FreeArewaPen original
SAHURA 💖
- 1views
- 15chapters
- 0audios
- words
- 0likes
Share:
The story
Synopsis
No synopsis yet.
About the author
Writer
Sample · 1
*_Wannan labari kirkirarre ne, banyi dan muzanta rayuwa wani ba. Idan ya dace rayuwar ka, akasi aka samu._*✏️✏️✏️BISMILLAHIR RAHMANIR RAHIMDukkan godiya da yabo marasa iyaka sun tabbata ga Allah mahaliccin kowa da komai, tsira da amincin Allah su kara jaddada ga Annabi MUHAMMAD(SAW).*Page 0️⃣1️⃣*Kwance take a kofar daki tana kyarma saboda tsananin sanyin da akeyi, Faruk ne ya shigo bayan ya dawo daga sallar asuba, tashin tayayi ta hanyar kiran sunan ta Sahura Sahura ya zaki kwanta anan? A firgice ta ta tashi tayi zaton ko Umma ta fito, a guje ta shige kitchen domin duba ruwan zafin da Umman tace ta dora mata. Tana shiga taga ruwan zafin ya kusa konewa saura kadan, a sauri ta debi wani ruwan ta zuba a tukunyar."Sahura maza ki kawo min ruwan kuma ki dora girkin abincin karin kumallo." Muryar Umma ce take bawa Sahura umarni daga cikin daki, yayin da gaban Sahura ya yanke ya fadi. "Na shiga uku wayyo Allah ya zanyi?" ta fada a zuciyar ta sannan tace, "To Umma."Shiru shiru Umma bata ga an kawo mata ruwa ba, sai ta tashi ta biyo baya, tana shiga kitchen ta ga ruwa ko dumi bai yi ba sosai. Kallon Sahura tayi wacce tayi mutuwar tsaye saboda tsananin tsoro, sannan tace, "Ya ya naga haka?" Kafin Sahura ta buda bakinta wanda ya nauyaye mata tuni Umma ta falla mata wani irin gigitaccen mari, sannan ta fada ta da fada, "Dan iskanci da rashin mutumci tun yaushe na tashe ki, shine saboda ke yar iska ce zaki zo ki zauna? Wato ba'a isa a saki aiki ba kenan, lallai wuyanki ya isa yanka."Sahura kuncin ta ta dafe hannuwa bibiyu tana kuka tana bawa Umma hakuri, "Dan Allah kiyi hakuri Umma wallahi ba zan sake ba, kiyi hakuri." Wannan ai iskanci ne, to bari shi din da ya jajibo mana masifar ya dawo, zan fada masa kin renani kince ban isa na saki aiki ba."Sahura yarinya ce yar limamin shekaru sha - biyar zuwa sha - shida (15-16), ta rasa iyayen ta ne a sanadiyar harin ta'addancin da 'yan tada kayar baya suke kaiwa kauyuka wanda ya rutsa da kauyen su. Lokacin Sahura bata wuce shekara sha - biyu (12) ba.Dalilin haka yasa wan mahaifiyar ta ya dauko ta wajen sa a nan birni. Wan mahaifiyar ta yana da mace daya sunanta Umma Saratu, suna da 'ya'ya guda uku, maza biyu Faruk shine babba sai Salim me binsa sai kuma yar autar su mace ana kiranta Hafsat wacce ta kasance sa'a ce ga Sahura, amma Sahura ta tsere mata da shekara daya.Kasancewar Sahura a birni a wannan gida tamkar zama ne a kurkuku, irin ukubar da take fuskanta gara zaman ta na kauye sau dubu. Kaddarar rayuwa ce kawai ta fada mata. A wasu lokutan ma har fata takan yi dama ace ita ma ta mutu, tabi iyayen nata da watakila yafi mata wannan bakar da ake gallaza mata ba tare da tayi wani laifi na.
Contents
Table of contents
Preview every chapter, see what is free, and continue reading when you join ArewaPen.
chapters15
premium0
Continue in the ArewaPen app
Unlock offline reading, audio mode, and sync your bookmarks instantly.
