MAKAUNIYAR HANYA

Sample · DAGA KALLO D'AYA

NAGARTA WRITERS ASSOCIATIONMAKAUNIYAR HANYA......Daga alk'alamin AyshnurpyarWannan labarin ban yi shi dan cin fuska ga wani ko wata ba, idan har yazo dai-dai da rayuwar ki/ka akasi aka samu. Ina rokon Allah yanda na fara lafiya yasa na gama sa lafiya. Allah yabani ikon rubuta abinda yake alkhairi.Dedicated to my mentor Lubabatu Sani MaitafsirJinjina ta musamman ga Meemi Bashir (queen)              Page (1)   DAGA KALLO D'AYA...!TWO MONTHS EARLIERSassanyar yammaci ne mai d'auke da iskar damina, yanayin iskar garin cike yake da ni'imar dake sanya nutsuwa a zukatan mutane musamman wad'an da suka kasance masoya.Amma a bangaren ta akasin hakan ne ya kasance, duk da dad'i da yanayin da garin yake ciki, tafe take tana jimami cikin zuciyarta.'Wannan wace irin rayuwa ce haka ta same ni! Ace ba kada 'yancin zama bisa inuwar wani?'Sai ta fashe da kuka mai tsuma zuciya.A wasu 'yan shekaru baya kad'an da suka shud'e, tana d'aukar kanta cikin jerin Mata masu tsananin nasara da cikakken sa'a a rayuwa, amma sai gashi lokaci guda d'aya tak! Ya zamo sanadin sauya saitin agogon rayuwarta gaba d'aya.Lokacin da yafi komai tsada a gareta. Ya janyo sanadin kasancewarta tamkar mujiya, musamman wajen mutanen da watanni kad'an baya suke d'aukarta a matsayin wata fitila wacce zata zamo mai haska birnin zukatan su!.K'uuuuuuuu.. ..... K'arar birkin daya taka ne da k'arfin tsiya, gami da horn shine yayi sanadiyar dawo da Zuciyarta daga kogin tunanin da ta kasance ciki dak'ik'u kad'an baya, wanda suke barazanar aikawa da ita garin da ba a dawowa.Sai dai Koda ta farka daga duniyar tunanin data fad'a hakan bai sanya ta iya k'ara ko da taku d'aya ne daga inda take tsaye, wanda zai iya kai rayuwarta ga matsera.Cikin izza ya fito daga motar tasa, ganin matashiyar yarinyar da a kallon sura na zahiri ba tayi kama da mai tab'in hankali ba, amma gata akan tsakiyar hanya tana tafiya, ba tare da tayi duba ga gudun fad'ama ababen hawan dake ta zirga-zirga bisa kan hanyar ba."Baiwar Allah lafiyar ki kuwa kike tafiya bisa tsakiyar titi ba kya gani sosai ne!?"Kyawawan fararen idanunwanta ne suka samar wa kansu masauk'i cikin nasa idanun, wanda nan take hakan yayi sanadiyar kunna wani hasken wuta cikin zuciyar natsattsen matashin saurayin dake tsaye gabanta."Tsarki ya tabbata ga ubangijin da yayi wannan kayakkyawar halittar".Bai san maganar tasa a fili yayi ba, gabaki d'aya zuciyarsa ta shagaltu ga kallon kyakkyawan yarinyar dake tsaye gabansa. Da alamu shima ya shafa'a da cewa a tsakiyar hanya suke.Wani k'arar horn din ne ya sake karad'e kunnuwansu, sai dai a wannan karon da alama masu tab'in hankalin su biyu ne bisa tsakiyar titi.Ganin ba ta da wata alama ta motsawa daga inda take tsaye, yasa shi janyo ta daga kan hanyar.Hak'uri ya koma yana bawa mut...

Continue reading free chapter