TUDUN ADAMA

Sample · 1: Kafar fara

Gudu takeyi tana tsallake tudu da kware tana shan kwana tana kallon baya. Tana neman tserema abinda ke binta. Ta daka tsalle ta noke tsakanin wasu duwatsu ta boye.Ta kalla gefen hagu ba komai, gefen dama ba komai, gabanta ba alaman wani abu. Tayi shiri ta fizga a guje seji tayi an biyota a haukace. Aiko ta kara wuta.Can ta haye wani dutse ta diro kan kafafunta guda shida. Kaifin idanunta ya hango mata tudunsu, ta kara kallon baya ta arta a guje. Tana gudu ana binta can ta hau kan wani ganye tayi amfanida kaifin hannunta ta yanke wani igiyan dake daure da ganyen tayi tsalle ta diro daga ganyen.Ganyen yayi sama ya mazge abinda ke binta ya watse a kasa, ta kalla baya ta tuntsire da dariya ta dira bakin tudunsu rikeda kafan abin.Tudun adama tudun kiyashine bakake dake rayuwa a nahiyar afrika ta gabas kusada wani katon bushiyan dake cikin wani dankararen gidan gona. Tudun me girmane da dogayen ramukanda yabi ta ko'ina ta cikin tudun.Ga ma'aikata nata aikin kara ramuka, ga wasu kiyasan sunyi layi daukeda abinci suna kaiwa dakin tara abinci. Sojoji nata aikinsu na gadi, wasu suna horo.Adeela ta wuce su rikeda kafan fara tana tafiya tana fadi da takama. Dama ta sata kafa ta fitane don samun kafan faran. Ba aiki bane me sauki don an samo kafanne daga fara me rai.Abin shine, adeela nada wani buri a rayuwarta na son ganin ta zama sarauniyar tudunsu. Amma se gashi Allah yasa a lebura ta fito.Kowane kwaro in aka haihoshi ana zabanshine a turashi inda ya dace a fadin tudun a bisaga kiran jiki. Akwai sarauniya, tafi kowa girman jiki, aikinta shine haihuwa da rarraba kwari zuwaga inda ya dace dasuyi aiki a tudun.Sojoji kuma suna bada kariya daga makiya da kuma mahara. Se leburori wanda aikinsu shine nemo abinci, wasu na kulada kananan kwari, wasuna gyara tudun inya burme.Se mazan sarauniya masu mata ciki. Suna gama saduwa da ita suke mutuwa, ita kuma tayita kulada cikin har haihuwarsu. Tana kai shekaru tana haihuwa har se inta tsufa sannan a nada wata sarauniyar.Sarauniyar tudun adama ta tsufa kuma anata shirye shiryen nada wata a muliki. Adeela so take ta shiga takaran shiyasa take satan jiki ta fita zuwa samo kafan fara.Seda tabar jan kasa ta nufa gonan hatsi sannan ta fara ganin fara a wurin. Jan kasan inda aka ajiye kasane don shuka a garden, gonan hatsi kuma shukan masarace da akayi a gefen gidan gonan. Adeela ta boye don kuwa faran cinsu sukeyi muddin suka kyallara ido suka gansu.Ta lallaba seta hango wani fara kusada inda take buya ya shafa'a yanata cin ganyen hatsi. Tabi ta bayanshi ta daga hannunta me kaifi tana kalle kalle tana zagayen wurin kada ayi mata bazata.Daga hannunta keda wuya se kawai ya juyo a firgice. Gaban adeela ya fadi. Shekanan yau ta mutu. Duk burinta ya narke yabi ruwa in wannan faran ya cimmata. Ta juya ta balla a guje, aiko yace dawa Al...

Continue reading free chapter