Page 46

Hajiya Babba tace"shike nan Allah ya baka ikon sanar da zuri'arka wan nan sirrin,tunda kaga dai dani da kai duk ba dauwama zamuyi a duniyar ba,shekaru ja suke yi,shi kuma wanda ya sani bashi ba labarin sa Allah ne kaɗai yasan halin da yake ciki!'ta ƙara sa maganar cikin fashewa da wani irin kuka wanda daga ji kasan ya daɗe yana cin ranta da zuciyar ta,ta kuma jima tana son yin sa,Alhaji Baba shuru yayi yana kallon ta bai katse mata kukan ta ba,dan ji yake inama shine ya samu damar yin wannan kuka da ya ji sauƙin abinda yake cunkushe a zuciyar sa,ɗan jingina yayi da jikin gadon yana fidda wani irin nishi mai fita da tsananin wahala da damuwa,baka jin sautin komai sai kukan Hajiya Babba da takeyin sa cikin wani irin baƙin ciki da tarin damuwa,cikin rawar murya tace"ya Allah ya Ubangiji na roƙeka ka bayyana min farin cikina kafin ƙasa ta rufe idanuna,ina roƙon ka bayyana sirrin dake ɓoye,ka fiddani daga cikin duhun da na shiga,ka kuma kawo farin ciki acikin rayuwar ɗana Umar ka bayyana masa sashin sa farin cikin sa, Allah ka nuna min ranar da zanga farin ciki da walwala a kan fuskar sa wanda yake daga cikin zuciyar sa!'amin Alhaji Baba yake ta cewa yana jin tururin dake kwance cikin zuciyar sa na lafawa,saboda tasirin addu'ar dayake ta nanatawa a duk lokacin da wata damuwa ta taso masa,allahumma la sahlan,itace addu'a mafi sauƙaƙa damuwar zuciya.

Dadyn Sayyid nifa na gaji da gafara sa har yanzu kuma banga ƙaho ba,kullum cewa kakeyi Sayyid zai dawo,amma har yanzu da muke cikin kwana na uku da ɓatan sa,babu wani labari mai daɗi akan sa, gaskiya ka nemo min yarona dan na gaji da wannan daɗin bakin naka!'Dady Mansur ya zaburo cikin masifa yace"au Nine nake miki daɗin bakin?ko kina tunanin kin fini shiga tashin hankalin rasa shi?ke baki san ko mai akan abinda nake tunani ba shi yasa bazaki gane tashin hankalin da nake ciki ba,amma saboda wuyan ki yayi kauri har Ni zaki duba kice ina miki daɗin baki!'ya faɗa yana ƙureta da kallon sa,bata ce masa ko mai ba sai da taje bakin step ɗin da zai kaita ɗakinta,ta juyo kana tace"ai dole hankalin ka yafi nawa tashi tunda kasan baka shuka gaskiya ba, yarona yana can za aɗauki fansar abinda kake yi akan sa,to kasani shi Allah babu ruwan sa, dan da wanda yayi zina da wanda ya tsaya akayi agabansa yana kallo duk ɗaya suke,tunda cewa yayi la taƙrabuzzina kada ku kasanci zina,to kaga kuwa baka da wata mafita laifin duk ɗaya ne kuma hukun ci daya,Ni dai kawai kasa waɗan da suka ɗauke min ɗana su dawo min dashi tunda shi baiji ba bare gani!'tana gama faɗar haka ta haura dakin ta da gudu,dan tasan kaɗan daga aikin Mansur ya faffalla mata maruka,a lallai wuyan ki yayi ƙauri,to zan ɗauki mummunan mataki akanki kuwa,da idan ba tsoro ba ki tsaya mana,da kuwa kin sha mamakin abinda zai biyo bayan waɗan nan mugayen kalaman naki!'fita yayi ran sa amatuƙar ɓace.

A ranar nan ne dai kuma Abdallah yayiwa gidan sirri tsinke wanda tunda aka kai masa Sayyid aka ajiye bai waiwayen shi ba sai yau ɗin,zama yayi agabansa bayan Faisal ya saka masa kujera,kallon Sayyid ɗin yake wanda duk ya fita daga haiyacin sa duk da cewa ba dukan sa ake ba, kuma ba A hana shi ci da sha ba,kawai dai babu maganar wanka sallah dai ko ba yayi dole yayi ta,sai dai babu sakewa kuma ɗakin da aka saka shi aciki babu haske ko kaɗan,waɗan nan abubuwan sune suka sauya Sayyid tamkar ba Sayyid ɗan gayu da wanka ba,zuba masa ido yayi bayan yasa an haska masa wajen da wada taccen haske, Sayyid ɗin shima kallon sa yake cike da mamakin dama shine yasa aka kawo shi gurin nan,ɗan ɗage girar sa yayi kamar yadda ya zame masa jiki,kana yace"kayi mamaki ko? Sayyid yace"me nayi maka kuma da ka rabani da jin daɗi na?sai da Abdallah ya shaƙi ƙamshi,na ɗan wasu sakanni,kana yace"tambayar ka zanyi me by kasamu amsar taka tambayar acikin tambayar da zanyi maka, Sayyid bana so kayi min gaddama,saboda aikina na gaggawa ne,idan kuma har kana son fita daga gurin nan kaje kaci gaba da shaƙar iskar duniya kusa da mahaifin ka to ka gaya min gaskiya karkayi min karya!'kawar da kai Sayyid yayi tare da cewa me kake so ka tambaye ni?in dai na sani zan baka amsa!'ɗan tafa hannu Abdallah yayi tare da cewa yauwa kasamawa kanka lafiya,kana yace"waye yasaka shiga rayuwar Bint?kallon sa yayi da alamar bai gane Bint ɗin da yake nufi ba,gane hakan ne yasa Abdallah cewa Bintu my wife u understand,wani kafurin murmushi Sayyid yayi kana yace"au cewa zakayi bagidajiyar ƴar aikin inn...kafin ya kai ga ƙarasa abin da yake son faɗa Abdallah ya ɗebe shi da wasu mahaukacin marika hagu da dama wanda Sai da duniyar ta tsayawa Sayyid gaba ɗaya, lokaci ɗaya hancinsa ya fara zubda jini,cikin kakkausar murya Abdallah yace"tare da nuna shi da yatsa,kar ka sake ka bari wannan ruɓaɓɓen bakin naka ya kuma furta ƙazaman kalamai akan kyakykyawa mai kyakykyawar aniya kamilalliya mai kamilalliyar zuciyar matata,bana son raini ka mutunta Bintu tamkar yadda zaka mutunta iyayenka,koma fiye da haka,domin na tabbata tafisu kyan zuciya da mutuncin da za a mutunta ta,amsa kawai nake buƙata a gurin ka ba wasu ban zayen kalaman ka ba,ina sauraren ka,kabani amsar abinda na tambaye ka,saboda ina da abinyi!'ya faɗa yana duba tsadadden agogon dake ɗaure A tsintsiyar hannun sa,cikin wahala da nadamar shiga hurumin Abdallah da yayi Sayyid yace"nima ban san ta ba,a flazer muka haɗu da ita ta bani kwangilar sawa Bintu ido da kawo mata rahotanni akanta,amma wallahi ban san ta ba!'kamar ya baka santa ba?baka ga fuskar ta bane ko kuma kaga fuskarta sanin tane bakayi ba?girgiza kai Sayyid yayi cikin fitar da wahalallan numfashi yace"niƙabi ne a fuskarta, da ɓaƙar doguwar riga ban gane ko mai atare da ita ba,ban san komai A kan ta ba!'to meye manufarka ta karɓar tayinta? Abdallah ya tambaye shi cike da takaicin wawancin sa,nima saboda ina da manufa akan Bintun shi yasa na karɓa!'meye manufarka akanta? Abdallah ya kuma jefa masa tambaya,sunkuyar da kansa Sayyid yayi kana cikin rawar murya yace"sonta nake taƙi bani dama saboda tana da matukar kamun kai da nutsuwa,hakan ne yasa ko fuskar da zan yi mata wasan banza ban samu ba shi yasa Ni kuma nake jin haushin ta,kuma shine dalilin da yasa nayi saurin karɓar tayin matar saboda nima na ida manufata akanta,kamar dai ranar da ka ƙwace ta a hannuna!'ya ƙara sa faɗar maganar cikin fargaba,ji yake kamar Abdallah zai iya maimaita masa irin dukan da yayi masa ranar, wani ɗan huci Abdallah ya furzar batare da ya kuma cewa komai ba ya miƙe daga kan kujerar yana ƙoƙarin barin ɗakin,cikin saurin baki Sayyid yace"dan Allah tunda na gaya maka abinda kake so ka fitar dani daga nan gun!'Abdallah yace"da sauran lokaci daga haka ya ficewar sa ba tare da ya saurari surutan da Sayyid ɗin keyi ba.

Tunda ya fita Bintu tana ɗakinta bata leƙa ko ina ba saboda bata jin fita ko ina ga kuma addu'oin da malam ya bata su ta yini tana yi,ko inno tunda suka haɗu da safe bata kuma ganinta ba,sai dai innon tana leƙawa ɗakin Bintu dan tabbatar da lafiyar ta,sai bayan sallar azhar ne ta fito falon dan samun abinda zata sakawa cikin ta,tana fitowa taci karo da bayan matar da take shirin shiga part ɗin Alhaji Baba,ta cikin ƙofar dake falon inno,zubawa bayan matar ido tayi zuciyar ta na bugawa da sauri da sauri wacece wannan da ta shiga ɓangaren Alhaji Baba?wata zuciyar tace mata wacece take da ikon shiga idan ba inno ba,dafe ƙirjinta dake dukan tara-tara tayi,cikin sauri ta nufi ɗakin inno dan ganin ko tana cikin ɗakinta,sai dai abinda ya kuma tada hankalin Bintu sam bata ga inno a cikin ɗakin ta ba,hatta da toilet sai da ta duba amma bata ganta ba,kanta ta dafe,cikin tsinkewar zuciya tace"nashiga uku wacece wannan me irin takun matar nan da yanayin bayan ta, tabbas daga bayan matar nan ƙirar waccen shu'umar matar ta gani,to me hakan yake nufi?ji tayi kamar tabi matar sashen Alhaji Baba, Allah na roƙeka kar ka tabbatar min da abinda idanuwa na suke gani, Allah kar kasa zargi na ya zama gaskiya,haba inno anya kuwa zata iya aikata haka ta faɗa cikin yanayin ?tana son shiga falon Alhaji Baba Amma tana tsoron kar tayi mugun gani,wayar tace, ta fara haske alamar saƙo ya shigo, buɗe saƙon tayi tare da karantawa,Anty Nafisa ce take sanar da ita cewa gata nan zuwa yanzu da muhimmin saƙo gareta,kafin ma ta sauke idanun ta daga kan wayar taji ƙarar rawar falon tana ringin,hakan ne ya nuna mata ƙofar falon a rufe take,cikin jan jiki ta ƙara sa bakin ƙofar tare da cewa,waye?Anty Nafisa tace"nice Bintu buɗe min da sauri nasan inno bata nan saboda sai da na shiga ɓangaren Alhaji Baba na tabbatar tana can!'wani irin kakkauran miyau Bintu ta haɗiye wanda take taji bakinta ya gauraye da wani irin ɗaci, jikinta ya mutu murus, ta tabbata zarginta ne yake son tabbata,ke nan inno ce ta shiga falon Alhaji Baba, innalillahi'wa'inna'ilaihiraji'un,allahumma ajirni filmusi bati wakalifni khairan minha,abinda ta ambata kenan taji sauƙin abinda ya tokare mata a wuya,matsawa tayi Anty Nafisa ta shige ta mayar da ƙofar ta rufe,cikin sanyin jiki tamkar wadda bata da laka haka tabi Anty Nafisa zuwa cikin ɗakinta.

Ganin irin tafiyar da takeyi ne yasa Anty Nafisa janyo hannun ta tare da rufe ƙofar har da saka key,kana ta je ta zuge window ta ƙara gyara labulen window ɗin,dawowa tayi ta kama hannun Bintu dake tsaye tana binta da ido cike da mamakin ta ga kuma wan can Al'amarin da har yanzu bai sake taba,zaunar da ita tayi a can ƙarshen gadon tare da zama a kusa da ita, Bintu dai har yanzu kallo take binta dashi ta kasa ce mata uffan,kama hannun ta Anty Nafisa tayi cikin matuƙar tashin hankali da neman taimakon Bintun tace"Bintu nazo gareki ne dan nasanar dake abinda ban taɓa sanar da kowaba, kuma sirrin rayuwata wanda cigaba da rufuwar sane kaɗai garkuwata,Bintu asirina yana neman tonuwa a gurin wanda bana fatan har duniya ta naɗe yaji sirrin nan,kamar yadda kika gayamin Bintu nayi amfani da shawarar ki kuma na aikata hakan,sai dai a maimakon samun nasara faɗuwa ce ta zomin domin kuwa allura ce take son tono garma,tsaf ta gaya mata yadda sukayi da Abba Umar,ta ƙare da cewa wannan dalilin ne yasa naji dolene nazo na sanar miki abinda baki sani ba dan ki samo min mafita wadda zan samu na tsira da mutuncina da kuma dukiyar Umar!'shuru ta ɗanyi tana haɗiyar miyan da ya daskare a maƙoshin ta,ita kuwa Bintu har yanzu cigaba tayi da saka mata ido,yayin da takewa Allah godiya cikin ranta dan tasan tasirin addu'a ne ya kawo mata ƙarshen Nafisa dan tabbas da zarar ta bankaɗa abinda ta shuka da bakinta to ta gama da ita fallasa ta ba zai zamar mata aiki mai wuya ba, wannan shi ake kira da dana sani wanda kamar shi ta fara hangowa a idanun Nafisa,sai dai lokaci ya ƙure mata,don kuwa a yanzu dana sani ce ta zame mata ƙeya.

Kamar yadda kika sani sunana Nafisa ƴa ɗaya tilo a wajen Hajiya ladidi,shi yasa suke bala in sona,karma Hajiyata taji labari dan tafi Alhaji na ririta Ni da fifita soyayyar ta akaina,tun Alhaji na ganin gata ne take min har abin yazo ya fara damun sa,gashi Hajiyata bata jin maganar sa ko ɗaya,wan nan dalili ne yasa shi zuciya ya kaini makarantar kwana,

Wan nan shine ɗan gajeren tatihina, ba zan jaki da nisa ba a takai ce dai dalilin aurena da Umar inno ce dan Hajiyata ce ta fara kawo mata maganar a matsayin ta na ƙawarta, to dake Allah ya ƙaddara nice matar Umar dole haka ya aureni ba dan yana sona ba!'Bintu ina da matukar kishi na hauka san nan ina son Umar da arziƙin gidansu,shi yasa nake matuƙar kishinsa,a haka muka ja shekaru ba haihuwa bare ɓari,Ni kuma alokacin sai na fara jin tsoro kar Umar ya fara tunanin ƙara aure ko Hajiya Babba ta saka shi yayi aure tunda dama kamar bata karɓeni amatsayin suruka ba,wan nan dalili ne yasa nayi matuƙar sawa Umar ido fiye da yadda kike zato,a kwai wani aminin sa Sulaiman tunda mukayi aure da Umar da shi kaɗai nasan shi kuma nasan yana zuwa Yola wajen sa dan haka sai da nasa aka yimin bincike ko yana da ƙanne dan ina tsoron kar shima yace zai bashi ƙanwar sa ya aura tunda yanzu kowa neman inda zaiji daɗi yake, A lokacin sai akabani tabbacin cewa yana da ƙanwa guda ɗaya amma anyi mata aure,hakan ne yasa hankali na ya ɗan kwanta kaɗan amma kullum ina cikin fargabar kar Umar yaje ya gano ƴar kyakykyawar bafulata na ya auro min,dan haka kawai sai na ɗauki wani salo na sakawa Umar tsoron yin aure da fargaba azuciyar sa sai na dinga yawan mugayen kalamai da alwashi kala-kala akan kishiya,har agaban Sulaiman nasha rantsuwa duk ranar da Umar yayi min kishiya sai na kasheta sai dai nima akasheni, Bintu duk wan nan abinda nakeyi ashe a banza nakeyi,dan katsaham na fahimci yanayin zuwan Umar Yola ya canja yana zuwa duk weak end a maimakon duk sati biyu ko wata, san nan Sulaiman shima zuwan sa ya ragu ba kamar da ba, anan ne nayi hanzarin tashi tsaye da bincike.

"Hawayen da suka zubo mata tasa hannu ta share saboda tuno abin sai take ji tamkar yanzu yake faruwa,ta cigaba da cewa, bincike na ya tabbatar min da cewa,Umar aure yayi kuma ya ajiye matar a Yola,abinda ya kuma tayar min da hankali shine wai har ma matar tasa na ɗauke da ciki wanda zata iya aifuwar sa yau ko gobe,hankalina yayi matuƙar tashi saboda nayi mamakin yadda Umar ya shammace Ni har yayi aure yana shirin samun ɗa ko ƴa amma ban sani ba,sawa nayi a binciko min matar tasa ƴar wace mutane ce dan nasan irin matakin da zan ɗauka,amma amsar da aka dawo min da ita,ita ta kuma saka Ni cikin ruɗani wai ƙanwar Sulaiman ce,Ni da A kace min Sulaiman bashi da wata ƙanwa sai mai aure, to ina yasamo wata ƙanwar?ko dai sakota akayi ne?ƙarshe dai har da kaina saida nayi tattaki naje har cikin gidan Laila batare da tasan koni wacece ba, na kuma ganowa kaina tashin hankalin da ya hana Ni bacci ya hana zuciya ta sukuni ya hanani walwala cin abinci ya zama wahala agurina,saboda ganin turtsetsen cikin ta,tana rayuwa cikin ɗaula da jin daɗi, tunanin da ya fara faɗomin shine kawai nasa akashe Laila da ɗan uwanta harma da shegen cikin dake jikinta,tunanin hakan da nayi sai nayi ƙoƙarin kawar da abinda ke fuskata na barshi acan ƙasan raina yana cina,ban nunawa Umar ko mai ba,kamar yadda ya ɓoye min ban nuna masa na sani ba,sai dai kuma can gefe na koma nayi hayar haya killer waɗan da dama tun can mun daɗe dasu mutanen Hajiyata ne,su natura domin su kashe Laila da Sulaiman domin na tabbatar zaman sa a duniya bazaiyi min amfani ba,cikin daren suka bugo min waya cewa ai sun same ta da jaririya banyi wani tunani ba na basu umarnin sukashe su duka su ukun har jaririyar kar su bar kowa a raye,Bintu a cikin daren suka kuma kirana suka sanar dani sun kashe su duka dan haka na kwantar da hankalina,duk abinda nake yi inayin sa cikin taku dan alokacin ma ko ɗakin Umar banje ba ina ɗakina dan nasan da abinda na shirya.

Bintu tun daga wannan rana na samu salama a zuciyata da kwanciyar hankali, amma sai dai kash mijina shi ya fansheni da ninkin baninkin damuwar da nashiga, wallahi Bintu halin da Umar ya shiga alokacin har saida na fara dana sanin abinda na aikata saboda idan nace miki bana son Umar tabbas nayi ƙarya,tun daga lokacin yake ciwo a tsaitsaye damuwa ta rafkar dashi ta wannan sanadin ya haɗu da ciwuka kusan kala uku,

"A haka ne muka kwashi shekaru rabon dana ce miki Umar yayi dariya har na manta sai dai ban sani ba ko idan ya fita cikin ƴan uwan sa da iyayen sa,damuwar da yake ciki ita ta sani yawan damuwa akan abinda na aikata har inno da wasu da yawa suke tunanin ko damuwar rashin haihuwa ce na saka a raina,sai kawai na bari a hakan amma Ni a raina na san ba haka bane,ganin halin da nake cikine yasa Hajiyata tadamu ta tasani a gaba da cewa lallai sai na faɗa mata damuwata,banyi niya ko sha'awar gayawa wani sirrina ba,shi yasa kawai na canja labarin da ce mata,likitoci sun tabbatar min da cewa bazan taɓa haihuwa ba, Ni kuma shine nasa akayi masa asirin da bazai taɓa yin aure ba ko da yayi ma bazai taɓa haihuwa ba,kuma gashi hakan ya tabbata shi yasa nake nadama A yanzu ina ganin kamar zanje nasa a warware sihirin da nasa akayi masa!'alokacin Hajiya sai ta nuna min abinda nayi nayi daidai dan haka kar na sake na aikata abinda nake son aikatawa,idan dai har ba so nake asirina ya tonu ba,tayi min faɗan dan me ban gaya mata tuntuni mun san madafa ba, wallahi Bintu alokacin babu wan nan tunanin da burin a raina amma lokaci ɗaya Hajiyata ta ɗorani a hanya idanuna suka rufe ya zamana babu abinda nake nema sai dukiyar Umar ita kaɗai nake buƙata,dan kuwa tabbas huɗu bar mahaifiyata tayi tasiri a zuciyata fiye da yadda ita take zato,har ma sai burina yake son fin nata yawa,sai kuma gashi katsaham Allah ya kawoki,dan haka sai nayi amfani da wannan damar nayi duk abinda nayi ko nake kanyi,har zuwa yau dana baki labarin abinda Umar ya faɗa min wanda ban taɓa tunani ko zaton cewa Umar zai kawoni cikin zargin sa ba,dan ina da tabbacin cewa ban bar masa wata alama da zai iya gano abinda na aikata masa ba.

Ba zan iya kwatan ta muku takaici da tsanar da Bintu ta ƙara ninkawa Nafisa ba,wai yanzu wannan matar dake gabanta ita ce tayi sanadin rabuwar ta da iyayenta,itace tayi sanadin da mahaifiyar ta take can cikin halin da bata sani ba,ke nan Nafisa bata san inda mahaifiyar ta take ba?to idan hakane waye ya kuma kawo musu farmaki na biyu?kuma shi meye nasa dalilin?kuma taya akayi suka san Lailan?da kanta ta shiga ta shiga hasaso komai dake faruwa, tabbatas tana zargin mutum ɗaya ne yake aikata duk wan nan,a yanzu ta gano me wayar nan shine ya ɗauke mahaifin Abdallah kuma shine ya ɗauke nata mahaifan,kuma shine masarrafin wan can ɗakin,to amma me yasa yace,bai san inda mahaifiyar ta take ba,domin ta tabbatar shine ya kira wayar ta wan can ranar,to meye yake ɓoyewa ko yake aikatawa a wan can ɗakin? tabbas dole lokaci yayi da zata farmaki wan can ɗakin ko ta wane hali kawai dai fatan nasara take gurin Ubangiji.

Anty Nafisa bata katse mata tunanin taba har sai da taga dai Bintun dai bata da niyar dawowa cikin hankalinta,kana tayi magana a hankali tace"Bintu ya dai bakice ko mai ba!'sai alokacin Bintu ta kalli Anty Nafisa tare da ƙirƙiro murmushi tace"to ai ke nake jira ban ji ƙarshen ba tunda har yanzu ban san manufar kiba,shin kinyi na dama ne ko zaki ɗora daga inda kika tsaya!'tayi shuru tana jiran amsar da Anty Nafisa zata bata,cikin jan dogon numfashi tace"gaskiya Bintu da naso na haƙura ki nema min fafitar da zan samu na cigaba da rayuwata a gidan nan,sai kuma naga hakan ba zai taɓa yiwuwa ba,saboda duk daren daɗewa wata rana asirina zai tonu balle yanzu da Umar ya tabbatar min da cewa, sai ya nemo farin cikin sa a duk inda suke,dan haka shawarar da nayan ke kawai zansa akashe shi bakuma na buƙatar hannun ki a wannan karon,Ni da kaina zan sa su babe su kashe shi idan kuma zasuyi min kamar yadda sukayi min a baya to sai na kashe shi da kaina,ta faɗa tana miƙewa tsaye,Binta da wani irin kallo Bintu tayi,kana tace"kina ganin hakan shine dai-dai?kai tsaye ta bata amsa tare da ficewa daga ɗakin bata ƙara koda waiwayenta ba,

"A wannan karon dai Bintu ta aro jarumtar mijinta,dan kuwa sam bata shiga tashin hankali akan furucin Nafisa na kashe mata mahaifi ba,zuciyar ta ta tsaida guri ɗaya da kuma naiman taimakon Allah,ta ɗaga wayar ta da tun shigowar ta ɗakin ta saka recording ta naɗe duk maganganun Anty Nafisa,wanda take fata su zame mata hujja ko anan gaba,yanzu babu abinda idanunta ke tun kara da hasasowa sai ɗakin nan zuciyar ta nan kawai take hanƙoro ta ƙagu da son ganin abinda ake aikatawa a cikin wannan ɗakin,da wan nan ƙwarin gwiwar ta tashi ta fara abinda ya kamata dan ida kyakykyawan nufin ta a yau.

Tofa yau ake yin ta,muje nest page muji shin ko Bintu zatayi nasara a wan nan karon,shin daniyal zai ganowa ogah Abdallah gidan da su Hajjon suke,shin zargin Bintu zai tabbata akan inno kuwa,ina labarin Abigirl? Duk ku biyo NI domin dai anzo gun.... 💕 *KUDURAR ALLAH* 💕

*NA*

*FATIMA Y. ADAM*

_____________________________________*

*🌈🇰AINUWA 🇼RITER'S✍🏼* *🇦SSOCIATION🤝🏻* ```{United we stand and succeed;Our ambition is to entertain & motivate the mind of readers}``` ***

*_____________________________________*