ZAWAJUL MUWADDA

Sample · Chapter 1

*ZAWAJUL MUWADDA*Daga alƙalamin _Sarat Alƙasum (Mom Nusaiba)__(Labarin Sidra)_*JARUMAI WRITER'S ASSOCIATION**بسم الله الرحمن الرحيم*Ban yarda wani ko wata su juya mini labari ba tare da izina ba a kiyaye, wannan haƙƙin mallakata ne ⚠️_Wannan littafi sadaukarwa ne ga duk wacce take cikin halin maraici, kuma ta tsinci kanta a irin wannan yanayin da Sidra da ɗan'uwanta suka fuskanta_Littafin na kuɗi ne only N500, idan kin shirya ki neme ni a number ta *** +966577675904 *MABUƊI* 1️⃣Tafiya take a hankali tamkar kazar da kwai ya bashewa a ciki, yarinya ce ƙarama ƴar shekara 14, kayan da ke jikinta sun yi datti sosai musamman ɗan ƙaramin hijabin kanta da yake a yage daga baya, kallo ɗaya za ka mata ka gane tsananin gajiyar da ta yi. Tsayawa ta yi tana waigen bayan ta sai kuma ta sunkuya ta ɗora hannayenta a kan gwiwowinta tana sauke ajiyar zuciya, fara ce tas kyakkyawar gaske, tana da dogon hanci haɗi da ɗan ƙaramin bakinta daidai misali, gashin kanta baƙi siɗik wanda ya zubo har kusan gadon bayanta daga baya, tana da fararen idanu dara-dara waɗanda suka kasance tamkar na mai jin bacci in ta kalle ka, doguwa ce amma ba sosai ba, tana da zubin halitta mai ɗaukar hankali domin zubin manyan mata gareta ƴar duma-duma , idan ba juyowa ta yi ba ko ka kalli tufafin jikinta sai ka rantse irin matan nan ne 'yan gayu waɗanda boko ya ratsa su. Gaba ta yi za ta kifa ta yi saurin buɗe idanuwanta ta miƙe, takalminta da ya cire ta kalla ta yi raurau da ido tamkar za ta fashe da kuka, cire su ta yi ta riƙe a hannu ta layi kamar wadda ta yi mankas ta ci gaba da tafiya. “Anty Sidra.”Cak ta tsaya jin an kira sunanta amma ba ta juyo ba, wani yaro ne yake bin ta da gudu ƙafarsa ko takalmi babu. A hankali ta juyo ta ƙura mishi ido kamar mai son gano wani abu, har ya ƙaraso gaban ta ba ta daina mishi kallon ƙurulla ba, 'yar dariya ya yi yana goge majina da gefen rigar jikinsa sannan ya ce “Ga gari nan da suga mu samo ruwa mu jiƙa kafin mu isa School ɗin.” Ya faɗa yana miƙa mata ledar, amsa ta yi ta buɗe ta ga garin kaɗan ne da ɗan ƙullin suga, ɗago kai ta yi ta dube shi cikin sanyayyiyar murya ta fara tambayar shi.“Safwan wa ya ba ka gari?”Dariya ya yi ya kama hannunta ya soma ja bai ba ta amsa ba, ba ta musa mishi ba ta bi shi kamar raƙumi da akala suka ci gaba da tafiya.Kallon ɗan ƙaramin ƙanen nata take wanda duka shekarunsa 11 wasu lokutan tana jin ina ma Allah zai ba ta dama a daidai wannan lokacin da ta inganta rayuwarsa, hawaye masu ɗumi suka zubo mata ta sa hannu ta goge da sauri dan kar ya gani.Sai da suka isa jikin wani wani gida Safwan ya saki hannunta ya ce “To bari naje wajen maman Ummi ta zuba mana ruwa sai mu taho tare da Ummin.”Kafin ma ta amsa mishi ya shige da sauri yana kwaɗa sallama tun kafin ma ya isa ciki, nannauyar ajiyar zuciya ta sauke ta yi baya z...

Continue reading free chapter