FreeArewaPen original
TATSUNIYOYI
- 1views
- 9chapters
- 0audios
- words
- 0likes
Share:
The story
Synopsis
No synopsis yet.
About the author
It's Aisha G Umar 🌹𝑍𝑎ℎ𝑟𝑎-𝑡𝑢𝑙-𝑄𝑎𝑙𝑎𝑚🖋️ Muslimah🧕🏻 Hausa Writer✍🏼
Sample · Epi-one KOGIN ASIRI☠
*TATSUNIYA*By: _*🌹𝑍𝑎ℎ𝑟𝑎-𝑡𝑢𝑙-𝑄𝑎𝑙𝑎𝑚🖋️*_* 🌑🔥 KOGIN ASIRI*Episode 1: Kira daga Ruwa.Akwai wani ƙauye da ake kira Garin Tsauni, ƙauye ne mai natsuwa, amma mutane suna rayuwa da tsoron da ba a faɗa da baki.A bayan ƙauyen nan, akwai wani kogi. Ba kogi irin na kowa ba. Ana kiransa da suna:KOGIN ASIRI.Ba a wasa da sunansa.Ba a kusantar sa da dare.Ba a ambaton sa da dariya.Amma ana iya zuwa har à ɗibi ruwa da rana. Tsofaffin ƙauyen suna cewa.“Kogin nan yana da rai.”Amma wasu matasa suna yi wa maganar dariya.🌒Mustapha saurayi ne mai jarumta, amma mai raina labaran tsoro.Yana da ’yar’uwarsa guda ɗaya, Sumayyah, wadda take da zuciya mai tsabta, amma tana yawan mafarkai masu ban tsoro.A daren wata Juma’a, Sumayyah ta tashi daga barci tana kuka. Mustapha ya zo yana tambayartta me ya faru?“Yaya… na ga Kogin Asiri a mafarki..".Da mamaki Mustapha ya dubeta, sai kuma ya ce.“Kogi fa? Mafarki ne kawai.”Amma Sumayyah ta girgiza kai, jikinta na rawa.“Ba mafarki ba ne… kogin yana kirana.”Mustapha bai ɗauki maganar da muhimmanci ba.🌑Washe gari da yamma. Sumayyah ta fita ɗebo ruwa a wannan Kogin ba wanda ya sani. Amma bayan ta je ba ta dawo ba. An yi nemanta ko’ina.Ba sawunta.Ba murya.Ba alama.Har dare ya yi. Sai wani tsoho ya ce a hankali.“Kun duba bakin Kogin Asiri?”Nan take shiru ya ratsa mutane. Mahaifiyar Sumayyah ta fasa kuka ta ce.“A ah 'yata Sumayyah ba ta can. Kada ku ce tana can, yanzu ya zanyi?!”.Mustapha ya ce zai je dubata, amma Mahaifiyarsa ta ce. “A ah Kar ka je, Kogin Asiri ba Kogi Kawai ba ne! A duba wani wurin za a ganta".Amma Mustapha ya ɗauki fitila, zuciyarsa cike da tsoro da fushi.“Zan je!”🌊Da ya isa bakin Kogin Asiri, iska ta tsaya. Ruwan kogin yana motsi… ba kamar ruwa ba, kamar yana numfashi.Sai Mustapha ya ji murya…Ba daga bayan sa ba.Ba daga gaba ba.Daga cikin ruwan.“Mustaphaaa…”Jikinsa ya yi sanyi. Fitilar ta yi rawa a hannunsa.“Ka zo…”Ruwan kogin ya fara yin jujjuyawa. Sai ya hango wani abu ya tashi daga saman ruwa… Kamar hannun Sumayyah. Mustapha ya yi ihu.“SUMAYYAH!”Sai murya ta amsa masa da dariya à hankali.“Abin da ya shiga kogin… Ba ya fita daidai!!”.Sai fitilar ta mutu. Duhu ya mamaye komai.🌘A cikin duhun, Mustapha ya fahimci abu ɗaya.’Yar’uwarsa ba ta ɓace ba. An ɗauke ta. Kuma kogin ne. yana son wani abu a madadinta._Me ya sa kogin ya ɗauki Sumayyah?__Me yake nema daga Mustapha?__Shin kogin Asiri labari ne… ko gaskiya mai rai?_Like, comment and share fisabilillah 🙏🏻
Contents
Table of contents
Preview every chapter, see what is free, and continue reading when you join ArewaPen.
chapters9
premium0
Continue in the ArewaPen app
Unlock offline reading, audio mode, and sync your bookmarks instantly.
