ZAREN ƘADDARA

Sample · Page 1

ZAREN ƘADDARA.......... ...... BA YA TSINKEWA. Mhîz Âbêjôôh PAID BOOK Free Page 1. Wani ƙaramin Chemist ne da ke gefen hanyar da ta ratsa layin, tazarar da ke tsakanin sa da hanya bai wuce mita irin biyar din nan ba haka, a kan wata ƙaramar katanga da ke gaban shagon wacce ba ta fi ɗori uku na bulo ba samari ne da adadin su ya kai biyar, sai kuma ƴan mata masu talle da suka tsaya suna sa'insa da samarin, mafi yawan samarin sun kasance abokan mai Chemist ɗin, ko kuma dai ƴan unguwa da ke zuwa wurin don fira a kowanne yammaci. Tuni rana ta fara yin sanyi, sassanyar iskar yammaci tuni ta fara kaɗawa wacce ta yalwata a wurin, sakamakon isassun bishiyoyi da ke can wani lambu da ke gefe da unguwar, baya ga haka unguwar ta kasance mai yalwar bishiyu, sai dai wurin shine mafi daɗin zama, wata kila ma shi ya sa samari su ka nacewa zaman wurin. Zaune ta ke a saman teburin da ke cikin Chemist ɗi , wanda ya zama mazauni na mara sa lafiya da su ka zo a duba su, , sai kuma wasu mata biyu daga can gefe waɗanda su ka zo su ka tarar a wurin, sai dai da alamu sai an fara sallamar su, tukun wata kila don likitan abokin wanda ya ke shirin zama mijin ta ne nan da wani lokaci. Sai dai ita a wannan karan ba wai rashin lafiya ce ta kawo ta ba, a'a, sun zo ne tare da masoyin ta don yin gwajin aure sakamakon saura sati guda kacal a sha bikin su. Tuni, har an ɗibi duka sample ɗin da ake da buƙata, jini da kuma fitsari yanzu abinda kawai ya rage shine jiran sakamako, wanda a wannan lokaci ne ta samu damar afkawa duniyar tunani. "Shin yanzu ya lamarin zai kasance idan aka samu cewa wanin mu yana da matsala?" Tambayar da ta fara zuwa ran ta kenan, sai kuma ta bawa kanta amsa a Cikin zuciyar ta ta cewa "Ga me da ita, ta san ba bu wata matsala, kai ko da ace za'a yi gwajin Genotype ne ita tuni ta san na ta kuma AA ne, don haka ba bu wata matsala ko shi SS ne da shi" sauran matsaloli ma tana fatan ba za'a samu ko ɗaya ba. Murmushi ta yi yayinda ta ji a ranta cewa ko da ma an samu matsalar, ta na fatan cewa ba za ta taɓa guje masa ba, son da ta ke yi masa ya wuce yadda ita kan ta ta ke tsammani, don haka ba ta jin da akwai abinda zai dakatar da wannan auren na su, in dai daga ɓangaren ta ne, sai dai duk wannan tunanin da ta ke yi, ba ta taɓa kawowa cewa za'a samu matsala a tare da ita ba, ita ta na ji cewa komai lafiya ƙalau ta ke. Sai dai rashin sani ya fi dare duhu in ji hausawa, tabbas da ace ta san me ke wurin wakana a rayuwar ta wanda masominsa zai fara ne daga wannan lokaci da ba ta samu damar tsayawa wannan tunanin ba, tabbas da ba ma ta yarda an yi wannan gwajin da ake gaf da kamma...

Continue reading free chapter