke tana mai yin nadama marar adadi wanda ta jima har misalin sha biyu saura na dare sannan daga ƙarshe ta miƙe taje a yanda take ko hijabin sallar ta bata cire ba ta kwanta.
Ta jima a kwance zuciyarta na ta yi mata wani irin tuƙuƙi sannan ga rashin sanin abin yi wanda bata san mi ya kamata ta yi ba, bata san wane mataki ya kamata ta ɗauka ba duk da cewa zuciyarta da tunaninta suna hasaso mata wani abun wanda wani sashen na zuciyarta kuma har yanzu bai amince ma ta ba.
Miƙewa ta yi ta sauko daga kan gadon sannan ta fito ta sauko ƙasa ta shiga kitchen ɗinta wanda yanzu take amfani da shi lafiya lau ta buɗe fridge ta ɗauko bottle Water mai san yi Sosai ta ɓalle murfin ta sha.
Ajiyar zuciya ta sauke a hankali tana mai jin ta tsani komai a ranta ta fito da nufin komawa ciki.
Kallon shi ta tsaya tana yi wanda gabaɗaya a yanzu zuciyarta ji take ta ma gama bushewa, domin da a duniyar da ne ta ganshi kwatsam tabbas sai ta firgice, amma yanzu ko kaɗan bata nuna alamar tsoro ba sai ma wasu hawaye marasa adalci da ke neman silalo mata.
Ganin yanayinta ba ƙaramin haddasa masa faɗuwar gaba ya yi ba domin gabaɗaya yanayin fuskanta ya sauya.
"Maryam..."
Ya ambaci sunan ta murya a karye domin da ganin ta bata cikin yanayi mai daɗi.
Maimakon ta amsa masa raɓa gefen shi kawai ta yi ta wuce ta haura ɗakin ta.
Faɗawa ya yi jikin gini yana mai jin gabaɗaya yanda ƙwaƙwalwarsa ta shiga hautsinawa tsabar mamakinta.
Abunda bai gane ba shi ne, haushinsa take ji don ya tafi ya barta ko me? He thought zama a kusa da ita will make her to feel uncomfortable. Wannan yanayin ya tuna masa da yanayinta na ranar da ya shigo ɗakinta da safe, ya lura kaman tana fushi for the first place amma kuma daga baya sai bai ga komai ba. Da alama ma kuka ta yi kuma daga yanayin face ɗinta kaman ta jima tana yi.
Jiki a saɓule ya taka daga ƙarshe ya haura tare da tura ɗakin.
A edge ɗin gado ya sameta ta rufe fuskarta da tafin hannunta wanda da alama kamar ma kuka take.
Zaunawa ya yi gefen gadon tare da sanya hannu da nufin Riƙota ita kuma cikin zafin nama ta miƙe tare da girgiza masa kanta tana mai zubo da hawaye ta ce.
"Ni ɗin nan fa I'm a human...ni ba dutsr ba ce! Ni ba 'ƴar tsana ba ce. Ni mutum ce mai zuciya a ƙirji. Ban faɗa maka labarin ƙaddarata don ka ji ka tausayi min ka tilastawa kanka zama da ni ba,na faɗa maka ne domin ka nemarwa kanka mafita. Da ka yi min bayani tun a wannan daren wallahy da na fahimce ka....but leaving me all alone without any excuse breaks me a million times. Na tsani auren Gabaɗaya. I don't want be in it anymore... "
A gigice ya janyota tare da ƙanƙameta cike da danasani ya ce.
" I'm so sorry wife...bansan cewa nisantarki zai sanyaki a cikin irin mummunan ƙuncin ba. I'm sorry...i promise not to do it again.."
Luf ta yi a cikin jikinsa tamkar ba ita ce ta gama sabbatu a yanzu ba. Kalamansa suna kashe ta tare da juye mata tunaninta a duk sanda yake furta mata su,musamman kalmar wife ɗin da ya ambata ya gama gamawa da ita. Da gaske da wannan kalmar ko kuma da wasa?
" Uzuri ne ya kama ni mai matuƙar muhimmanci a wannan ranar, and ban samu sarari ba gabaɗaya sai yau ɗin nan ki yi haƙuri kin ji...."
Shiru ta yi kawai tana sauraren sa ba tare da ta ce masa komai ba tsawon lokaci.
Ganin kamar ta sauka daga fushin yasa ya ɗan motsa tare da zamewa ya ce.
"I'm coming.."
Daga haka ya fita zuwa ɗakin sa ya yi wanka ya fito sannan ya shirya ya dawo ɗakinta ya kwanta a kusa da ita tare da janyota wanda baya tunanin cewa bacci ta yi.
Gabaɗaya tunanin yanda ta yi reacting ɗazu ya hanawa zuciyarsa sakat. Kukanta ba ƙaramin ƙona masa zuciya ya yi ba. Haushin kansa ya ke ji domin laifin duk nasa ne. Ko ba komai tana da haƙƙoƙanta da suka rataya akan wuyan sa. Shi yaje Oman ne domin ya gaishe da Kakansa sannan kuma ya ga Maaminsa, hakan yasa ya bar ta domin ta samu damar fuskantar Exams ɗin ta ashe hakan bai yi mata daɗi ba.
Lumshe idanunsa ya yi yana mai tariyo yanda ya ruɗe gabaɗaya ganin yanda take kuka. Kallon fuskarta ya yi wanda ya tabbatar masa da cewa ta yi bacci a yanzu.
Sake ƙara gyara musu kwanciyar ta su ya yi yana mai lumshe idanunsa kawai ba tare da tunanin bacci ba domin yasan hakan ma ba zai samu ba. Mamakin kansa yake da har ya iya haura gado ɗaya da ita a matsayin matarsa ba tare da sanin mahaifiyarsa ba. Bai so ko kaɗan ya zurfafa, so yake ya Ƙarya ta tunanin Hamad. So yake ya nuna masa cewa yasan abinda yake yi. Yasan tabbas ko giya yake sha bai isa ya kai ta gaban Maami da sunan wai ita ɗin matar sa ce ba. Shiyasa yake baya-baya domin tafiyar ba mai ɗorewa ba ce.
*******
Ta yi mamakin ganinsa a ɗakin lokacin da ta farka wanda shi har ya shirya ya zauna da alama zaman jiranta yake. Bacci sosai ta yi bayan ta gama sallah wanda a lokacin kuma baya ɗakin ya fita.
Saukowa ta yi ta shige ta yi wanka sannan ta fito sanye da hijab ta shiga mutsu-mutsun shiryawa. Yana kallonta sau ɗaya ya kauda kai wanda bai sake ɗagowa ba sai da ya ji ta buɗe ta fita.
Bayanta ya bi da mamaki a ransa ganin cewa ba ta gaishe da shi ba.
Kitchen ya same ta tsaye gaban Gas tana batun kunnawa ya ce.
"I'm sorry....but you may be late. Ki ci Wan can da aka ajiye miki...."
Can ƙasa sosai ya ji muryarta tana faɗin.
"Wannan ɗin nake so, ba zan jima ba."
Jin hakan yasa ya dawo parlour jiki sanyaye ya zauna zaman jiranta har ta gama ta fito. Ko a mota babu wanda ya yi wa wani magana har suka isa Campus ɗin wanda a yau ita ce Last exam da za ta yi.
Yana ajiyeta ya zauna zaman jiranta har sai da ta fito sannan ya ɗauke ta a mota wanda bata saki ranta ba sai da ganta a Layin gidan iyayenta.
Sosai ta yi farin ciki kamar yanda su ma suka ji daɗin ganinta, a nan ta wuni ita dasu Mubarak da Aunty Na'ima wacce suke dakon haihuwarta ko yau ko gobe. Yinin ta a gidan gabaɗaya ya wanke mata ranta ta daina jin kowane irin ɓacin rai. Ta so ta faɗawa Yaa Na'ima abinda ya faru amma kuma sai ta fasa domin har yanzu kalaman ban haƙurinsa su ne suke mata yawo a zuciya da ƙwaƙwalwarta.
Ana gama sallar Isha ta ga kiran wayarsa wanda ya yi matuƙar ba ta mamaki. Sai da ta yi ringing kusan sau uku sannan Yaa Na'imar ta ɗan zungureta tana murmushi ta ce.
"Amarya sarautar ce kuma ta motsa? Har a anguwa ma sai an yi ba'a bari a koma gida?"
"Hmm!"
Shi ne abinda kawai ta furta tare da ɗaukar bag ɗinta ta shige ɗakin Ammie ta yi mata sai da safe sannan ta fito ta shiga wurin Abbah.
Har bakin mota Mubarak da Na'ima suka rakota suna ta musu tsiya wanda shi dai Maheer murmushi kawai yake har suka bar gidan.
Suna fitowa gidan motar ta yi tsit wanda har suka isa gida babu wanda ya sake yin magana. Suna shiga parlour kamar jira yake ya janyota tare da manna bayan ta jikin bango domin su samu support sosai yana mai trapping ɗinta tare da kai fuskarsa saitin ta ta ya kalle ta cikin ido murya a ƙasa sosai ya ce.
"I'm sorry.!"
Saurin kawar da kanta ta yi tare da saka hannu ta dafe gefen zuciyarta domin ji tayi kamar za ta fito tsabar yanda ta shiga bugawa da wani irin ƙarfi tsabar yanda take ji. Gabaɗaya jikinta lokaci ɗaya ya ɗauki ɓari domin ya sanyata a cikin wani irin yanayi wanda ke neman ya zautar da ita.
"Zamu iya tafiya Lagos ki yi hutu?"
✍️ OUM-AMEER ✍️