FreeArewaPen original
MIJIN MACE ƊAYA PART ONE
- 1views
- 22chapters
- 0audios
- words
- 0likes
Share:
The story
Synopsis
No synopsis yet.
About the author
Am very simple with simplistic mind you will know that if you come closer to me
Sample · Chapter 1
MIJIN MACE ƊAYA da alƙalamin Ummulkhair Abba Muhammad.Waiii! Waiii! Tirkashi! Wannan alƙalamin ya zo da zafinsa readers, labari ne da ke ɗauke da mabanbantan al'amura masu rikitarwa, akwai Zazzafar kishi daga jin sunan ma za ka fahimta, saboda Zazzafar kishinta ne ma take ƙiran mijinta da MIJIN MACE ƊAYA, ba shi da wata mata a duniya bayan ita. Babbar magana! Tabɗijam! In ji masu magana, 'Yar da ta raina a hannunta kwatsam! Rana tsaka ta kamu da son mijinta kuma ta yi alwashin sai ta ƙaryata wannan furucin nata ta aure shi. Hakan zai yi wu kuwa? Biyo alkalamina don samun amsa. Lallai lamarin akwai ƙura! Sannan Lallai akwai dambarwa! Haka kuma labarin na cike da ban tausayi da zai saka zub da ƙwalla na wasu ma'aurata da suke yi wa juna soyayya da ya zarce na Romeo and Juliet amma hasabibiyar surkuwa uwar miji ta sako su gaba. Labarin na ɗauke da ƙalubalen rayuwa iri-iri , haɗe da zazzafar ƙaddara, tare da wani irin salon soyayya mai tsayawa a rai. A pecial kind awaits u in this novel. Don't missed it, nema ka karanta a manhajar Arewabooks. MIJIN MACE ƊAYA PART 1MAIDUGURI (Unguwar GRA-) Katafaren gida ne wanda kallo ɗaya za ka yi wa gidan za ka fahimci mamallakin gidan mai hannu da shuni. Tsarin ginin irin gidajen zamani ne da ake yayinsu a yanzu, sai ka shiga cikin gidan za ka san an narkar da biliyoyin naira wajen tsantsara shi.Kwance take a tankamemen royal Italian bed ɗin ta, kallo ɗaya idan ka yi mata za ka fahimci tana cikin hutu ga jin daɗi. Wayarta ƙirar iPhone 13 Pro Max ce ta fara ringing murmushi ta yi haɗe da sumbatar wayar don ganin number wanda ya yi kiran. Cikin siririyar muryarta mai daɗin sauraro ta ce, "Amincin Allah ya tabbata gare ka mijin mace ɗaya nawa, one in a million." Numfashi ya sauke, "Amin my heart beat. Amincin Allah ya tabbata tare da ke.""Mijin mace ɗaya na yi missing naka fa sosai. I miss your hugs and kisses." Ta faɗa a shagwaɓe kamar yana gabanta. Fuskarsa cike da murmushi ya ce, "Hasken idaniyata, na fi ki damuwa nisa da juna da muka yi, tunaninki ne ma ya sanya ni ɗaukar waya na ce bari na ƙira na ji zazzakar muryar mai sanyaya zuciya." Lumshe ido ta yi, cikin kasalalliyar murya ta ce, "Lallai kullum zuciyoyinmu a haɗe da juna suke, ni ma nan ina kwance ina cikin tsaka da begenka. My husband irin son da nake maka anya za a samu macen da take wa wani ɗa namiji irin nawa. Soyayyata gare ka da Allah ya halicce ta daban take da kowacce irin soyayya da Allah ya halitta a doron duniya. Soyayya ɗaya ce kaɗai zan aminta ya zarta nawa soyayyar Manzon Allah Sallallahu alaihi Wasallama da yake mana da wanda muke masa. My dear you are the most important person in my life."Murmushi ya yi, " Na gode my wife, your caring words touch the deepest part of ...
Contents
Table of contents
Preview every chapter, see what is free, and continue reading when you join ArewaPen.
chapters22
premium0
Continue in the ArewaPen app
Unlock offline reading, audio mode, and sync your bookmarks instantly.
