RAMIN ƘARYA...

Sample · Chapter 1

💫 *RAMIN ƘARYAR....* 💫          Story & writing                      By Mrs Muttala (Amanar cool)            *YOUNG TALENT*     *WRITER'S ASSOCIATION*                20/5/2025Alhamdulillah yanda na fara lafiya Allah yaba ni ikon kammala shi lafiyaIyayena abin so da ƙaunata, Allah ya ƙara muku lafiya da nisan kwana mai albarka.🙏Ina miƙo gaisuwar ban girma da jinjina a gareki Auntyna Aysharcool kuma uwar ɗakina, ke ɗin ta da bance a wurina, Allah ya saka miki da mafificin alkhairi, ya biya miki dukkan buƙatunki na duniya da lahira, ina godiya sosai da irin gudunmuwar da ki ke ba ni, tabbas da bazarki ce na ke taka rawa,💃 Allah ya ƙara ɗaukaka, wannan littafin sadaukarwa ne a gareki we love you so much.😍Aunty Sarauta ina godiya sosai da shawarwari, Allah ya saka miki da mafificin alkhairi ya ƙara ɗaukaka.🙏بسم الله الر حمن الر حيمFree book✍️Page 1&2_____Misalin ƙarfe sha ɗaya na dare, sawun mutane ya fara ɗaukewa, kowa ya fara neman wurin da zai adana ransa da sama wa gangar jikinsa nutsuwa. A yayin da wasu lokacin ne, suke gudanar da harkokinsu.Madaidaiciyar harabar asibiti ce, ɗauke da ababen hawa, na ma'aikata da wasu daga cikin majinyata. Tsirari daga cikin majinyata, na kai wa na komowa a harabar asibitin.Daga wata baranda kuwa, wasu mutane ne a tsaye, cirko-cirko fuskokinsu ɗauke da yanayi na damuwa, su na ta kai wa suna komowa a ƙofar wani ɗaki, da aka sanya alamar ba wanda yake shiga, sai iya ma'aikatan wurin.Sannu a hankali take tunkarar ɗakin, gabanta na tsananta faɗuwa, tare da tunani a kan hukuncin da ta yanke, amma wata zuciyar ta ci gaba da bata ƙwarin gwiwa, da jin ba wani abu. Martabar fararen kayan jikin matar, ya sanya mutanen da suke tsaye a ƙofar ɗakin, suka fara yi mata sannu da aiki.Cikin sakin fuska ta amasa musu da "Yauwwa sannunku, amma dan Allah ko zaku koma barandar ƙasa, ba ma buƙatar kowa a ƙofar wurin nan, idan muka kammala, zamu yi muku magana in sha Allah, sai ku zo ku gansu" Cikin girmamawa suka ce, "To babu laifi, bari mu je" gaba ɗaya suka sauka, ya kasance babu kowa a wurin, ta saki ajiyar zuciya da jin, komai zai zo mata da sauƙi............Dare mahutar bawa, a lokacin da galibin halittu su ka shige makwancinsu, domin samawa ruhi da gangar jikinsu nutsuwa, ita kuma a lokacin bacci ya ƙaurace wa idanunta, balle ta samu wannan nutsuwar da hutu ga gangar jiki da ruhinta. Ƙwaƙwalwarta ta shiga karakainar tunanin halin da take ciki, da neman mafita.Ƙarfe biyu ne da rabi na dare, da ta kalli agogon ɗakin, ta hasken fitilar da ya shigo ta taga.Gaba ɗaya duniyar ta fita daga ranta, wace irin masifa ce haka take ciki?Tashi zaune tayi, ...

Continue reading free chapter