69

💕 NUFIN ALLAH 💕 

      By

Anisa Muhammad Yahaya 

YOUNG TALENTED WRITERS ASSOCIATION YOTA

Page 6️⃣9️⃣

Faruq 

Kallon ta yake cike da so da kulawa, gaba ɗaya kunya ta rufe ta duk ta gaza sukuni 

'' To malam Romeo zaka iya taho wa mu tafi ko sai kun gama kallon love din tukuna, kun san dai muna da gurin zuwa'' Ya Usman ya faɗi bayan ya gama musu video 

Har bakin mota suka nufa tare, sanye yake da kayan da na sojoji dan daga nan event center zasu nufa, hannun shi cikin nata dan yaƙi sakar mata hannu duk yanda take son kwacewa, saida ya bude bayan motar ya saka ta sannan shima ya zagaya ya shiga 

----

Ahmad 

Tun suka fito ya nufi inda Nabila da Jalila da Leema suke,fuskar ta ya leƙa yana murmushi, yace

'' Finally yau sweet ta zama ta Ahmadu, alhamdulillah, kin san irin farin cikin da nake ji yau kuwa sweet?''

Ƙasa ta ƙara yi da kanta duk bakin rashin kunyar ya mutu, shima be takura mata ba yace su tafi, bin shi tayi suka shiga motar

Wani abokin Ya faruq haydar shine ya ja su Fareedah kuma ta shiga gaba, motar su Ya Ahmad ma abokin sa Muazzam ne shima ya ja su Hamza na zaune gefen sa a gaban seat

Leema da Jalila motar Ya Usman suka shiga, Jalila a gaba sai surutu take mai yana biye ta kaɗan kaɗan, daga karshe da ya gaji yace ta mai shiru ita ko taƙi yin shiru, aikam ya ƙyale tana ta zuba ita da su Yaya Saudat 

Abokan Ya Faruq ne suka haɗa mai military sword Arch (sword crossing), wani babban event center suka kama masu

Shigowar tasu gwanin sha'awa, sojojin sun ɗaga takubba wajen su ishirin goma a gefe ɗaya ɗayan gefen ma haka sun haɗa takubban sama yanda Amarya da Ango zasu iya bi ta ciki,

A haka suka ratso mutanen Aalima da ashraf na biye dasu a baya kowanne a cikin su ɗauke da ɗan tray 

Kan stage suka tsaya suka juyo suna facing juna, kanta ta sunkuyar ƙasa tsabar kunya ga idanun tarin mutane a kansu sai hoto ake musu, suma su ashraf karasowa suka yi suka tsaya suna facing ɗin su

Cewa akayi ta ɗauka bagde din dake cikin tray din hannun Aalima ta maƙala mai a jikin rigar, haka ta kai hannu a hankali ta ɗauka, ta matso kusa dashi, gaba ɗaya tsawon nata kanta bai wuci kafaɗun sa ba, ta maƙala mai, kallon ta yayi ya ƙara sakar mata murmushi, ita kuma ta ɗan sunkuya tayi baya kaɗan a hankali,

Cewa akayi ta ƙara ɗaukar hular sa ta saka mai na cikin trayn dake hannun Ashraf, shima ɗauka tayi tayi yanda aka ce, duk da takalmi ne me tsini a ƙafar ta saida ta ɗan yi ɗage tukuna kafin ta saka mai hular, dariya ya mata ganin saida tayi ɗage, ita kuma ta cuno baki gaba 

Tana gama sa mai ya yi attention ya mata salute, sannan yayi matching har inda ogan su yake yayi saluting nashi( gaisuwar ban girma) shima tashi yayi sannan ya jinjina mai, inda take ya koma wanda har lokacin bata motsa ba yayi crossing hannun sa yanda zata iya zura hannunta ta tsakankanin hannun nashi suka taho tare har wajen zaman su

Event yayi armashi sosai da sosai 

-----

Can su Ahmad ne a gefe shida tashi amaryar gaba ɗaya kamar ma basu san abinda ake yi a wajen ba, ya tusa ta a gaba sai magana yake mata a hankali, ita kuwa ta sadda kanta ƙasa ta kasa maida martanin maganganun nashi dan tsabar kunyar da yake bata, tayi saurin sa tafukan hannunta ta rufe fuskar ta, murmushin kan fuskar ta da nashi kuwa ba'a magana 

----

A bangaren Ya Usman kuwa zama yayi ya zuba wa Jalila dake ta mai surutu ido daga ''uhm'' sai ''uhm uhm'' yake amsa mata dashi da ta gaji kuwa ta tashi tace ta tafi yiwa amarya da ango hoto

'' To ina ɗayan couples ɗin'' neme neme ta fara yi na su Ahmad aikan ta hange su can suna shan love, daga inda take tayi zooming din sun tana musu video, ta juya ta ma su Yah Umar ma

Tana cikin yi wani ya taso daga kujerar dake can kusa da su Ahmad yace

'' assalamualaikum warahmatullah Barkan ranki ya daɗe''

Kallon sa tayi yar murmushin dake fuskar ta na yayewa tace 

'' waalaikum mussalam warahmatullah wabarakatuhu yauwa barka''

'' gani nayi tun daga nesa kina mun hoto yasa nace bara in zo in ga wani kalan hoto wannan gimbiyar da ta sace ruhi da gangar jikina take yi''

'' Allah sarki, to ya kamata kam tayi saurin maida maka da wannan gangan jikin dan bata buƙatar na sata, tana da halastaccen ta a kusa beyi nisa ba, matar wani ce so zaka iya tafiya''

Ya Usman ya faɗa cike da kishi dan tun da ya taso ya zo wajen ta yaji zuciyarsa tayi wani irin doka wa shiyasa da sauri ya ƙaraso wajen 

Kallon shi tayi cike da mamaki amman bata iya cewa komai ba, shima wancan ƴan matan ƙafafuwansa yaja ganin ba wani nau'i na wasa a fuskar Ya Usman, '' Allah ya sa ban riga nayi wani shirmen sosai ba, maybe shima sojan ne yamun ɗauka ɗaya'' ya faɗa a zuciyar sa

Yana tafiya ya juyo rai a haɗe yace. '' meye meaning na abinda kika yi''. Kallon shi tayi tana cuno baki tace 

'' to Yah ne me nayi zaka na mun faɗa kuma ka wani korar mun mutum, ko kai ne kamun mijin ban sani ba oho''

Kallon ta yayi gaba ɗaya faɗar da yake niyyar farawa duk ta zagwanye saboda yanda take mai shagwaba. '' baki san ma me kika yi ba ko, ai an riga da an miki mijin ne shiyasa'' ya faɗa da sanyayyar murya 

'' ni banida wani miji''

'' kina da shi mana, ni waye a tsaye a gaban ki'' 

Fuska ta rufe dan kunya tace 

'' ka cika surutu da yawa'' tayi saurin barin gurin

Gemun sa ya shafa yayi wani miskilin murmushi, 

-----

'' ah ah Saudat, kwana da yawa nafi kusan 5years rabon da na ganki''. Ya Jamal da basu wani daɗe da zuwa ba shi da su Momma ya tambaye Yaya Saudat da take ta faman zuba a waya

'' Ya Jamal yaushe ka dawo?? Ban yi tunanin ganin ka ba kwata kwata'' 

'' tare muke da Momma, kin ƙara girma ba kamar yanda na san ki ba'' 

Murmushin kunya tayi bata iya cewa komai ba yace

'' bani contact ɗin ki mana sister mu ringa gaisawa''

Jama'a kamar dai kowa ya kama dahir, mu haɗu s next page 

 karku manta kuyi following ɗina a arewapen for more updates 🥹🥰🙏🙏🙏🙏🙏🙏 🙏🙏 

______________________

By

Anisa Muhammad Yahaya 🌺 

***