SAFARA A TAƁO

Sample · 001

SAFARA A TAƁO  FATIMA MUHAMMAD GURIN  *GUREENJOH* *ADABI WRITERS ASSOCIATION* *PAID BOOK* *TSOKACI* Wannan littafi nawa mai suna SAFARA A TAƁO zai taɓo fannin da muke ganin ba komai bane, a wannan tafiya za mu fahimci Soyayya ba murmushi kadai ba ce; jarabawa ce, aure kuma ibada ne, sannan rayuwa darasi ne daga Allah. *GARGAƊI* haƙƙin mallakar SAFARA A TAƁO na Fatima Muhammad Gurin ne. Ban amince ba ban lamunci a sauya min labari ko ta wani ɓangare ba ko a yi amfani da shi ba tare da sani ko izini na ba. *001* SHIMFIƊA Shi aure sunnah ne mai girma na manzonmu annabin rahama annabi Muhammad (S.A.W). ya yi mana nuni da cewa zai yi matuƙar alfahari da hayayyafarmu ta hanyar aure a ranar gobe ƙiyama, sannan aure ibada ce sai dai kuma ba dole ba ce! don ka yi aure ba shi zai saya maka tikitin shiga aljannah ba kuma ba shi zai saya maka na wuta ba illah iyaka ya zama tsani wurin ƙaruwan ladar da zai iya kai ka zuwa aljannah ko ma halaka da zai iya jefa ka zuwa wuta. Manufar aure da cikarsa shine zancen ubangiji na samun soyayya da natsuwa ta yadda za'a gina addini a kuma taimaki juna ta yadda za a yi rayuwa ta addini kuma a ji daaɗin duniya, kenan dole dai a samu ƙauna da tausayi a aure saboda ana tsufa ne tausayi na maye gurbin wannan ƙauna da aka gina tun farko.  Numfashi mai matuƙar nauyi ta furzar tana sake damƙe sitiyarin motar dake hannunta inda ta ƙara ƙarfin gudun giyar da 30 tana tsula uban gudu a shimfiɗaɗɗen titin na birnin legas, ba za ta ce maganganun Momma ba su sosa mata rai ba sai dai ta riga ta yanke wa kanta hukuncin cewa babu kalar maganar da za'a yi mata ya mayar da ita ruwa a cigaba da gara ta tamkar taya, ba za ta taɓa yin aure ba a wannan duniyar, babu kuma kalar baƙar magana ko shaguɓe da zai tunzura ta zuwa ga MAZA, Me yasa ake auren? ai don kar a yi zina ne to ba za ta yi zina ba don haka ba za ta yi auren ba, dalilin tsanar aurenta ya sa ta zauna ta samu cikakken ilimi kan littafin 'Al'ulamul uzzab Allazina afdhalul ilmu alal zawaj' ta karanta cewa malamai ne har talatin da bakwai da duk sun koma ga mahallaci ba tare da sun yi aure ba ciki har da mafiya shahara a fagen ilimi irin su Imamun nawawi da ibn taimiyya. Da wannan ta kafa hujja ta jingine kalmar aure bare soyayya, babu abin da ta tsana a yanzu haka kaman 'Maza!' Har ta kai ga mahaifinta ma ta ƙauracewa idanunshi kaman yadda ta shafe sama da shekaru biyu ba tare da ta sanya shi a idanunta ko ta ji muryarshi ba. Ta tsine wa kalmar So' don guba ne da ta sha shi ya illata ta, ta yarda ɗari bisa ɗari cewa duk wata hidima da za'a yi wa so ba ya taɓa bin ka da alkhairi sai dai ya saka maka da sharri...So bashi da kama ba shi da sabo, bukata ce kawai ta ɗan adam saboda babu so idan babu dalili. Dalili kuwa daidai yake da buƙata a duk sadda wannan buƙata ...

Continue reading free chapter