WATA AL'UMMA

Sample · PAGE 01

*🌹WATA AL'UMMA🌹*© Ameenatou I Ibrahim           Nanameera. TSOKACI:WATA AL’UMMA labari ne da ke buɗe ƙofa zuwa duniyar da mutane da yawa ke kallonta daga nesa, ba tare da fahimtar cikinta ba.Labari ne da ke haɗa soyayya, juriya, biyayya ga al’ada, da gwagwarmayar da ke tasowa lokacin da canjin zamani ya fara kutsawa cikin tsohuwar rayuwa.A tsakanin riƙe asali da fuskantar sabuwa, wane zaɓi al’umma za ta yi?   Da sunan Allah mai rahama mai jin ƙai. *PAGE 01* Tsaunin Koma, Ɗaya daga cikin Ƙabilun da ke Adamawa maso yamma. ****Matasa ne guda uku, Sanye da kayan sojoji, Farar riga da kuma wandon uniform. Sai hulunan pcap wanda suka ɗora akan su. Fuskokin su a rufe suke da takunkumi, Yana yin yanda suke tafiya zai tabbatar da gajiyar da suka yi. Domin wata irin tafiya suke kamar basu da niyyar yin gaba. Ɗaya daga cikin su ya ja tunga ya tsaya yana sauke wahallalen numfashi lokaci guda kuma yana ƙoƙarin sauke ƙatuwar jakar da ke bayansa. Su kuwa ragowar biyun tsayawa suka yi suna kallon sa. Ya ƙarasa ajiye jakar kan busasshiyar ciyawar da ke wajen. “Mene hakan ke nufi?”Ɗaya daga cikin su ya magantu cikin harshen turanci. Bai bashi amsa ba, Sai daga dara-daran idanun sa da ya yi yana ƙarewa sararin samaniya kallo. Sama ta fara yin ja wanda ke alamta cewa yammaci ta riga da ta gabato. Ga kuma bakan gizo wanda ya fara cika sararin samaniyar, Ya ja lumsassun idanun sa ya rufe yana jin wata irin gajiya na saukar masa. “Major yamma na sake yi fa. Ya kamata ace mun yi sauri mun bar wajen nan” Cewar Sudais da ke gefensa.Sai a sannan wanda ya kira da Major ɗin ya kalle shi. Irin kallon ƙasan idon nan, Kamar ba zai magana ba can kuma ya numfasa cikin wata irin murya mai cike da nutsuwa ya ce“Muje.”Daga haka ya ɗauki jakarsa ya mai da bayansa sannan ya ci gaba da tafiya ba tare da ya sake kallon su ba. Ya kalli ɗan uwan tafiyar tasu wanda tun ɗazu bai ce komai ba ya ce“Let's go”Jinjina masa kai kawai ya yi sannan ya ci gaba da tafiya a hankali. Basu wani jima suna tafiya ba gari ya fara yin duhu wanda ke nuna lokacin sallar magriba ya yi. Tsayawa ya sake yi wanda ya sanya su ma suka dakata da tafiyar suna kallon sa. “Ya kamata mu samu wajen da zamu yi sallah, Mu ci abinci sai mu ƙarasa.”Ya ƙare maganar yana kallon su. Suma kallon na sa suke, Ɗayan da tun da aka fara tafiyar bai ce komai ba ya ce. “Sir kalli ka ga”Ya ƙare maganar yana nuni da hannunsa. Kallon inda ya nuna ɗin suka yi gaba ɗayan su, Hayaƙi ne ke tashi daga can saman wani dogon tsauni mai matuƙar tsayi da duwatsu. Major ya ɗan ƙanƙance idanun sa yana sake kallon hayaƙin. Ɗan murmushi ne ya suɓuce masa ta cikin takunkumin sa a ransa ya ce“Alhamdu Lillah. At least na samu na ci abinci” “Mr foodie. Ba ma ka yi sall...

Continue reading free chapter